Fréttablaðið - 28.09.2004, Blaðsíða 2
2 28. september 2004 ÞRIÐJUDAGUR
Forsætisráðherra Frakka:
Frakkar nýti sér
íslenskan hagvöxt
LEIÐTOGAFUNDUR Halldór Ásgríms-
son forsætisráðherra hitti Jean-
Pierre Raffarin, forsætisráðherra
Frakklands, að máli í Hotel
Matignon, embættisbústað þess
síðarnefnda, í París í gær. Þetta
var fyrsti fundur Halldórs með
erlendum starfsbróður frá því að
hann tók við embætti forsætisráð-
herra um miðjan þennan mánuð.
Ráðherrarnir ræddu stöðu al-
þjóðamála, þar á meðal málefni
Miðausturlanda. Halldór Ás-
grímsson sagði að þeir hefðu sér-
staklega rætt um íslensku menn-
ingarkynninguna sem hófst í Par-
ís í gær og Raffarin hefði þegið
boð um að heimsækja Ísland, von-
andi á næsta ári.
Jean-Pierre Raffarin sagði í
samtali við fréttamenn að rætt
hefði verið um Írak og hann og ís-
lenski forsætisráðherrann hefðu
haft „svipaða afstöðu um margt
þrátt fyrir fyrri ágreining um að-
ferðir“; eins og hann orðaði það.
Efnahagssamvinna landanna var
einnig til umræðu og sagði Raffar-
in að stórfyrirtæki hefðu nú þegar
nýtt tækifærin en jafnvel lítil og
meðalstór fyrirtæki í Frakklandi
ættu að hafa hag af því að „njóta
góðs af hagvextinum á Íslandi“;
landi sem væri „jafn stórt að snið-
um og það væri þokkafullt“; eins
og Raffarin orðaði það. ■
Þúsund ára ísjaki
stal senunni
Viðamikil íslensk menningar- og vísindakynning hófst í París í gær með því
að 14 tonna ísjaka frá Íslandi var komið fyrir við vísindasafnið nærri Champs
Elysée. Flutningur ísjakans hefur vakið gríðarlega athygli í Frakklandi.
ÍSLANDSKYNNING Fjórar sjónvarps-
stöðvar og fjöldi franskra dagblaða
voru viðstödd þegar 14 tonna ísjaki
var hífður af vörubíl og komið
fyrir utan við Palais de la Decou-
verte, franska vísindasafnið,
klukkan fimm í gærmorgun. Sturla
Böðvarsson samgönguráðherra og
Sigríður Á. Snævarr, sendiherra í
París, afhentu Frökkum ísjakann
formlega. Síðdegis sama dag setti
Halldór Ásgrímsson forsætisráð-
herra menningar- og vísindakynn-
inguna formlega en hún stendur
yfir í hálfan mánuð.
„Það er stórkostlegt að sjá hann
hérna á stéttinni,“ sagði Ari Trausti
Guðmundsson, einn forsprakka
vísindasýningarinnar í Palais de la
Decouverte, „hugmyndin kom upp
á fundi í sendiráðinu hérna í vor og
hér er hann.“ Vonast er til að ísjak-
inn veki athygli á kynningunni sem
að verulegu leyti er kostuð af
frönskum stjórnvöldum.
„Þetta fer vel af stað og vekur
greinilega mikla athygli,“ sagði
Sturla Böðvarsson, ráðherra ferða-
mála. „Við vonum sannarlega að
kynningin auki ferðamannastraum
Frakka til Íslands og fjárfesting-
ar,“ segir Sveinn Einarsson, verk-
efnisstjóri kynningarinnar. „Og
vonandi átta Frakkar sig á því að
það er menningarlíf á Íslandi sem
er ástæða til að fylgjast með.“
Talið er að vatnið í ísjakanum
hafi fallið sem regn fyrir þúsund
árum. Ef tillit er tekið til skekkju-
marka gæti þetta regn hafa fallið
einhvern tímann frá þeim tíma
þegar Ingólfur Arnarson fann Ís-
land þar til Vilhjálmur Sigursæli
lagði upp frá Frakklandsströndum
og lagði undir sig Bretland 1066.
