Fréttablaðið - 07.08.2004, Blaðsíða 15

15LAUGARDAGUR 7. ágúst 2004
Hið eina sem má
gagnrýna hjá Orku-
veitunni er það, að fyrirtæk-
ið hefur ekki látið Reykvík-
inga njóta þess nægilega í
orkuverðinu, að vel hefur
gengið hjá fyrirtækinu.
Mikil atvinnuuppbygging Orkuveitunnar
Eftir að Orkuveita Reykjavíkur
gerði ásamt Hitaveitu Suðurnesja
samning við Norðurál um að útvega
raforku til stækkunar álverksmiðju
fyrirtækisins er Orkuveitan komin í
hóp þeirra aðila er vinna að stór-
felldri atvinnuuppbyggingu hér á
landi. Tvöfalda á afkastagetu Norð-
uráls eða úr 90 þús. tonnum í 180 þús.
tonn á ársgrundvelli. Raforka verður
fengin frá gufuaflsvirkjun Orkuveit-
unnar á Hellisheiði svo og frá slíkri
virkjun Hitaveitu Suðurnesja. Er
þetta í fyrsta sinn sem stóriðja fær
alfarið raforku frá gufuaflsvirkjun.
Aðrir aðilar en Landsvirkjun hafa
ekki áður gert orkusölusamning að
slíku umfangi. Alls verður hér um 50
milljarða kr. fjárfestingu að ræða,
þar af um 20 milljarðar í orkufram-
kvæmdum að meðtöldum flutnings-
virkjum. Reist verður 120 MW raf-
stöð á Hellisheiði. Alls munu um 800
manns vinna við uppbyggingu orku-
vera og álvera vegna stækkunar
Norðuráls.
Ástæða er til þess að óska Orku-
veitu Reykjavíkur og Hitaveitu
Suðurnesja til hamingju með fram-
kvæmdir þessar. Nokkrar deilur
hafa staðið um Orkuveituna. Sjálf-
stæðisflokkurinn hefur haldið uppi
gagnrýni á stjórn Orkuveitunnar en
R-listinn hefur haldið fast um stjórn-
völinn þar og ekki látið hrekja sig af
leið. R-listinn og stjórn Orkuveitunn-
ar, undir forustu Alfreðs Þorsteins-
sonar, hafa fylgt fast þeirri stefnu,
að Orkuveitan eigi að vera opinbert
fyrirtæki og að Orkuveitan eigi að
standa fyrir mikilli atvinnuuppbygg-
ingu eins og nú er verið að gera.
Jafnframt hefur Orkuveitan gert út-
rás til nágranna sveitarfélaga og til
fjarlægra sveitarfélaga og hefur sú
útþensla stóreflt Orkuveituna. Orku-
veitan hefur jafnframt látið sig
dreyma enn stærri stórvelda-
drauma, samanber, er Alfreð Þor-
steinsson lýsti því yfir, að til greina
kæmi að Orkuveitan keypti Símann í
samvinnu við aðra fjárfesta.
Hið eina sem má gagnrýna hjá
Orkuveitunni er það, að fyrirtækið
hefur ekki látið Reykvíkinga njóta
þess nægilega í orkuverðinu, að vel
hefur gengið hjá fyrirtækinu. Hækk-
un á orkuverði sumarið 2003 olli
þannig miklum deilum. Æskilegt er,
að Orkuveitan láti Reykvíkinga njóta
velgengni sinnar með lægra orku-
verði. Mér er að vísu ljóst, að mikil
fjárfesting Orkuveitunnar er kostn-
aðarsöm en dreifa verður slíkum
fjárfestingarkostnaði á langt tíma-
bil.
Orkuveitan varð til við samein-
ingu Hitaveitunnar og Rafmagns-
veitunnar árið 1999. Árið eftir
bættist Vatnsveitan við. Reykjavík á
93,5% í Orkuveitunni en 3 önnur
sveitarfélög eiga einnig hlut. Akra-
neskaupstaður á þar stærstan hlut.
Er Orkuveitan nú sameignarfélag.
