Fréttablaðið - 28.07.2004, Blaðsíða 29

Smiðjur – skemmtilegar greinar
Töluverð áhersla verður lögð á kynningu nýrra greina á Unglingalandsmótinu og þátttakendur geta prófað
öðruvísi greinar og tekist á við ný verkefni. Einnig verða margskonar smiðjur í gangi þar sem frábærir
leiðbeinendur munu vinna með þátttakendum. Þessar greinar verða víðsvegar um bæinn og öllum heimil
þátttaka.
Það sem í boði verður.:Akrobatic, Capoeira Fitness - þrautabraut, Freestyle smiðja Hacky sack , Judo,
Klifurveggur, Körfubolta hipp hopp, Slagverks smiðja, Strandblak,
Topphljómsveitir
Á kvöldvökum Unglingalandsmóts munu frábærar hljómsveitir stíga á stokk og gestum. Má þar nefna
Írafár, Quarashi, Nylon, Mammút, Hip Razikal og Börnin þagna.
Knattspyrnuskóli Íslands
Samhliða Unglingalandsmótinu á Sauðárkróki verður Knattspyrnuskóli Íslands með sitt árlega námskeið á
Sauðárkróki. Þar gefst krökkum kostur á að æfa fótbolta undir leiðsögn færustu þjálfara og frægir fót-
boltakappar koma í heimsókn.
Sjöunda Unglingalandsmót UMFÍ
Unglingalandsmótið nú er sjöunda Unglingalandsmót UMFÍ. Fyrsta unglingalandsmótið var haldið á
Dalvík 1992. Þrjú síðustu mót hafa verið haldin um verslunarmannahelgina, á Tálknafirði árið 2000,
Stykkishólmi 2002 og Ísafirði 2003. Unglingalandsmótin verða hér eftir haldin árlega og alltaf um verslun-
armannahelgina, m.a. til að gefa börnum, unglingum og fjölskyldum kost á heilbrigðri skemmtun þessa
mestu ferða- og sukkhelgi landsmanna.
Allt útlit fyrir skemmtilegt mót,
segir Haraldur Þór Jóhannsson, formaður UMSS
Ungmennasamband Skagafjarðar er mótshaldari 7. unglingalandsmóts UMFÍ
sem haldið er á Sauðárkróki um verslunarmannahelgina. Haraldur Þór
Jóhannsson, formaður UMSS, segir að allt útlit sé fyrir skemmtilegt mót á
Sauðárkróki.
„Þetta lítur vel. Það lítur út fyrir mjög gott veður og skráning á mótið er góð.
Það er frábær mannskapur sem hefur unnið að undirbúningi mótsins og það
eru allir í þeim gír að hafa gaman af þessu.“ Haraldur segir að í heildina séu
það um 300 manns sem starfi að mótinu á einn eða annan hátt. „Dagskráin er
afar fjölbreytt og ættu allir að finna eitthvað við sitt hæfi. Það er náttúrlega
verið að keppa í átta íþróttagreinum og auk þessa verið að kynna ýmsar óhe-
fðbundar greinar og smiðjur. Þá verður afþreying og skemmtun fjölbreytt,
þannig að það ættum engum að leiðast hérna á Sauðárkróki,“segir Haraldur
Þór. Hann segir að keppendur á mótinu verði á annað þúsund, líklega um
1.500 talsins og vonast sé til enn fleiri gestum á mótið nú en á síðasta ári en
þá komu um 7000 manns á mótið á Ísafirði. „Við finnum fyrir mjög góðum
áhuga og stemningu fyrir mótinu. Það er allt orðið klárt og við erum í raun
bara að bíða eftir því að gestir fari mæta á mótið,“ segir Haraldur Þór
Jóhannsson, formaður UMSS.
Göngum um Ísland – landsverkefni UMFÍ fær
góðar viðtökur almennings
„Samkvæmt skoðanakönnun er ganga önnur vinsælasta afþreyingin sem
landsmenn stunda,“ segir Páll Guðmundsson, kynningarfulltrúi UMFÍ.
Göngum um Ísland er landsverkefni UMFÍ og er unnið í samvinnu við
ungmennafélög um land allt, ferðaþjónustuaðila og sveitarfélög. Verkefnið
er nú á sínu þriðja sumri og hefur sem fyr hlotið góð viðbrögð á meðal
göngu- og útivistarfólks. „Markmiðið með verkefninu er að hvetja lands-
menn til að fara í gönguferðir um náttúru landsins. Lögð hefur verið áher-
sla á styttri gönguleiðir sem eru stikaðar og aðgengilegar. Mikil vakning
hefur orðið í göngu- og útivistarferðum á meðal almennings á undanför-
num árum,“ segir Páll Guðmundsson.
Skemmtilegar gönguleiðir
Mikinn fjölda skemmtilegra gönguleiða er að finna í heillandi náttúru landsins og hafa verið valdar útvaldar
gönguleiðir í hverju byggðarlagi í samvinnu við heimamenn. „Fjölmargir hafa lagt þessu verkefni lið, bæði innan
hreyfingarinnar, hjá sveitarfélögum og ferðaþjónustuaðilum.”