Ekki hafa þó allir fagnað ísjak-
anum því græningjar í borgar-
stjórn Parísar komu í veg fyrir að
hann yrði fluttur að ráðhúsi París-
ar þegar „menningarnótt“ hefst
þar innan skamms. Þeir harma að
ísjaki sé fluttur úr náttúrulegu
umhverfi sínu á Íslandi og þó sér-
staklega þá miklu orkusóun sem
hafi átt sér stað við flutninginn
frá Íslandi um Rotterdam til
Parísar.
a.snaevarr@frettabladid.is
Bandaríkin og
Norður-Kórea:
Afskipti til
óþurftar
NEW YORK, AP Bandaríkin hafa hert
á hótunum sínum og eyðilagt
möguleikana á friðsamlegri lausn
kjarnorkudeilunnar á Kóreu-
skaga, sagði Choe Su Hon, varaut-
anríkisráðherra Norður-Kóreu á
ráðherrafundi allsherjarþings
Sameinuðu þjóðanna. Hann sagði
stjórn sína þó reiðubúna til að
leggja niður kjarnorkuáætlun
sína ef Bandaríkin létu af fjand-
samlegri afstöðu sinni í garð
stjórnvalda í Pyongyang.
Choe sagði mjög erfitt að ná
friðsamlegri lausn við núverandi
aðstæður og ítrekaði að Norður-
Kórea gæti ekki tekið þátt í sex
ríkja viðræðum um lausn málsins
að óbreyttu. ■
Jú, það er alveg kjörið. Það yrði að
byggja yfir hann og þá yrði þetta eins
og Parken-völlurinn í Kaupmannahöfn.
Eggert Magnússon, formaður Knattspyrnusambands
Íslands, hefur barist fyrir byggingu þjóðarleikvangs
í Reykjavík en aðrir berjast fyrir byggingu tónlistar-
húss. Nú eru uppi hugmyndir um að sameina
iþrótta- og menningarmál hjá borginni.
SPURNING DAGSINS
Eggert, er ekki kjörið að nýr þjóðar-
leikvangur verði jafnframt nýttur til
tónleikahalds?
JÖKULLINN SKILAR AF SÉR
Margir hættulegir hlutir voru fjarlægðir úr
braki vélarinnar um helgina.
Sprengjuflugvél í
Eyjafjallajökli:
Vélbyssur
í flakinu
LEIÐANGUR Sprengjusérfræðingar
Landhelgisgæslunnar fóru um
helgina að flaki bandarísku
sprengjuflugvélarinnar „Flying
Fortress“ en vélin brotlenti á
Eyjafjallajökli í september árið
1944. Meðal þess sem kom í leit-
irnar um helgina voru þungar 50
kalíbera vélbyssur en þrettán
slíkar voru í vélinni og dró hún
nafngift sína af þeim (virkið
fljúgandi).
Ekki er talið að sprengjur hafi
verið um borð í vélinni þegar hún
fórst en flugmennirnir höfðu
villst af leið í slæmu veðri á leið
til Bretlands þegar slysið varð.
Verið var að flytja nýþjálfaða
áhöfn frá Bandaríkjunum. Mildi
þótti að allir úr áhöfninni skyldu
lifa brotlendinguna af. ■
Fíkniefnarannsókn:
Enn óvíst
með framsal
FÍKNIEFNABROT Ekki er enn vitað
hvort orðið verður við framsals-
beiðni íslenskra stjórnvalda
vegna rannsóknar á einu um-
fangsmesta fíkniefnamáli síðari
ára. Þrjár stórar sendingar fíkni-
efna komu frá Hollandi, tvær
með Dettifossi og ein í pósti.
Tveir af sex Íslendingum sem
sitja í gæsluvarðhaldi eru í
Hollandi, en óvíst er hvort annar
þeirra tengist málinu og því hef-
ur aðeins verið farið fram á að
annar þeirra verði framseldur.
Ásgeir Karlsson, yfirmaður
fíkniefnadeildarinnar í Reykja-
vík, segir ekkert nýtt vera að
frétta af rannsókninni en hún sé
í fullum gangi. ■
Barn, táningur og fullorðinn einstaklingur
myrtir í Noregi um helgina:
Þrjú morð á sólarhring
NOREGUR Níu mánaða barn, átján
ára stúlka og 41 árs karlmaður
voru myrt í Noregi um helgina.
Þrír karlmenn hafa verið hand-
teknir vegna rannsóknar mál-
anna þriggja og tengjast þeir all-
ir, með einum eða öðrum hætti,
þeim sem þeir eru grunaðir um
að hafa myrt.
