Fréttablaðið - 28.07.2004, Blaðsíða 4

4 28. júlí 2004 MIÐVIKUDAGUR
Undirbúningur verslunarmannahelgarinnar á fullu:
Mikill áhugi á þjóðhátíð í Eyjum
ÚTIHÁTÍÐIR Mikill áhugi er á þjóð-
hátíð í Vestmannaeyjum, að því
er fram kom í viðtölum við flug-
félög og hópferðafyrirtæki í
gær.
Hjá BSÍ fengust þær upp-
lýsingar að mikið væri spurt um
þjóðhátíðina og rútuferðir til
Þorlákshafnar. Einnig væri
spurst fyrir um ferðir til Akur-
eyrar, þar sem fjölskylduhátíðin
Ein með öllu, verður haldin. Það
væri þó í miklu minni mæli
heldur en þjóðhátíðarfyrir-
spurnir, enda gegna einkabílarn-
ir stærra hlutverki í Akureyrar-
ferðum.
Þór Pálsson, rekstrarstjóri
Samskipa, sem rekur Herjólf,
sagði, að í ár væri ívið betur bók-
að í ferjuna fyrir og um þjóð-
hátíðardagana, heldur en á síð-
asta ári. Fluttir yrðu að minnsta
kosti 3500 farþegar frá deginum
í dag og fram á föstudag. Ferðir í
dag og á föstudag væru full-
bókaðar, en ennþá væri laust í
aukaferð sem sett hefði verið á
morgundaginn.
Hjá Flugfélagi Íslands komu
þær upplýsingar að fullt væri
orðið í allar vélar til Vestmanna-
eyja eftir hádegi á föstudag.
Mikið væri um fyrirspurnir og
bókanir aðra daga fyrir og um
þjóðhátíð. Eftirspurnir í flug til
Akureyrar væru „ekki mikið
fleiri heldur en venjulega.“
Flugfélag Vestmannaeyja,
sem flýgur milli Bakkaflugvallar
í Landeyjum og Eyja var þegar
búið að selja 850–900 sæti í gær,
Bókunum var alltaf að fjölga þar
á bæ og svo gott sem uppselt í
allar ferðir á föstudag og mánu-
dag. ■
Súdanar uggandi
um refisaðgerðir
Súdanska ríkisstjórnir fordæmdi hugmyndir um erlendar hersveitir í Dar-
fur-héraði í gær. Bandaríkjamenn hafa endurskoðað uppkast að ályktun
Sameinuðu þjóðanna um stöðu mála í héraðinu. Arabar eru áhyggjufullir.
SÚDAN, AP Súdanska ríkisstjórnin
fordæmdi hugmyndir um að
erlendar hersveitir blandi sér í
málefni Darfur-héraðs í Súdan
eftir ríkisstjórnarfund í gær. Rík-
isstjórnin lýsti því ennfremur yfir
að Súdanar gætu leyst vandamál
sín af sjálfsdáðum.
Ríkisstjórnarfundurinn átti sér
stað degi eftir að utanríkis-
ráðherrar Evrópusambandsins
lögðu mikla áherslu á að súdanska
stjórnin stæði við loforð sitt við
Kofi Annan, framkvæmdastjóra
Sameinuðu þjóðanna, síðan í byrj-
un júlí um að afvopna sveitir
arabískra vígamanna í héraðinu,
auka öryggi borgara í Darfur-
héraðinu og veita hjálparstofnun-
um betri aðgang þar að.
Þrátt fyrir að engin vestræn
þjóð hafi lýst sig fylgjandi því að
senda hersveitir til Darfur koma
hernaðaraðgerðir þar til greina.
Stjórnvöldum hefur ekki tekist að
vinna gegn arabískum vígamönn-
um sem taldir eru bera ábyrgð á
að brenna og ræna þorp blökku-
manna í héraðinu.
