Fréttablaðið - 30.06.2004, Blaðsíða 8

8 30. júní 2004 MIÐVIKUDAGUR
Voru sextán ára og próflausir:
Missti sextán ára son sinn í bílslysi
UMFERÐARSLYS „Ég hef bæði
misst foreldra og bróður en
þetta er eitthvað sem ekki er
hægt að lýsa. Veröldin hrundi,“
segir Lárus Kjartansson lög-
reglumaður sem missti son sinn,
Magnús Örlyg, í umferðarslysi
skammt frá Nesjavallavirkjun
árið 1996.
Sonur Lárusar fór með vini
sínum og foreldrum hans í sum-
arbústað. Þeir vinirnir voru
sextán ára, báðir próflausir og
fóru út að keyra á bíl foreldra
vinarins þegar slysið varð.
„Sonur minn var farþegi. Það
sem bjargaði ökumanninum var
að hann var í bílbelti en sonur
minn ekki. Þeir óku eftir sveita-
vegi og voru að fara á milli
hliða. Strákurinn minn hafði far-
ið út til að opna fremra hliðið og
nokkrir kílómetrar voru í það
næsta. Þessvegna beið hann
með að setja beltið aftur á sig.
Bílnum hefur verið ekið nokkuð
greitt því hann hafði oltið tölu-
vert og kastast mikið til,“ segir
Lárus.
Lárus segir fyrsta mánuðinn
eftir slysið hafa verið eins og í
móðu og hann muni ósköp lítið
eftir þeim tíma. „Maður á aldrei
von á að verða fyrir því að missa
barnið sitt. Ekki löngu áður vor-
um við að tala um dauðann. Ég
sagði honum að hann ætti að sjá
til þess að lagið Fylgd yrði spil-
að yfir mér. Hann sagði að við
vissum ekki hver færi á undan.
Ég svaraði að auðvitað myndi ég
deyja á undan og fannst það
eðlilegt en skömmu síðar dó
hann, blessaður kúturinn.“
Lárus segir að þó að átta ár
séu síðan slysið varð sé alltaf
jafn erfitt að tala um þetta.
Sorgin og söknuðurinn komi
alltaf upp í hugann. ■
UMFERÐARSLYS 228 hafa látist í um-
ferðarslysum hér á landi frá árinu
1994, þar af hafa ellefu látist það
sem af er þessu ári. Rannsóknir
sýna að flest banaslysin verða að
sumarlagi við bestu aðstæður.
Hraðakstur er helsta orsök
banaslysa og kemur vannotkun
bílbelta þar á eftir.
Vátryggingafélag Ísland stend-
ur nú, fjórða sumarið í röð í þjóð-
arátaki gegn um-
ferðarslysum. Yf-
irskrift átaksins
er „Það vantar
einn í hópinn“ og
er athyglinni
beint að fjölskyld-
um og aðstand-
endum þeirra sem
láta lífið í umferð-
inni. Helmingur
þeirra sem látist
hafa síðustu tíu ár
í umferðarslysum yfir sumar-
mánuðina júní, júlí og ágúst er
þrjátíu ára og yngri. Alls hafa 73
látist í banaslysum yfir sumar-
mánuðina síðustu tíu ár.
„Ég hef ekkert val heldur verð
að lifa með þessu. Það er svo
margt sem gleymist því þetta er
mikið meira en að lenda í hjóla-
stól,“ segir Ágústa Dröfn Guð-
mundsdóttir sem slasaðist í mót-
orhjólaslysi í Vestmannaeyjum
árið 1979 þegar hún var aðeins
sextán ára. Hún var farþegi á
hjóli hjá kærastanum sínum.
Ágústa hálsbrotnaði og skaddað-
ist á mænu og hefur verið lömuð
síðan. Þáverandi kærasti hennar
slapp alveg án meiðsla en Ágústa
segir það hafa verið erfitt fyrir
hann að horfa upp á hana. Þá þurfi
hann líka að bera þessa byrði í
gegnum lífið. Ágústa sem er að
mestu skert líkamlega segir
margt fylgja því að vera í hjóla-
stól. Fólk missir skyn í skrokkn-
um og hefur ekki stjórn á hægð-
um né þvagláti.
Sólveig Svavarsdóttir sem
missti föður sinn í bílslysi fyrir 30
árum síðan segir tímann ekki
lækna sárið né missinn heldur
geri hann einungis bærilegri.
Henni finnist enn í dag sárt að
faðir hennar geti ekki tekið þátt í
lífi dætra hennar og að þær hafi
ekki fengið tækifæri til að kynn-
ast afa sínum.
Í átaki VÍS að þessu sinni er
athyglinni beint að aðstandendum
og fjölskyldum þeirra sem látið
hafa lífið í umferðarslysum.