Tæplega þrítugur karlmaður
hefur verið handtekinn grunaður
um að hafa myrt níu mánaða
gamalt barn í Kristiansand.
Barnið lést af völdum höfuð-
áverka sem því voru veittir.
Maðurinn, sem á langan afbrota-
feril að baki og var nýbúinn að
afplána dóm, neitar því að vera
valdur að dauða barnsins. Hann
er kærasti móður barnsins og
hringdi í neyðarlínuna til að til-
kynna að barnið virtist líflaust.
Hann fékk áfallahjálp eftir að
hafa brotnað niður í kjölfar and-
láts barnsins.
Maður á þrítugsaldri hefur
verið handtekinn, grunaður um
að hafa myrt rúmlega fertugan
stjúpföður sinn í Bodö. Gestur í
gleðskap á heimili hins látna
fann líkið aðfaranótt laugar-
dags. Stjúpsonurinn var horfinn
þegar lögreglan kom á staðinn
en gaf sig fram við hana í fyrra-
kvöld.
Í Osló var átján ára stúlka
skotin til bana aðfaranótt sunnu-
dags. Böndin berast helst að 21
árs gömlum unnusta hennar sem
hefur verið lagður inn á geð-
deild. Yfirheyrslur yfir honum
hafa hins vegar gengið illa. ■
■ LÖGREGLUFRÉTTIR
ÍKVEIKJA Í ÁRBÆ Á níunda tíman-
um í gærkvöld kveiktu börn í
rusli sem lá upp við færanlegar
kennslustofur við Árbæjarskóla.
Eldurinn komst inn undir klæðn-
ingu á vegg hússins. Slökkvilið
frá slökkvistöðinni á Tunguhálsi
fór á staðinn og réð niðurlögum
eldsins. Lítill reykur komst inn í
kennslustofurnar og tjón var
óverulegt. Málið er í rannsókn
hjá lögreglu.
■ LÖGREGLUFRÉTTIR
FÍKNIEFNI Á SELFOSSI Lögreglan
fann lítilræði af fíkniefni við hús-
leit í gær. Maður á fertugsaldri,
sem er grunaður um að eiga efn-
ið, var handtekinn og fluttur á
lögreglustöðina til skýrslutöku.
FYRSTI FUNDUR HALLDÓRS SEM FORSÆTISRÁÐHERRA
Halldór Ásgrímsson forsætisráðherra hitti Jean-Pierre Raffarin,
forsætisráðherra Frakka, fyrstan erlendra starfsbræðra sinna í embættisbústað
hans, Hotel Matignon, í gær.
FR
ÉT
TA
B
LA
Ð
IÐ
/Á
R
N
I S
N
Æ
VA
R
R
VELKOMINN TIL PARÍSAR
Hvort ísjakinn verður enn á sínum stað við lok kynningarinnar er óvíst því hann bráðnar
hratt. Hann var 22 tonn þegar hann var veiddur upp úr Jökulsárlóni en vó aðeins 14,1
tonn þegar hann kom á áfangastað fyrir utan vísindasafnið í gærmorgun.
FR
ÉT
TA
B
LA
Ð
IÐ
/Á
R
N
I S
N
Æ
VA
R
R
FR
ÉT
TA
B
LA
Ð
IÐ
/A
D
R
IA
N
K
IN
G
Lykilhótel:
Ákært fyrir
umboðssvik
DÓMSMÁL Fyrrverandi fram-
kvæmdastjóri og stjórnarformað-
ur Lykilhótela hefur verið ákærður
af Ríkislögreglustjóra fyrir um-
boðssvik þegar hann tók 37 millj-
óna króna lán í nafni félagsins hjá
Framkvæmdasjóði Íslands.
Hann ásamt öðrum stjórnar-
manni batt Hótel Valhöll og eigur
þess í ábyrgð fyrir láni sem var
ótengt starfsemi þess. Skuldabréf-
ið var einnig tryggt með veðrétti í
fasteign í eigu Lykilhótela í Hvera-
gerði. Andvirði skuldabréfsins var
notað til að greiða upp gjaldfallnar
afborganir, vexti og dráttarvexti
sjö skuldabréfalána Lykilhótela hjá
Framkvæmdasjóði Íslands. ■