Fréttablaðið - 22.02.2004, Síða 13
Eru ljóskur lukkulegri?
„Rannsóknin sýndi svart á hvítu
að konur telja, sem betur fer
enn, að ljóskur lifi fjörugra kyn-
lífi en brúnhærðar konur. Hins
vegar telja konur jafnframt að
brúnetturnar, ef svo má að orði
komast, séu líklegri til að eiga í
farsælum samböndum sem og
hjónaböndum. Af þessu má
draga þá ályktun að ljóskur séu
sterkari í hlutverki gálunnar.
Hin dökkhærða kona hefur
ímynd hinnar greindu, traustu og
veraldarvönu konu. Niðurstaðan
er sumsé að ljóskur eru líklegri
til að stunda gott kynlíf, giftast
til fjár og vera farsælar í
skemmtanaiðnaðinum. Þær hafa
ímynd æskuljómans en slíkt þyk-
ir ekki endilega jákvætt, enda
mörg heimskupörin sem ungar
stúlkur fremja. Dökkhærðar kyn-
systur þeirra þykja hins vegar
farsælli í starfi og meira en
helmingur kvennanna sagðist að-
spurður einfaldlega telja dökk-
hærðar konur traustari.
Þetta veit Madonna, þó hún sjái
ekki ástæðu til að deila þessu
með ungum aðdáendum sínum.
Ljóskan Madonna var sannar-
lega ekki alltaf á beinu braut-
inni. Sú dökkhærða er hins vegar
ráðsett og meira að segja gift
Breta. Ljóshærð gaf hún út eró-
tískar smábækur, dökkhærð gef-
ur hún út barnabækur.
Sarah Jessica Parker eignaðist
ekki frumburð sinn fyrr en lokk-
arnir urðu dökkir. Christina
Aguilera sækist nú eftir rólegu
og traustu lífi enda hefur stúlkan
litað hár sitt kolbikarsvart.
Dökkhærð hefur hún boðið fram
sættir við erkióvin sinn Britney
Spears. Britney hins vegar, ljós
sem aldrei fyrr, hefur nýverið lát-
ið ógilda örstutt hjónaband sitt
og er að festast í hlutverki létt-
úðardrósarinnar. Britney á að
auki í stríði við Bakkus.
[...]
Miskunnarlaust er vegið að
ljóskum en vitaskuld er skýring-
in fyrst og síðast öfundin. Gætum
að því.“
ÞORBJÖRG SIGRÍÐUR GUNNLAUGSDÓTTIR
Á DEIGLAN.COM
Ísland og Túvalú?
„Það var dálítið kyndug umfjöll-
un í Speglinum í gær í tilefni af
því að Ísland hyggst nú taka upp
stjórnmálasamband við næstum
öll ríki heims, þar á meðal Vanú-
atú og Túvalú. en nöfn þeirra
þóttu minna mjög á Stuðmanna-
lagið Búkalú.
[...]
„Okkur þykir vænt um Ísland,
ekki vegna þess að það sé besta
land í heimi, með besta bjórinn,
lakkrísinn, sterkustu konurnar og
fallegustu karlmennina (eða var
það hinsegin?). Heldur vegna
þess að það er okkar heimili og
þess vegna eigum við ekki að
lasta það og lítilsvirða. Um leið
ættum við að venja okkur af þeim
ósið að tala niður til annarra
þjóða sem eiga það sameiginlegt
með okkur að vera ósköp venju-
legar og lítilsverðar og þó um leið
stórmerkilegar og einstakar.“
ÁRMANN JAKOBSSON Á MURINN.IS
■ Af Netinu
13SUNNUDAGUR 22. febrúar 2004
Nú liggur fyrir ríkisstjórnar-frumvarp um fullnustu refs-
ingar. Frumvarpið felur ekki í sér
neina stefnubreytingu í fangelsis-
málum heldur er markmiðið að lög-
festa gildandi reglur og skerpa á
þeim. Ýmis umdeild ákvæði í frum-
varpinu hafa verið rædd, s.s. varð-
andi líkamsrannsóknir á gestum.
