Fréttablaðið - 09.05.2004, Blaðsíða 39
27SUNNUDAGUR 9. maí 2004
Sannir aðdáendur Söngvakeppnievrópskra sjónvarpsstöðva eru
að rifna úr spenningi þessa dag-
ana enda styttist í að keppnin fari
fram. Istanbúl í Tyrklandi er
vettvangur keppninnar að þessu
sinni og hafa vinir okkar Tyrkir
lagt dag við nótt svo allt gangi
sem best.
Sá háttur er hafður á í ár að
forkeppni er haldin þremur dög-
um fyrir aðalkeppni en þar
reyna tuttugu og tvær þjóðir
með sér og berjast um tíu laus
sæti í úrslitunum. Forkeppnin
verður, líkt og aðalkeppnin,
sýnd í beinni útsendingu í
Sjónvarpinu. Danir eru í hópi
keppenda á miðvikudag en
fulltrúi frænda okkar í ár er
Íslendingurinn Tómas Þórð-
arson sem raunar hefur
búið ytra lungann úr ævi
sinni. Hann syngur lagið
Shame on you eða Skamm-
astu þín sem talið er líklegt
til að komast í úrslitin.
Gott lið
Eins og flestum er sjálfsagt
kunnugt um er Jón Jósep Snæ-
björnsson, Jónsi í Svörtum fötum,
fulltrúi Íslands í ár. Hann syngur
lagið Heaven eftir Svein Rúnar
Sigurðsson við texta Magnúsar
Þórs Sigmundssonar. Þorvaldur
Bjarni Þorvaldsson og Vignir Már
Vigfússon útsetja lagið, Selma
Björnsdóttir hannar hreyfingar
og Svavar Örn sér um greiðslu og
klæðnað.
Á þessari upptalningu má sjá
að valinn maður er í hverju rúmi,
færasta fólk á sínu sviði hefur
verið kallað til.
12. sætið og vináttan
Veðbankar og spámiðlar ham-
ast við að birta nýjustu tölur og af
þeim má draga þá ályktun að ís-
lenska lagið falli bærilega í
kramið hjá íbúum álfunnar. Séu
tölurnar vegnar og metnar má sjá
að íslenska laginu er spáð 12. sæti
en bæði eru dæmi um að því sé
spáð betra gengi og eins síðra.
Sagan minnir okkur þó á að
ómögulegt sé að segja til um úr-
slitin svo vit sé í og spilar þar inn
í landsfrægt dagsform og vinátta
þjóða sem oftar en ekki birtist í
sinni tærustu mynd í Söngva-
keppninni. Um hana geta sérfræð-
ingar vitnað og Gísli Marteinn
Baldursson kynnir keppninnar í
Sjónvarpinu kann þá sögu upp á
sína tíu fingur og mun eflaust fara
í gegnum þau fræði á laugardags-
kvöldið.
Gætum unnið
Talsverðar umræður hafa farið
fram um keppnina á spjallsíðum
og er óhætt að segja að þar kveði
við kunnuglegan tón. „Við gætum
alveg unnið þessa keppni í ár! :-)
Hef heyrt öll hin lögin og er ekk-
ert agalega spennt yfir þeim,“
segir einn. Annar segir: „Við eig-
um góða möguleika í ár vegna
þess að hin lögin eru mjög
„stereotýpisk“ og erfitt að skilja
frá hverju öðru. Svíarnir eru einn-
ig góðir með sexbombuna Lena
Philipsson.“ Sá þriðji segir svo:
„Ég hef heldur ekki heyrt hin lög-
in, þannig að það er eiginlega ekki
hægt að dæma. En ég held samt
að við lendum ofarlega, kannski í
fyrsta sæti. Já ég held það. Þetta
er mjög gott lag og við getum al-
veg unnið. Áfram Ísland!“
Þarna er jákvæðnin í fyrirrúmi
en það örlar svo sem líka á svart-
sýni: „Ég er búin að hlusta á smá-
brot úr flestum lögunum og ég
verð að segja að við fyrstu hlust-
un lofar keppnin ekki góðu við
verðum í 8-12,“ segir einn og ann-
ar er þessarar skoðunar: „Lagid
er gott en ekki nógu gripandi,
flutningurinn er þó sérstaklega
gódur. Gætum hugsanlega hreppt
16. sætið eina ferðina enn.“
Það eru sum sé skiptar skoðan-
ir um gengi Heaven í Istanbúl á
laugardagskvöldið en landsmenn
hafa vikuna til að spá í spilin.
bjorn@frettabladid.is
Júróvisjón, viðburðurinn sem fær alla landsmenn, háa og lága, til að setjast saman við sjónvarpið er handan
við hornið. Íslendingum er spáð 12. sætinu, samkvæmt meðaltali af spám helstu veðbanka.
Sex dagar í Júrovisjón
JÓNSI
Hann er svalur að vanda og til í slaginn. Sam-
kvæmt veðbönkum er Íslendingum spáð 12. sæti.
TÓMAS ÞÓRÐARSON
Ekki síður svalur en Jónsi.
ISTANBÚL
Hér má sjá eina fjölmargra glæsibygginga
borgarinnar fögru.