Fréttablaðið - 25.03.2004, Blaðsíða 12
12 25. mars 2004 FIMMTUDAGUR
BARN AÐ LEIK
Kofarnir í Cité Soleil, fátækrahverfi í Port-
au-Prince á Haítí, þar sem barnið á mynd-
inni leikur sér eru fjarri því ríkulegir. Þar
búa helstu stuðningsmenn Jean-Bertrand
Aristide, fyrrum forseta. Þeirra helstir eru
ungir menn sem forsetinn fyrrverandi sá
fyrir peningum, matvælum og vopnum.
FJARSKIPTI Meðal nýjunga sem
símafyrirtækið Og Vodafone hefur
kynnt að undanförnu er þjónusta
sem þeir kalla „Einn sími“ og er
markmiðið að ná til þess sístækk-
andi hóps notenda sem búa einir og
nota heimasíma lítið sem ekkert.
Pétur Pétursson, talsmaður Og
Vodafone, segir þetta orðið áber-
andi hér á landi og hlutfall þeirra
sem láti farsímann duga fari vax-
andi. „Í löndum eins og Svíþjóð og
Finnlandi er hlutfallið mun hærra
en hér á landi og það bendir allt til
að þessi þróun verði áfram. Með
þessu erum við að koma til móts
við þessa viðskiptavini og á sama
tíma nota tækifærið til að einfalda
gjaldskrá okkar til muna.“
Samkvæmt nýju gjaldskránni
lækkar kostnaður úr 15 kr. mínút-
an í 1.50 kr. sé hringt úr farsíma
Og Vodafone í heimasíma. Getur
viðkomandi einnig hætt áskrift að
fastlínu og sparað sér um 15 þús-
und krónur á ári.
Umtalsverðar hækkanir eru í
gjaldskránni þurfi viðskiptavin-
ur Og Vodafone að hringja í far-
síma Símans, helsta samkeppnis-
aðilans. Kvöld- og helgartaxti
hækkar þannig um rúmlega 40%
og dagtaxti um 6%. Að sama
skapi lækkar verðið um tæp 30%
sé hringt í farsíma innan kerfis
Og Vodafone. ■
LÍKFUNDARMÁLIÐ Fát var á þre-
menningunum eftir dauða
Juceviciusar og vissu þeir ekki
hvað gera skyldi við líkið sam-
kvæmt heimildum Fréttablaðsins.
Jónas stakk upp á því að koma lík-
inu fyrir í hraunsprungu,
Malakauskas vildi grafa það en
vegna þess hve mikið frost var í
jörðu reyndist það ekki hægt.
Grétar kom með þá uppástungu
að fara með líkið á Neskaupstað
því þar sé lítið um lögreglumenn
og staðurinn fremur afskekktur.
Hann væri hvort eð er á leiðinni í
heimsókn til móður sinnar.
6. febrúar
Grétar yfirgefur Malakauskas
og Jónas Inga eftir að líkinu hafði
verið komið fyrir í skottinu á
jeppa sem þeir höfðu tekið á leigu.
Jónas Ingi og Malakauskas fara
og fá sér nautasteik á veitingastað
í Reykjavík áður en þeir koma
aftur í íbúðina en taka með sér
mat fyrir Grétar. Grétar keyrir til
Neskaupstaðar þar sem móðir
hans býr og ber því við að hann
hafi þurft á hvíld að halda. Jónas
Ingi og Malakauskas fylgja hon-
um eftir á jeppanum með líkið í
farteskinu. Þeir stoppa í Hvera-
gerði og kaupa sér gos og sæl-
gæti. Á leið á Neskaupstað skellur
á óveður og verða þeir innlyksa á
Djúpavogi í tvær nætur þar sem
þeir gista á hóteli.
8. febrúar
Malakauskas og Jónas Ingi hitta
Grétar á Neskaupstað. Þeir ræða
hvernig hægt sé að koma líkinu
fyrir. Einnig ræða þeir hvort
skera eigi líkið upp og sækja
fíkniefnin í líkið. Þeir keyra
um og kanna ýmsa staði þar
sem koma megi líkinu fyrir.
Malakauskas segist hafa gert
ráð fyrir því að þeir græfu
líkið en vegna þess hve
mikið frost var í jörðu
og snjór yfir hafi það
ekki verið hægt.
Grétar stingur upp
á því að koma lík-
inu tímabundið
fyrir í göngunum í
Oddskarði og
grafa það svo í jörð
þegar snjóa létti.
Þeir kanna göngin en
komast að því að
ekki væri mögulegt
að losa sig við líkið
þar.
Loks keyra þeir
niður á höfnina við
netagerðina á Nes-
kaupstað, bakka
bílnum niður að
höfninni, taka lík-
ið út, velta því úr
teppinu og hnýta
sökkur í líkið.
Sökkurnar, skopp-
ara og keðju, fundu
þeir á bryggjunni.
Grétar stingur líkið
fimm sinnum með hnífi til
þess að hleypa úr því lofti svo
það sökkvi. Ein stunga er í háls,
þrjár í brjóst og ein í maga. Því
næst fleygir hann hnífnum út á
sjó. Grétar tekur svo um axlirnar
á líkinu og Jónas Ingi í fæturna
og fleygja þeir því í höfnina.
