Fréttablaðið - 21.02.2004, Blaðsíða 29

LAUGARDAGUR 21. febrúar 2004 29
Kvikmyndin Along Came Polly var frumsýnd hér á landi í gær. Ben Stiller þykir af mörgum bera myndina uppi, enda er hann þar í bana-
stuði sem hinn stífi og formlegi Reuben Feffer.
Ástfanginn af Polly
Reuben Feffer hefur aldrei tek-ið mikla áhættu í lífinu og ef
einhver er með áhættu á hreinu,
þá er það hann. Feffer starfar
nefnilega við það að meta áhætt-
una sem fylgir því að tryggja
hugsanlega stóra viðskiptavini
tryggingafyrirtækis og hann hef-
ur vanist því að ráðast ætíð á
garðinn þar sem hann er lægstur
og lágmarka hættuna eins mikið
og unnt er.
Hann kvænist að því er virðist
traustri konu og kaupir hús fyrir
sig og hana til þess að búa í um
aldur og ævi. En svo fer allt úr-
skeiðis með ófyrirsjáanlegum
hætti og atburðarásin fer af stað –
atburðarás sem leiðir til þess að
hinn áhættufælni Feffer verður
hrifinn af Polly Prince, afslapp-
aðri hippastúlku í Brooklyn sem
tekur lífinu með ró og planar
aldrei lengra en klukkutíma í
einu. Úr því spinnst kostulegt ást-
arsamband.
Nýjasta mynd Stillers
Þetta er í stuttu máli söguþráð-
urinn í myndinni Along Came Polly,
sem frumsýnd var hér á landi í gær.
Óhætt er að kalla myndina nýjustu
mynd Bens Stiller þó svo að hann sé
hvorki leikstjóri né handritshöfund-
ur, heldur John Hamburg, því Still-
er þykir af mörgum nánast eigna
sér myndina með kostulegum leik í
hlutverki hins stífa Feffers. Þar
með er Stiller kominn með enn eina
rósina í hnappagat sitt, því óhætt er
að segja að hann hafi eignast fjöl-
marga aðdáendur á sviði gaman-
leiks allt frá því að hann sló í gegn í
hlutverki sínu sem Ted Stroehmann
í myndinni There's Something
About Mary um árið.
Ekki spillir heldur fyrir frammi-
stöðu Stillers að í myndinni nýtur
hann öflugs stuðnings Jennifer Ani-
ston, sem fer með öllu hógværari en
engu að síður skemmtilega rullu
sem Polly Prince, og ekki síður Phil-
ips Seymours Hoffmans, sem hér
birtist enn á ný sem slepjulegur
óforbetranlegur tapari, líkt og hann
hefur áður leikið í myndum eins og
Boogie Nights.
Fæddur í New York
En maðurinn sem málið snýst
um að þessu sinni, Ben Stiller,
er fæddur í New York árið 1965.
Hann kemur af leikarafjöl-
skyldu, sonur leikarans Jerry
Stiller sem meðal annars hefur
leikið föður George Costanza í
Seinfeld-þáttunum. Ben steig
raunar ein af sínum fyrstu
skrefum í kvikmyndum þegar
hann lék ásamt allri fjölskyld-
unni – þar á meðal föðurnum,
móðurinni Ann Meare og systur
sinni Amy – í b-myndinni High-
way to Hell árið 1990.
Fyrsta hlutverkið var þó í
mynd Stevens Spielberg, Emp-
ire of the Sun, árið 1988. Það
sama ár skrifaði hann einnig og
leikstýrði gamanmynd sem
gerði grín að Tom Cruise og bar
heitið The Hustler of Money,
sem leiddi til þess að Stiller
fékk að koma fram í hinum vin-
sælu sjónvarpsþáttum Saturday
Night Live. Hann staldraði ekki
lengi við þar. Honum bauðst að
setja upp sinn eigin grínþátt á
MTV-sjónvarpsstöðinni, sem
hann gerði, og bar hann nafnið
Ben Stiller Show. Þrátt fyrir
vinsældir var sá sjónvarps-
þáttur ekki lengi á öldum ljós-
vakans. Óhætt er að segja að
ferill Stillers hafi legið upp á við
ætíð síðan.
gs@frettabladid.is
KOSTULEGT PAR
Ben Stiller fer á kostum í myndinni sem hinn stífi Reuben Feffer. Hann verður ástfanginn
af Polly Prince, sem leikin er af Jennifer Aniston. Feffer reynir á einum tímapunkti að
dansa við hana salsa með heldur slökum árangri.
BESTI VINURINN
Philip Seymour Hoffman er á kunnugleg-
um slóðum sem hinn slepjulegi vinur
Reuben Feffer og sýnir grátbroslega takta.
BRUGÐIÐ Á LEIK
Helga Steffensen og Helga E. Jónsdóttir
stjórna brúðum og leika í Pápi veit hvað
hann syngur.
Leikbrúðuland í Iðnó:
Brúðuleik-
hús fyrir
börnin
Leikbrúðuland frumsýnir tvoleikþætti í Iðnó á Vetrardögum
í Reykjavík í dag. Leikþættirnir
heita Flibbinn og Pápi veit hvað
hann syngur, og eru unnir upp úr
sögum H.C. Andersen.
Flibbinn fjallar um Flibba, sem
er í eigu herramanns á fyrri hlutu
síðustu aldar. Hann er ákaflega
sjálfhælinn og ánægður með sig
en þrátt fyrir allt mjög einmana
og reynir hvað hann getur til að
eignast kærustu.
Flibbinn kemst í hann krappan
í viðureign sinni við straujárn og
skæri. Hann lendir í endurvinnsl-
unni og endar sem pappír sem
börnin teikna myndir á.
Pápi veit hvað hann syngur
fjallar um fátæk en lífsglöð hjón
sem þykir afskaplega vænt um
hvort annað. Pápi, sem er hinn
mesti einfeldningur, lendir í mikl-
um ævintýrum þegar hann fer á
markaðinn til að selja hest sinn.
Boðskapur leikritsins er sá að lífs-
hamingja felst ekki í eignum held-
ur í lífsgleðinni og kærleikanum.
Örn Árnason er leikstjóri en
Helga Steffensen og Helga E.
Jónsdóttir stjórna brúðum og
leika. Helga Steffensen gerir
brúður í Pápi veit hvað hann syng-
ur en Ernar Guðmarsdóttir í
Flibbanum. ■