Fréttablaðið - 30.06.2004, Blaðsíða 33
30. júní 2004 MIÐVIKUDAGUR
Fyrsti þjálfarinn farinn í Landsbankadeildinni:
Geolgau gafst upp
FÓTBOLTI Rúmeninn Ion Geolgau
fór fram á það í gær að vera leyst-
ur undan störfum sem þjálfari
Fram í Landsbankadeild karla í
knattspyrnu. Það var bón sem
stjórn rekstrarfélags meistara-
flokks Fram var ekki í miklum
vandræðum með að samþykkja.
„Hann sá fram á það að hann
kæmist ekki lengra með liðið og
óskaði eftir því að fá að hætta. Við
vorum sammála því og þar með
var ekkert mál að ganga frá mál-
unum og það var gert í mesta
bróðerni,“ sagði Brynjar Jóhann-
esson, framkvæmdastjóri rekstr-
arfélags meistaraflokks Fram.
Geolgau byrjaði vel með liðið í
sumar. Þeir unnu góðan sigur á
Víkingum í fyrstu umferð og léku
vel. Nældu svo í stig í Eyjum í
næsta leik en eftir það hafa þeir
ekki fengið eitt einasta stig.
„Það er ekki hægt að neita því
að þetta hefur ekki verið boðlegt.
Þetta er búið að vera alveg skelfi-
legt,“ sagði Brynjar. „Það er hlut-
verk þjálfarans að kveikja í leik-
mönnum og fá þá til að spila eins
og hann vill en það hefur honum
ekki tekist. Það er samt ekki hægt
að skella allri skuldinni á þjálfar-
ann því leikmenn verða einnig að
líta í eigin barm. Það er ekki hægt
að loka augunum fyrir þeirra
framlagi sem hefur ekki verið
mikið.“ ■
Shaq setur húsið sitt á sölu
Miðherji LA Lakers í NBA-deildinni, Shaquille O´Neal, sýnir í verki að honum er alvara með að
vilja komast burt frá liðinu. Glæsihúsið hans kostar litlar 542 milljónir íslenskra króna.
KÖRFUBOLTI Það vakti mikla athygli
á dögunum þegar Shaquille O’Neal
gaf það út að hann vildi fara frá
LA Lakers í NBA-deildinni í körfu-
bolta en hann bað þá um að vera
skipt til annars liðs.
Í fyrstu tóku fjölmiðlamenn
ytra þessari yfirlýsingu mátulega
alvarlega en nú bendir flest til að
stóra manninum sé fullkomlega
alvara og þessi yfirlýsing hafi
ekki verið dæmigert svar frá
tapsárum manni að sætta sig við
óvænt tap inn á körfuboltavellin-
um.
Allt til alls
Nýjustu vísbendingarnar um
að þessum frábæra miðherja sé al-
vara er að hann er nú búinn að
setja húsið sitt í Beverly Hills á
sölu og getur hver sem vill keypt
það fyrir litlar 7,5 milljónir doll-
ara eða um 542 milljónir íslenskra
króna. Shaq hefur búið í þessari
glæsivillu síðan 1997 en hún hafði
verið byggð fjórum árum fyrr. Inn
í því er kvikmyndahús, tölvu-
leikjasalur, upptökuhljóðver,
lyfta, líkamsræktarstöð og að
sjálfsögðu frábært útsýni yfir LA
eða allt til alls fyrir stórstjörnu á
borð við O’Neal enda er húsið upp
á 12.500 fermetra.
Það gæti kannski pirrað nýjan
kaupanda að tennisvellinum hefur
verið breytt í bílastæði fyrir
nokkra af fjölmörgum sportbílum
Shaq sem og að O’Neal hefur mál-
að Súperman-merkið á nokkra
staði í húsinu en Shaq var líkt við
þessa ofurhetju á árum áður. Þetta
sýnir og sannar að Shaq vill burtu
frá Los Angeles þar sem hann hef-
ur leikið síðustu átta ár og unnið
þrjá meistaratitla með liðinu.
Lakers-menn hafa fengið fjölda til-
boða í O’Neal enda eru mörg NBA-
lið spennt fyrir því að bæta þess-
um 216 cm og 154 kg miðherja inn
í sitt lið. Framkvæmdastjórinn hjá
Lakers, Mitch Kupchak, lifir víst
enn í voninni með að Shaq snúist
hugur en eftir því sem dagarnir
líða verða minni og minni líkur á
því. Umboðsmenn O’Neal hafa
þegar sest niður með Kupchak og
lagt fram lista með kröfum Shaq
en þar sem launaumslagið hans er
víst í sama stærðarflokki og hann
sjálfur er ekkert auðvelt fyrir hin
liðin í deildinni að taka undir sitt
launaþak..