Yfirmaður hernaðarmála í
Bretlandi hefur lýst því yfir að
Bretar geti sent 5.000 hermenn til
Súdans ef þörf krefur. Banda-
ríkjamenn segjast enn ekki áætla
að senda herlið til Darfur en segj-
ast þó mjög vel á verði gagnvart
ástandinu þar.
Bandaríkjamenn hafa endur-
skoðað uppkast að ályktun Sam-
einuðu þjóðanna um Súdan og
hafa þrýst á um atkvæðagreiðslu í
öryggisráðinu í þessari viku.
Ályktun Bandaríkjaþings frá í síð-
ustu viku fól í fyrsta skipti í sér
beina hótun um refsiaðgerðir
gegn súdönskum stjórnvöldum
verði ekki tekið á málum í Darfur-
héraðinu.
Rússar, Pakistanar og Kínverj-
ar hafa aftur á móti lýst sig andvíg
hótunum um refsiaðgerðir og vilja
að Súdönum verði gefinn nægur
tími til þess að verða við sam-
komulaginu frá því í byrjun júlí.
Þá hafa leiðtogar úr araba-
heiminum komið stjórnvöldum í
Súdan til aðstoðar og neitað því
að stjórnin sé ábyrg fyrir átökun-
um í Darfur. Jafnvel þeir leiðtog-
ar sem gagnrýnt hafa súdönsk
stjórnvöld vegna ástandsins í
héraðinu telja vestrænar þjóðir
ekki á réttri braut í málefnum
Darfur og óttast mjög að atburð-
irnir í Írak eigi eftir að endur-
taka sig. ■
ÞJÓÐHÁTÍÐ
Undirbúningur að þjóðhátíð í Vest-
mannaeyjum er á fullu enda búist við
þúsundum gesta. Á myndinni er Jóhann
Jónsson frá Laufási að vinna að
undirbúningi í Dalnum.
FRÁ DARFUR-HÉRAÐI
Ríkisstjórnin hefur ákveðið að láta fimm
milljónir króna renna til mannúðar- og
mannréttindamála í Darfur-héraði í Súdan.
Ríkisstjórn Íslands:
Fimm millj-
ónir til Súdan
UTANRÍKISMÁL Fimm milljónir
króna verða látnar rakna til
mannúðar- og mannréttindamála í
Darfur-héraði í Súdan. Tillagan
var lögð fram af utanríkis-
ráðherra á ríkisstjórnarfundi í
gær og var hún samþykkt.
Tvær milljónir króna verða
látnar rakna til Matvælaaðstoðar
Sameinuðu þjóðanna og Rauða
krossins auk þess sem Barna-
heill og Hjálparstarf kirkjunnar
fá hálfa milljón hver að sögn
Gunnars Snorra Gunnarsson,
ráðuneytisstjóra í utanríkis-
ráðuneytinu. ■
Á að rífa Austurbæjarbíó?
Spurning dagsins í dag:
Ætlarðu á landsleikinn við Ítali?
Niðurstöður gærdagsins
á visir.is
45,26%
54,74%
Nei
Já
KJÖRKASSINN
Farðu inn á visir.is og segðu þína skoðun
visir.is
Opinber gjöld:
Skattabréf
á föstudag
SKATTAMÁL Álagning opinberra
gjalda 2004 á einstaklinga hefur
farið fram að því er segir í tilkynn-
ingu frá Ríkisskattstjóra og Fjár-
sýslu ríkisins. Álagningar- og inn-
heimtuseðlar verða bornir út föstu-
daginn 30. júlí. Þeir sem skiluðu
rafrænum framtölum geta skoðað
álagningar- og innheimtuseðil sinn
ásamt endurskoðuðu framtali á
vefsíðu Ríkisskattstjóra, rsk.is, frá
og með miðvikudeginum 28. júlí.
