Fréttablaðið - 09.05.2004, Blaðsíða 6

6 9. maí 2004 SUNNUDAGURVeistusvarið?
1Sænskur tónlistarmaður hélt tónleikaá Broadway á föstudag. Hvað heitir
hann?
2Hvað heitir spænski framherjinn semhefur verið í láni hjá franska knatt-
spyrnuliðinu Mónakó?
3Hver er stjórnarformaður Árvakurs,útgáfufélags Morgunblaðsins?
Svörin eru á bls. 34
Höfðaborg þrýstir á Skagstrending að starfsmenn séu
búsettir í sveitarfélaginu:
Eðlileg krafa að fólk
flytji búferlum
SJÓMENN Höfðahreppur á Skaga-
strönd leggur á það áherslu að
launahátt fólk, þá sérstaklega sjó-
menn, sem vinni hjá fyrirtækjum
bæjarins og búi utan sveitarfélags-
ins, flytji til staðarins. Magnús B.
Jónsson, sveitarstjóri Höfðahrepps,
segir það eðlilegt vilji þeir halda
bænum í byggð.
Magnús segir sveitarfélagið gera
þá kröfu að þeir sem þar búi hafi
forgang um vinnu. Sé sú regla höfð
að leiðarljósi leiði það til þess að
þeir sem ekki eru á staðnum fái ekki
vinnu nema þeir flytji þangað.
Magnús segir sveitarfélagið ekki
reka einangrunarstefnu því þar
vinni einnig fólk sem búi annars
staðar. Launahá störf séu sveitarfé-
laginu hins vegar verðmæt og því sé
reynt að verja þau. „Skagstrending-
ur er eina stóra fyrirtækið á staðn-
um. Ef þessi regla væri ekki höfð í
heiðri mætti segja að íbúum í þorpi
sem þessu, með sex hundruð íbúa,
myndi fækka í tvö til þrjú hundruð á
nokkrum árum.“
Hólmgeir Jónsson, fram-
kvæmdastjóri Sjómannasambands
Íslands, segir bagalegt að menn séu
skikkaðir til að flytja lögheimili sín.
„Við höfum reynt að fara í mála-
ferli út af þessu en það virðist
vera lítið hægt að gera.“ ■
Hamingjubros og lit-
skrúðugt regnblóm
Eftir hranalegt kuldakast síðustu daga lét veturinn formlega af embætti
í gær þegar sumarblíða lék við íbúa suðvesturhornsins. Borgarbúar
brugðu sér í sumarfötin enda afburða indælt veður.
SUMARBLÍÐA Sumarið kom sumar-
daginn fyrsta samkvæmt alm-
anakinu en í eiginlegri og yl-
hýrri merkingu á suðvestur-
hornið í gær eftir kuldakastið
undanfarna daga. Í höfuðborg-
inni kyssti sólin hörund íbúanna
milli þess sem kærkomin ský
kældu loftið eitt augnablik. Iða-
grænn Laugardalurinn trekkti
að enda freistandi sumarsýning
í Laugardalshöllinni um helgina;
„Sumarið 2004“.
Þar var margt um manninn
og indælt að veðrið skyldi vera í
takt við tilefnið. Innan sem utan
hallarinnar var gleði og glaum-
ur; sprenghlægileg skemmtiat-
riði og allar kynslóðir að
skemmta sér við að skoða allt
frá húsbílum til tjaldvagna,
sumarbústöðum til garðhús-
gagna, grindverk og hellulagnir,
útigrill og búálfa, að ógleymd-
um senuþjófi sýningarinnar
sem er litskrúðugt, stærðarinn-
ar regnblóm sem sér um að úða
garðinn í mestu sumarþurrkun-
um.
Í miðbæ Reykjavíkur höfðu
veitingamenn dregið fram sól-
stóla og gestir snæddu létt-
klæddir rjómatertu og mola-
kaffi undir berum himni. Á and-
litum allra mátti sjá bros og
gleði yfir því að vera til.
Veðurspáin í dag gerir ráð
fyrir hægri austlægri átt, skýj-
uðu og súld norðan- og austan-
lands, en skýjuðu með köflum
og þurru að kalla annars staðar.
