Fréttablaðið - 26.08.2004, Page 25

Skúli kann að koma fólki á óvart.
3FIMMTUDAGUR 26. ágúst 2004
Skúli Gautason, leikari, tónlistar-
maður, útvarpsmaður og Snigill nr.
6., kom stúlku einu sinni verulega á
óvart: „Ég var á Interrail-ferðalagi
og fékk þá skyndihugdettu að heim-
sækja stelpu sem ég þekkti í Ljublj-
ana sem er í Slóveníu en var þá
partur af Júgóslavíu. Þetta var tals-
vert ferðalag þar sem ég lenti
meðal annars í gríðarlegu partíi á
brautarstöðinni í Trieste sem end-
aði með því að óeirðalögreglan birt-
ist skyndilega með táragas og grá
fyrir járnum. Ég flýði inn á
brautarstöðina og skutlaði mér, a la
James Bond, inn í lest sem var að
renna frá brautarpallinum. Það
reyndist hins vegar vera nokkurt
antiklímax að lestin var afskaplega
hægfara sveitalest sem lullaði
áfram og óeirðalögreglan hefði náð
mér á fæti ef hún hefði viljað. Ég
náði til Ljubljana á endanum og
fann húsið þar sem Nena vinkona
mín bjó. Þar var enginn heima. Ég
settist á tröppurnar og hugsaði með
mér: „Hér sit ég og get ekki annað,
guð hjálpi mér, amen,“ og sem ég
sagði amen kom þarna að kona.
Ég sagði henni deili á mér og
hún sagði mér að Nena og fjöl-
skyldan væru í sumarfríi við
ströndina. Konan kom þarna tvisv-
ar í viku að vökva blómin svo ég
var mjög heppinn að hitta á hana.
Hún lýsti fyrir mér hvar þau væru
en til þess að komast þangað þurfti
ég fyrst að taka einhverja afdank-
aða sveitalest og svo rútu, fara úr
henni á vissum stað, ganga þá eftir
nákvæmum fyrirmælum í átt að
ströndinni og þá tjölduðu þau alltaf
þar á sama stað. Ég fylgdi þessum
fyrirmælum og ég held að ferða-
lagið hafi tekið 2 daga. Þegar ég
kom niður að ströndinni þá hengu
einhver handklæði eða lök á milli
tveggja greina. Ég lyfti þeim frá
og þá stendur Nena þarna bara
beint fyrir framan mig. Ég horfði á
hana skælbrosandi og hún á mig á
móti og svo gjörsamlega sturlaðist
hún af skelfingu. Hún átti svo alls
ekki von á mér að hún var hand-
viss um að ég væri dauður og væri
kominn að vitja hennar. Nena var
miður sín í nokkra daga á eftir og
ég held að hún hafi aldrei fyrir-
gefið mér þetta.“
Og hefur sagan einhvern boð-
skap? „Boðskapur sögunnar er sá
að maður á að gera boð á undan
sér.“ ■
Skúli Gautason fór í óvænta heimsókn og lærði af því:
Gerið boð á undan ykkur!
Vetraráætlun Norrænu tekur gildi
9. september og breytist þá áætlun
skipsins. Samt sem áður verður
Norræna vikulegur gestur á
Seyðisfirði eins og yfir sumartím-
ann en hefur viðdvöl yfir nótt. Hún
mun koma þangað á þriðjudögum –
í fyrsta skipti 14. september klukk-
an 9 og sigla til baka á miðvikudög-
um kl. 18. „Þetta er meðal annars
gert vegna meiri fragtflutninga
yfir veturinn. Það eru aðeins aðrar
áherslur þá,“ segir Jónas Hall-
grímsson, framkvæmdastjóri
Austfars sem sér um afgreiðslu
skipsins á Seyðisfirði.
Fram í miðjan nóvember er
farið á sömu áætlunarstaði og yfir
sumartímann, það er að segja
Þórshöfn, Leirvík á Hjaltlandi,
Bergen í Noregi, Hanstholm í Dan-
mörku og síðan sömu leið til baka.
Sigling héðan til Færeyja tekur 17
tíma.
Síðasta ferðin til Bergen í haust
er 14. nóvember og um miðjan
mars eru hafnar siglingar þangað
aftur enda upplagt að bregða sér á
skíði eftir það í fjalllendi Noregs.
Þetta er í annað sinn sem
Íslandssiglingum er haldið úti allt
árið hjá Norrænu. Í fyrra var nýt-
ingin ekki eins góð og æskilegt
hefði verið en nú á að gera betur,
reyna meðal annars að lokka
hingað Norðmenn og Þjóðverja í
ríkari mæli en áður. Jónas segir
Austfar vera í samstarfi við Sér-
leyfisbifreiðar Akureyrar, skamm-
stafað SBA, sem keyra farþega um
Norðurland og suður þaðan til
Reykjavíkur en möguleikar eru á
gistingu hvort sem er við Mývatn
eða á Akureyri. ■
Vetraráætlun Norrænu:
Íslandssiglingar allt árið
Norræna er glæsiskip sem siglir allt árið til Íslands.
Vel er að farþegum búið um borð.