Fréttablaðið - 25.03.2004, Blaðsíða 54

Svarfdælskur mars hefst áföstudaginn með Heimsmeist-
arakeppninni í brús sem haldin er
að Rimum í Svarfaðardal. Þar
verður spilað í meistaraflokki og
1. flokki auk þess sem kennsla
verður fyrir byrjendur.
„Brús er spil sem er ennþá spil-
að fyrir norðan, einkum í Svarfað-
ardal,“ segir Svanfríður Jónas-
dóttir brússpilari. „Það helgast
líklega af því að spilið hefur verið
kennt við Húsabakkaskóla. Brús
er lifandi hefð hér í dalnum og
Svarfdælingar hafa haft mikla
skemmtun af því í gegnum tíðina
og margar sögur eru til af þeirri
skemmtan. Þeir sem hafa spilað
lengi vilja halda því fram að það
eigi að banna að spila með alvar-
legum svip og þeir sem slíkt gera
hafi misskilið spilið.“
Spilareglur og spilagildi eru
ólík því sem gerist venjulega og
má þar nefna að laufið er dýrmæt-
ast og laufagosi merkilegasta spil-
ið. „Þetta spil getur leitt til þess að
þeir sem hafa betur fá leyfi til að
klóra andstæðinga sína, sem skýr-
ir að hluta hasarinn. Það eru til
sögur um að menn hafi elt hvern
annan á milli bæja til að klóra. Við
spilamennskuna þarf að vera mik-
ill hraði og mistök þurfa að geta
átt sér stað.“
„Þetta markar sérstöðu staðar-
menningarinnar sem þarna er.
Menn verða að ydda sína sér-
stöðu.“ Þetta er í fjórða sinn sem
Svarfdælskur mars er haldinn og
strax í upphafi urðu til fastir liðir
eins og Heimsmeistarakeppnin í
brús, málþing sem viðkemur
Svarfaðardal og Söngfélagið sunn-
an heiða tekur lagið. Þá mun mars-
inum ljúka með því að marserað
verður að Rimum, sem er önnur
skemmtileg hefð sem hefur við-
haldist í dalnum.
Sjálf spilar Svanfríður brús og
reiknar með að keppa í ár með
manni sínum. Í fyrra hafi gerst sá
fáheyrði atburður að Grenvíking-
ar komu og hirtu farandbikarinn.
Svarfdælingar eiga því harma að
hefna þetta árið og má búast við
spennandi slag í meistaraflokki. ■
Hrósið 54 25. mars 2004 FIMMTUDAGUR
... fá háskólanemar fyrir að berj-
ast fyrir jafnrétti til náms með því
að mótmæla fyrirhuguðum skóla-
gjöldum við Háskóla Íslands.
HEIMSMEISTARAKEPPNI Í BRÚS
Heimsmeistarakeppnin í Brús í fyrra sýndi
að þar er ekkert kynslóðabil. Upplýsingar
um Svarfdælskan mars má finna á dalvik.is
Heimsmeistaramót
BRÚS
■ Hluti af Svarfdælskum mars sem
hefst á föstudag
Bannað að spila af alvöru
Pondus eftir Frode Øverli
Þetta er ekki alveg í
úrvalsdeildarklassa!