Fréttablaðið - 17.07.2004, Blaðsíða 4

4 17. júlí 2004 LAUGARDAGUR
Riðuveiki fannst í Skagafirði:
Upptökin ókunn
LANDBÚNAÐUR „Það er á þessari
stundu óvíst hvaðan riðan hefur
borist í féð í Árgerði,“ segir Sig-
urður Sigurðarson, dýralæknir á
Tilraunastöð Háskóla Íslands í
meinafræði að Keldum, vegna
staðfestrar riðuveiki á bæ í
Skagafirði. Farga þarf öllu fé á
bænum en þetta er í annað sinn
sem bóndinn á bænum verður fyr-
ir slíkum búsifjum.
Sigurður hefur lýst yfir
áhyggjum sínum vegna þess sem
hann lýsir sem almennu sinnu-
leysi gagnvart þeim hættum sem
af riðuveiki stafa en komi slíkt
upp verður undantekningarlaust
að farga öllu fé á viðkomandi bæ
og jafnvel í heilu sveitarfélögun-
um. „Riða hefur oft komið upp í
kjölfar heyflutninga, sem talsvert
er um á hverju ári. Þótt ekki hafi
tekist að sanna endanlega að hey-
flutningar skapi smithættu hafa
eldri rannsóknir sýnt fram á að
veikin hefur fundist í heymaurum
og mýs sem voru sprautaðar með
sýnum úr þeim sýndu einnig að
um smit var að ræða.“
Sigurður vonast til að hesta-
menn leiði hugann að riðuveiki
við heyflutninga og gæti þess vel
að ganga alls staðar um með það í
huga. ■
Fjölmiðlalögin fari til
þjóðarinnar sem fyrst
Stjórnarandstaðan segir meirihluta allsherjarnefndar Alþingis tefja málið.
Ekkert sé því til fyrirtöðu að vísa málinu til annarrar umræðu. Undir-
búning þjóðaratkvæðagreiðslu um fjölmiðlalögin eigi að hefja hið fyrsta.
FJÖLMIÐLAFRUMVARP Stjórnarand-
staðan er á einu máli um að fjöl-
miðlalögin fari í þjóðaratkvæða-
greiðslu og að flýta eigi afgreiðslu
málsins. Fulltrúar hennar í alls-
herjarnefnd eru tilbúnir með álit
minnihlutans.
Fulltrúar stjórnarandstöðunn-
ar ákváðu að hittast og ræða sam-
an þegar ljóst var að ekki yrði
boðað til fundar í nefndinni. „Við
teljum að málið sé fullskoðað, það
er að segja að það er búið að kalla
alla þá fyrir nefndina sem þangað
hafa verið beðnir að koma,“ sagði
Guðjón Arnar Kristjánsson, for-
maður Frjálslynda flokksins.
Minnihluti allsherjarnefndar
gagnrýnir að ekki skuli hafa
verið boðað til fundar og málið
afgreitt. „Mér dylst ekki að
menn eru farnir að nota alls-
herjarnefnd til þess að tefja
málið og vinna þannig tíma til að
vinna úr þeim logandi ágrein-
ingi sem er milli
st jórnarflokk-
anna tveggja.
Þeir hafa ekki
getað náð niður-
stöðu og eru að
reyna að nota
þennan tíma til
að kæla málið og
tala um fyrir sín-
um mönnum. Á
þessari stundu er
ljóst að það er
ekki þingmeiri-
hluti, að minnsta
kosti ekki fyrir
hinu upphaflega
f r u m v a r p i , “
sagði Össur
Skarphéðinsson, formaður Sam-
fylkingarinnar.
Stjórnarandstaðan telur að
Davíð Oddsson forsætisráðherra
hafi tekið völdin af formanni alls-
herjarnefndar. „Það er greinilegt
að hann er tekinn við formennsku
í allsherjarnefnd og fjarstýrir
störfum nefndarinnar eins og
fleiru um þessar mundir. Við höf-
um haft tilfinningu fyrir því áður
að menn fengju fyrirmæli utan úr
bæ,“ sagði Steingrímur J. Sigfús-
son, formaður Vinstri grænna.
„Segja þeir það,“ var svar
Davíðs þegar hann mætti til
matsalar þinghússins á slaginu
tólf. Hann vildi ekki tjá sig frek-
ar um gagnrýni stjórnarandstöð-
unnar.