Bótagreiðslur og endurgreiðsl-
ur oftekinna skatta verða lagðar á
bankareikning viðkomandi gjald-
anda föstudaginn 30. júlí. Ávísan-
ir verða sendar með pósti þann
dag til þeirra sem ekki eru með
skráðan bankareikning sam-
kvæmt rafrænu skattframtali eða
með öðrum hætti. ■
■ ÍRAK
SORPHIRÐUMAÐUR DREPINN
Íraskur sorphirðumaður lét lífið í
árás í úthverfi Bagdad, nærri
Græna svæði hernámsliðsins, í
gær. Samstarfsmaður hins látna
slasaðist alvarlega. Fjórtán her-
menn særðust í árásinni en ekki
lá fyrir hverrar þjóðar þeir eru.
MEGA EKKI DREKKA ÁFENGI Um
fimmtíu liðsmenn sjítaklerksins
Muqtata al-Sadr héldu í gær
meira en tuttugu manns í umsátri
sem beint var gegn þeim sem
selja eða drekka áfengi. Gíslun-
um var síðar sleppt og þeir
afhentir lögreglu.
ÞJÓÐÞINGI FRESTAÐ Ákveðið hef-
ur verið að fresta þjóðþingi Íraka
til 31. júlí eftir beiðni frá Samein-
uðu þjóðunum. Telja þau Íraka
ekki fyrr tilbúna til þess að halda
svo stóran viðburð. Þúsund
kjörnir fulltrúar sitja þjóðþingið
sem velur hundrað manna bráða-
birgðaþing sem mun hjálpa til við
skipulagningu kosninga sem fara
eiga fram í janúar.
M
YN
D
A
P
Sala Símans:
Enn í
biðstöðu
STJÓRNMÁL Ekki er búið að ákveða
hvenær boðin verður út vinna við
ráðgjöf í tengslum við sölu
símans.
Að sögn Ólafs Davíðssonar,
formanns framkvæmdanefndar
um einkavæðingu, hefur ekki
verið ákveðið hvenær útboð
vegna ráðgjafar fer fram.
„Þetta frestaðist um tíma og
nú, úr því það
er komið fram
á sumarið, þá
frestast þetta
yfir hásumar-
ið en það verð-
ur væntanlega
farið að sinna
því aftur fljót-
lega,“ segir
hann.
Greiningar-
deildir bank-
anna hafa látið
í ljós þá skoðun að nú sé góður
tími til að selja Símann en miðað
við gengi bréfa á markaði er verð-
mæti fyrirtækisins yfir 50 millj-
arðar þótt sú verðmyndun sé ekki
talin fullkomlega marktæk þar
sem viðskipti með bréf í bankan-
um eru mjög lítil. ■
■ LÖGREGLUFRÉTTIR
ÍBÚÐ REYKRÆST Pottur gleymdist
á eldavél í íbúð á Reynimel í
Reykjavík eftir hádegi í gær.
Slökkvilið höfðuborgarsvæðisins
var kallað á vettvang. Engar
skemmdir urðu á íbúðinni fyrir
utan að gardína sviðnaði en
reykræsta þurfti íbúðina.
ÓLAFUR
DAVÍÐSSON
Formaður einka-
væðingarnefndar.
FLÓTTAMANNABÚÐIR Í DARFUR
Um milljón blökkumanna í Darfur-héraði í Súdan hefur þurft að flýja heimili sín í kjölfar
átaka við arabíska vígamenn. 30.000 hafa látið lífið í átökunum.
M
YN
D
A
P
UMHVERFISMÁL Froða á yfirborði
Elliðaár vakti athygli manna og
óttuðst sumir að jafnvel væri um
mengun að ræða af völdum út-
rásar.
Umhverfis- og heilbrigðisstofa
Reykjavíkur var látin vita, en hún
sendi menn á staðinn og tók sýni.
Rannsókn sýndi að útilokað var að
froðan tengdist nokkurri útrás við
árnar. Líklegast þykir að froðan sé
af völdum þörunga sem safna utan
um sig slími sem þyrlast upp við
öflugan vatnsflaum og safnast
saman við árbakkann í meinlausu
froðulíki. ■
Froða í Elliðaám:
Meinlaust þörungaslím
VIÐ ELLIÐAÁR
Froðan teygði sig meðfram árbökkunum nokkurn spöl.