Fréttablaðið - 25.03.2004, Blaðsíða 6
6 25. mars 2004 FIMMTUDAGUR
GENGI GJALDMIÐLA
Bandaríkjadalur 71.85 0.34%
Sterlingspund 132.07 -0.08%
Dönsk króna 11.83 -0.17%
Evra 88.11 -0.15%
Gengisvístala krónu 122,66 -0,21%
KAUPHÖLL ÍSLANDS
Fjöldi viðskipta 463
Velta 6.298 milljónir
ICEX-15 2.548 0,13%
Mestu viðskipti
Íslandsbanki hf. 2.786.742
Kaupþing Búnaðarbanki hf. 885.635
Pharmaco hf. 138.348
Mesta hækkun
Íslandsbanki hf. 2,56%
Grandi hf. 1,47%
Landsbanki Íslands hf. 1,28%
Mesta lækkun
MP BIO -20,00%
Hraðfrystistöð Þórshafnar hf. -14,89%
Vinnslustöðin hf. -2,78%
ERLENDAR VÍSITÖLUR
DJ* 10.093,3 0,3%
Nasdaq* 1.919,0 0,9%
FTSE 4.309,4 -0,2%
DAX 3.726,1 -0,1%
NK50 1.407,2 -0,0%
S&P* 1.095,2 0,1%
*Bandarískar vísitölur kl. 17.00
Veistusvarið?
1Hvaða dóm fékk morðingi ÖnnuLindh, fyrrverandi utanríkisráðherra
Svíþjóðar?
2Hvaða íslenski ráðherra verður full-trúi Íslands við minningarathöfnina
um fórnarlömb árásanna í Madríd?
3Hvað heitir trúarleiðtogi Hamas semráðinn var af dögum?
Svörin eru á bls. 55
Íslenska ánægjuvogin:
Ölgerðin efst og Vodafone neðst
VIÐSKIPTI Ölgerðin Egill Skalla-
grímsson kom best út í rannsókn
IMG Gallup á ánægju viðskipta-
vina með ýmis íslensk fyrirtæki,
svokallaðri ánægjuvog. Ölgerðin
fékk 80,4 stig en helsti samkeppn-
isaðili fyrirtækisins, Vífilfell,
fékk 74,6 stig.
Í flokki banka og tryggingarfé-
laga komu sparisjóðirnir best út.
Þeir fengu 76,5 stig og er þetta
fimmta árið í röð sem sparisjóð-
irnir eru hærri en aðrar fjármála-
stofnanir. Íslandsbanki var í öðru
sæti með 74,3 stig. Tryggingarfé-
lögin eru nokkuð lægri en bank-
arnir en þeirra efst var Trygg-
ingamiðstöðin með 67,6 stig en
Sjóvá fékk 66 stig og VÍS 65,2
stig.
Hitaveita Suðurnesja er efst
meðal orkufyrirtækja með 73,9
stig en Orkuveita Reykjavíkur er
með 69,2 stig. Þjónusta Símans
vegna heimilissíma fékk 68,7 stig
en Síminn GSM var með 66,7 stig
og Og Vodafone með 64,6 stig og
neðst af öllum fyrirtækjum sem
mæld voru.
Nóatún er sú verslun sem
neytendur eru ánægðastir með
samkvæmt niðurstöðum ánægju-
vogarinnar. Nóatún fékk 71,2 stig,
Olís fékk 70,2 og Samkaup sömu-
leiðis. ÁTVR var neðst í þessum
flokki með 65,6 stig. ■
LÖGREGLUMÁL Hundaeigendur eru
felmtri slegnir eftir að bóndi og
landeigandi á bænum Dysjum II
við Garðaveg á
mótum Garðabæj-
ar og Hafnarfjarð-
ar skaut til bana
h r e i n r æ k t a ð a n
Boxer-hund, sem
ásamt öðrum hund-
um var að leika sér
á svæðinu í gær.
Atvikið var kært
til lögreglunnar í
Hafnarfirði og fer
hún nú með rann-
sókn málsins. Að
sögn fulltrúa rann-
sóknardeildar lögreglunnar verð-
ur skýrsla tekin af málsaðilum og
málið síðan sent fulltrúum sýslu-
manns til frekari meðferðar.
Hundaeigendur hafa í mörg ár
notað svæðið við Bala við Garða-
veg, sem er skammt frá Dysjum
II, til að láta hunda sína hlaupa og
leika sér. Þrír hundar voru ásamt
eigendum sínum á svæðinu í gær
og í hita leiksins hlupu þeir í átt að
bóndabænum, en engin girðing er
á staðnum. Kristrún Úlfarsdóttir,
einn hundaeigandanna, segir að
bóndinn hafi skyndilega birst með
skotvopn, en hennar hundur slapp
með skrekkinn.
„Maðurinn birtist allt í einu
með byssu og við heyrðum skot-
hvelli og urðum skelfingu lostin.
