Fréttablaðið - 27.09.2004, Blaðsíða 50

18 27. september 2004 MÁNUDAGUR
„Það er alltaf súrt að tapa en við göngum frá
þessum leik með höfuðið hátt.“
Markahrókurinn Hörður Már Magnússon hjá HK var ekki af baki dottinn
þrátt fyrir tapið gegn Keflavík
sport@frettabladid.is
HVAÐ? HVENÆR? HVAR?
24 25 26 27 28 29 30
Mánudagur
SEPTEMBER
Við hrósum...
... þeim Jóni Oddi Halldórssyni og Kristínu Rós Hákonardóttur enn og
aftur. Þau stóðu sig hreint út sagt frábærlega á Ólympíuleikum
fatlaðra í Aþenu og koma bæði með tvö verðlaun heim.
Stórkostlegur árangur og vonandi verður vel tekið á móti þeim
er þau koma heim.
FÓTBOLTI Keflvíkingar eru komnir í
bikarúrslitin í fótboltanum eftir
0-1 sigur á HK á Laugardalsvelli í
gærdag. Keflvíkingar hafa
tvisvar áður hampað bikarmeist-
aratitlinum, árin 1975 og 1997 en
árangur HK í bikarkeppninni
þetta árið er sá besti í sögu félags-
ins. Reyndar var árangur þeirra í
1. deildinni, þriðja sætið, besti ár-
angur þeirra þar frá upphafi og
greinilegt að það er góð upp-
sveifla í félaginu og það er til alls
víst á komandi árum.
Í byrjun bar leikurinn þess keim
að annað liðið er úrvalsdeildarfélag
en hitt í 1. deild. Það tók leikmenn
HK þó nokkra stund að ná úr sér
mesta hrollinum og þegar það gerð-
ist var liðið búið að fá á sig mark og
það reyndist dýrkeypt.
Ólíkur fótbolti
Það sem eftir lifði leiks er
óhætt að segja að jafnræði hafi
ríkt þótt fótboltinn sem liðin spili
sé talsvert ólíkur. Keflvíkingum
fer best að spila létta og skemmti-
lega knattspyrnu og þegar þeim
tekst það geta þeir verið illviðráð-
anlegir en eftir mark þeirra sáust
slíkir sprettir ekki nema endrum
og sinnum. HK spilaði af meiri
krafti og þessi kraftur skapaði
þeim nokkur mjög góð færi í
seinni hálfleik og það hefði ekki
verið ósanngjarnt ef þeir hefðu
jafnað – svo mikið er víst.
Það er hins vegar ekkert spurt
að því í þessum bransa en leik-
menn HK geta verið stoltir af
frammistöðu sinni í þessum leik.
Þeir hafa lært gífurlega mikið í
sumar og sá lærdómur á án efa
eftir að reynast þeim dýrmætur á
næsta sumri. Liðið spilaði sem ein
heild og menn voru virkilega að
leggja líkama og sál í leikinn.
Skemmtilegt lið
Keflvíkingar gerðu það sem
gera þurfti og eygja von um sinn
fyrsta stóra titil í sjö ár. Á góðum
degi er Keflavíkurliðið eitt það
allra skemmtilegasta á landinu og
nái liðið aðeins meiri stöðugleika
getur það farið alla leið á toppinn.
Sveiflurnar hafa þó verið ansi
miklar í sumar og liðið hefur
dottið langt niður á köflum og
stóra spurningin er hvernig hinir
ungu leikmenn liðsins koma til
með að höndla spennuna þegar
liðið mætir KA í bikarúrslita-
leiknum á laugardaginn kemur.
Þórarinn Kristjánsson er einn
fárra í Keflavíkurliðinu sem
hampað hefur bikarmeistaratitl-
inum en það gerði hann árið 1997
en þá lögðu Keflvíkingar ÍBV að
velli eftir tvo úrslitaleiki og víta-
spyrnukeppni. Hann sagðist alveg
vera til í að endurtaka leikinn.
Enginn stjörnuleikur
„Í raun og veru gerðum við
bara það sem þurfti í þessum leik
og ekkert mikið meira en það.
Þetta var enginn stjörnuleikur hjá
okkur hér í dag en það er ekki það
sem skiptir máli, við skoruðum og
héldum hreinu og erum verulega
sáttir með að vera komnir í úr-
slitaleikinn.
Ég hef upplifað það að vinna
sigur í bikarkeppninni en ég og
Guðmundur (Steinarsson) og
Jakob (Már Jónharðsson), sem er
aðstoðarþjálfari í dag en var
fyrirliði 1997, erum þeir einu
sem eru eftir í dag úr því liði.
Við vitum hvað þessi tilfinning er
góð og ætlum okkur að upplifa
hana aftur.“ Þórarinn segir
leikmenn HK hafa verið erfiða
viðureignar.
