Fréttablaðið - 12.09.2004, Blaðsíða 40

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Auðurinn
Afkoma stórfyrirtækja hefur aldreiverið betri. Meðalstór fyrirtæki
skila ótrúlegum arði. Smæstu fyrir-
tæki skila helmingi meiri hagnaði í ár
en í fyrra.
ÚTVARP og sjónvarp flytja daglega
fréttir af því að tekjur bankanna hafi
tífaldast eftir að þeir voru einka-
væddir. Ríkið hefur verið heppið að
losna við tapið á þeim. Almenningur
fagnar að þeir skuli hafa lent í góðum
höndum og hagsæld allra aukist.
ÁLVERIÐ við Kárahnjúka er mestu
framkvæmdir í Íslandssögunni sem
færa þjóðinni hamingju í jöfnu hlut-
falli við stærð.
DAGLEGA er brotist inn í sjoppu með
byssu til að ná peningum úr kassanum.
Afgreiðslukonan fær mynd af sér í
blöðum. Árásarmaðurinn næst. Hann
er yfirheyrður. Málið telst upplýst og
honum sleppt. Kveikt er í bílum og
blossarnir fuðra upp um húsveggi.
Rætt er við vitni. Þau fá viðtal í fjöl-
miðlum daginn eftir. Um hádegið næst
brennuvargurinn. Hann er tekinn til
yfirheyrslu. Málið telst upplýst. Hon-
um er sleppt.
FORSETAR halda ræður um mestu
auðlegð þjóðarinnar. Allir eru þeim
sammála um að sá auður sem felst í
manninum skipti höfuðmáli. Af öllum
þessum mannauði er mest að finna í
börnum. Vegna þess að þau erfa landið.
BROTIST er inn í barnaskóla, öllu
umturnað, rúður brotnar og fartölvum
stolið. Þjófarnir og skemmdarvarg-
arnir nást. Málið telst upplýst. Þeim
er sleppt.
ÞRÁTT FYRIR allt erum við ekki enn
komin á það stig að vinna hryðjuverk á
skólabörnum, eins og algengt er í ríkj-
unum sem við dáðum mest fyrir
nokkrum áratugum. Varla nokkur
maður hélt vatni yfir hrifningu sinni á
dýrðarríkjunum tveimur: Banda-
ríkjunum og Rússlandi.
Í SKÓLUM hér eru ekki framdir
glæpir gegn börnum. Sá mannauður
sem lærir þar, til að auka sinn gróða
sem einstaklingar og þjóð, skilar meiri
arði en allir hinir sameinuðu og ósigr-
andi einkabankar. Bráðum verður
barnaauðurinn sendur heim meðan
kennarar fara í verkfall til að auka
tekjur sínar sem hafa aðeins skánað.
VERÐA kennarar handsamaðir fyrir
að skaða mannauð barna. Verða þeir
yfirheyrðir? Verður mál þeirra talið
upplýst? Verður þeim síðan sleppt?
BAKÞANKAR
GUÐBERGS
BERGSSONAR
Vinningar verða afhendir hjá BT Smáralind. Kópavogi. Með því að taka þátt ertu kominn í SMS klúbb. 99 kr/skeytið
Sendu SM
S skeytið
JA GNF á
númerið 1
900
og þú gæt
ir unnið.
8. hver vin
nur.

XXXx
Vinnin
gar eru
:
• Miðar
á mynd
ina
• DVD m
yndir
• Margt
fleira.
Sjóðheit og sexí gamanmynd um strák sem
fórnar öllu fyrir draumadísina!