Fréttablaðið - 12.09.2004, Blaðsíða 6
LÖGREGLUMÁL Lögreglan í Reykja-
vík hefur sett sér það markmið að
fækka innbrotum í borginni um
tuttugu prósent en þeim hefur
fjölgað undanfarin ár.
Hinrik Pálsson, rannsóknarlög-
reglumaður, heldur utan um sér-
stakt verkefni sem miðar að
þessu. Hann segir að vel hafi
tekist til. Innbrotum hafi fækkað
um tólf prósent fyrstu átta mán-
uði ársins miðað við sama tíma í
fyrra. Þau séu nú 373 en voru 555
í fyrra. Sérstaklega hafi gengið
vel í sumar þegar þeim fækkaði
um 33 prósent. Hann telur því
raunhæft að markmiðið náist.
Hinrik segir lögreglu hafa lagt
áherslu á aukna samvinnu á milli
vakta og deilda innan lögreglunn-
ar og við aðra, til dæmis öryggis-
fyrirtæki og dómstóla. Þá hafi
áhersla verið lögð á að stöðva
virkustu brotamennina með sí-
brotagæslu. Þannig sé komið í veg
fyrir að einstaklingar gangi
lausir, sem brotist hafa inn á
marga staði á stuttum tíma og sem
ætla megi að haldi því áfram. Níu
hafa verið úrskurðaðir í síbrota-
gæslu í Reykjavík á þessu ári.
Tilkynnt rán hafa flest verið í
bíla, 474, næst flest í atvinnuhús-
næði, 273. Í 229 skipti hafi verið
brotist inn á heimili og í 158
skipti á aðra staði. Ljóst er, sam-
kvæmt upplýsingum lögreglu, að
innbrotum í heimahús fjölgar yfir
sumartímann.
Á fyrstu átta mánuðum ársins
voru lagðar fram 203 kærur
vegna innbrots. 162 einstaklingar
bera ábyrgð á þessum innbrotum,
en sumir eru kærðir oftar en einu
sinni. Sá iðnasti var kærður átta
sinnum. Yngsti einstaklingurinn
sem kærður var er fimmtán ára.
Yngri einstaklingar komu við
sögu hjá lögreglu vegna innbrota,
en voru ekki kærðir vegna ósak-
hæfis. Elsti einstaklingurinn,
kærður fyrir innbrot, var 52 ára.
Þeir skipta tugum sem stunda inn-
brot að staðaldri og ljóst þykir að
flestir þeirra eru meðal annars að
fjármagna fíkniefnaneyslu.
Hinrik segir innbrotsþjófa
sækjast helst eftir fartölvum,
skjávörpum, geislaspilurum og
öðrum raftækjum. Hann segir
mikinn markað með stolnar
fartölvur, enda þurfi flest skóla-
fólk fartölvur. Hann brýnir það
því fyrir fólki að vera á verði
fyrir of góðum tölvutilboðum.
Hinrik segist ekki vita nákvæm-
lega á hvaða verði stolnar tölvur
gangi kaupum og sölum, en hann
hafi heyrt að tölvur sem kosta
rúmar 200.000 krónur út úr búð
séu seldar fíkniefnasölum á þrjá-
tíu til 50.000 krónur eða fyrir 25
grömm af hassi. Bílageislaspilara
fái þeir fyrir eitt gramm af
amfetamíni, sem sé metið á 3 til
5.000 krónur. Sá sem kaupir þýfi
fær það að engu bætt komist upp
um þjófnaðinn.
ghg@frettabladid.is
6 12. september 2004 SUNNUDAGUR
Nýjar kenningar um riðusjúkdóma:
Gaseitrun ekki orsök sjúkdómsins
LANDBÚNAÐUR Jakob Kristinsson,
dósent í eiturefnafræði á Rann-
sóknastofu Háskólans í lyfja- og
eiturefnafræði, segir alveg víst
að riða sé smitsjúkdómur og
orsakist ekki af gaseitrun vegna
gerjunar í úrgangi dýra. Fram
komu kenningar um slíkt í
kjölfar riðu sem uppgötvaðist á
bænum Árgerði í Skagafirði í
sumar.
