Fréttablaðið - 19.09.2004, Blaðsíða 38
SVIPMYND
BLÓMIÐ SUNNUDAGAR
19. september 2004 SUNNUDAGUR12
? VISSIR ÞÚ ...
... að flestir varalitir innihalda fiskroð?
... að 2.500 örventir deyja árlega
vegna notkunar á hlutum sem ætlaðir
eru rétthentum?
... að ef þú telur allan sólarhringinn
tekur það 31.688 ár að ná upp í eina
billjón?
... að sólin er 330.330 sinnum stærri
en jörðin?
... að rafmagnsstóllinn var fundinn upp
af tannlækni?
Það besta
Mér finnst sunnudagar mjög góðir dagar. Mér finnst æðis-
legt ef ég vakna snemma og fer einn fram í eldhús, fæ mér
kaffi, les blöðin og kveiki á messunni á Ríkisútvarpinu og
hef hana á í bakgrunninum. Þá grípur mig einhver nostalg-
íufílíngur því þegar ég var lítill var bara ein útvarpsstöð og
það var Ríkisútvarpið. Við vorum fimm systkinin og á
sunnudögum var sunnudagsmaturinn í hádeginu þar sem
mamma grillaði kindafótinn og þá var messan alltaf á í út-
varpinu. Svo er ég líka í útsendingu á Rás 2 á sunnudögum
með þáttinn Rokkland og það finnst mér einkar skemmti-
legt. Stundum fer ég í mat til mömmu upp á Akranes og
reyni að hitta fólk því þetta er jú fjölskyldudagur. Ég er
mjög upptekinn alla vikuna og tek því sunnudögum fagn-
andi því þá hef ég smá tíma til að gera ekki neitt. Allir
helgidagar eru líka vel þegnir í seinni tíð og mættum við
alveg fjölga þeim aðeins.
Það versta
Mér finnst barasta ekkert leiðinlegt við þennan dag lengur.
Mér fannst hann frekar dapurlegur þegar ég var unglingur.
Á sunnudögum var allt stuðið búið og tóm leiðindi
framundan. Núna er ég mjög sáttur við sunnudaga því þá
get ég slappað af og verið með fjölskyldunni.
lilja@frettabladid.is
ÓLAFUR PÁLL GUNNARSSON, ÚTVARPSMAÐUR Á RÁS 2, ÖÐRU NAFNI ÓLI PALLI.
Ólafssúra
Ólafssúra er fersk og bragðgóð
planta sem líkist túnsúru sem flest
börn hafa tínt upp í sig einhvern
tíma. Þó er Ólafssúran ívið mildari.
Hún er ekki jafnauðfundin og túnsúr-
an því oft vex hún til fjalla og á öðr-
um fáfarnari stöðum. Þó telst hún al-
geng um allt land. Ólafssúra hefur
reyndar fengið mörg fleiri nöfn í ís-
lensku alþýðumáli, til dæmis berg-
súra, hofsúra, fjallakál, hrútablaðka,
lambasúra og súrkál.
Heimild: Ágúst H. Bjarnason. Íslensk
flóra með litmyndum. Iðunn 1983 og
Myndskreytt flóra Íslands og Norður-
Evrópu. Skjaldborg 1992.
NEW YORK: STÆRSTA BORG BANDA-
RÍKJANNA, HEIMABORG SAMEINUÐU
ÞJÓÐANNA OG MIÐSTÖÐ ALHEIMS-
VIÐSKIPTA.
EINKENNI: Hundruð skýjakljúfa á Man-
hattan og yfir 400 hverfi í borginni,
hvert með sínum einkennum
Íbúafjöldi: Rúmlega 8 milljónir.
KYNÞÆTTIR: Um það bil 45% borgar-
búa eru hvít, svartir eru um 27%, af
asískum uppruna um 10% og aðrir
kynþættir 18%.
TUNGUMÁL: Í lok níunda áratugarins
voru 120 tungumál töluð í skólum
borgarinnar. Aðaltungumál er þó enska.
MENNING: Fáar borgir státa af jafn
mörgum söfnum, galleríum, leikhúsum
og veitingastöðum.
EINKENNI: Frelsisstyttan á Liberty-eyju,
Empire State-byggingin, Brooklyn-brúin.
SKEMMTILEGT AÐ VITA: Eplið er tákn
borgarinnar, blóm borgarinnar er rósin,
skordýr borgarinnar er maríubjalla og
dýr borgarinnar er bjórinn.
ÓGNARATBURÐUR: Hryðjuverkamenn
gerðu árás á tvíburaturnana í New York
11. september árið 2001. Tæplega
4.000 manns létu lífið.