Fréttablaðið - 28.09.2004, Blaðsíða 12
12 28. september 2004 ÞRIÐJUDAGUR
Nýlunda á Vestfjörðum:
Boðið upp á skógræktarnám
NÁM Nú í haust verður skógar-
bændum á Vestfjörðum í fyrsta
skiptið boðið upp á sérstakt skóg-
ræktarnám.
Stefnt er að því að byrja með
námið í október en það mun
standa yfir í þrjú ár, eða frá
2004 til 2007 eins og hjá Grænni
skógum á Suðurlandi og Austur-
landi sem byrja námið líka núna
í haust.
Garðyrkjuskólinn mun sjá
um framkvæmd námsins á Vest-
fjörðum en þeir aðilar sem
koma að náminu auk skólans eru
Skógrækt ríkisins, Landgræðsla
ríkisins, Skjólskógar og Félag
skógarbænda á Vestfjörðum.
Grænni skógar er skógræktar-
nám, ætlað öllum fróðleiksfúsum
skógarbændum, sem vilja ná ár-
angri í skógrækt. Námið sam-
anstendur af 17 námskeiðum þar
sem 13 eru skyldunámskeið og að
minnsta kosti 2 valnámskeið.
Reynt er að koma við verklegri
kennslu og vettvangsferðum eins
og passar hverju sinni. ■
Ekkert lát á
straumi fíkniefna
Mörg stór fíkniefnamál hafa komið upp síðustu ár. Tólf ára fangelsisdómur yfir Austurríkis-
manni var mildaður í níu ár í Hæstarétti. Tryggvi Rúnar Guðjónsson situr nú af sér tíu ára fang-
elsisdóm sem er þyngsti fíkniefnadómur Hæstaréttar.
Níutíu og einn fangi sat ífangelsum fyrir fíkniefna-
brot á síðasta ári. Þyngsti dóm-
ur sem kveðinn hefur verið upp
í fíkniefnamáli var þegar Aust-
urríkismaður var dæmdur í tólf
ára fangelsi í Héraðsdómi
Reykjaness. Hæstiréttur mild-
aði hins vegar dóminn í níu ár.
Mörg stór fíkniefnamál hafa
komið upp síðustu ár og hafa
nokkuð margir fengið dóma sem
eru yfir fimm ára fangelsi. Nú
eru ein kona og þrír karlmenn í
gæsluvarðhaldi í tengslum við
rannsókn á einu umfangsmesta
fíkniefnamáli síðustu ára. Auk
þeirra eru tveir Íslendingar í
haldi hollensku lögreglunnar.
Ekki hefur fengist upp gefið hjá
lögreglu hversu mikið magn
fíkniefnanna er en þau komu í
þremur sendingum frá Hollandi.
Stóra fíkniefnamálið
Í stóra fíkniefnamálinu svokall-
aða hlutu tíu sakborningar tveggja
ára fangelsi eða meira en þar var
um að ræða á annað hundrað kíló af
fíkniefnum, amfetamíni, kókaíni,
e-töflum en mest af hassi eða um
160 kíló. Dómur Héraðsdóms
Reykjavíkur var kveðinn upp í júní
árið 2000 og voru þetta þá þyngstu
fíkniefnadómar sem kveðnir höfðu
verið upp hér á landi.
Ólafur Ágúst Ægisson fékk
þyngstu refsinguna eða níu ára
fangelsisdóm fyrir innflutning,
sölu og fjármögnun fíkniefna af
ýmsum gerðum. Sverrir Þór Gunn-
arsson fékk næstþyngsta dóminn,
sjö og hálfs árs fangelsi, fyrir inn-
flutning, kaup og sölu ýmissa fíkni-
efna. Júlíus Kristófer Eggertsson
var dæmdur í fimm og hálfs árs
fangelsi, Gunnlaugur Ingibergsson
hlaut fjögur og hálft ár, Rúnar Ben
Maitsland fékk fjögur ár og Val-
garð Heiðar Kjartansson, þrjú ár.
Þá voru Ingvar Árni Ingvarsson og
Herbjörn Sigmarsson dæmdir í
tveggja og hálfs árs fangelsi og
Haraldur Ægir Hraundal í tveggja
ára fangelsi.