„Hins vegar getur vel verið
að fé verði sjúkt af því að anda
að sér þessum lofttegundum
sem um er að ræða í þessu til-
viki, en það veldur ekki þessum
sjúkdómi sem menn kalla riðu,“
segir Jakob og bendir á að
langan tíma taki fyrir tauga-
skemmdir af völdum leysiefna
að koma fram. „Skepnur verða
ekki svo gamlar. Það tekur
meira að segja nokkur ár fyrir
menn sem vinna í mjög meng-
uðu umhverfi að fá greinilegar
taugaskemmdir.“ Jakob segir að
þótt margar spurningar séu
varðandi próteinstubbinn príon
sem sagður er valda riðu hafi
sjúkdómurinn verið svo lengi til
að tenging við gasmengun sé
ólíkleg. „Fyrir þessum 120 árum
voru menn ekki með haughús
eða slíkt, heldur bara venjuleg
fjárhús og á þeim tímum var fé
mjög lítið á húsi.“ ■
Lögreglan ætlar að fækka
innbrotum um fimmtung
Lögreglunni hefur tekist að fækka innbrotum. Fækkaði um 33 prósent í sumar. Tilkynnt rán
1.134 á þessu ári. Yngsti innbrotsþjófurinn er undir 15 ára aldri, sá elsti 52 ára.
Ingólfsfjall:
Malarnám
bannað
UMHVERFISMÁL Skipulagsstofnun
hefur úrskurðað að malarnám í
Ingólfsfjalli sé óheimilt.
Niðurstaðan er á sömu lund og
álitsgerð sem stofnunin sendi frá
sér í sumar. Þar með er ekki
heimilt að vinna efni úr fjallinu
fyrr en hefðbundinni máls-
meðferð er lokið.
Sigurður Jónsson, skipulags-
og byggingarfulltrúi Ölfuss,
segir að með úrskurði Skipulags-
stofnunar sé málið aftur komið
til landeigenda sem hafa kæru-
rétt til Umhverfisráðuneytisins.
Ósátt hefur ríkt um málið frá því
í fyrrasumar. ■
■ TÍSKA
ÓSMEKKLEGAR AUGLÝSINGAR
Ofurfyrirsætan Elle Macpherson
á undir högg að sækja í heima-
landi sínu vegna undirfataaug-
lýsinga úr tískulínu sem hún
framleiðir. Í auglýsingunum er
þemað Stúlkur og hnífar og sést í
einni þeirra stúlka á undirfatnaði
að þrífa það sem virðist vera blóð
af eldhúsgólfinu. Bretar hafa
bannað sýningar á auglýsingunum
fyrir klukkan níu á kvöldin.
VEISTU SVARIÐ?
1.Í hvaða bæ á landinu er annar hvernemandi í tónlistarnámi?
2Hver er nú þriðji stærsti hluthafinn íÖssuri?
3Hvað heitir ný bók Stefáns Mána semkemur út í haust?
Svörin eru á bls. 22
HINRIK PÁLSSON, RANNSÓKNARLÖGREGLUMAÐUR
Segir innbrotsþjófa sækjast helst eftir fartölvum, skjávörpum, geislaspilurum og öðrum
raftækjum.
FR
ÉT
TA
B
LA
Ð
IÐ
/P
JE
TU
R
ÁÆTLAÐ GÖTUVERÐ ÞÝFIS:
Geislaspilari í bíl Um 1 gr. af amfetamíni
3.000 - 5.000kr.
Fartölvur Um 10 gr. af amfetamíni
30.000 - 50.000kr.
Skjávarpar Rúm 10 gr. af amfetamíni
Rúmar 50.000 kr.
JAKOB KRISTINSSON
Dósent í eiturefnafræði á Rannsóknastofu
Háskólans í lyfja- og eiturefnafræði.
Landlæknir:
Aukin sjálfs-
víg barna
HEILBRIGÐISMÁL Sjálfsvíg barna
undir fimmtán ára aldri eru
sjalfgæf en fjölgar samt „óhugn-
anlega mikið,“ að því er fram
kemur í nýju upplýsingariti Land-
læknisembættisins. Fram kemur
að sjálfsvíg séu meðal fimm
algengustu dánarorsaka í aldurs-
hópnum 15 til 19 ára í heiminum.
Ritið kom út á föstudag í tilefni
alþjóðlegs sjálfsvígsforvarnadags
Alþjóðaheilbrigðismálastofnunar-
innar. Þar kemur ennfremur fram
að oft er erfitt að greina hvort um
sjálfsmorð eða banaslys er að
ræða meðal barna og unglinga,
einkum við atvik eins og fall af
háum stað, of stóran lyfjaskammt
eða umferðarslys. Útgáfan er
liður í forvarnaverkefninu Þjóð
gegn þunglyndi, en nálgast má
bæklinginn í heild sinni á vef
landlæknisembættisins. ■
ÚR MIÐBÆ REYKJAVÍKUR
Áfengisneysla unglinga er sögð geta
stuðlað að þunglyndi.
2000
1.536
2001
1.875
2002
2.120
2003
1.850
2004
1.134
Það
sem af
er ári
FJÖLDI TILKYNNTRA INNBROTA
Í REYKJAVÍK ÁRIÐ 2000 TIL
2004.