Fréttablaðið - 28.07.2004, Blaðsíða 8
8 28. júlí 2004 MIÐVIKUDAGUR
Væntingavísitala Gallups:
Bjartsýnin meiri án fjölmiðlamáls
VÍSITALA Væntingavísitala Gallups
hækkaði í júlí eftir samfellda
lækkun frá í mars.
Væntingavísitalan mælist nú
115,6 stig, en bjartsýnin reis hæst
í mars þegar vísitalan mældist
tæp 133 stig. Lækkun vísitölunnar
síðustu mánuði á undan skýrðist
af aukinni svartsýni um efnahags
og atvinnuástand. Nú ríkir meiri
bjartsýni.
Greining Íslandsbanka veltir
fyrir sér ástæðum breytinganna nú.
Krónan hafi styrkst að undanförnu,
en sterk fylgni virðist milli gengis-
þróunar og væntinga. Styrking
krónu eykur bjartsýni. Þá er á það
bent að verðbólga hjaðnaði milli
júní og júlí. Þessir þættir eru að
mati greiningardeildarinnar til þess
fallnir að auka bjartsýni. Greining
Íslandsbanka telur hins vegar að
pólitísk óvissa í kringum fjölmiðla-
mál hafi verið neikvæð fyrir bjart-
sýni þjóðarinnar. Af því má draga
þá ályktun að bjartsýnin hefði vaxið
meira ef hefðbundins frís frá
stjórnmálum hefði notið við. ■
DRÓ ÚR BJARTSÝNI
Greining Íslandsbanka rekur aukna bjart-
sýni Íslendinga til sterkari krónu og lægri
verðbólgu. Hins vegar kunni pólitísk óvissa
vegna fjölmiðlamáls að hafa haldið aftur
af bjartsýninni.
MENNTAMÁL „Ég segi hiklaust, að
þetta nám hafi bjargað lífi mínu,“
sagði Þóra Kristín Vilhjálmsdóttir
um nám það og starfsendur-
hæfingu sem Fjölmennt og Geð-
hjálp hafa boðið upp á fyrir geð-
sjúka. En nú er útlitið svart, því
ráðuneyti félagsmála, heilbrigðis-
mála og menntamála hafa enn
ekki tryggt fjárveitingu til verk-
efnisins fyrir haustið. Því hefur
orðið að segja öllum kennurum og
starfsmönnum verkefnisins upp
störfum. Vel á annað hundrað ein-
staklingar hafa beðið í óvissu í
margar vikur eftir því hvernig
námi þeirra reiði af í haust.
Þóra Kristín er með alvarleg
geðhvörf, sem hún greindist með
fyrir 10 árum. Hún sat í einni
kennslustofunni í húsnæði Geð-
hjálpar og vann að gerð helgi-
myndar í mósaík þegar blaða-
maður hitti hana.
„Ég hafði dottið niður í djúpt
þunglyndi og ofsakvíðaköst, sem
stóðu samfellt í marga mánuði,
tvo vetur í röð,“ sagði hún. „Seinni
veturinn hafði ég legið heima svo
mánuðum skipti og var komin í
algjört öngstræti. Ég fór aldrei
inn á deild því ég á afar góða að,
þar sem eru systkini mín, sem
hafa stutt mig með ráðum og dáð.
Þá á ég frábæran vin sem hefur
passað vel upp á mig þegar ég er í
uppsveiflu.“
Þóra Kristín sá enga útleið,
fyrr en henni var sagt frá náminu
hjá Fjölmennt og Geðhjálp. Hún
var síðan drifin niður á Túngötu,
þar sem skólinn starfar í húsnæði
Geðhjálpar.
„Þetta gjörbreytti lífi mínu,“
sagði hún. „Allt í einu var ég ekki
lengur bara kennitala. Ég hef ekki
fengið varanlegt þunglyndi síðan
ég fór í námið, kannski örlað á því
í viku í mesta lagi, en yfirleitt
ekki nema dag og dag.
En nú er ég farin að fá kvíða-
hnút í magann, eins og fleiri hér,
vegna tilhugsunarinnar um hvað
verði í vetur með námið.“
Þóra Kristín lagði stund á ís-
lenskar bókmenntir, tölvunám,
ensku og ljóðagerð, svo og lífs-
leikni í skólanum. Hún sagði að all-
ir kennarar og starfsfólk hefði ver-
ið frábært upp til hópa. Nú óttaðist
fólk að þeir kæmu ekki aftur, ekki
síst í ljósi þess að þeim hefði verið
sagt upp og samningar þeirra
væru lausir nú um mánaðamótin.
„Allt þetta fólk sem nýtir sér
námið eru öryrkjar,“ sagði hún.
„Það hefur því takmörkuð fjárráð
sem leyfa alls ekki að það geti
keypt sér menntun annars staðar,
auk þess sem það fellur ekki alls
staðar inn í. Námið hér er því afar
dýrmætt fyrir okkur, raunar
alveg ómetanlegt.“
Ekki náðist í menntamálaráð-
herra, heilbrigðisráðherra né
félagsmálaráðherra í gær.
jss@frettabladid.is
Júlí 112,6
Ágúst 115,3
September 116,8
Október 125,2
Nóvember 120,9
Desember 104,2
Janúar 123,7
Febrúar 127,5
Mars 132,9
Apríl 120,6
Maí 110,5
Júní 104,7
Júlí 115,6
Hjónaskilnaður
skekur eigendahóp
Flugleiða
– hefur þú séð DV í dag?
FYRRVERANDI
TENGDAFEÐGAR Í
KAPPHLAUPI UM
VÖLDIN
!"#$
%&'()* +,$+-+.+,$+-+/%
VÆNTINGAVÍSITALAN
FR
ÉT
TA
B
LA
Ð
IÐ
/G
VA
Námið hefur
bjargað lífi mínu
Þóra Kristín Vilhjálmsdóttir er ein úr stórum hópi geðsjúkra, sem hafa
nýtt sér nám sem Fjölmennt og Geðhjálp hafa boðið upp á. Hún segir
námið hafa bjargað lífi sínu. Nú liggur engin fjárveiting fyrir.
BEÐIÐ Í ÓVISSU
Þóra Kristín var að gera fallega helgimynd úr mósaíki í einni kennslustofunni í húsnæði
Geðhjálpar. Hún bíður ásamt stórum hópi fólks eftir ákvörðun stjórnvalda á því
hvort þau gefi kost á námi aftur í haust.