„Ég var ekkert að grínast á
dögunum,“ sagði Shaq við blaða-
menn þegar þeir náðu í skottið á
honum á fundi félags leikmanna í
NBA-deildinni en þar hefur Shaq
tekið að sér forustuhlutverk.
Hann varð varaforseti í vor og
þykir líklegur sem framtíðarfor-
maður félagsins en núverandi
samningur við leikmenn rennur út
eftir næsta tímabil og þykja ýmis
vera teikn á lofti með að annað
verkfall gæti skollið á deildina í
kjölfar þess.
Það er samt ljóst á öllu að þessi
32 ára leikmaður er ekki lengur sá
yfirburðamaður sem hann var en
engu að síður ætti hann að geta
breytt mörgu hjá því liði sem
verður svo heppið að hreppa
hann. Shaq sjálfur hefur ekki gef-
ið neitt úr um hvert hann vilji fara
bara að hann vill burt úr
Hollywood. ■
Grindvíkingar styrkja sig:
Alfreð og
Mileta mættir
FÓTBOLTI Grindvíkingar hafa í hygg-
ju að styrkja lið sitt fyrir komandi
átök í Landsbankadeild karla í
knattspyrnu en liðið hefur verið
nokkuð sveiflukennt í sumar.
Serbinn Momir Mileta, sem lék
með ÍBV sumarið 2000, verður til
reynslu hjá Grindvíkingum á næst-
unni. Kappinn þótti standa sig
mjög vel með ÍBV og skoraði hann
3 mörk í 17 leikjum, en hefur und-
anfarið leikið í Austurríki.
Þá hafa Grindvíkingar endur-
heimt Alfreð Elías Jóhannsson en
hann var í láni hjá 1. deildarliði
Njarðvíkinga sem hefur komið
skemmtilega á óvart. ■
Portúgalinn Deco er eftir-
sóttur leikmaður:
Vill fara til
Barcelona
FÓTBOLTI Portúgalinn Deco hefur
gefið sterklega í skyn að hann
vilji færa sig um set til nágranna-
landsins Spánar.
Eftir frábæra frammistöðu í
vetur með Portó þar sem liðið
hampaði bæði meistaradeildartitl-
inum og þeim portúgalska er
Deco afar eftirsóttur leikmaður.
Frammistaða hans á EM hefur
síðan ekki dregið úr áhuga stór-
liða á að fá hann til liðs við sig.
Bæði Chelsea og Bayern
München vilja ólm þiggja þjón-
ustu Decos en nú hefur hann látið
í veðri vaka að hann vilji helst af
öllu ganga til liðs við Barcelona:
Mikilvægur leikur
„Framtíð mín ræðst eftir EM
og það væri ábyrgðar- og virðing-
arleysi af mér gagnvart félögum
mínum í landsliðinu að ræða of
mikið um mín mál á þessari stun-
du þegar svo mikilvægur leikur
er framundan,“ en Portúgalar
mæta einmitt Hollendingum í
undanúrslitum EM í kvöld. Hins
vegar bætti Deco þessu við:
„Það eru mörg stórlið áhuga-
söm en forráðamenn Portó hafa
auðvitað mikið um málið að segja.
Á hinn bóginn vilja allir spila fyr-
ir Barcelona, þó er ekkert ákveð-
ið,“ sagði Deco. ■
„Ég borða mikilvægustu máltíð
dagsins um leið og ég vakna“
„Ég borða mikilvægustu máltíð
dagsins á innan við mínútu“
24
SHAQ SEGIR BLESS VIÐ VILLUNA SÍNA
Shaquille O’Neal hefur sett glæsihús sitt til sjö ára á sölu fyrir litlar 542 milljónir íslenskra króna. Hér er hann ásamt „besta“ vininum Kobe Bryant.
SKÝR ÁBENDING
Deco vill ganga til liðs við Barcelona. Sést
hér með milljón dollara bros á vör.
BÚINN AÐ PAKKA SAMAN
Rúmeninn Ion Geolgau, til vinstri, er hætt-
ur með Framliðið. Hann spáir hér í spilin
ásamt aðstoðarmanni sínum, Jörundi Áka
Sveinssyni, sem kemur til greina sem
næsti þjálfari liðsins.