Fréttablaðið - 04.10.2004, Síða 55

Ipswich náði með 1-2 útisigri áCoventry að komast á toppinn í 1.
deildinni ensku en
liðið er þar samsíða
Wigan. Heiðar
Helguson og Brynj-
ar Björn Gunnars-
son léku allan leik-
inn fyrir Watford
sem steinlá gegn
Crewe Alexandra,
3-0, í 1. deildinni á Englandi um
helgina. Ívar Ingimarsson lék einnig
allan leikinn fyrir Reading sem gerði
markalaust jafntefli við Burnley.
Guðjón Valur Sigurðsson áttistórleik þegar
lið hans Essen bar
sigurorð af Pfull-
ingen með 32
mörkum gegn 25 í
þýsku úvalsdeild-
inni í gær. Essen
vermir áttunda sæti
deildarinnar, er
með sex stig eftir fimm leiki. Guðjón
Valur skoraði níu mörk í leiknum fyrir
Essen.
Ídönsku úrvalsdeildinni í handboltatapaði Skjern, sem Aron Kristjáns-
son þjálfar og Ragnar Óskarsson
leikur með, gegn Kolding, 34-31.
Ragnar skoraði tvö mörk en Skjern er
í fimmta sæti deildarinnar með átta
stig eftir fjórar umferðir.
Stigahæsti tennismaður heims,Svisslendingur-
inn Roger Federer,
bar í gær sigurorð af
Bandaríkjamannin-
um Andy Roddick,
öðrum stigahæsta
spilaranum, í úr-
slitaleik á opna taí-
lenska meistara-
mótinu sem fram fór í Bangkok.
Federer vann í tveimur settum, 6-4
og 6-0.
MÁNUDAGUR 4. október 2004 23
Almennur hluti 1a
Þann 20. og 21. október n.k. frá kl. 19:00 og 22:00 fer fram
Skyndihjálparnámskeið RKÍ í Íþróttamiðstöðinni í
Laugardal. Námskeiðið er alls 8 kennslustundir og að mestum
hluta bóklegt. Námskeiðið er ætlað þjálfurum og
leiðbeinendum í íþróttum og er nauðsynlegt þeim þjálfurum
sem hyggjast ljúka Þjálfarastigi 1 hjá íþróttahreyfingunni.

Skráning hjá ÍSÍ í 514-4000 eða á namskeid@isisport.is
Skráningar skulu berast í síðasta lagi mánudaginn 18. október
en einungis er pláss fyrir 20 einstaklinga á námskeiðið. Þ
já
lf
ar
an
ám
sk
ei
ð
Í
S
Í
Þjálfaranámskeið ÍSÍ
www.isisport.is
Helgina 15. – 17. október verður Þjálfari 1a – almennur hluti haldinn í Íþróttamiðstöðinni í Laugardal
og á Siglufirði. Lágmarksaldur þátttakenda er 16 ár Námskeiðið er undanfari annara námskeiða sem
síðar verður boðið uppá og þannig fyrsta námskeiðið í samræmdu kerfi íþróttahreyfingarinnar.
Námskeiðið er 20 kennslustundir, að meginhluta bóklegt, og er ætlað leiðbeinendum barna í íþróttum.
Nemandi sem lýkur þessu námskeiði ásamt því að ljúka sérgreinahluta þjálfarastigs 1a hlýtur réttindi
sem aðstoðarmaður eða leiðbeinandi hjá íþróttaskóla eða yngstu flokkum.
Verð á námskeiðið er kr. 12.000,- Skráningar þurfa að berast á netfangið
namskeid@isisport.is eða í síma 514-4000 í síðasta lagi miðvikudaginn 13. október.
Þeir sem hafa lokið Grunnstigi ÍSÍ eru
gjaldgengir á Almennan hluta 1b.
Þeir sem hafa lokið ÍÞF102, ÍÞG1x2 í
framhaldsskóla og Skyndihjálpar-
námskeiði eru gjaldgengir á Almennan
hluta 2a.

