Fréttablaðið - 17.07.2004, Blaðsíða 39

LAUGARDAGUR 17. júlí 2004 29
Kobe áfram hjá Lakers
Los Angeles Lakers missti miðherjann Shaquille O’Neal en hélt Kobe Bryant sem skrifaði undir
sjö ára samning við félagið eftir að hafa lengi verið á leiðinni til grannanna í LA Clippers.
KÖRFUBOLTI Körfuboltasnillingurinn
Kobe Bryant ákvað loksins í gær
hvar hann myndi spila á komandi
tímabilum í NBA-deildinni.
Bryant, sem var með lausan
samning, ræddi við Chicago Bulls,
Denver Nuggets og New York
Knicks auk Los Angeles-liðanna
tveggja, Lakers og Clippers. Á
endanum ákvað hann að spila
áfram með Los Angeles Lakers,
skrifaði undir sjö ára samning
sem færir honum 9,8 milljarða í
aðra hönd.
„Það er frábært að vera í borg-
inni Los Angeles og spila fyrir
Lakers næstu sjö árin. Það er
ótrúleg tilfinning,“ sagði Bryant á
blaðamannafundi í gær þegar
samningur hans var kynntur.
Ákvörðun Bryants kemur degi
eftir að Shaquille O’Neal ákvað að
yfirgefa Lakers fyrir Miami Heat
en hann vísaði þeim ásökunum, að
O’Neal hefði farið frá félaginu
vegna rifrildis við sig, aftur til
föðurhúsanna. „Slíkar tilhæfu-
lausar ásakanir ergja mig. Hann
gerði það sem hann þurfti að gera.
Það kom mér ekki við. Í fullkom-
num heimi hefðum við spilað
áfram saman í Lakers og haldið
áfram að vinna meistaratitla,“
sagði Bryant.
Bryant hittir fyrir nánast nýtt
lið í Lakers því auk Shaq þá er
bakvörðurinn Derek Fisher far-
inn til Golden State Warriors. Það
er ljóst að það verða aðrar áhersl-
ur í leik liðsins nú þegar liðið hef-
ur misst hinn tröllvaxna mið-
herja. „Við ætlum að hlaupa upp
og niður. Það var kominn tími til
að fá meiri hraða í liðið,“ sagði
Mitch Kupchak, framkvæmda-
stjóri Lakers, í gær.
Kupchak sagði jafnframt að
það hefði ekki haft nein áhrif á
Lakers-liðið að Kobe Bryant ætti
yfir höfði sér allt að tuttugu ára
fangelsisdóm ef hann verður
fundinn sekur um að hafa nauðg-
að nítján ára gamalli stúlku í
fyrra. „Við vitum af þessum
möguleika en þetta var áhætta
sem við vorum tilbúnir að taka
og þurftum ekki að hugsa okkur
lengi um.“ ■
KOBE BRYANT ÁNÆGÐUR MEÐ NÝJA SAMNINGINN Kobe Bryant sést hér skrifa
undir nýja samninginn við Los Angeles Lakers í gær á meðan Mitch Kupchak, fram-
kvæmdastjóri liðsins, fylgist með.
BREYTINGAR HJÁ LAKERS
Komnir
Lamar Odom frá Miami Heat
Caron Butler frá Miami Heat
Brian Grant frá Miami Heat
Farnir
Shaquille O’Neal til Miami Heat
Derek Fisher til Golden State
Endurnýjaðir samningar
Kobe Bryant
Gary Payton
Með lausa samninga
Karl Malone
Stanislav Medvedenko
Horace Grant
Bryon Russell
Samningslausir nýliðar
Marcus Douthit
Sasha Vujacic
Florentino Perez, forseti Real Madrid vill gjarnan fá Patrick Vieira frá Arsenal:
Bjóða Morientes í skiptum
FÓTBOLTI Það hefur lengi verið vitað
að Arsene Wenger, knattspyrnu-
stjóri Arsenal, er mikill aðdáandi
spænska sóknarmannsins Fern-
ando Morientes og það ætla for-
ráðamenn spænska liðsins Real
Madrid að reyna að nýta sér í við-
leitni sinni til að fá franska miðju-
manninn Patrick Vieira til sín frá
Arsenal.
