Fréttablaðið - 28.07.2004, Blaðsíða 22
2 28. apríl 2004 MIÐVIKUDAGUR
Sólgleraugu
Varla er hægt að fara á útihátíðir
nema vera með flott sólgleraugu og
helst eins stór og hægt er að finna.
Ekki er þó vænlegt að eyða fúlgu í
þess konar búnað þar sem hann
eyðileggst að öllum líkindum á há-
tíðinni. Ekki er vitlaust að koma við
á bensínstöð á leiðinni út úr bæn-
um og kippa einu nettu pari með
sér á spottprís. En hvað ætli sé í
boði á bensínstöðvunum?
Á Shell-stöðvunum kosta fullorð-
insgleraugu 1.190 krónur og
barnasólgleraugu 490 krónur.
Á Esso-stöðvunum kosta fullorð-
insgleraugu 990 krónur og
barnasólgleraugu 490 krónur.
Á Olís-stöðvunum kosta fullorð-
insgleraugu 1.199 krónur og
barnasólgleraugu 595 krónur.
„Þetta byrjar með einhverri
bleytu, einkum sunnanlands
og vestan og búast má við
nokkuð stífum vindi víða um
land á föstudeginum, þetta
8-15 m/sek en þó lægir held-
ur þegar líður á daginn.“
segir Sigurður Ragnarsson,
veðurfræðingur um helgar-
veðrið. „Hitinn verður á
bilinu 12-18 stig fyrir norð-
an og 10-15 sunnan til. Á
laugardeginum verður vind-
ur genginn niður, ef marka
má spár en skúrir verða á
víð og dreif. Norðuraustur-
landið sleppur þó líklega
þurrt. Hiti verður svipaður
og á föstudeginum en þó ívið
minni. Á sunnudaginn er út-
lit fyrir hægan vind og
skúraveður víða um land um
tíma. Á mánudeginum er ný
lægð að koma upp að land-
inu. Þá er útlit fyrir aust-
lægar áttir og einhverja
dropa hér og hvar. En þetta
getur allt breyst og föstu-
dagurinn til dæmis orðið
hægari en nú virðist,“ segir
Siggi „stormur,“ að lokum. ■
Veðrið um verslunarmannahelgina
Tekur sumarbústaðinn fram yfir tjaldið:
Fer sínar eigin leiðir
FR
ÉT
TA
B
LA
Ð
IÐ
/S
TE
FÁ
N
Regína Ósk Óskarsdóttir vill ekki fara þangað sem allir fara og fílar útihátíðir ekki alveg í botn.
„Ég hef aldrei fílað útihátíðir
neitt sérstaklega. Ég er meira
fyrir það að vera í sumarbústað
eða eitthvað þannig,“ segir
Regína Ósk Óskarsdóttir, söng-
kona.
„Fyrst þegar mig langaði eitt-
hvað svona á útihátíð var ég
fimmtán ára. Þá tóku foreldrar
mínir upp á það ráð að fara í
ferðalag til Portúgal um versl-
unarmannahelgina. Vinkona mín
kom með og það var alveg frá-
bært. Síðan árið á eftir fórum ég
og systir mín til Parísar að
syngja í brúðkaupum og fleira
skemmtilegt. Hún er eldri en ég
og því var það í góðu lagi. Vinir
mínir fettu svo sem ekkert
fingur út í þessar ferðir mínir til
útlanda þar sem það var aldrei
mikil útihátíðarstemning í vina-
hópnum,“ segir Regína Ósk sem
fannst alveg æðislegt að ferðast
svona til útlanda um verslunar-
mannahelgina. „Þegar ég loksins
mátti fara sjálf á útihátíð hér
heima þá langaði mig bara ekkert
að fara. Ég fór á þjóðhátíð í
Eyjum til að spila og skemmta
þegar ég var átján ára. Þannig að
ég hef aldrei farið á útihátíð til að
skemmta mér heldur frekar til að
skemmta öðrum.“
Regína Ósk vill frekar vera í
góðra vinahópi á fáförnum stöð-
um en að týnast í kraðakinu á úti-
hátíðum. „Ég vil ekki fara þangað
sem allir fara. Ég vil bara fara
þangað sem ég vil, þegar ég vil.
Síðan er ég heldur ekki þessi
tjaldmanneskja,“ segir Regína
Ósk sem gæti ekki hugsað sér úti-
hátíð nema hafa hús með sturtu til
að fara í. „Ég sé mig ekki alveg
fyrir mér í rigningu og roki á ein-
hverri útihátíð. Blaut lopapeysa
og eitthvað í brúsa er ekki eitt-
hvað fyrir mig. Það er ekki mitt
kaffi,“ segir Regína að lokum.
lilja@frettabladid.is
?Frídagur verslunarmannaVerslunarmannahelgin er kennd viðfrídag verslunarmanna fyrsta mánu-
dag í ágúst. Sú dagsetning hefur
haldist óbreytt frá 1934. Tímasetning-
in á rót að rekja til þjóðhátíðarinnar
2. ágúst 1874. Hennar var reglulega
minnst í Reykjavík kring um aldamót-
in og héldu verslunarmenn löngum
tryggð við daginn eftir að fullveldis-
dagurinn hafði tekið við sem helsti
þjóðminningardagur upp úr 1918.
Eftir síðari heimsstyrjöld varð frídagur
verslunarmanna smám saman al-
mennur frídagur, notaður til ferðalaga
og skemmtanahalds og á sjöunda
áratugunum var tekið að efna til
skipulegra útihátíða víða um land.
Útilegur, ferðalög og stuð
Eftir styrjöldina fékk verslunarmanna-
helgin smám saman það snið sem
enn ríkir með skipulögðum útihátíð-
um og ferðalögum og mánudagur-
inn varð í reynd almennur frídagur.
Ferðafélög og ferðaskrifstofur
byrjuðu á að gangast fyrir löngum
helgarferðum, til dæmis í Þórsmörk,
Húsafell og Vaglaskóg. Ungt fólk fór
snemma að nýta sér hina löngu
helgi til útilegu í nánd við dansleiki.
Þegar árið 1952 er kvartað yfir
„óheyrilegri ölvun og skrílmennsku“
um verslunarmannahelgina, einkum
við Hreðavatnsskála þar sem „öl-
móður óspektarlýður... framdi mikil
spell.“
Stökkbreyting árið 1967
Ungmennasambönd, átthagafélög og
bindindishreyfingar létu upp frá
þessu [frá seinna stríði] meira til sín
taka við skemmtanahald á þessari
helgi og fleiri staðir komu til sögu,
svo sem Atlavík, Bjarkarlundur, Skóg-
arhólar og Galtalækjarskógur. Árið
1967 virðist hafa orðið einskonar
stökkbreyting. Þá eru haldnar átta
útihátíðir víðsvegar um land, og talið
að 36 þúsund hafi tekið þátt í þeim.
Heimild: Árni Björnsson,
þjóðháttafræðingur. Saga daganna
Verslunarmanna-
helgin 2004