Fréttablaðið - 25.03.2004, Blaðsíða 39
FIMMTUDAGUR 25. mars 2004
Will í vísindaskáldskap
Leikarinn Will Smith hefur gertþað gott í vísindaskáldskap
fram til þessa. Hann skaust upp á
stjörnuhimin eftir að hafa rotað
marsbúa í Independence Day og
því næst sem lögregla geimver-
anna í Men in Black-myndunum.
Næsta mynd hans í bíó verður I,
Robot þar sem Smith leikur vél-
menni. Nú hefur hann bætt enn
einni mynd í bunkann, The Mark,
en framleiðsla á þeirri mynd er
við það að hefjast.
The Mark hefur verið drauma-
verkefni Smith frá því árið 1998.
Sagan segir frá afskaplega venju-
legum manni sem ber undarlegt
merki á líkama sínum. Hann
kemst síðar að því að merkinu
fylgja yfirnáttúrulegir kraftar
sem hann lærir að beisla. Svo
verður hann að standast þær
freistingar að nýta kraftinn ekki
til illra eða eigingjarnra verka.
Framleiðendur binda greini-
lega miklar vonir við að myndin
verði vinsæl því einnig er á teikni-
borðinu að gera teiknimyndir sem
taka upp söguþráðinn þar sem
myndin endar. ■
WILL SMITH
Virðist kunna vel við sig í vísinda-
skáldskap en tvær myndir brenndar
því marki eru væntanlegar með
kappanum í aðalhlutverki.
■ Kvikmyndir
Líf og fjör í Hvergilandi
KVIKMYNDIR Það þarf sjálfsagt ekki
að kynna Pétur Pan fyrir
nokkrum manni en sagan um
drenginn sem týndi skugganum
sínum og vildi ekki eldast hefur
fylgt nokkrum kynslóðum barna í
einhverri mynd. Pétur býr í
Hvergilandi þar sem hann fer fyr-
ir Týndu drengjunum sem leika
sér í skóginum og gera Kafteini
Kló og sjóræningjahyski hans líf-
ið leitt þess á milli.
Kafteinn Kló er mátulega tauga-
veiklaður enda varð Pétur á sínum
tíma til þess að hann missti aðra
höndina í krókódílskjaft og uppgjöri
þessara þriggja aðila er langt því
frá lokið þar sem Kafteinninn vill
hefna sín á Pétri og krókódíllinn vill
ólmur klára að éta skipstjórann og
eltir hann á röndum.
Pétur Pan, vinir hans og kunn-
ingjar eru þekktastir í þeirri
mynd sem þau birtust í hinni sí-
gildu teiknimynd Disneys frá ár-
inu 1953. Myndin byggði á ævin-
týri J.M. Barrie þar sem stóra
systirin Vanda fyllti bræður sína
tvo af ævintýragrillum á hverju
kvöldi með sögum af Pétri Pan og
Hvergilandi. Leikurinn æstist svo
heldur betur hjá krökkunum þeg-
ar Pétur dúkkaði upp í svefnher-
berginu hjá þeim og bauð þeim
með sér til Hvergilands.
Nú mætir Pétur til leiks í leik-
inni ævintýramynd þar sem ekk-
ert er til sparað. Það má segja að
þetta sé í fyrsta sinn sem Pétur er
kvikmyndaður sómasamlega en
flestir vilja væntanlega gleyma
myndinni Hook þar sem leikstjór-
inn með barnshjartað, Steven
Spielberg, kom með sína útfærslu
á ævintýrinu með Dustin
Hoffman í hlutverki Kobba Klóar
og Robin Williams í hlutverki Pét-
urs sem gleymdi æskunni og var
orðinn að leiðinlegum kerfiskalli.
Að þessu sinni hefur Holly-
wood haldið sig við upprunalega
ævintýrið og nýja myndin um
Pétur Pan hefur fengið fína dóma
og mikla aðsókn. Jafnvel er talað
um að Pétur Pan muni jafnvel
ógna veldi sjálfs Harry Potter í
sumar. ■
KVIKMYNDIR Minimalen-stuttmynda-
hátíðin var haldin í 16. skipti í
Þrándheimi í Noregi dagana 11.-15.
mars og var að þessu sinni lögð sér-
stök áhersla á að kynna íslenska
kvikmyndagerð.
Alls voru 12 íslenskar stutt-
myndir sýndar á tveimur sérstök-
um dagskrám. Myndirnar voru
Annas Dag eftir Árna Ólaf Ásgeirs-
son, sem nýlega vann til verðlauna á
alþjóðlegu stuttmyndahátíðinni í
Clermont-Ferrand í Frakklandi,
Maður og verksmiðja (1967) eftir
Þorgeir Þorgeirson, Ævintýri á okk-
ar tímum (1992) eftir Ingu Lísu
Middleton, Á blindflugi (1998) og
Karamellumyndin (2003) eftir
Gunnar Björn Guðmundsson, Old
Spice (1998) og Lost Weekend
(1999) eftir Dag Kára Pétursson,
Slurpinn og Co. (1998) eftir Katrínu
Ólafsdóttur, BSÍ (2001) eftir Þor-
geir Guðmundsson, While the Cat’s
Away (2003) eftir Helenu Jónsdótt-
ur og Unni Ösp Stefánsdóttur,
ásamt Kissing (2003) og Burst
(2003) eftir Reyni Lyngdal.
Á stuttmyndahátíðina mættu
Árni Ólafur að kynna mynd sína
Annas Dag og Ólafur H. Torfason
gagnrýnandi, sem sagði frá ís-
lenskri kvikmyndagerð og íslensku
dagskránni á Minimalen. ■
PÉTUR PAN
Leikurinn æsist heldur betur þegar Vanda kemur til Hvergilands í boði Péturs og lendir í
klónum á sjóræningjahyski. Einnig koma við sögu Gling Gló, gráðugur krókódíll, indíánar
og hafmeyjar. Er hægt að biðja um eitthvað meira?
PER FISKE, FRAMKVÆMDASTJÓRI MINIMALEN, ÁRNI ÓLAFUR ÁSGEIRSSON OG
ÓLAFUR H. TORFASON
Íslenskar stuttmyndir voru á sérstakri dagskrá á stuttmyndahátíðinni Minimalen í
Þrándheimi.
Íslenskar stuttmyndir
á Minimalen