Fréttablaðið - 09.05.2004, Blaðsíða 35
SUNNUDAGUR 9. maí 2004
Íslandsmeistari Íslandsmeistara:
Sækist eftir viðurkenningu
Fjölnir Þorgeirsson er einn þekktasti keppnismaður Íslands. Hann hefur hampaðÍslandsmeistaratitlum í fleiri íþróttagreinum en nokkur annar, þar á meðal í sjó-
manni, snóker, kvartmílu og fjallahjólabruni.
„Ég held að keppni sé kannski svolítil geðveila. Ég hugsa að fólk sé oft að sækj-
ast eftir viðurkenningu, bæði frá sjálfu sér og öðrum,“ segir Fjölnir. „Svo byrjar
keppnin að verða spenna og spennufíklar fá mikið kikk út úr því.“
Fjölnir man eftir fyrstu keppninni sem hann tók þátt í. „Það var hjólreiðakeppni
sem ég tók þátt í árið 1980 og þá var ég níu ára. Þá fékk ég lánaðan hundrað kall hjá
pabba og tók þátt í hjólreiðakeppni sem ég svo vann á gömlu torfæruhjóli. Svo kom
ég heim með medalíu og fékk viðurkenningu fjölskyldunnar.“
Fjölnir er lesblindur og segist fyrir vikið hafa reynt að tileinka sér það sem hann
er góður í – íþróttir. „Ég hef verið svolítið öfgafullur í þessum keppnum en ég átti
eldri bróður sem var mikill keppnismaður og ég var alltaf að reyna ná athygli hans
og fá viðurkenningu. Þegar hann dó fór ég að keppa í þeim greinum sem hann hafði
verið í, bæði til að halda uppi heiðri hans og til að sanna að ég gæti líka gert þetta,“
segir Fjölnir. ■
Eydís Eir Björnsdóttir sigraði fyrir nokkru í blautbolskeppni sem útvarpsstöðin X-iðstóð fyrir. Eydís Eir er mikil keppnismanneskja. Hefur keppt í sundi og varð á sín-
um tíma Íslandsmeistari í handbolta með Gróttu/KR. Hún segist samt ekki vera tapsár.
„Ég hefði samt orðið brjáluð ef ég hefði tapað í blautbolskeppninni,“ segir sigurvegar-
inn hlæjandi og bætir við. „Og ég er ekki að grínast. Ég hefði tryllst.“
Eydís Eir segist keppa til að sanna sig fyrir sjálfri sér. Hún segir að vinkonur henn-
ar hafi þrýst á sig til að taka þátt í keppninni og hún hafi látið til leiðast. „Ég ákvað að
taka þátt í keppninni enda voru vinir mínir búnir að segja að ég myndi rúlla henni upp,“
segir Eydís Eir sem ákvað í kjölfarið að kasta sér í djúpu laugina af fullum krafti. „Það
er samt ekki erfitt að taka þátt í svona keppni. Ég held að maður verði bara að vera svo-
lítið villtur.“
Eydís Eir segist hafa fundið fyrir miklum fordómum eftir að hún tók þátt í keppninni.
„Það eru alltaf einhverjir fordómar og ég hef fengið að heyra það frá mörgum. En mér
er alveg sama hvað fólk segir – þetta er eitthvað sem það verður að gera upp við sjálft
sig,“ segir Eydís Eir, sigurvegari í blautbolskeppni X-sins. ■
Í BLAUTUM BOL
Eydís Eir hefði orðið brjáluð ef hún hefði
tapað í blautbolskeppninni. „Og ég er ekki
að grínast,“ segir hún. „Ég hefði tryllst.“
Sigurvegari í blautbolskeppni:
Vill sanna sig
KEPPNISMAÐUR
Fjölnir er einn
þekktasti keppnis-
maður Íslands og
segir keppni vera
eins konar geðveilu.