Hiti allt að 13 stig sunnan- og
suðvestanlands. ■
KJÖTBORÐ
Dreifing og framleiðsla saltkjöts hefur verið
stöðvuð hjá sumum framleiðendum. Tekið
skal fram að myndin tengist ekki greininni.
Nítrit í salkjöti langt yfir
leyfilegum mörkum:
Dreifing
stöðvuð
MATVÆLI Magn nítrits var langt
yfir leyfilegum mörkum í meiri-
hluta sýna sem tekin voru í ný-
legu eftirlitsverkefni Umhverf-
isstofnunar á saltkjöti sem hér
er á markaði. Hafa þeir fram-
leiðendur saltkjöts sem greind-
ust með efnið yfir hámörkum
stöðvað dreifingu á viðkomandi
vörum og verið er að endur-
skoða framleiðsluferlið í heild
sinni.
Tekin voru tæplega fimmtíu
sýni í eftirlitsverkefninu sem
framkvæmt var á fimm heil-
brigðissvæðum víðs vegar um
landið. Í sautján sýnum af tutt-
ugu og átta reyndist nítritmagn
verulega yfir mörkum sam-
kvæmt reglugerðum þar um.
Hefur heilbigðiseftirlitum á við-
komandi stöðum verið falið að
fylgja málinu eftir og taka fleiri
sýni á næstu mánuðum.
Nítrit er öflugt rotvarnarefni
gegn bakteríum sé það notað í
miklu magni en kannanir sýna
að efnið getur haft alvarleg
áhrif á heilsufar manna til
lengri tíma litið. ■
www.sveit.is s: 570 2790
ævintýraheimur
2. - 16. september, fararstjóri Kristín Sörladóttir
3. - 17. september, fararstjóri Magnús Björnsson
Verð 258.000 kr. á mann í tvíbýli. Allt innifalið!!
Nánari upplýsingar í síma 570 2790 eða á www.sveit.is
K Y N N T U Þ É R S É R F E R Ð I R F E R Ð A Þ J Ó N U S T U B Æ N D A
Ferðakynning
KÖ
H
ÖN
N
U
N
/P
M
C

Hótel Sögu
þriðjud. 11. maí kl. 20
Farfuglar:
Flestir komnir
DÝRALÍF Flestir farfuglar sem
hingað sækja yfir sumartímann
eru nú komnir til landsins sam-
kvæmt skrán-
ingum fuglaat-
hugunarmanna
hjá Náttúru-
fræðistofnun
Íslands. Súlan
kom að venju
fyrst allra í
byrjun janúar
og sílamáfur og
s k ú m u r
skömmu síðar.
Heiðlóan sást svo seint í mars en
mörgum þykir hún hinn eini sanni
vorboði Íslands. ■
Siglufjörður:
Uppgræðsla
snjóflóða-
varnargarða
TILBOÐ Alls bárust fjögur tilboð í
uppgræðslu snjóflóðavarnargarða
á Siglufirði en Ríkiskaup sáu um út-
boð verksins fyrir hönd Fram-
kvæmdasýslu ríkisins og Siglu-
fjarðarkaupstaðar. Hljóðaði kostn-
aðaráætlun upp á 62 milljónir
króna en lægstbjóðandi bauð 46
milljónir í verkið. Voru þrjú af fjór-
um tilboðum undir kostnaðaráætl-
un en áætlað er að verkinu verði að
fullu lokið í september 2007. ■
UFSI
Útgerðarfélagið Skagstrendingur stóð nýverið í málaferlum vegna vélstjóra sem sagt var
upp störfum hjá fyrirtækinu. Ástæðan var að sögn vélstjórans sú að kona hans vildi ekki
flytja með þrjú börn þeirra hjóna til bæjarins. Fyrirtækið var sýknað.
FARFUGLARNIR
Langflestir eru nú
komnir til sumar-
dvalar á Íslandi.
SUMARIÐ KOMIÐ
Í góða veðrinu í gær kusu margir að skoða sumarsýninguna í Laugardalshöll og í almenn-
ingsgörðum borgarinnar mátti sjá börn og fullorðna flatmaga í grasinu og leika með bolta
og frisbídiska. Veitingamenn buðu til borðs á götum úti.