Leiðabók
Leiðabók með 264 gönguleiðum um land allt hefur verið dreift í 45.000 eintökum. Bókin fæst gefins á
upplýsingamiðstöðvum, sundlaugum og öllum ESSO-stöðvum. „Leiðabókin hefur runnið út eins og heitar lum-
mur. Í bókinni er stutt lýsing á hverri gönguleið og bent á nánari upplýsingar heima í héraði. Þá er að finna
upplýsingar í bókinni um fuglalíf í landinu og gróðurfar. Tilgangurinn er að fá göngufólk til að veita umhverfinu
athygli í gönguferðum sínum, t.d. að spá í heiti fugla, gróðurs, eða fjalla sem það sér á göngu sinni.“ Páll segir að
til gamans hafa ljóðasamkeppni og teiknimyndasamkeppni verið fléttuð inn í verkefnið og göngumenn hvattir til
að yrkja ljóð eða teikna myndir á gönguferðum sínum og senda til UMFÍ. „Þetta er meðal tilkomið vegna þess að
á undanförnum tveimur árum hafa um tólf þúsund manns skrifað nöfn sín í gestabækur UMFÍ á fjöllum í
tengslum við verkefnið Fjölskyldan á fjallið, og margir hafa notað tækifærið og samið ljóð eða teiknað myndir í
gestabækurnar,“ segir Páll. Í Fjölskyldan á fjallið hafa aðildarfélög UMFÍ sett póstkassa með gestabókum á 22
fjöll víðs vegar um landið og fjölskyldufólk hvatt til fjallgöngu.
ganga.is
Heimasíða gönguverkefnisins er ganga.is. UMFÍ skifaði í vetur undir samstarfssamning við Ferðamálaráð og
Landmælingar um samstarf að ganga.is.
Ferðamálaráð lagði til upplýsingar um 500 gönguleiðir og Landmælingar leggja til göngukort og í sameingu var
unnið að hönnun vefsins og örðum upplýsingum. „Á ganga.is má finna upplýsingar um 800 gönguleiðir á gagn-
virku landakorti, þar sem hægt er að þysja sig um landið. Auk þess má finna ýmsan fróðleik fyrir göngumenn á
vefnum.“ Páll segir að til standi að opna vefinn með formlegum hætti á næstunni, en engu að síður sé búið að
læða vefnum í loftið.
Unglingalandsmót UMFÍ
um verslunarmannahelgina
Um verslunarmannahelgina verður Unglingalandsmót UMFÍ haldið á Sauðárkróki, þetta
er í sjöunda sinn sem mótið er haldið en sl. haust var ákveðið að unglingalandsmótin
verði á hverju ári hér eftir og um verslunarmannahelgina.
Tjaldsvæði
Tjaldsvæði á Sauðárkróki er nánast á mótssvæðinu sjálfu eða þar um bil. Það
er staðsett á Nöfunum ofan við íþróttasvæðið og það tekur aðeins nokkrar
mínútur að ganga frá tjaldsvæðinu á íþróttaleikvanginn, í íþróttahúsið eða
sundlaugina.
Allir með – frjáls skráning
Þátttökurétt hafa öll börn og unglingar á aldrinum 11–18 ára. Keppt er í
aldursflokkur og er skiptingin aðeins misjöfn milli íþróttagreina, þetta má
sjá á heimasíðu okkar ulm.is
Páll segir að einstaklingar geta skráð sig í einstaklingsgreinar og lið í
liðakeppni eins og gefur að skilja. „Einnig er boðið upp á það að einstaklingar
geti skráð sig í knattspyrnuna án þess að vera með ákveðnu liði. Það er þá
mótshaldara að setja viðkomandi aðila í lið sem mun taka þátt í keppninni.
Þetta þýðir að enn fleiri geta verið með á unglingalandsmóti,“segir Páll
Kolbeinsson.
Aðstaða
Öll aðstaða á Sauðárkóki er mjög glæsileg. Nýr íþróttaleikvangur er í hjarta
bæjarins, hlaupabrautir lagðar gerviefni sem og frábær knattspyrnuvöllur.
Tveir góðir æfingaknattspyrnuvellir eru einnig á svæðinu sem og 25 m
sundlaug. Þá er íþróttahúsið einnig við enda íþróttasvæðisins, svo allt er
þetta innan seilingar. Golfvöllurinn er í göngufæri frá tjaldsvæðinu svo það
er þess vegna hægt að leggja bílnum á Sauðárkróki, þessa mestu umfer-
ðarhelgi landsmanna.
Þátttökugjald
Þátttökugjald á unglingalandsmótið er 4.500 kr. fyrir hvern
keppanda.
Skráning
Skráning fer fram á netinu, heimasíðu Unglingalandsmótsins, ulm.is
Upplýsingar
Haraldur Þór Jóhannsson, formaður UMSS, og Páll Kolbeinsson, formaður unglingalandsmótsnefndar,
á Sauðárkróksvelli, einum besta íþróttavelli landsins, enda hafa Skagfirðingar lagt tæpar
200 milljónir króna til vallarframkvæmda.