Minnihlutinn telur að sú skyl-
da hvíli á Alþingi að boða til þj-
óðaratkvæðagreiðslu og að ekki
sé við hæfi að draga það að halda
þjóðaratkvæðagreiðslu svo
fljótt sem auðið sé, eins og segir
í 26. grein stjórnarskrárinnar.
haflidi@frettabladid.is
Össur Skarphéðinsson:
Ekki þing-
meirihluti
FJÖLMIÐLAFRUMVARP „Við erum
sáróánægð með að stjórnarliðið
skuli ekki hafa verið tilbúið til að
mæta okkar kröfum um að hafa
fund,“ segir Össur Skarphéðins-
son. „Við teljum að við höfum rétt
til þess samkvæmt þingskapar-
lögum. Á þessari stundu er ljóst
að það er ekki þingmeirihluti, að
minnsta kosti ekki fyrir hinu upp-
haflega frumvarpi. Þetta teljum
við að sé í algjörri andstöðu við
fyrirmæli stjórnarskrárinnar um
að þjóðaratkvæðagreiðslu skuli
halda svo fljótt sem auðið er.
Þingið er til þess saman komið að
samþykkja lög um þjóðar-
atkvæðagreiðslu. Það er okkar
krafa að það verði gert. Við sem
þingmenn höfum skyldur til þess
að undirbúa hana. ■
Guðjón A. Kristjánsson:
Stjórnarskrá
njóti vafans
FJÖLMIÐLAFRUMVARP „Við teljum að
hvíli á okkur ákveðin skylda sam-
kvæmt þingsköpum og gagnvart
stjórnaskránni að ljúka þessu
máli,“ segir Guðjón A. Kristjáns-
son. „Við höfum ekki endalausan
tíma eins og við höfðum í vor
þegar málið var ekki komið í
þennan farveg sem það fór í þegar
forseti vísaði málinu til þjóðarinn-
ar. Nú höfum við ákveðinn tíma-
ramma yfir okkur og við teljum
að við eigum að verða við þeim
ákvæðum stjórnarskrárinnar sem
mæla fyrir um að þetta skuli til
þjóðarinnar. Við teljum að eina
örugga leiðin í málinu sé að leyfa
þjóðinni að taka afstöðu. Þá njóti
stjórnarskráin alls þess vafa sem
hún á að njóta. Aðrar tillögur
ganga á svig við stjórnarskrána
og við teljum að ekki eigi að fara
með málið í þann farveg.“ ■
Lögreglan á Blönduósi:
Fann fíkni-
efni í bíl
LÖGREGLUMÁL Lögreglan á Blönduósi
hafði afskipti af ökumanni og
tveimur farþegum bifreiðar á norð-
urleið á fimmtudagskvöld. Þegar
lögreglan gaf ökumanni stöðvunar-
merki var litlum pakka kastað út úr
bifreiðinni sem reyndist innihalda
lítilræði af fíkniefnum.
Mennirnir voru færðir til yfir-
heyrslu á Blönduósi og leitað í bíl
þeirra að meiri fíkniefnum, meðal
annars með fíkniefnahundi, en
ekkert fannst og var mönnunum
sleppt. Einn þeirra gekkst við að
eiga fíkniefnin og sagði þau ætluð
til eigin neyslu. Mennirnir hafa
áður komið við sögu lögreglunnar
í ýmsum málum. ■
,,Þeir hafa
ekki getað
náð niður-
stöðu og
eru að
reyna að
nota þenn-
an tíma til
að kæla
málið og
tala um
fyrir sínum
mönnum.
Finnst þér fiskur góður?
Spurning dagsins í dag:
Heldurðu að alnæmissmitum eigi eftir
að fjölga á Íslandi?
Niðurstöður gærdagsins
á visir.is
7%NEI
JÁ
KJÖRKASSINN
Farðu inn á visir.is og segðu þína skoðun
visir.is
Steingrímur J. Sigfússon:
Tafir ámæl-
isverðar
FJÖLMIÐLAFRUMVARP „Nefndinni var
ekkert að vanbúnaði að afgreiða
málið til þingsins. Við höfum allan
tímann bent á þá skyldu Alþingis
að vinna þetta hratt og mark-
visst,“ segir Steingrímur J.
Sigfússon.