Samkvæmt fréttum frá
Englandi þá eru forráðamenn
Real Madrid tilbúnir til að borga
30 milljónir punda fyrir Vieira
sem á eftir þrjú ár af samningi
sínum við Arsenal.
Vieira hefur ekki tjáð sig um
málið en umboðsmaður hans,
Steve Kuttner, sagði að þótt Flore-
ntino Perez, forseti Real Madrid,
væri hrifinn af Vieira þá þýddi
það ekki að hann myndi kaupa
hann. „Ef Real Madrid vill kaupa
hann þá verða þeir að setja sig í
samband við Arsenal.
Peter Hill-Wood, stjórnarfor-
maður Arsenal, sagðist vera orð-
inn þreyttur á stöðugum orðrómi
þess efnis að Vieira væri á leið-
inni til Real Madrid. „Við ætlum
ekki að selja hann, hvað sem
boðið verður,“ sagði Hill-Wood.
Perez er þó ekki á því að gefast
upp enda hefur hann verið dug-
legur við að landa hverjum stór-
laxinum á fætur öðrum á undan-
förnum árum. „Það er enginn leik-
maður í heiminum sem er ekki til
sölu. Eina vandamálið er pen-
ingar. Ég verð að endurtaka að
stefna mín er að reyna að kaupa
bestu leikmenn heims í þeim
stöðum sem við höfum þá ekki.
Patrick Vieira er, að mínu mati,
bestur í heimi í sinni stöðu,“ sagði
Perez sem var á dögunum
endurkjörinn forseti Real Madrid
til næstu fjögurra ára. ■
VERÐUR SKIPT Á ÞEIM?
Real Madrid hefur áhuga á því að skipta á
Fernando Morientes og Patrick Vieira.
ROLAND ERADZE Átti frábæra innkomu
í mark íslenska liðsins í síðari hálfleik og
varði tólf skot.
Handboltalandsliðið:
Tíu marka
tap gegn
Ungverjum
HANDBOLTI Íslenska handboltalands-
liðið tapaði fyrir Ungverjum með
tíu marka mun, 30-20, í vináttu-
landsleik í Ungverjalandi í gær-
kvöld. Ungverska liðið var skrefi
framar en það íslenska allan leik-
inn og leiddi með sex mörkum, 17-
11, í hálfleik.
Guðmundur Guðmundsson
landsliðsþjálfari sagði í samtali
við Fréttablaðið í gær að leikurinn
hefði verið afskaplega slakur af
hálfu íslenska liðsins og leikmenn
hefðu engan veginn náð sér á
strik.
„Sóknarleikurinn var skelfi-
legur allan tímann, menn voru að
gera mikið af mistökum og við
fengum fjölmörg hraðupphlaups-
mörk á okkur í leiknum, sérstak-
lega í fyrri hálfleik. Við höfum
verið að æfa nýtt varnarafbrigði
sem er 3:2:1 framliggjandi vörn
og það gekk ágætlega þegar menn
náðu að koma sér til baka,“ sagði
Guðmundur og bætti við að ljósi
punkturinn í leik íslenska liðsins
hefði verið innkoma Rolands Era-
dze í mark íslenska liðsins í síðari
hálfleik en hann varði tólf skot.
„Það er mikil vinna framundan en
við höfum æft mikið og erum því
kannski ekki eins léttir og Ung-
verjarnir,“ sagði Guðmundur.
Mörk Íslands: Guðjón Valur
Sigurðsson 5, Ólafur Stefánsson
5, Róbert Gunnarsson 3, Dagur
Sigurðsson 2, Ásgeir Örn Hall-
grímsson 1, Einar Örn Jónsson 1,
Jaliesky Garcia 1, Sigfús Sig-
urðsson 1 og Snorri Steinn Guð-
jónsson 1. ■