Við óttuðumst um líf okkar því við
vorum ekki langt frá hundunum
og vorum dauðhrædd um að það
yrði skotið á okkur. Bóndinn skaut
að minnsta kosti tveimur skot-
um,“ segir Kristrún og bætir því
við að lögreglan hafi strax verið
látin vita af atvikinu og hún síðan
komið á staðinn og tekið skot-
vopnið af manninum.
„Ég þori aldrei aftur að fara
með minn hund á þennan stað,“
segir Kristrún.
Kindur eru á bænum Dysjum
II og hefur þeim nýlega verið
sleppt út. Samkvæmt heimildum
Fréttablaðsins drap hundur eina
kind á bænum í fyrradag og særði
aðra, en eigandi þess hunds er enn
ófundinn. Svæðið við Bala var í
mörg ár nýtt sem aðsetur fyrir
björgunarhundasveitina og síðan
fyrir Hundaræktarfélag Íslands.
Kjartan Björn Guðmundsson,
fyrrverandi formaður björgunar-
hundasveitarinnar, segir hunds-
drápið hræðilegt og hann hafi
aldrei vitað annað eins.
„Þetta er alvarlegt mál, ekki
síst vegna þess að eigendur hund-
anna voru að hlaupa á eftir þeim.
Ég get ekki skilið hvers vegna
maðurinn sá ástæðu til að drepa
Boxer-hundinn. Það hafði verið
rætt við hann á sínum tíma um að
reyna að halda kindunum frá leik-
svæðinu við Bala, en það er auð-
vitað stórhættulegt að hann geti
bara gripið til byssu með þessum
hætti,“ segir Kjartan Björn.
bryndis@frettabladid.is
Undirskriftasöfnun:
Enn snýst
niðurstaðan
VENESÚELA, AP Hugo Chavez, forseti
Venesúela, fagnaði þegar stjórn-
lagadeild hæstaréttar Venesúela
ógilti úrskurð kjördeildar hæsta-
réttarins um gildi undirskrifta sem
hefur verið safnað til að knýja fram
þjóðaratkvæðagreiðslu um framtíð
forsetans.
Kjördeildin sagði allar undir-
skriftirnar gildar svo framarlega
sem fólk mótmælti því að hafa
skrifað sjálft undir en á neðri dóm-
stigum var niðurstaðan að hluti und-
irskriftanna væri ógildur nema þeir
sem skrifuðu undir staðfestu það
sérstaklega. Hæstiréttur Venesúela
skiptist í nokkrar deildir sem úr-
skurða hver um sitt svið. ■
Brauðrisi skiptir um
eigendur:
Myllan-
Brauð seld
VIÐSKIPTI Íslensk-ameríska versl-
unarfélagið hefur keypt öll hluta-
bréf í Myllunni-Brauð hf. en fyrir-
tækið er hið stærsta í brauð- og
kökugerð í landinu. Hjá Myllunni
starfa tæplega 200 manns og velta
fyrirtækisins undanfarin ár hefur
verið í kringum einn og hálfan
milljarð. Hugmyndin með kaup-
unum er að styrkja Íslensk-amer-
íska enn frekar sem leiðandi
markaðs- og framleiðslufyrirtæki
og auka samkeppnishæfni með
samlegðaráhrifum og sparnaði. ■
– hefur þú séð DV í dag
Fjórði maðurinn
geymdi fernu af
amfetamíni
fyrir Grétar
Hundaeigendur
óttuðust um líf sitt
Eigandi lands í grennd við leiksvæði hunda í Garðabæ skaut og drap í gær Boxer-hund sem
hafði óvart hlaupið inn á landareignina. Lögreglan rannsakar málið. Hundaeigendur sem voru
vitni að drápinu óttuðust um líf sitt.
„Við vor-
um ekki
langt frá
hundunum
og vorum
dauðhrædd
um að það
yrði skotið
á okkur.”
LANDSVÆÐI DYSJA II
Bóndinn að bænum Dysjum II á mótum
Hafnarfjarðar og Garðabæjar greip til skot-
vopna og drap hreinræktaðan Boxer-hund
sem var að leika sér ásamt öðrum hundum
á svæðinu í gær. Leiksvæði hunda við Bala
er í grennd við bæinn og hafði hundurinn
óvart hlaupið þaðan yfir á bæjartúnið.
FR
ÉT
TA
B
LA
Ð
IÐ
/S
TE
FÁ
N
TOBBI ÓHRÆDDUR
Hundurinn Tobbi lék sér á svæðinu við Bala í gær, skömmu eftir að hið sorglega atvik
varð við bæinn Dysjar. Bali hefur í mörg ár verið notað sem leiksvæði fyrir hunda.
FR
ÉT
TA
B
LA
Ð
IÐ
/S
TE
FÁ
N
ÁNÆGJA MEÐ ÖLIÐ
Ölgerðin Egill Skallagrímsson er það fyrir-
tæki sem fólk er ánægðast með sam-
kvæmt ánægjuvog Gallup.