Afkoma Orkuveitunnar var mjög
góð árið 2003. Tekjur fyrirtækisins
námu 12 milljörðum kr. og rekstrar-
hagnaður fyrir afskriftir 4,3
milljörðum. Eignastaða félagsins er
gífurlega sterk. ■
BJÖRGVIN GUÐMUNDSSON
VIÐSKIPTAFRÆÐINGUR
UMRÆÐAN
ATVINNUMÁL
,,
AF NETINU
Hjarta jafnaðarmanns
John Kerry er ekki fullkominn fremur en
aðrir menn, en hann má þó eiga það að
í honum slær hjarta jafnaðarmanns,
a.m.k. á bandarískan mælikvarða. Verði
hann forseti ætlar hann t.a.m. að beita
ríkisvaldinu í ríkara mæli en nú er gert
til að tryggja öllum Bandaríkjamönnum
góða heilbrigðisþjónustu ñ nokkuð sem
ekki er vanþörf á í landi þar sem yfir
fjörutíu milljónir manna eru án sjúkra-
tryggingar með þeim afleiðingum að
um 7ñ800.000 þúsund manns verða
gjaldþrota árlega vegna kostnaðar af
heilbrigðisþjónustu.
Þórður Sveinsson á mir.is
Demókratar frjálslyndari
Þó er kannski ofmælt að enginn munur
sé á demókrötum og repúblikönum.
Demókratar eru almennt heldur frjáls-
lyndari og hafa meiri skilning á mann-
réttindum og velferðarmálum. Þeir eru
til dæmis heldur frjálslyndari gagnvart
samkynhneigðum og síður á móti fóst-
ureyðingum en repúblikanar. Því verður
að sjálfsögðu ekki neitað að þetta
skiptir máli. En munurinn er samt ósköp
takmarkaður og ristir grunnt.
Aðeins einn þingmaður greiddi atkvæði
gegn því að veita Bush forseta umboð
til stríðsreksturs í kjölfar hryðjuverkanna
11. september, Barbara Lee frá Kali-
forníu. John Kerry gaf samþykki sitt við
innrás í Írak, hann styður áframhaldandi
hernám landsins og vill að 40 þúsund
hermenn verði sendir þangað í viðbót.
Einar Ólafsson á vg.is/postur
Einblínt á þolendur
Umræða um nauðganir er því miður enn
því marki brennd að miðast um of við
þolendur þessara glæpa. Einhverra hluta
vegna virðist fólk geta skilið að áfengis-
dauðar stúlkur á útihátíðum verði fyrir
nauðgun. Af fréttum að dæma mætti ætla
að nauðgun sé nánast eðlileg afleiðing
áfengisdauða, að konur í slíku ástandi
hafi með einhverjum hætti kallað ógæf-
una yfir sig. Sú nálgun að líta til hegðun-
ar þolandans er einkennandi fyrir kynferð-
isbrot. Menn myndu sennilega ekki halda
því fram að manneskja sem er einsömul
á gangi að kvöldlagi, vel klædd og efnuð,
hafi með því boðið upp á rán. Enn síður
væri því haldið fram að vegna þess að
fórnarlambið barðist ekki gegn ræningj-
anum hafi það samþykkt verknaðinn.
Þorbjörg Sigríður Gunnlaugsdóttir á
deiglan.com
Hæfileg refsing
Í Bandaríkjunum þykir sjö og hálfs árs
fangelsi hæfileg refsing fyrir kennslu-
konu sem tældiì 12 ára strák. Sá maður
er nú orðinn fullorðinn og gerir sér enn
ekki grein fyrir því að hann sé fórnar-
lamb. En hver veit nema að hann hafi
orðið fyrir ósýnilegum sálrænum skaða
út af þessu? Var ekki réttast að senda
þessa kennslukonu í langa fangavist,
svona til vonar og vara? Væntanlega
hafa aðstandendur hinna tugþúsunda
fórnarlamba George Bush orðið fyrir
einhverjum sálrænum skaða líka. Svo
ekki sé talað um aðstandendur þeirra
sem haldið er föngnum án dóms og
laga. Hvaða refsing hæfir þá George
Bush? Svona til vonar og vara?
Sverrir Jakobsson á murinn.is