Þjálfaramenntun íþróttahreyfingarinnar
fæst metin til eininga í
framhaldsskólum samkvæmt
aðalnámskrá framhaldsskóla.
Frekari upplýsingar má finna á
www.isisport.is
Skyndihjálparnámskeið RKÍ
ÚR ÍÞRÓTTAHEIMINUM
FÓTBOLTI Wolfsburg trónir á toppi
þýsku 1. deildarinnar eftir sigur á
Gladbach, 2-1, um helgina. Wolfs-
burg hefur byrjað tímabilið frá-
bærlega og unnið sex af fyrstu sjö
leikjum sínum. Argentínumaður-
inn Alessandro D’Alessandro
skoraði fyrra mark Wolfsburg en
hann hefur verið í fantaformi hjá
félaginu það sem af er tímabilinu.
Erik Gerets, hinn belgíski
þjálfari Wolfsburg, var þó ekki í
skýjunum eftir leikinn og sagði að
leikmenn Gladbach hefðu verið
sterkari aðilinn í leiknum. „Við
börðumst vel og ég er ánægður
með það,“ sagði Gerets.
Bayern München komst í þrið-
ja sæti deildarinnar þegar liðið
bar sigurorð af meisturum
Werder Bremen, 2-1, á útivelli.
Bæjarar, sem rúlluðu yfir Ajax, 4-
0, í meistaradeildinni í vikunni
sýndu að þeir eru að ná sér á strik
eftir slaka byrjun og komust með
sigrinum upp í þriðja sæti deild-
arinnar.
„Við vorum vel skipulagðir og
það hjálpaði okkur að leikmenn
Bremen virtust eiga í vandræð-
um,“ sagði Felix Magath, þjálfari
Bæjara, eftir leikinn. „Við erum
komnir nálægt toppnum og spil-
um betur með hverjum leiknum,“
sagði Magath.
Juventus gefur ekkert eftir
Juventus heldur toppsætinu í
ítölsku A-deildinni eftir nauman
útisigur á Udinese, 1-0, í gær. Það
var Marcelo Zalayeta sem skoraði
sigurmark Juventus á 61. mínútu.
Úkraínski framherjinn Andryi
Shevchenko var í fínu formi hjá
AC Milan og skoraði tvö mörk í 3-
1 sigri liðsins á Reggina. Brasilíu-
maðurinn Kaka bætti við þriðja
markinu.
Nýliðar Messina halda áfram
að koma á óvart en liðið er nú í
öðru sæti deildarinnar með ellefu
stig. Messina tók Siena í bakaríið,
4-1, á heimavelli og er spútniklið
deildarinnar það sem af.
Gamla brýnið Gianfranco Zola
skoraði annað marka Cagliari sem
vann Brescia 2-1 á laugardaginn.
Pachon í stuði
Nýliðar Getafe voru í miklu
stuði í spænsku úrvalsdeildinni í
gær þegar þeir tóku á móti
Athletic Bilbao. Getafe fór með
sigur af hólmi, 3–1, og skoraði
Valentin Pachon öll mörk Getafe í
leiknum.
Barcelona komst á topp spæns-
ku deildarinnar þegar liðið bar
sigurorð af Numancia, 1–0, á Nou
Camp. Það var sænski marka-
hrókurinn Henrik Larsson sem
skoraði sigurmarkið tuttugu
mínútum fyrir leikslok en
Barcelona hefur tveggja stiga
forystu á meistara Valencia sem
gerðu jafntefli, 1–1, gegn Real
Betis á útivelli á laugardaginn.
Vandræði Real Madrid halda
áfram en liðið tapaði fyrir
Deportivo, 1–0, á heimavelli í
gærkvöld og er í tíunda sæti
deildarinnar. ■
WOLFSBURG FAGNAR Leikmenn Wolfsburg, Thomas Brdaric, Stefan Schnoor og Thom-
as Rytter, fagna hér sigurmarki Schnoor gegn Gladbach.
SHEVCHENKO OG KAKA Úkraínumaðurinn Andriy Shevchenko og Brasilíumaðurinn
Kaka fagna hér en þeir skoruðu öll mörk AC Milan um helgina.
Wolfsburg enn
á sigurbraut
Vann sinn sjötta leik í sjö leikjum í þýsku deildinni um helgi-
na og situr á toppnum.