Fréttablaðið - 09.05.2004, Blaðsíða 34

22 9. maí 2004 SUNNUDAGUR





     ! "!  #!$%&' '(





   
 

  )
*
+
*



    ! 

 #  $%& "
 



,( & *((*(-'(!.
///!$%&' '(
Það er manninum eðlislægt aðkeppa og það skiptir í raun
ekki máli í hverju keppnin er
fólgin. Keppni tekur á sig hinar
ýmsu myndir og er að finna á
flestum vígstöðvum manna; í
vinnunni, heima fyrir, í félags-
starfi og svo mætti lengi telja.
Fréttablaðið ræddi við nokkra
einstaklinga sem keppt hafa í hin-
um ýmsu þrautum og leitaði eftir
því hvaða hvatir liggja þar að baki.
Fréttablaðið ræddi einnig við Jó-
hann Inga Gunnarsson sálfræðing
sem hefur ráðlagt íslensku keppn-
isfólki fyrir stórleiki.
Keppnishvötin eðlislæg
Jóhann Ingi heldur því fram
að keppnishvötin sé manninum
mjög eðlislæg. „Það sést best á
krökkum sem eru að henda bolta
á milli. Þó þetta séu ungir krakk-
ar, um fjögurra ára, byrja þau
að keppa sín á milli,“ segir Jó-
hann Ingi sem hefur meðal ann-
ars ráðlagt félagsliðum hér á
landi sem og landsliðum þegar
stórleikir eru framundan.
„Keppnin finnst mér líka vera
nátengd hvatningu og því að
keppa að einhverju. Þar koma
markmiðin einnig inn í,“ útskýr-
ir sálfræðingurinn.
Jóhann Ingi tekur hvatningu í
starfi sem dæmi en hún getur
bæði komið innan frá sem utan.
Þegar fólk hefur gaman af starf-
inu kemur hvatningin innan frá
en þegar launin eru góð kemur
hvatningin utan frá.
„Mér finnst það líka skipta
máli á hvaða lífsskeiði fólk er á.
Ungt fólk sem er að byggja lætur
sig til að mynda hafa það að fara
í nokkra túra á togara því það er
svo vel borgað. Þar er það ytri
hvatningin sem knýr okkur
áfram,“ segir Jóhann Ingi. „Þeg-
ar fólk eldist er það hins vegar
vonandi búið að koma sér vel fyr-
ir og getur því valið um störf og
verkefni sem það hefur áhuga á
og gaman af.“
Þörf fyrir
viðurkenn-
ingu
J ó h a n n
Ingi hefur
kynnt sér
r a n n s ó k n i r
b a n d a r í s k a
prófessorsins
R o b e r t s
S t e r n b e r g
sem hefur
gert rann-
sóknir á af-
burðanáms-
m ö n n u m .
Samkvæmt Sternberg eru tuttugu
atriði sem einkenna þá. „Ein aðal
einkennin eru sjálfshvatningin –
þ.e. þeir bera sjálfir ábyrgð á eig-
in hvatningu og hugarfari.“
Hann segir viðurkenningu
eða virðingu líka vera það sem
mannskepnan sækist mjög stíft
eftir. „Viðurkenningin skiptir
mjög miklu máli og hún er ein af
grundvallarþörfum mannsins.
Þeir sem eru að vinna með hópa;
þjálfarar, stjórnendur fyrir-
tækja eða fjölskyldur, verða að
halda virðinguna í heiðri því hún
hefur verið ein af grundvallar-
þörfum mannsins alveg frá upp-
hafi vega,“ segir Jóhann Ingi og
bætir við að fólk forðist höfnun
eins og heitan eldinn. „Og stund-
um verður fólk fyrir höfnun í
keppni og það er þegar það tap-
ar,“ segir Jóhann Ingi að lokum.
kristjan@frettabladid.is
Íslandsmeistari í jalapenoáti:
Keppni frá morgni til kvölds
Hörður Ingþór Harðarson er nýbakaður Íslandsmeistari í jalapenoáti. Hann fagnaði sigrieftir að hafa étið 535 grömm af jalapeno á fimm mínútum. Vinir Harðar skráðu hann til
leiks í jalapenokeppninni en hann skoraðist ekki undan þegar kallið kom.
„Það vilja allir vinna og manni líður betur ef maður vinnur í keppni,“ segir hinn nýbakaði
Íslandsmeistari sem er að eigin sögn afar tapsár. „Ef ég tapa fótboltaleik verður dagurinn
ekki alveg jafn skemmtilegur.“
Hörður segist vera mikill keppnismaður og æfir meðal annars fótbolta með 3. deildar liði ÍH.
„Ég er alltaf að keppa í einhverju. Ég er til dæmis að keppa við vinnufélaga minn í Champion-
ship Manager og það er hörð keppni. Það verður mikil fýla ef annar hvor okkar tapar,“ segir
Hörður. „Ég held að ég sé að keppa allan daginn frá morgni til kvölds, til dæmis við tímann.“ ■
Íslandsmeistari í kassaklifri:
Reynir að hafa
gaman af
Andri Buchholz er nýkrýndur Íslands-meistari í kassaklifri, bæði í saman-
lagðri keppni og 16-18 ára strákaflokki.
Hann klifraði upp 33 kassa á 12 mínútum
og 54 sekúndum. Andri segist vera mik-
ill keppnismaður og hefur bæði æft
körfubolta og fótabolta. „Ég reyni yfir-
leitt að hafa gaman af þeim keppnum
sem ég tek þátt í. Ég er ekki tapsár,“ seg-
ir Andri.
Kassaklifur er ný jaðaríþróttagrein
sem hefur verið að þróast innan björgun-
arsveitanna og skátahreyfingarinnar síð-
ustu ár. Hún á rætur sínar að rekja til
Þýskalands. Keppnin fer þannig fram að
hver þátttakandi byrjar með þrjá kassa á
gólfi sem hann klifrar upp og bætir síð-
an einum við í einu þar til hann dettur.
Andri prófaði kassaklifur í fyrsta
sinn fyrir um ári síðan en leggur ekki
reglulega stund á þessa nýju íþrótt.
„Það var haldin undankeppni fyrir
Íslandsmótið og ég ákvað bara að prófa
og komst áfram,“ segir Andri um að-
draganda þess að hann tók þátt í mót-
inu. „Ég vildi bara prófa þetta og hafa
gaman af.“ ■
SÁLFRÆÐINGUR
KEPPNISFÓLKS
Jóhann Ingi segir
keppnina vera eðlis-
læga manninum.
Maðurinn sækist eftir
virðingu og viður-
kenningu.
BESTUR Í AÐ BORÐA
Íslandsmeistarinn í jalapenoáti, Hörður
Ingþór, segist vera að keppa meira eða
minna allan daginn í hinu og þessu.
KASSAKLIFUR
„Ég er ekki tapsár og
reyni bara að hafa gam-
an af því sem ég tek
mér fyrir hendur,“ segir
Andri Buchholz Íslands-
meistari í kassaklifri.
Hvað er það í manninum sem fær hann til að standa í eilífðri keppni? Fréttablaðið leitaði svara hjá fólki sem hefur
keppt í hinum ýmsum þrautum og fékk álit sálfræðings á keppnishvöt mannskepnunnar.
Einn, tveir ... og byrja!