Fréttablaðið - 28.09.2004, Blaðsíða 28
Brasilíska rithöfundinn Paulo
Coelho hafði lengi langað til þess
að kanna undraheima ástar og
kynlífs í verkum sínum en jafnan
gugnað þar sem hann átti erfitt
með að átta sig á því frá hvaða
sjónarhorni væri best að nálgast
þessi fyrirbæri sem halda mann-
kyninu gangandi án þess að nokk-
ur skilji þau almennilega.
Hann fann ekki nálgunarleið
sína fyrr en árið 1999. Þá var
hann staddur á ráðstefnu á Ítalíu
og fékk sent handrit að ævisögu
brasilísku vændiskonunnar Soniu
á hótelið sitt. Sagan fangaði hug
hans og eftir miklar rannsóknir
og heimildaöflun skrifaði hann
skáldsöguna Ellefu mínútur. Bók-
in hefur verið þýdd á um 40
tungumál og kemur út á íslensku
um helgina og höfundurinn mun
sækja landið heim í lok næsta
mánaðar.
„Allt frá því að bókmenntir
urðu til hafa rithöfundar verið að
skrifa um kynlíf; frá Egyptalandi
til Grikklands til Japans er kynlíf
alltaf helsta hugðarefni okkar. En
þrátt fyrir allar þær þúsundir
bóka sem skrifaðar hafa verið um
efnið skiljum við enn ekkert í því
og ég er ekki viss um að Ellefu
mínútur muni endilega breyta
neinu um það.“
Coelho segir það viðhorf til
kynlífs vera ríkjandi að það sé
vélræn athöfn sem skapi spennu
meðan á því stendur en tómleika-
tilfinningu eftirá. „Við verðum að
átta okkur á því að þegar tveir
líkamar mætast ganga þeir sam-
an um ókönnuð lönd og með þessu
viðhorfi er allt hið undursamlega
tekið úr ævintýrinu.“
Coelho segir að skáldsagan sín
sé engan veginn eingöngu byggð
á ævisögu konu sem leiðist út í
vændi og glímir á sama tíma við
ástina heldur sé hann að vinna
með sínar eigin upplifanir og
reynslu af ástinni og kynlífinu.
„Það er ekki hægt að læra neitt
um þetta af bókum sem geta ein-
ungis deilt reynslu og hugmynd-
um höfundarins með lesandanum.
Kynlíf snýst þegar upp er staðið
fyrst og fremst um það að hafa
hugrekki til þess að kynnast
þversögnunum í eigin eðli, að
vera fús til að gefast upp. Ástæð-
an fyrir því að ég skrifaði Ellefu
mínútur er sú að ég vildi reyna að
komast að því hvort ég hefði, á
þessum tímapunkti, 55 ára gam-
all, öðlast hugrekki til þess geta
meðtekið allt sem lífið hefur
reynt að kenna mér um þessi
mál.“
Jóhann Páll Valdimarsson hjá
JPV-útgáfu gefur Ellefu mínútur
út og hefur verið að tjónka við
umboðsmann hans undanfarið.
„Þó að Coelho sé annálað ljúf-
menni og þykir lítillátur með af-
brigðum, höndlar umboðsmaður-
inn með hann eins og hann sé
poppstjarna. Hann er vissulega
vinsæll eins og skærustu popp-
stjörnur en það er óvanalegt að
umboðsmenn komi fram með
þessum hætti en ég hef smálært
að virða þetta.“
Jóhann Páll segir að það sé
ekki búið að skipuleggja heim-
sókn Coelho hingað til lands í
þaula en „það er sama sagan með
umboðsmanninn. Það verður ekk-
ert gert án þess að hún samþykki
það“. ■
20 28. september 2004 ÞRIÐJUDAGUR
BRIGITTE BARDOT
Þessi þokkafulla franska leikkona sem hef-
ur helgað sig dýravernd á efri árum er 70
ára í dag.
Leitin að sannleikanum í kynlífinu
PAULO COELHO: KEMUR TIL ÍSLANDS Í KJÖLFAR ÚTGÁFU ELLEFU MÍNÚTNA
„Það er betra að vera ótrú en að vera trú
án þess að vilja það.“
- Bardot veit sínu viti þegar kemur að hjartans málum enda ekki við
eina fjölina felld í gegnum tíðina.
timamot@frettabladid.is
ANDLÁT
Andrea Jóna Filippusdóttir Schreiber
lést 14. júní. Minningarathöfn um
hana verður auglýst síðar.
Hjálmfríður Guðný Sigmundsdóttir,
frá Hælavík, til heimilis á Sunnubraut
16, Reykjanesbæ, lést 23. september.
Helga Elísabet Kristjánsdóttir, Hlíf 2,
Ísafirði, lést 25. september.
JARÐARFARIR
13.30 Helga Leifsdóttir, Trönuhjalla 19,
verður jarðsungin frá Kópavogs-
kirkju.
13.30 Ingibjörg Thors Gíslason, búsett
í Lexington, Massachusetts, sem
lést í Boston 20. ágúst, verður
jarðsungin frá Dómkirkjunni.
13.30 Bjarnveig Ingimundardóttir
verður jarðsungin frá Krossinum.
15.00 Halldór Jón Ólafsson, bólstrari,
Hátúni 6b, verður jarðsunginn frá
Laugarneskirkju.
ANDLÁT
Páll Baldvin Baldvinsson er 51 árs.
Ari Páll Kristinsson málfræðingur er 44
ára.