Malakauskas pakkar inn teppinu á
meðan og setur það inn í bíl.
Grétar og Malakauskas játa að
þetta hafi gerst en Jónas Ingi seg-
ist ekki hafa verið var við að
nokkuð lík hafi verið með í ferð
enda hafi ferðin eingöngu verið
skemmtiferð og heimsókn til ætt-
ingja Grétars.
9. febrúar
Malakauskas og Jónas Ingi aka
aftur til Reykjavíkur. Þeir koma
við á Hvolsvelli og Selfossi og
kaupa hreinsivörur og losa sig
jafnframt við teppið í ruslagám
bak við bensínstöð á Selfossi.
10. febrúar
BMW-bíll Grétars, sem sak-
borningarnir keyrðu áleiðis til
Keflavíkur er veikindi Jucivicius-
ar stóðu sem hæst, er sendur í al-
þrif.
Jónas Ingi og Malakauskas
þrífa íbúð þess síðarnefnda hátt
og lágt og henda út rúmi og nátt-
borði. Jónas Ingi losar þá við allar
eigur hins látna á mismunandi
stöðvum Sorpu á Reykjavík-
ursvæðinu.
Jónas Ingi segir að
ástæðan fyrir þrifunum
hafi verið að Malakauskas
ætlaði sér að leigja út
íbúðina á meðan hann
heimsótti móður
sína í Bandaríkj-
unum. Einnig
segir hann að
bíllinn hafi ver-
ið þrifinn því Grétar hafi ætlað
sér að selja hann.
11. febrúar
Malakauskas og Jónas Ingi
fara inn í Heiðmörk eftir að frétt-
ir bárust af líkfundinum í Nes-
kaupstað og losa sig við restina af
mununum sem tilheyrðu hinum
látna, þar á meðal farsíma og
lyklakippu. Einnig brenna þeir
vegabréf hans. Jónas Ingi segist
ekki hafa haft hugmynd um hvaða
pappíra Malakauskas hafi verið
að brenna.
sda@frettabladid.is
olíufylltir
rafmagnsofnar
fyrir sumarhús og heimili
Nýr áfangi:
Hæfingarstöð
fyrir fatlaða
FÉLAGSMÁL Félagsmálaráðherra
opnaði í gær nýja hæfingarstöð fyr-
ir fatlaða við Dalveg 18 í Kópavogi.
Á Hæfingarstöðinni eru fimm
þjálfunarrými og tvö rými fyrir ein-
staklingsþjálfun þar sem 37 ein-
staklingar fá þjónustu daglega. Þar
verður boðið upp á fjölbreytta hæf-
ingu og starfsþjálfun sem byggist á
einstaklingsmiðaðri nálgun og þjón-
ustu. Stöðinni er sérstaklega ætlað
að koma til móts við þarfir fatlaðra
fyrir dagþjónustu, vinnu og hæf-
ingu sem flutt hafa af Kópavogs-
braut 5, en einnig fá einstaklingar
af biðlista tilboð um þjónustu.
Svæðisskrifstofa um málefni
fatlaðra á Reykjanesi mun hafa veg
og vanda af rekstri stöðvarinnar.
Húsnæðið er um 580 fermetrar að
stærð. ■
Kræfur svindlari:
Aldurhnigið
glæpakvendi
CHICAGO, AP 75 ára bandarísk kona
hefur verið ákærð fyrir að gefa
ítrekað út innistæðulausar ávísanir
til að borga fyrir nýja bíla sem hún
hefur keypt síðustu árin.
Hún hefur haft fyrir sið að fara á
bílasölur að kaupa nýja bíla gang-
andi við staf og ýtandi súrefniskúti
á undan sér. Þegar gengið hefur
verið á hana með greiðslu hefur hún
reynt að losna við bílasalana með
því að vísa til aldurs, bágrar heilsu
og tíðra sjúkrahúsferða eða lofað
því að verðbréfasalinn hennar geri
upp við þá á næstunni.
Síðustu fjögur ár hefur konan
keypt fjölmarga dýra bíla og eitt
mótorhjól. ■
Með líkið í skottinu
í tvo sólarhringa
Sakborningarnir þrír veltu fyrir sér ólíkum leiðum til að losa sig við lík Juceviciusar. Þeir
ferðuðust þvert yfir landið í tvo sólarhringa með líkið í skottinu. Vildu grafa það í jörðu en of
mikið frost varnaði því. Fóru með líkið í göngin í Oddskarði en fundu ekki stað þar.
Baksviðs
SIGRÍÐUR D. AUÐUNSDÓTTIR
■ skrifar um líkfundarmálið
í Neskaupstað.
Ný þjónusta Og Vodafone:
Farsímar í stað
heimasíma
NÝJAR ÁHERSLUR
Bjóða viðskiptavinum sínum að nota farsímann í stað heimasíma.
FR
ÉT
TA
B
LA
Ð
IÐ
/T
EI
TU
R