Fréttablaðið - 25.03.2004, Blaðsíða 49

49FIMMTUDAGUR 25. mars 2004
GÓÐUR SIGUR ÍSLANDS Íslenska
drengjalandsliðið, skipað leik-
mönnum 17 ára og yngri, byrjaði
vel í milliriðli EM sem fram fer á
Englandi. Íslenska liðið lék gegn
því norska í fyrsta leik í gær-
kvöld og fór með sigur af hólmi,
2-1. Norðmenn komust yfir á 37.
mínútu en KR-ingurinn Gunnar
Kristjánsson jafnaði metin strax
í byrjun síðari hálfleiks. Það var
síðan Arnór Smárason, leikmaður
Heerenveen, sem skoraði sigur-
markið þegar komið var fram
yfir venjulegan leiktíma.
FÓTBOLTI Chelsea og Arsenal gerðu
1-1 jafntefli á Stamford Bridge.
Eiður Smári Guðjohnsen, sem var
í byrjunarliði Chelsea, kom sínum
mönnum yfir í byrjun síðari hálf-
leiks þegar hann skaut í opið
markið eftir skógarferð hjá Jens
Lehman í marki Arsenal.
Ekki leið á löngu þar til Frakk-
inn Robert Pires jafnaði metin
fyrir Arsenal með góðu skalla-
marki. Ekki voru fleiri mörk skor-
uð en Marcel Desailly, varnarjaxl
Chelsea, var rekinn út af á 83.
mínútu með sitt annað gula spjald.
Arsenal er í betri stöðu fyrir
seinni leik liðanna vegna marks-
ins sem liðið skoraði á útivelli.
Þess má geta að Chelsea hefur
ekki unnið Arsenal í síðustu 17
leikjum liðanna.
Real Madrid vann Mónakó 4-2
á Spáni. Sebastien Squillaci kom
Mónakó yfir tveimur mínútum
fyrir leikhlé. Real var ekki af baki
dottið og skoraði fjögur mörk í
seinni hálfleik. Luis Figo skoraði
tvö mörk og þeir Zinedine Zidane
og Ronaldo sitt markið hvor. Fern-
ando Morientes, sem er í láni frá
Real, minnkaði muninn fyrir
Mónakó undir lok leiksins. ■
KÖRFUBOLTI Keflavík vann ÍS örugg-
lega, 80-56, í fyrsta úrslitaleik lið-
anna í 1. deild kvenna. Stúdínur
voru tveimur stigum yfir, 25-27,
þegar fimm mínútur voru eftir af
fyrri hálfleik en þá snerist leikurinn
við.
Keflavík skoraði þá 18 stig á
móti tveimur hjá ÍS og staðan í hálf-
leik var 43-30 fyrir Keflavík. Þessi
munur hélst það sem eftir lifði
leiks.
Erla Þorsteinsdóttir var stiga-
hæst hjá Keflavík með 22 stig og
þær Anna María Sveinsdóttir og
Erla Reynisdóttir settu 14. Alda Leif
Jónsdóttir var stigahæst hjá ÍS með
10 stig og Lovísa Guðmundsdóttir
skoraði 9. Casie Lowman átti slakan
dag í liði Stúdína og skoraði aðeins 6
stig. Hitti hún úr þremur af 16 skot-
um sínum í leiknum. ■
HANDBOLTI Valsarar skutust á topp
RE/MAX-úrvalsdeildar karla í
handknattleik í gærkvöld þegar
þeir lögðu KA-menn að velli á Ak-
ureyri, 35-32. KA-menn byrjuðu
betur en Valsmenn náðu undirtök-
unum um miðbik fyrri hálfleiks,
mest fyrir tilstilli Pálmar Péturs-
sonar, markvarðar Vals, sem fór á
kostum og varði alls 21 skot í
leiknum. Í seinni hálfleik var það
sama uppi á teningnum. KA-menn
byruðu ágætlega en það fjaraði
undan þeim og Valsmenn unnu
mikilvægan sigur. Arnór Atlason
var markahæstur hjá KA með tólf
mörk, Andreus Stelmokas skoraði
sex mörk og þeir Jónatan Magn-
ússon og Einar Logi Friðjónsson
skoruðu fjögur mörk hvor. Bald-
vin Þorsteinsson skoraði tíu mörk
fyrir Val og Sigurður Eggertsson
og Hjalti Þór Pálmason skoruðu
sex mörk hvor.