Markmiðið er að hvetja alla lands-
menn til að leggjast á eitt í barátt-
unni gegn umferðaslysum. Ellefu
hafa látist í umferðinni á árinu og
má búast við að sú tala tvöfaldist
áður en nýtt ár gengur í garð.
Síðustu tíu árin hafa að meðaltali
22 dáið í umferðinni á hverju ári.
hrs@frettabladid.is
ÁGÚSTA DRÖFN OG DÓTTIR HENNAR
ÞÓRANNA BRYNJA
Ágústa Dröfn Guðmundsdóttir lenti í mót-
orhjólaslysi árið 1979 og hefur verið í
hjólastól síðan. Hraðakstur er helsta ör-
sök banaslysa og vannotkun á bílbeltum
þar á eftir.
,,Það er
svo margt
sem gleym-
ist því þetta
er mikið
meira en
að lenda í
hjólastól.
SVONA ERUM VIÐ
HEIMILISÚRGANGUR
(TONN Á ÁRI)
– hefur þú séð DV í dag?
Vilja hirða
hús níræðrar
konu undir
bílastæði
Síðustu tíu ár hafa 228
látist í umferðarslysum
Vátryggingafélag Ísland stendur nú fjórða sumarið í röð í þjóðarátaki gegn umferðarslysum.
Fyrsta helgin í júlí er orðin ein mesta ferðahelgi ársins og margir ungir vegfarendur í umferð-
inni, en flest banaslysin verða um helgar að sumarlagi við bestu aðstæður.
FR
ÉT
TA
B
LA
Ð
IÐ
/V
AL
LI
Krónprins Noregs í fyrsta sinn á Íslandi:
Hákon og Mette-Marit á heimleið
HEIMSÓKN Hákon krónprins Nor-
egs, Mette-Marit kona hans og
dóttir þeirra Ingiríður Alex-
andra snúa heim í dag eftir að
hafa verið í opinberri heimsókn
á landinu frá því á sunnudag.
Hjónin heimsóttu Íslenska
erfðagreiningu í gærmorgun og
kynntu sér starfsemina. Þau
sóttu síðan Garðabæ heim og
tók Ásdís Halla Bragadóttir á
móti þeim. Þar var opnuð ker-
amiksýning. Loks fóru þau
áfallalaust með flugi til Siglu-
fjarðar. Þar vígði Hákon hið
nýja bátahús á Siglufirði en þau
hjónin heimsóttu staðinn í til-
efni af 100 ára afmæli síldaræv-
intýrsins.
Þau voru viðstödd móttöku í
Norræna húsinu undir kvöld og
enduðu opinbera heimsókn sína
á tónleikum samlanda sinna í
tríói Ola Kvernberg á skemmti-
staðnum Nasa. ■
LÁRUS KJARTANSSON
Lárus segir að þó að átta ár séu liðin frá
því að slysið varð sé alltaf jafn erfitt að tala
um lát sonar síns. Sorgin og söknuðurinn
komi alltaf upp í hugann.
FR
ÉT
TA
B
LA
Ð
IÐ
/R
Ó
B
ER
T
Heimild: Hagstofa Íslands.
Ár 1998 1999 2000 2001 2002
68 71 74 75 76
FRÁ ÍRAK
Bandaríkjamenn hafa eytt mun meiru af
írösku en bandarísku fé til uppbyggingar
landsins.
Uppbygging í Írak:
Meira eytt af
írösku fé
WASHINGTON, AP Bandaríkjamenn
hafa eytt mun meiru af íröskum
fjármunum en bandarískum til
uppbyggingar landsins að því er
fram kemur í nýrri skýrslu
þingsins.
Í skýrslunni kemur meðal
annars fram að 8,3 milljörðum
Bandaríkjadala, rúmlega 600
milljörðum íslenskra króna, af
fé Íraka hafi verið eytt. Um þrír
milljarðar Bandaríkjadala, rúm-
lega 200 milljarðar íslenskra
króna, hafi hins vegar komið úr
bandarískum sjóðum. ■
FLUTTIR Á SLYSADEILD Tveir
voru fluttir með sjúkrabíl á
slysadeild eftir árekstur á Miklu-
braut til móts við Skeifuna um
þrjúleytið í gær. Meiðsl þeirra
eru ekki talin alvarleg. Bílarnir
voru báðir fluttir með kranabíl af
slysstað.
ELDUR Í RUSLAGÁMUM Slökkvilið
höfuðborgarsvæðisins var tví-
vegis kallað út í gærdag vegna
elds í ruslagámum, annars vegar
í Seljahverfi í Breiðholti og hins
vegar við Skúlagötu. Orsakir
brunanna eru ekki kunnar.
■ LÖGREGLUFRÉTTIR
KONUNGLEG
FJÖLSKYLDA OG
FORSETAHJÓNIN
Hákon krónprins,
Mette-Marit og
Ingiríður Alexandra
eru hér með forse-
tahjónunum.