Fréttablaðið - 05.06.2004, Blaðsíða 42

30 5. júní 2004 LAUGARDAGUR
Þ egar konur eru hálfnaktar,ómálaðar og kannski með hár-
ið ógreitt eftir sjóböð og annað
skiptir miklu máli að þær klæðist
fallegu bikiníi sem þeim líður vel í.
Það eykur sjálfstraust þeirra,“
segir fatahönnuðurinn Freydís
Jónsdóttir, sem rekur Gallerí
Freydís í Kjörgarði og sérhannar
bikiní og sundföt fyrir konur á öll-
um aldri. Hægt er að fá handsaum-
uð bikiní með perlum og steinum,
fyrir allt upp í þrjátíu þúsund
krónur, en algengasta verðið fyrir
bikiní Freydísar er á bilinu 12.500
til 13.000 krónur.
„Ég var svo heppin að fá vinnu
við þessa tegund hönnunar og
saums þegar ég var í skólanum og
fyrst ég hafði reynsluna og tekið
eftir að markaðurinn var fyrir
hendi, ákvað ég að tileinka mér
bikiníhönnun þegar ég kæmi heim
að loknu námi í fatahönnun. Bik-
iníin eru mín eigin hönnun, en eng-
in sérstök áhersla er lögð á þess
háttar sundfatasmíð í skólunum,“
segir Freydís og leggur áherslu á
að mikil þörf sé fyrir konur að fá
sér sundföt sem passa og eltast
ekki við það sem er akkúrat í tísku
dagsins. „Þegar konur velja bikiní
eða sundboli vilja þær frekar fá
eitthvað sem þeim líður vel í og
eykur sjálfstraustið, oftar en ekki
eitthvað klassískt, frekar en að elt-
ast við tískuna. Í þeim efnum vilja
þær frekar velja tískuliti og
munstur, í stað sniðs. Tískutoppar
passa oft ágætlega, en bikiníbuxur
eru oft meira vandamál. Við tök-
um mál og finnum það besta sem
passar hverri og einni konu. Hér
fara konur ekki með tíu bikiní í
mátunarklefann og ganga
vonsviknar út. Hér fer engin út
fyrr en það bikiní er fundið sem
smellpassar.“
Freydís hefur rekið galleríið
síðastliðin þrjú ár og segir anna-
tímann vera mestan yfir hásum-
arið, þótt einnig sé mikið að
gera á veturna líka. „Það er
þriggja vikna afgreiðslufrest-
ur, en Íslendingar eru dálítið
þannig að koma daginn fyrir
brottför, þótt vitað sé af utan-
landsferðinni allt árið. Oft á
ég eitthvað smávegis á lager,
en það er ekki treystandi á það.
Betra að koma í tíma,“ segir
Freydís og bætir við að margir
viðskiptavinanna komi að ferð-
inni lokinni til að tjá henni
hversu flottar þær hafi verið
og liðið vel í bikiníinu. „Þá til-
finningu færðu bara í sérsaum-
uðu bikiníi. Að geta staðið upp og
litið út eins fegurðardís, án þess að
þurfa að toga til flíkina og laga.“ ■
1946 Franski bifvélaverkfræðingurinn Louis Réard
fer hljóðlega á markað með ný baðföt sem
hann kallar bikiní. Nafnið er samsett úr lat-
neska orðinu bi, sem þýðir tveir, og orðinu
kini, sem þýðir hlutar. Bikiní er því tveir hlutar.
1951 Bikiní eru bönnuð í fegurð-
arsamkeppninni Miss World
en keppendur fá að klæð-
ast sundbol í staðinn. Bikiní
þóttu of djörf og beinlínis
óholl heilsunni, að mati
dómaranna.
1957 Brigitte Bardot slær í gegn
íklædd bikiníi í kvikmynd-
inni „And God Created
Woman“. Bikiní-æði grípur um sig og
Hollywood setur á laggirnar þrívíddarbíó í
kjölfarið.
1960 Brian Hyland syngur „Itsy Bitsy Teenie
Weenie Yellow Polka Dot Bikini,“ og kemur
af stað bikiní-æði meðal
bandarískra unglinga.
1963 Kynbomban Annette
Funicello ljær bikiníi nýja
merkingu þegar sería sex
kvikmynda var gerð með
Annette þar sem hún
striplast um í bikiníi á
hvíta tjaldinu. Engar
tæknibrellur voru notað-
ar við gerð myndanna en víst fékk bikiníið
nýja áskorun með tilkomu myndanna.
1964 Bikini verður að mono-(einn)kini í augum
hönnuðarins Rudi Gernreich. Vatíkanið
bregst illa við topplausri þróun bikinísins, en
Gernreich seldi yfir þrjú þúsund monokini á
einu sumri í Evrópu. Konur sem klæddust
topplausu monokini
Rudis voru handteknar á
baðströndum.
1966 Ofurskutlan Raquel
Welch birtist í loðbikiníi í
kvikmyndinni „One Milli-
on Years B.C.“ og hlýtur
heimsfrægð fyrir vikið.
1970 Ný tegund bikinís sést á
ströndum Ríó og St.
Tropez, kallað Tanga-bikiní, stundum kallað
thong, bandabikiní eða „tannþráður“. Hönn-
un þess er óþægileg en Tanga-bikiníið verður
vinsælt í karlablöðum.
1983 Carrie Fisher, í hlutverki Leiu
prinsessu, kemur fram í sér-
stöku bikiníi í „Return of the
Jedi“. Meira að segja Yoda
sneri sig næstum úr háls-
liðnum, en myndin er sú
vinsælasta af Star Wars-
myndunum.