PAULO COELHO Þessi vinsæli rithöfundur hafði lengi glímt við að láta kynlíf vera við-
fangsefni í skáldskap sínum þegar hann fékk handrit að ævisögu vændiskonu í hendurnar
og þá small allt saman í bókinni Ellefu mínútur.
28. september 1991
Trompetleikarinn goðsagna-
kenndi Miles Davis lést af völd-
um lungnabólgu á þessum degi
árið 1991. Hann var 65 ára þeg-
ar hann lést.
Davis var sonur tannlæknis
í St. Louis og byrjaði að blása í
trompet 13 ára gamall og
nokkrum árum síðar var hann
farinn að spila með djasshljóm-
sveitum í borginni. Hann flutti
síðar til New York og hóf nám
við Juilliard-tónlistarskólann
þar sem hann deildi herbergi með saxó-
fónleikaranum magnaða Charlie Parker.
Þeir félagar háðu báðir rimmur við eit-
urlyfjadjöfulinn en Davis var á tímabili
djúpt sokkinn í heróin en
sigraðist á fíkninni árið
1954 en það sama ár byrjaði
hann að dæla út vinsælum
smellum á borð við „Blue ‘n’
Boogie“ og „Walkin“. Hann
setti saman hljómsveitina
Miles Davis Quintet sem
naut mikilla vinsælda en
sveitin sendi meðal annars
frá sér plötuna Round
Midnight árið 1956.
Davis fékk mikinn
áhuga á rokki upp úr 1960 og byrjaði þá
að blanda saman djassi og rokki og sló í
gegn með plötunni Bitches Brew árið
1968. ■
ÞETTA GERÐIST
MILES DAVIS DÓ ÚR LUNGABÓLGU Í KALIFORNÍU
MERKISATBURÐIR
551 f.Kr. Kennarinn og heim-
spekingurinn Konfúsíus
fæðist. Hann helgaði líf sitt
kennslu og opnaði fyrsta
skólann sinn 22 ára gamall.
1972 Kína og Japan taka upp
stjórnmálasamband að
nýju.
1991Marion Barry, fyrrum borgar-
stjóri í Washington-borg, er
dæmdur í sex mánaða
fangelsi fyrir að eiga krakk
í fórum sínum.
1994 Jose Francisco Ruiz Massi-
eu er myrtur í Mexíkó en
hann var framkvæmda-
stjóri byltingarflokksins og
annar framámaðurinn úr
röðum hans sem var myrt-
ur á skömmum tíma.
1995 Yasser Arafat, leiðtogi PLO,
og Yitzhak Rabin, forsætis-
ráðherra Ísraels, undirrita
samkomulag um skiptingu
Vesturbakkans.
Djassleikari deyr
Kæru ættingjar og vinir! Okkar hjartans
þakkir fyrir auðsýnda samúð og hlýhug við
andlát og útför okkar ástkæra
Hallgríms Gísla Færseth
Vallarbraut 6, Reykjanesbæ
Óla Björk Halldórsdóttir, Pálína Færseth, Davíð Eiríksson,
Óskar A. Færseth, Ásdís Guðbrandsdóttir, Björgvin V. Færseth,
Tinna Björk Baldursdóttir, Katrín Færseth, Guðjón Ólafsson,
Hallgrímur G. Færseth, Gréta Lind Árnadóttir, Andrea Olga Færseth,
Pálína G. Bragadóttir, barnabörn og barnabarnabörn.
Elskulegur sambýlismaður minn, faðir,
tengdafaðir og afi,
Gunnar Baldursson
Vallarási 5, Reykjavík
sem lést þriðjudaginn 21. september, verður jarðsunginn frá
Fossvogskirkju fimmtudaginn 30. september kl. 10.30.
Kristín Þorvaldsdóttir, Margrét Gunnarsdóttir, Haukur Oddsson,
Guðmundur Gunnarsson, Ragnheiður Axelsdóttir, Arna María Gunnars-
dóttir, Edda Hrönn Gunnarsdóttir, Baldur Haraldsson, Margrét Elísabet
Ólafsdóttir, Laufey Þóra Ólafsdóttir, Geir Arnar Geirsson og barnabörn.
Hárið reis á Akureyri
Leikhópurinn sem hefur sýnt
rokksöngleikinn Hárið við góðar
undirtektir í Austurbæ í sumar
brá sér til Akureyrar um helgina
og setti söngleikinn upp með svo
miklum stæl að það verður lík-
lega lengi í minnum haft fyrir
norðan.
Stærsta hljóðkerfi landsins,
það sama og var notað á Hafnar-
bakkanum á Menningarnótt, var
flutt norður ásamt veglegasta
ljósabúnaði sem sögur fara af í
sýningu af þessu tagi en hundruð
manna frá íþróttafélaginu Þór
sáu svo um að koma sviðinu upp
og tækjunum á sinn stað.
Upphaflega var lagt upp með
það að halda eina sýningu í
Íþróttahöllinni á Akureyri en
vegna mikillar aðsóknar og fjöl-
da áskorana var ákveðið að bæta
við aukasýningu klukkan 23 sama
kvöld. Það stóð ekki á viðbrögð-
unum og seldist upp á seinni sýn-
inguna á tveimur dögum þannig
að áður en yfir lauk höfðu tæp-
lega 3.000 Norðlendingar séð
sýninguna. Viðbrögð áhorfenda
bentu til þess að sýningin félli
þeim vel í geð en á báðum sýning-
um risu áhorfendur úr sætum í
lokin og hylltu leikara og söngv-
ara með dúndrandi lófataki. ■
SÝRUHIPPARNIR Í HÁRINU Gerðu góða ferð til Akureyrar um helgina og sungu fyrir
tæplega 3.000 Norðelndinga.