Sautján þúsund e-töflur
Tryggvi Rúnar Guðjónsson var í
maí árið 2002 dæmdur í Hæstarétti
í tíu ára fangelsi fyrir innflutning á
tæplega 17.000 e-töflum, um 200
grömmum af kókaíni og átta kíló-
um af hassi. Þetta er þyngsti dóm-
ur sem Hæstiréttur hefur kveðið
upp í fíkniefnamáli en Tryggvi rauf
skilorð með broti sínu. Héraðsdóm-
ur dæmdi Tryggva Rúnar í ellefu
ára fangelsi.
Þyngsti dómurinn
Í sama mánuði var Austurríkis-
maðurinn Kurt Fellner dæmdur í
Hæstarétti í níu ára fangelsi fyrir
e-töflusmygl. Í Héraðsdómi
Reykjaness var Fellner dæmdur í
tólf ára fangelsi sem er þyngsta
refsing sem kveðin hefur
verið upp í fíkniefna-
máli. Fellner var hand-
tekinn í Leifsstöð í sept-
ember árið 2001 með 67.485 e-töfl-
ur sem hann hugðist smygla til
Bandaríkjanna. Hæstiréttur mild-
aði dóm Fellner þar sem ekki þótti
fullvíst að hann hefði sjálfur átt
frumkvæði að eiturlyfjasmyglinu.
Bíður dóms í fangelsi
Rúnar Ben Maitsland sem hlaut
fjögurra ára fangelsi vegna stóra
fíkniefnamálsins var dæmdur í
fimm ára fangelsi í fyrra. Einnig
var Þjóðverjinn Claus Friehe
dæmdur í tveggja ára fangelsi.
Þeir fluttu inn um 900 grömm af
sterku amfetamíni og tæpt kíló af
kannabisefnum.
Nú eru Rúnar Ben Maitsland og
tvíburabróðir hans, Davíð Ben,
ákærðir og var aðalmeðferð máls-
ins í Héraðsdómi Reykjavíkur í
vikunni. Rúnar er sakaður um inn-
flutning á 27 kílóum af hassi og
Davíð fyrir að hafa tekið á móti 23
kílóum hassins. Tvíburarnir neita
báðir sök. Upphaflega var Claus
Friehe einnig ákærður fyrir inn-
flutning á sjö kílóum af hassinu en
hans þáttur var klofinn frá þegar
hann játaði innflutninginn. Hann
var dæmdur í sex mánaða fangelsi.
Fékk sjö ára fangelsi
Tveir menn, Gareth John Ellis og
Víðir Þorgeirsson, voru dæmdir í
Hæstarétti í sjö og fimm ára fang-
elsi fyrir að hafa í sameiningu stað-
ið að innflutningi á 5.007 e-töflum í
júlí árið 2000. Í Héraðsdómi Reykja-
víkur voru þeir báðir dæmdir í sjö
ára fangelsi en Hæstiréttur mildaði
dóm Víðis í fimm ár. Hans þáttur
var talinn minni en þáttur Ellis sem
átti hugmyndina að innflutningnum
og ætlaði að borga Víði 350 þúsund
krónur fyrir innflutninginn.
Sýknaður af e-töflusmygli
Kio Briggs var sýknaður í
Hæstarétti árið 1999, en við komu
til landsins fundust í fórum hans
rúmlega 2.000 e-töflur og var þar
með dómur Héraðsdóms Reykja-
víkur staðfestur. Ekki var talið
nægilega sannað að Briggs hefði
verið meðvitaður um e-töflurnar í
farangri sínum. Upphaflega
dæmdi Héraðsdómur Briggs í sjö
ára fangelsi en Hæstiréttur vísaði
þeim dómi heim í hérað.
Fjórir dæmdir í e-töflumáli
Fyrir innflutning á 3.850 e-töfl-
um var Guðmundur Ingi Þórodds-
son dæmdur í sjö ára fangelsi í
Hæstarétti í desember árið 2000.
Ingi Þór Arnarson var dæmdur í
fjögurra ára fangelsi, Sveinn Ingi
Bjarnason í þriggja og hálfs árs
fangelsi, Jón Ágúst Garðarsson í
þriggja ára fangelsi og Þór Jónsson
í tveggja ára fangelsi fyrir sama
mál.
Fékk skilorð í Hæstarétti
Tæplega þrítugur maður,
Stefán Ingimar Koeppen
Brynjarsson var dæmdur í átta
ára fangelsi í Hæstarétti í fyrra.
Hann flutti inn tæp sex kíló á
amfetamíni, tæpt kíló af kókaíni
og að hafa haft í vörslu sinni
rúm 300 grömm af kókaíni.
Hæstiréttur staðfesti tveggja
ára fangelsisdóm yfir Hafsteini
Ingimundarsyni fyrir að taka
við eiturlyfjum af Stefáni með
það fyrir augum að selja þau.
Dómur yfir systur Stefáns,
sem hafði verið dæmd fyrir pen-
ingaþvætti og samverknað, var
hins vegar mildaður. Var hún
dæmd í tveggja ára fangelsi,
skilorðsbundið til þriggja
ára; en Héraðsdómur hafði
úrskurðað hana í þriggja
ára óskilorðsbundið fang-
elsi.
Tók Hæstiréttur tillit til
breyttra aðstæðna hjá
systur Stefáns.
Hefur áfrýjað fimm ára
dómi
26 ára ófrísk kona,
Fanta Sillah, frá Sierra
Leone var í Héraðs-
dómi Reykjaness dæmd í
fimm ára fangelsi en
hún var tekin á Kefla-
víkurflugvelli þann tí-
unda júní á þessu ári
með um 5.034 e-töflur.
Hún hefur áfrýjað dómnum
til Hæstaréttar. ■
„Óvinveittur vígamaður“:
Sleppt eftir 2
ár í haldi
NORFOLK, AP Hálfþrítugum Banda-
ríkjamanni, Yaser Esam Hamdi,
verður sleppt úr haldi bandaríska
hersins á morgun, en honum hefur
verið haldið föngnum í tvö ár á þeim
grundvelli að hann væri óvinveittur
vígamaður.
Mál Hamdis fór fyrir Hæstarétt
Bandaríkjanna, sem úrskurðaði að
ekki væri heimilt að halda þeim
sem taldir eru óvinveittir vígamenn
ótímabundið í fangelsi. Hamdi verð-
ur ekki ákærður fyrir neina glæpi
en þó eru sett þau skilyrði fyrir
lausn hans að hann afsali sér banda-
rískum ríkisborgararétti, fari úr
landi og fordæmi hryðjuverk. ■
■ LEIÐRÉTTING
UNGKÁLFUR
Minna er slátrað af kálfum en í fyrra, en af
því leiðir meira nautakjötsframboð á
þarnæsta ári.
Nautkálfar:
Minni
slátrun
LANDBÚNAÐUR Slátrun nautkálfa
hefur dregist saman síðustu
mánuði, miðað við sama tímabil í
fyrra, að því er fram kemur á vef
Landssambands kúabænda.
Slátrun ungkálfa hefur dregist
saman um 8 prósent síðustu 12
mánuði miðað við sama tímabil
árið áður og um 15 prósent ef
horft er til síðustu 6 mánuða.
„Samkvæmt skýrsluhaldi í naut-
griparækt nam ásetningur naut-
kálfa og sala til lífs árið 2003 37
prósentum. Það sem af er þessu
ári er þetta hlutfall mun hærra,
eða 44 prósent,“ segir á vefnum
og tekið fram að tölurnar bendi
til að nautakjötsframleiðslan
aukist árið 2006. ■
Reynir Ragnarsson, formaður
Íþróttabandalags Reykjavíkur,
var ranglega nefndur Ragnar
Reynisson í frétt blaðsins í gær
um hugmyndir um stjórnkerfis-
breytingar hjá Reykjavíkurborg.
Beðist er velvirðingar á því.
STARFSMENN SKJÓLSKÓGA OG GARÐYRKJUSKÓLANS
Starfsmenn Skjólskóga funduðu með fulltrúum Garðyrkjuskólans nýverið vegna Grænni
skóga á Vestfjörðum.
HJÖRDÍS RUT SIGURJÓNSDÓTTIR
BLAÐAMAÐUR
BAKSVIÐS
FÍKNIEFNAMÁL
Flug til Kaupmannahafnar í dag,
aðra leiðina:
1. Iceland Express 15.165
2. Flugleiðir 75.030
Flug til Kaupmannahafnar í dag og
heim aftur á sunnudaginn:
1. Flugleiðir 24.890
2. Iceland Express 28.930
Verðið kannað á netinu kl. 15.50 í gær. Miðað er
við ódýrasta fargjaldið sem fékkst. Skattar og
gjöld eru innifalin í verði.
VERÐLAGIÐ Í DAG