Meta þarf leiðir
Ég tel rétt að fara fordómalaust
og rækilega yfir árangur núverandi
stefnu í fangelsismálum. Það er full
þörf á að þjóðfélagsfræðingar og
afbrotafræðingar meti hvaða leiðir
skili bestum árangri í baráttunni
gegn glæpum. Í athyglisverðri bók
eftir m.a. bandarískan prófessor
Eric Baumer og Helga Gunnlaugs-
son dósent, sem kom út í febrúar
2001, heitir Ítrekunartíðni afbrota á
Íslandi og byggir á rannsókn
fjögurra fræðimanna á afturhvarfi
brotamanna til afbrota eftir refs-
ingu, kemur fram að á Íslandi er
gott tækifæri til rannsókna á þessu
sviði, þar sem að öllum gögnum er
haldið vel til haga hjá lögreglu og
Fangelsismálastofnun. Ég tel rétt
að nýta þessi gögn sem allra best til
að refsilöggjöfin verði árangursrík.
Glæpir valda fjárhagstjóni
Staðreyndin er sú að fangar fara
út í þjóðfélagið á ný og því skiptir
miklu máli að fara yfir hvaða þætt-
ir auka eða draga úr líkum á ítrek-
un afbrota eftir afplánun refsingar.
Glæpir valda þjóðfélaginu miklu
fjárhagstjóni, persónulegum hörm-
ungum og svo kostar vistun fanga
hundruð milljóna árlega. Áður-
nefnd rannsókn á afturhvarfi
brotamanna til afbrota eftir að
refsingu lýkur sýnir því miður að
talsverðar líkur eru á að þeir sem
hafa afplánað dóm séu dæmdir á
ný. Í rannsókninni kemur fram að
rúmur þriðjungur þeirra sem luku
afplánun hafði hlotið dóm á ný inn-
an fimm ára. Einnig er athyglisvert
að yngri afbrotamenn virðast lík-
legri en eldri til að vera dæmdir á
ný en auðvitað verður að skoða með
öllum ráðum hvernig rjúfa megi
vítahring afbrota og fangavistar.
Eflaust má skýra þetta háa hlut-
fall með ýmsum hætti, s.s. með fíkn
og að menn ráða illa við lífið utan
fangelsis. Það er viss hætta á að
menn samsami sig stofnuninni sem
þeir eru vistaðir á í langan tíma og
eigi erfitt eftir afplánun að komast
út úr því fangahlutverkinu þegar
komið er út í þjóðfélagið á ný.
Leita þarf svara
Ég tel skynsamlegt að leita
svara við eftirfarandi spurningum:
1. Eru fangar sem vistaðir eru á
Kvíabryggju síður líklegir til að
brjóta á ný af sér en þeir sem eru
vistaðir á Litla-Hrauni? Ef svarið
er já er skynsamlegt að reisa fleiri
minni fangelsi með svipuðu sniði og
á Kvíabryggju. Það ætti að skoða
það úrræði fyrir yngri fanga sem
eru að fara í sína fyrstu afplánun.
2. Er mögulegt að koma á bættri
meðferð fyrir vímuefnaneytendur í
fangelsum?
3. Minnkar aukin menntun fanga
á meðan á afplánun stendur líkur á
að fangar brjóti af sér á ný?
4. Minnkar aukin vinna í fang-
elsum líkur á að fangar brjóti af sér
á ný?
Áríðandi er að fá svör við þess-
um spurningum áður en hægt er að
taka faglega afstöðu til árangurs-
ríkrar lagasetningar í fangelsismál-
um og baráttunni gegn glæpum.
Málefnaleg umræða þarf að fara
fram um þennan mikilvæga mála-
flokk sem fangelsismál eru, með
þátttöku almennings jafnt sem
sérfræðinga. ■
Þeir koma út aftur Umræðan
SIGURJÓN
ÞÓRÐARSON
■ alþingismaður
Frjálslynda flokksins
skrifar um
fangelsismál.