Fréttablaðið - 04.06.2004, Blaðsíða 17

17FÖSTUDAGUR 4. júní 2004
■ LÖGREGLUFRÉTTIR
■ BANDARÍKIN
MARGIR KEYRÐU OF HRATT Fjöldi
ökumanna var stöðvaður við um-
ferðareftirlit Lögreglunnar í
Kópavogi í fyrrakvöld. Alls
stöðvaði lögregla 22 ökumenn á
tveimur klukkustundum en eftir-
litið stóð yfir milli klukkan ellefu
og eitt.
BROTIST INN Í SÖLUTURN Brotist
var inn í söluturn í Grafarvogi í
fyrrinótt og talsverðri fjárupp-
hæð stolið úr sjóðsvél. Þrír góð-
kunningjar lögreglunnar voru
handteknir í kjölfarið grunaðir
um innbrotið, samkvæmt upp-
lýsingum frá Lögreglunni í
Reykjavík
ÖRBYLGJULOFTNETI STOLIÐ Ör-
bylgjuloftneti var stolið af þaki
kanadíska sendiráðsins við Tún-
götu í fyrradag. Ekki liggur fyrir
hverjir ræningjarnir voru en
málið er í rannsókn lögreglu.
Á VARÐBERGI
Mikil öryggisvarsla var um vinnustaði og
bústaði vestrænna manna í Sádi-Arabíu.
Íslamskir vígamenn:
Tveir skotnir
SÁDI-ARABÍA, AP Sádi-arabískar ör-
yggissveitir felldu tvo vígamenn
sem þær telja að hafi tengst gísla-
töku og morðum á 22 einstakling-
um um síðustu helgi. Ekki var þó
upplýst hvort þeir væru mennirn-
ir sem komust undan þegar sér-
sveitir réðust á húsið þar sem
gíslunum var haldið.
Mennirnir voru skotnir í fjöll-
unum í al-Halda í vesturhluta
Sádi-Arabíu, um þúsund kíló-
metra frá Khobar þar sem gísla-
takan átti sér stað.
Árásir á vestræna menn héldu
þó áfram. Skotið var á bandaríska
hermenn í höfuðborginni Ríad. ■
HERINN BURT
Rúmlega 2000 suðurkóreskir námsmenn
efndu til mótmæla gegn veru Bandaríkja-
hers í Suður-Kóreu. Búist er við að við-
ræður hefjist í næsta mánuði um þriðj-
ungs fækkun bandarískra hermanna í
landinu. Þeir eru nú 37.000.
Læknar flýja
Afganistan
AFGANISTAN, AP Alþjóðlegu hjálpar-
samtökin Læknar án landamæra
hafa hætt starfsemi sinni í
Afganistan eftir að fimm starfs-
menn samtakanna voru myrtir í
fyrirsát í norðurhluta Afganistan
á miðvikudag. Talibanar hafa lýst
ábyrgð á árásinni á hendur sér.
Árásin á miðvikudag er ein sú
mannskæðasta frá því stjórn tali-
bana féll síðla árs 2001. Menn á
mótorhjóli skutu úr hríð-
skotarifflum á bíl sem fimm-
menningarnir voru í og myrtu þá
alla, tvo hollenska hjálparstarfs-
menn, norskan lækni, afganskan
bílstjóra þeirra og túlk. Alls hafa
33 hjálparstarfsmenn fallið í árás-
um í Afganistan.
„Við hættum starfsemi okkar á
landsvísu,“ sagði Vicky Hawkins,
talsmaður Lækna án landamæra.
„Við munum fara náið yfir þennan
atburð á næstu vikum, en í augna-
blikinu er meginmarkmið okkar
að hlúa að þeim sem hafa orðið
fyrir barðinu á þessum harmleik.“
Nær 1.500 manns hafa starfað hjá
samtökunum í Afganistan.
Hættuástand hefur þegar
hamlað mjög hjálparstarfi í
suður- og austurhluta landsins.
Þessi síðasta árás eykur enn á ugg
manna vegna þeirrar hættu sem
steðjar að hjálparstarfsmönnum
og öðrum. ■
MANNSKÆÐUSTU ÁRÁSIR FRÁ
FALLI TALIBANASTJÓRNARINNAR
2. júní 2004
Fimm hjálparstarfsmenn skotnir til bana í
norðurhluta landsins.
25. febrúar 2004
Fimm afganskir hjálparstarfsmenn skotnir
austur af Kabúl.
14. febrúar 2004
Fjórir sprengjusérfræðingar skotnir í
vesturhluta landsins.
8. september 2003
Fjórir hjálparstarfsmenn bundnir og
skotnir.
5. maí 2004
Þrír starfsmenn Sameinuðu þjóðanna
skotnir til bana í austurhluta landsins.
OPIÐ Í HÁLFA GÁTT
Starfsmenn samtakanna Lækna án
landamæra eru varir um sig eftir
mannskæða árás.
YFIRMAÐUR CIA HÆTTIR George
Tenet, yfirmaður bandarísku
leyniþjónustunnar CIA, hefur
sagt upp störfum, að sögn George
W. Bush Bandaríkjaforseta, af
persónulegum ástæðum. CIA
hefur sætt mikilli gagnrýni bæði
fyrir að sjá ekki fyrir hryðju-
verkaárásirnar 11. september
2001 og fyrir vafasamar upp-
lýsingar fyrir innrás í Írak.