Haukar misstu af tækifærinu
til að halda toppsætinu með því að
gera jafntefli við ÍR, 25-25. ÍR-
ingar höfðu yfirhöndina mest all-
an leikinn en Haukar náðu að
jafna leikinn undir lokin og gátu
tryggt sér sigur á síðustu sekúnd-
unum. Einar Hólmgeirsson skor-
aði átta mörk fyrir ÍR og Hannes
Jón Jónsson og Ingimundur Ingi-
mundarson skoruðu fimm mörk
hvor. Ólafur Helgi Gíslason varði
25 skot í marki ÍR. Robertas
Pauzoulis var yfirburðamaður hjá
Haukum með tólf mörk.
HK og Grótta/KR gerðu jafn-
tefli, 24-24, í Digranesi í slagnum
um sjötta sætið. Leikurinn var
gífurlega jafn og spennandi og
nánast jafnt á öllum tölum. Ólafur
Víðir Ólafsson tryggði HK jafn-
tefli með marki úr vítakasti þegar
15 sekúndur voru eftir. Hann var
markahæstur hjá HK með sjö
mörk, Andrius Rackauskas skor-
aði sex og Elías Már Halldórsson
skoraði fimm. Björgvin Gústavs-
son varði tólf skot í marki HK og
skoraði einnig eitt mark. Páll Þór-
ólfsson skoraði átta mörk fyrir
Gróttu/KR, Kristinn Björgúlfsson
skoraði fimm mörk og Daði Haf-
þórsson og Konráð Olavsson skor-
uðu fjögur mörk.
Framarar rúlluðu yfir skelfi-
lega slaka Stjörnumenn, 35-17, á
heimavelli í gær. Staðan í hálf-
leik var 15-8, Frömurum í vil og
var aðeins spurning hversu stór
sigurinn myndi verða í síðari
hálfleik. Stefán Baldvin Stefáns-
son og Valdimar Þórsson voru
markahæstir hjá Fram með sjö
mörk, Arnar Þór Sæþórsson
skoraði sex, Jóhann G. Einarsson
var með fimm og Jón Þór Þor-
varðarson skoraði fjögur mörk.
Egedijus Petkevicius varði 23
skot í marki Fram. Björn Frið-
riksson skoraði fimm mörk fyrir
Stjörnuna, Arnar Theódórsson
skoraði fjögur og Guðmundur
Guðmundsson og Kristján Krist-
jánsson skoruðu tvö mörk hvor.
■
ERLA ÞORSTEINSDÓTTIR MIÐHERJI KEFLAVÍKURLIÐSINS
Var atkvæðamest í gær með 22 stig.
Fyrsti úrslitaleikur 1. deildar kvenna:
Öruggur sigur Keflavíkur
FRÉTTAB
LAÐ
IÐ
/PJETU
R
ÓSKAR MEÐ SÍNA MENN Á TOPPINN
Óskar Óskarsson, þjálfari Vals, fór með lærisveina sína til Akureyrar,
lagði KA og komst á toppinn.
RE/MAX-ÚRVALSDEILD
Valur 13 7 2 4 363:334 24
Haukar 13 7 4 2 415:353 23
ÍR 13 6 2 5 383:379 22
KA 13 7 0 6 405:401 21
Fram 13 7 0 6 388:360 20
HK 13 5 1 7 358:374 16
Grótta/KR 13 6 1 6 337:334 16
Stjarnan 13 2 0 11 309:423 10
Á toppinn á ný
Valsmenn lögðu KA-menn á Akureyri á meðan Haukar gerðu jafntefli gegn ÍR.
Jafntefli í Lundúnarslag meistaradeildarinnar:
Eiður á skotskónum
fyrir Chelsea
MIKIVÆGT MARK
Eiður Smári Guðjohnsen fagnar ógurlega
marki sínu gegn Arsenal.
■ Fótbolti