1993 Sport-bikiní, eða aðsniðinn
toppur, verður nýjasta æðið,
þökk sé blakdrottningunni
Gabriellu Reece og sjón-
varpsstöðinni MTV. ■
Tímaskeið tímalausrar hönnunar
Fyrst var það bikiní, þá mono-kiní og nú er það demikiní sem
án efa er frjálslegasta bikiníút-
gáfan; án hlýra og bakborða, og
örugglega það kynþokkafyllsta
sem sjást mun á ströndum heims-
ins í sumar. Þær skutlur sem
klæðast demikiní undir heitum
geislum sólarinnar losna alveg við
bikiníför á baki og öxlum, þótt
reyndar finnist mörgum bikinífar
afar kynæsandi.
Það var breska kennslukonan
Jill Silver í Manchester sem ól af
sér þessa frábæru nýjung. Draum-
ur hennar var að fá lýtalausa sól-
brúnku á kroppinn og auðvitað án
allra bandafara. Hún ákvað því að
gera eitthvað í málinu og hannaði
nýja tegund bikiníbrjóstahaldara
sem heldur utan um brjóstin en
festist með límgeli undir höndum.
Sams konar gel er notað í leikhús-
um og á skurðstofum, og leyfir
konunni að lifa og leika sér án þess
að eiga hættu á að brjóstin afhjúp-
ist þeim sem á horfa.
Minnstu baðföt í heimi
Það var um miðjan fimmta ára-
tuginn sem franski bifvélaverk-
fræðingurinn Louis Réard átti við
vanda að etja. Hann hafði hannað
baðföt sem vafalaust myndu
valda uppnámi meðal almennings.
Það eina sem vantaði var nafn á
hin nýju sundföt; eitthvað sem
væri í senn exótískt, framandi,
djarft og áhugavekandi. Það var
svo fjórum dögum áður en Réard
sýndi heiminum þessa spennandi
uppfinningu í París að bandaríski
herinn færði honum, alls óvart,
nafngiftina þegar þeir sprengdu
kjarnorkusprengju við Bikini-
eyjaklasann í Kyrrahafinu. Sýn-
ingardagurinn stóri rann svo upp
þann 5. júlí 1945, og þótt Réard
hafi þrætt fyrir að hafa skírt
sundfötin bikiní eftir sprengingu
Bandaríkjahers var öllum ljóst
hvaðan nafnið var upprunnið.
Annar Fransmaður, Jacques
Heim, hafði á svipuðum tíma
hannað tveggja hluta baðföt og
kallað þau atómið. Smæð atóms-
ins skyldi vera í samhengi við það
sem hann lýsti sem „minnstu bað-
fötum í heimi“. Réard var snögg-
ur upp á lagið og svaraði til að sitt
bikiní væri „minna en minnsta
bikiní heims“. Reyndar kom á
daginn að bikiní Réards var
reyndar svo lítið að engin fyrir-
sæta í París kom því utan um sig
þegar til kastanna kom. Hann réði
því nektardansmeyna Micheline
Bernardini í hlutverkið, eftir að
hann sá hana striplast á sviðinu í
Casino de Paris. Bernardini var
ekki dæmigerð fegurðardís, en
eftir að myndir af henni íklæddri
bikiníi birtust á síðum blaðanna
rigndi yfir hana aðdáendabréfum
í þúsundavís.
Fyrirferðarmiklar fantasíur
Tveggja hluta baðföt voru þó alls
ekki ný af nálinni. Á kreppuárun-
um fyrirskipuðu bandarísk
stjórnvöld tíu prósenta rýrnun á
efni sem notuð voru í baðfata-
saum kvenna og um gjörvöll
Bandaríkin gláptu menn á konur í
efnisminni baðfötum. Það var
hins vegar Réard sem tók af skar-
ið og gerði enn betur. Rýrði bað-
fötin um helming, skipti þeim upp
í brjóstahaldara og tvo þríhyrn-
inga sem þræddir voru saman
með þunnum streng, og kom nafl-
anum í sviðsljósið.
Og heimurinn tók svo sannar-
lega eftir. Í kaþólsku löndunum
Spáni, Ítalíu og Portúgal var bikiní
stranglega bannað og siðfræðingar
lögðu hart að kvikmyndaiðnaðin-
um í Hollywood að halda bikiníinu
frá hvíta tjaldinu. Það leið hins
vegar ekki á löngu þar til bikiní
varð fyrirferðarmikið í kynferðis-
legum fantasíum karla og Réard
gerði sitt til að ýta undir það. Sagði
að bikiní væri ekki bikiní nema
hægt væri að draga það í gegnum
giftingarhring vegna efnisrýrðar.
Á fimmta áratugnum kom það í
hlutverk frönsku kynbombunar
Brigitte Bardot að koma bikiníinu
endanlega á kortið, þótt siðprúðir
Bandaríkjamenn hafi enn litið á
bikiní Réards sem argasta
hneyksli. Ameríka var ekki tilbú-
in fyrir bikiníið fyrr en 1960 þeg-
ar poppsöngvarinn Brian Hyland
gerði allt vitlaust með slagaran-
um „Itsy Bitsy Teenie Weenie
Yellow Polka Dot Bikini“. Í kjöl-
farið var kvikmyndin „Beach
Party“ frumsýnd, sem var sú
fyrsta í bikiníseríu Annette Funi-
cello og Frankie Avalon.
Á áttunda og níunda áratugn-
um hrapaði bikiníið í vinsældum
og sölutölur settu marga í gjald-
þrot. En tískan fer í hringi og er
síbreytileg. Nú er bikiní sjóðheitt
og seiðandi, og selst eins og heitar
lummur.
thordis@frettabladid.is
Kynþokkafyllstu klæðin
Bikiní sem passar
eykur sjálfstraust kvenna
Gallerí Freydís sérhannar og saumar íslensk bikiní: