Fréttablaðið - 25.03.2004, Blaðsíða 20

20 25. mars 2004 FIMMTUDAGUR
■ Evrópa
BREYTINGUM MÓTMÆLT
Hugmyndir austurrískra stjórnvalda um
endurbætur á lífeyriskerfi landsins hafa fall-
ið í grýttan jarðveg og var mótmælt í Vín.
Fjarðabyggð:
Málaferli vegna sprenginga
FJARÐABYGGÐ Eigendur tveggja ein-
býlishúsa í Neskaupstað reka nú
mál gegn bæjarsjóði Fjarðabyggðar
og verktakafyrirtækinu Arnarfelli.
Málið snýst um skemmdir sem
sagðar eru hafa orðið á húsunum
þegar sprengt var fyrir snjóflóða-
varnargörðum ofan við bæinn, vet-
urinn 1999 til 2000. Eigendur hús-
anna fóru á sínum tíma fram á bæt-
ur frá bæjarsjóði og Arnarfelli, en
var hafnað. Að sögn lögmanna
þeirra eru skemmdir á húsunum
metnar á nokkrar milljónir króna.
Aðalmeðferð í málinu var fyrir
Héraðsdómi Austurlands í byrjun
mars og var haldið áfram við Hér-
aðsdóm Reykjavíkur.
Dómari er Þorgerður Erlends-
dóttir, en með henni sitja tveir pró-
fessorar við umhverfis- og bygging-
arverkfræðiskor Háskóla Íslands.
Búast má við að dómur verði kveð-
inn upp um miðjan apríl. ■
Bílstjórarnir óttast
að verða reknir
Eftirliti með flutningi á hættulegum farmi á þjóðvegum landsins er ábótavant.
Mikill misbrestur er á því að sendendur fari að settum reglum við frágang á varningi.
Bílstjórar óttast að missa vinnuna ef þeir gera athugasemdir við öryggismál.
FLUTNINGAR Vinnueftirlit ríkisins
segir að erfitt sé að fylgjast með
því að farið sé að öryggisreglum
við flutning á hættulegum efnum
um þjóðvegi landsins. Flytjendur
hafa kvartað yfir því að sendend-
ur fari ekki að settum reglum við
frágang á varningi en telja sig
ekki vera í aðstöðu til að setja
þeim afarkosti. Bílstjórar þora
ekki að gera athugasemdir við ör-
yggismál af ótta við að missa
vinnuna.
„Þegar verið er að flytja
hættulegan farm eiga bílstjórarn-
ir að vera með ákveðin réttindi,
bílarnir eiga að vera merktir og
þeim eiga að fylgja ýmis gögn og
búnaður,“ segir Víðir Kristjáns-
son hjá Vinnueftirlitinu. „Þetta er
komið í gott lag hjá olíufélögunum
og mörgum flutningafyrirtækjum
en það skortir á að sendendur
vinni sína heimavinnu. Þeim ber
að flokka og merkja vöruna og
láta flutningsaðilanum í té viðeig-
andi gögn. Ef óhapp verður er
mjög mikilvægt að það liggi fyrir
nákvæmar upplýsingar um farm-
inn. Oft er um að ræða hættuleg
efni og þá er mikilvægt að bregð-
ast við í samræmi við það,“ segir
Víðir.
Reynt hefur verið að fá flutn-
ingafyrirtækin til að þrýsta á
sendendur en það hefur gengið
erfiðlega þar sem þau óttast að
missa viðskiptin. Vinnueftirlitið
hefur einnig reynt að fá lögregl-
una og Vegagerðina til að herða
eftirlitið með flutningabílum á
vegum úti. Þessu eftirliti er veru-
lega ábótavant, meðal annars sök-
um manneklu.
Vinnueftirlitinu hafa borist at-
hugasemdir frá bílstjórum um að
öryggisreglum sé ekki framfylgt.
„Bílstjórar hafa sagt að það þýði
ekkert fyrir þá að neita, því þá
verði þeir látnir taka pokann
sinn,“ segir Víðir.
Óskar Óskarsson, deildarstjóri
innlandsdeildar Landflutninga,
segir að þar á bæ sé öryggisregl-
um fylgt til hins ítrasta. „Það er
mjög óalgengt að það sé ekki eitt-
hvað í bílunum sem telst hættu-
legt,“ segir Óskar. „Við leggjum
áherslu á að bílstjórarnir okkar
séu með viðeigandi réttindi en því
miður eru námskeiðin hjá Vinnu-
eftirlitinu ekki nógu tíð og því eru
alltaf einhverjir starfsmenn sem
ekki eru með réttindi.“
Óskar kannast ekki við það að
bílstjórar Landflutninga hafi hætt
störfum eftir að hafa neitað að
flytja farm á þeim forsendum að
um hættuleg efni hafi verið að
ræða.
brynhildur@frettabladid.is
Landflótta forseti Haítí:
Pólitískt hæli
í Nígeríu
NÍGERÍA, AP Jean-Bertrand
Aristide, landflótta forseta Ha-
ítí, hefur verið boðið pólitískt
hæli í Nígeríu til bráðabirgða.
Stjórnvöld í Nígeríu ákváðu
að verða við beiðni samtaka
Karíbahafsríkja um að leyfa
Aristide að dvelja í landinu í
nokkrar vikur. Ekki liggur fyrir
hvort Aristide hyggst þekkjast
boð Nígeríumanna.
Aristide flúði frá Haítí 29.
febrúar síðastliðinn og fékk
tímabundið hæli í Mið-Afríku-
lýðveldinu. Hann hélt til
Jamaíka í síðustu viku. ■
Nýr starfsmaður Fréttablaðsins:
Guðmundur mættur
ATVINNA Guðmundur Magnússon
sagnfræðingur hefur verið ráð-
inn til starfa á ritstjórn Frétta-
blaðsins. Hann mun stjórna um-
ræðuvettvangi blaðsins, skrifa
fyrir blaðið og sinna fleiri verk-
efnum.
Guðmundur lauk B.A.-prófi í
sagnfræði og heimspeki frá Há-
skóla Íslands 1980 og M.Sc.-
prófi í vísindaheimspeki frá
London School of Economics
1982.
Hann á að baki fjölbreyttan
starfsferil í blaðamennsku, við
fræðistörf og stjórnun. Hann
var fyrr á árum blaðamaður á
Dagblaðinu, Tímanum, Morg-
unblaðinu, þar sem hann var
leiðarahöfundur um skeið, og
DV, þar sem hann var frétta-
stjóri. Þá var hann um skeið að-
stoðarmaður menntamála-
ráðherra og starfaði í Þjóð-
minjasafni, Þjóðskjalasafni og
Þjóðmenningarhúsi. Að undan-
förnu hefur hann unnið við
skriftir og fræðistörf.
„Vegna mikillar útbreiðslu
og vinsælda Fréttablaðsins
hafa æ fleiri sótt eftir að koma
skoðanagreinum ýmiss konar
að í blaðinu. Það er ánægjuefni
enda er það eitt af mikilvæg-
ustu hlutverkum dagblaða að
vera öflugur vettvangur fyrir
opna umræðu í samfélaginu.
Markmið okkar er að efla
umræðuvettvang blaðsins á
næstu vikum. Og þar sem við
viljum gera vel ráðum við góð-
an mann til verksins,“ segir
Gunnar Smári Egilsson, rit-
stjóri Fréttablaðsins. ■
HLÍÐARFJALL
Öllum nemum í 5. bekk grunnskólanna á
Akureyri er boðið upp á skíðakennslu.
Hlíðarfjall:
Nemum
boðin skíða-
kennsla
AKUREYRI Öllum nemendum í 5.
bekk grunnskólanna á Akureyri
hefur verið boðið í skíðakennslu í
Hlíðarfjalli.
Skíðakennslan hófst á mánu-
daginn og lýkur á miðvikudaginn.
Búist er við að ríflega 250 nem-
endur nýti sér kennsluna. Mark-
miðið með þessu átaki er að kynna
ungu fólki skíðaíþróttina og að-
stöðuna í Hlíðarfjalli.
Þetta er samvinnuverkefni
Skíðastaða í Hlíðarfjalli, skóla-
deildar og grunnskólanna. Skíða-
staðir leggja til búnað fyrir þá
sem þess þurfa, lyftugjöld og
skíðakennara, en skóladeild greið-
ir kostnað vegna skíðakennara og
sér um skipulagningu ferða í sam-
vinnu við skólana. ■
SKEMMT AF VÖLDUM SPRENGINGA
Í þessu húsi, sem er í rúmlega 100 metra fjarlægð frá neðsta hluta snjóflóðavarna-
garðsins, fóru ofnalagnir úr sambandi við sprengingarnar.
FR
ÉT
TA
B
LA
Ð
IÐ
/E
LM
A
MICROSOFT SEKTAÐ Evrópusam-
bandið sektaði Microsoft í gær
um andvirði 44 milljarða króna
eftir að hafa fundið fyrirtækið
sekt um að misnota markaðsráð-
andi aðstöðu sína. Talsmenn
fyrirtækisins hafa þegar lýst því
yfir að þeir muni áfrýja þessari
hæstu sekt í sögu Evrópusam-
bandsins.
GUÐMUNDUR MAGNÚSSON
Guðmundur mun stjórna umræðuvett-
vangi blaðsins, skrifa fyrir það og sinna
fleiri verkefnum.
EFNI HREINSUÐ UPP
Mikilvægt er að nákvæmar upplýsingar um farm flutningabíla liggi fyrir svo hægt sé að bregðast rétt við ef óhapp verður.