„Þeir léku mjög vel í dag, voru
þéttir á miðjunni og lokuðu fyrir
margt hjá okkur í sóknarupp-
byggingunni og það var erfitt að
spila við þá. Það er því alveg ljóst
að árangur þeirra í sumar er eng-
in tilviljun,“ sagði Þórarinn
Kristjánsson sem oft hefur verið
kallaður bjargvætturinn í
gegnum árin enda ávallt reynst
Keflavík vel á ögurstundum.
sms@frettabladid.is
GLEÐI, GLEÐI, GLEÐI Það var kátt á hjalla í búningsklefa Keflavíkur eftir leikinn á Laugardalsvelli í gær. Strákarnir úr Bítlabænum sungu
og trölluðu í langan tíma. Eina sem vantaði var Rúni Júl með gítarinn. Þá hefði stemningin verið pottþétt.
Keflavík mætir KA í úrslitum
Keflavík tryggði sér sæti í úrslitum VISA-bikarkeppninnar á Laugardalsvelli í gær er þeir lögðu
1. deildarlið HK í undanúrslitum. Eina mark leiksins var sjálfsmark.
Fáðu flott
munnstykki
■ ■ SJÓNVARP
 14.50 Ólympíuleikar fatlaðra á
Rúv. Samantektur þáttur um ÓL
fatlaðra í Aþenu.
 15.45 Helgarsportið á RÚV.
Endursýndur þáttur. Íþróttir
helgarinnar í snöggum og hrað-
soðnum þætti.
 16.10 Ensku mörkin á Rúv. Hinn
eini sanni Bjarni Fel fer yfir leiki
helgarinnar í ensku úrvalsdeild-
inni í knattspyrnu.
 18.00 Þrumuskot á Skjá einum.
Snorri Már Skúlason fer yfir leiki
helgarinnar í enska boltanum.
 18.20 NFL á Sýn. Upptaka frá leik
Indianapolis Colts og Green Bay
Packers frá því á sunnudagskvöld.
 20.30 Boltinn með Guðna Bergs á
Sýn. Bein útsending frá þætti
Guðna Bergssonar þar sem hann
fer yfir knattspyrnuna í Evrópu um
helgina.
 00.10 Ólympíuleikar fatlaðra á
Rúv. Samantektarþáttur þar sem
sýnt er frá viðburðum dagsins í
Aþenu.
Markahrókurinn Hörður Már Magnússon náði ekki að skora í gær:
Eigum erindi í efstu deild
FÓTBOLTI Hörður Már Magnússon
lék vel með HK, var ógnandi og
lét að venju finna vel fyrir sér.
Hann hefur verið einstaklega
markheppinn í þessari keppni en
honum tókst ekki að koma
boltanum í netið í gær og þá var
ekki að sökum að spyrja. Þrátt
fyrir tapið bar Hörður sig vel
enda telur hann að liðið hafi
ekkert til að skammast sín fyrir.
Árangurinn sé frábær og þeir séu
búnir að sanna að þeir eigi vel
erindi í deild þeirra bestu.
„Það er alltaf súrt að tapa en
við göngum frá þessum leik með
höfuðið hátt. Ef frá eru taldar
fyrstu tuttugu mínúturnar þá átt-
um við í fullu tré við þá og ef eitt-
hvað var fengum við fleiri hættu-
leg færi og þá sérstaklega í seinni
hálfleik.
Þeir hins vegar skoruðu en við
ekki en ég held að menn geti alveg
verið sáttir við þessa frammi-
stöðu. Við höfum sýnt það í sumar
að við eigum erindi upp í efstu
deild.
Árangurinn í sumar er sá besti
í sögu fótboltans í HK og við erum
stoltir af því en viljum gjarnan
meira – ætlum okkur það reyndar
og stefnum ótrauðir á sæti í úr-
valsdeild að ári,“ sagði Hörður
Már Magnússon, en þess má geta
að hann hampaði bikarmeist-
aratitlinum með Val fyrir tólf
árum síðan.
1–0 Jóhann Björnsson, sjm 11.
DÓMARINN
Jóhannes Valgeirsson í meðallagi
BESTUR Á VELLINUM
Stefán Gíslason Keflavík
TÖLFRÆÐIN
Skot (á mark) 12–13 (4–3)
Horn 6–9
Aukaspyrnur fengnar 12–6
Rangstöður 2–1
MJÖG GÓÐIR
Stefán Gíslason Keflavík
GÓÐIR
Magnús Þormar Keflavík
Haraldur Freyr Guðmundsson Keflavík
Jónas Guðni Sævarsson Keflavík
Gunnleifur Gunnleifsson HK
Árni Thor Guðmundsson HK
Atli Guðnason HK
Hörður Már Magnússon HK
KEFLAVÍK–HK 1–0
DRAUMURINN Á ENDA Það var
hljóðlátt í klefa HK eftir leikinn í gær enda
draumur þeirra um bikarúrslitaleik á enda. FR
ÉT
TA
B
LA
Ð
IÐ
/S
TE
FÁ
N
FR
ÉT
TA
B
LA
Ð
IÐ
/S
TE
FÁ
N