Við erum tilbúin með okkar
nefndarálit, breytingartillögur
um minniháttar lagfæringar á til-
lögum okkar um þjóðaratkvæða-
greiðslu. Það er það sem ber að
gera, fara að 26. grein stjórnar-
skrárinnar og láta þessa kosningu
fara fram.“
Steingrímur segir í raun erfitt
að segja hvort brotið sé gegn því
ákvæði stjórnarskrár að kosning-
ar fari fram svo fljótt sem auðið
er. „Það er í það minnsta gagn-
rýnivert og ámælisvert að einn og
hálfur mánuður sé liðinn og málið
ekki komið lengra en þetta. Auð-
vitað eru vinnubrögð ríkisstjórn-
arinnar við undirbúning við-
bragða Alþingis fyrir neðan allar
hellur.“ ■
Pantið eintak eða nálgist á
völdum bensínstöðvum Esso.
Ný og endurbætt heimasíða full af frábærum
ferðamöguleikum www.kuoni.is
Nýr og glæsilegur
ferðabæklingur 2004-2005
Holtasmára 1 • 201 Kópavogi • Sími: 5 100 300 • Símbréf: 5 100 309
Netfang: langferdir@langferdir.is • Heimasiða: www.kuoni.is
Opnunartímar alla virka daga frá 10:00-17:00
Meirihluti allsherjarnefndar:
Mikilvægt að vanda sig
FJÖLMIÐLAFRUMVARP „Það ætti ekki að
vera nein goðgá, þegar nefndin
hefur fengið til sín síðustu gestina,
að leggjast yfir málið í tvo til þrjá
daga,“ segir Bjarni Benediktsson,
formaður allsherjarnefndar. „Nema
þeir óttist það svo mjög að við séum
að komast til botns í málinu.“
Bjarni segir að það hafi verið
mat sitt að boða til fundar vegna
beiðni stjórnarandstöðunnar á
mánudag, en stjórnarandstaðan
óskaði eftir fundinum í gær. „Ég
lagði mat á stöðuna og ekki síst út
frá því hvernig síðasta fundi nefnd-
arinnar lauk. Hafi verið svona brýn
þörf á fundi, þá velti ég því fyrir
mér hvort stjórnarandstaðan hafi
breytt afstöðu sinni. Ég hef ekki
heyrt af því.“
Jónína Bjartmarz, fulltrúi Fram-
sóknarflokksins í allsherjarnefnd,
tekur undir með Bjarna og segir
mikilsverð mál til umfjöllunar og
því mikilvægt að flana ekki að
neinu. „Mér finnst fáránlegt að búa
til einhvern ágreining um það að
menn taki tvo eða þrjá daga til að
vinna málið.“
Þau vilja ekki svara því hvort
liggi fyrir samdóma skoðun meiri-
hlutans. „Það gengur ljómandi vel að
vinna málið áfram,“ segir Bjarni. ■
BERSKJALDAÐ FÉ
Riðuveiki getur stungið sér niður hvar og
hvenær sem er þrátt fyrir að tekist hafi að
halda sjúkdómnum í skefjum
í langan tíma.
Ekinn niður í
Ártúnsbrekku:
Á batavegi
LÖGREGLUMÁL Þrítugur ökumaður
sem stakk af eftir að hafa ekið á
gangandi vegfaranda í Ártúns-
brekku í Reykjavík aðfaranótt
miðvikudags játaði brot sitt fyrir
lögreglu. „Hann náðist strax um
nóttina og málið telst upplýst,“
segir Hörður Jóhannesson, yfir-
lögregluþjónn í Reykjavík.
Maðurinn er grunaður um ölvun
við akstur.
Að sögn vakthafandi læknis á
gjörgæsludeild Landspítala - há-
skólasjúkrahúss í Fossvogi er
maðurinn minna slasaður en
fyrstu fréttir bentu til, þó vissu-
lega hafi hann fengið alvarlega
áverka, og er á batavegi. ■
93%
ENGIN MEIRHLUTASKOÐUN
Ekki liggur fyrir nein meirihlutaskoðun um fjölmiðlafrumvarpið í allsherjarnefnd.
Meirihlutinn vill vanda sig og taka tíma í að leiða málið til lykta.
VERIÐ AÐ TEFJA MÁLIÐ
Össur Skarphéðinsson og Guðjón A. Kristjánsson koma af fundi minnihlutans
í allsherjarnefnd Alþingis. Minnihlutinn segir meirihlutann tefja málið.
Hið eina rétta sé að undirbúa þjóðaratkvæðagreiðslu strax.
FR
ÉT
TA
B
LA
Ð
IÐ
/V
AL
G
AR
Ð
U
R