Fréttablaðið - 05.12.2004, Blaðsíða 2
2 5. desember 2004 SUNNUDAGUR
Fjárlög samþykkt á Alþingi:
Breytingartillaga um
Mannréttindaskrifstofu felld
STJÓRNMÁL Fjárlög næsta árs voru
samþykkt á Alþingi um hádegi í
gær með 31 atkvæði stjórnarliða,
meðan 24 stjórnarandstöðuþing-
menn sátu hjá. 8 þingmenn voru
fjarverandi. Samkvæmt fjárlög-
unum á að verða um 10 milljarða
afgangur á ríkissjóði.
Fjölmargar breytingatillögur
stjórnarandstöðu voru felldar í at-
kvæðagreiðslum fyrir hádegi, en
stjórnarandstaðan sat hjá í at-
kvæðagreiðslu um lögin þar sem
hún telur þau sjónarspil sem fái
ekki staðist.
Meðal breytinga-
tillagna sem felldar
voru var tillaga um
að Alþingi veitti fé
til að reka Mann-
réttindaskrifstofu.
Stjórnarandstaðan
sagði það gert til að
skrifstofan ætti
ekki allt sitt undir
framkvæmdavald-
inu. Lúðvík Berg-
vinsson, þingmaður
Samfylkingar, benti
á að tillagan væri
samhljóða minnisblaði
sem Halldór Ásgrímsson
forsætisráðherra, þá ut-
anríkisráðherra, lagði
fyrir ríkisstjórn fyrir sjö
árum síðan.
Ein breytingartillaga
var samþykkt en hún
sneri að heiðurslaunum
listamanna, en 27 lista-
menn fá 1,6 milljónir í
heiðurslaun á næsta ári.
52 samþykktu, 1 sagði nei
og 9 voru fjarverandi.
- óká
Skutu sér leið inn
Hópur manna réðst inn á heimili í Fossvogi með haglabyssu. Þeir gengu
í skrokk á húsráðanda sem handleggsbrotnaði og hlaut skurð á enni.
Kona sem var í íbúðinni er ómeidd en hún náði að forða sér út.
HÚSBROT Sjö eða átta menn réðust,
vopnaðir haglabyssu, inn í íbúð í
Fossvogi um klukkan tvö í fyrr-
inótt. Þeir skutu upp hurð, með
tveimur skotum úr haglabyss-
unni, til að komast inn í íbúðina og
gengu í skrokk á húsráðanda.
Ungt par var í íbúðinni, konan
náði að forða sér út en mennirnir
handleggsbrutu manninn og
veittu honum skurð á enni.
Nágranni sem taldi sig hafa
heyrt skothvelli hringdi í lögregl-
una sem sendi fjölda vopnaðra
sérsveitarmanna á staðinn.
Mennirnir voru
horfnir af vett-
vangi þegar lög-
regluna bar að
garði. Húsráðandi
gat borið kennsl á
þá sem voru að
verki og hófst
strax leit að mönn-
unum sem flestir hafa áður kom-
ið við sögu lögreglu. Skýrslur
voru teknar af nokkrum mönn-
um, sem grunaðir eru um hús-
brotið, í gær og á eftir að taka
skýrslur af fleirum. Maðurinn
sem varð fyrir árásinni vildi ekki
tjá sig um árásina en honum var
augljóslega brugðið.
Handleggsbrotið og áverkinn,
sem maðurinn fékk á ennið, voru
veitt með barefli, líklega golf-
kylfu sem tekin hafði verið úr
golfsetti fyrir innan útidyrnar.
Lögregla tók einnig til skoðunar
hamar sem fannst í íbúðinni en
óvíst er hvort árásarmennirnir
beittu honum. Haglaskot eins og
notuð eru við gæsaveiðar voru í
haglabyssunni sem skotið var af.
Rottweiler-hundur húseigandans
virðist ekki hafa ráðist að árásar-
mönnunum. Nágranni sem Frétta-
blaðið ræddi við segist rétt hafa
rumskað við einhver læti og óp í
konu en segir eiginmann sinn hafa
heyrt mikil slagsmálalæti.
Ómar Smári Ármannsson, að-
stoðaryfirlögregluþjónn í Reykja-
vík, segir ekki liggja fyrir hvert
tilefni árásarinnar var. En segir
öll mál sem þessi vera litin mjög
alvarlegum augum.
hrs@frettabladid.is
Vinnuslys:
Stóð á
slysagildru
DÓMSMÁL Byggingafyrirtæki var
gert að greiða fyrrum starfsmanni
sínum tæpar þrjár milljónir króna í
bætur samkvæmt dómi Héraðs-
dóms Reykjavíkur. Starfsmaðurinn
slasaðist er hann fell niður þrjár
hæðir eða 5,4 metra þar sem hann
var við málningarvinnu í nýbygg-
ingu. Maðurinn féll þegar plata sem
hann stóð á gaf sig. Segir í dómnum
að vinnuaðstaðan hafi verið ófor-
svaranleg með ýmsum hætti og
platan sem maðurinn stóð á hafi
verið hrein slysagildra. Við fallið
herðablaðs- og rifbeinsbrotnaði
maðurinn auk þess sem hann togn-
aði í baki og á úlnlið. - hrs
■
Rottweiler-
hundur húseig-
andans virðist
ekki hafa ráðist
að árásar-
mönnunum.
■ MIÐ-AMERÍKA
Nei, því fer fjarri. Við erum að tala
annars vegar um mjög sjaldgæfan
þörung en hins vegar um úrgang
úr sauðfé. Kúluskítur hefur full-
komna kúlulögun en það hefur
lambasparðið ekki.
Umhverfisráðherra vígði nýtt kúluskítsbúr á Nátt-
úrufræðistofu Kópavogs í gær. Kúluskítur eru afar
sjaldgæfir, stórir og grænir þörungaboltar sem að-
eins eru þekktir í tveimur stöðuvötnum á jörðinni
og er Mývatn annað þeirra. Hilmar Malmquist er
líffræðingur og forstöðumaður Náttúrufræðistof-
unnar.
SPURNING DAGSINS
Hilmar, er lambasparð ekki líka kúlu-
skítur?
MÓTMÆLI
Stuðningsmaður úkraínska stjórnarand-
stöðuleiðtogans Viktors Júsjenkó mótmæl-
ir fyrir framan þinghúsbygginguna í Kænu-
garði í Úkraínu í gær.
Þingfrestun:
Áfall fyrir
Júsjenkó
ÚKRAÍNA, AP Úkraínuþing gerði hlé
á störfum sínum í gær án þess að
komið yrði að lagabreytingum
sem stjórnarandstæðingar hafa
farið fram á og komið hefðu getað
í veg fyrir svindl þegar forseta-
kosningarnar verða endurteknar
síðar í mánuðinum.
Þingfundi var frestað í tíu
daga, en kosningarnar eiga að
fara fram á annan í jólum.
Þingfrestunin þykir nokkuð
áfall fyrir Viktor Júsjenkó og
stuðningsmenn hans. Ætlunin var
að koma lögunum sem komið
gætu í veg fyrir kosningasvindl í
gegnum þingið með hraði og þóttu
góðar líkur á að það tækist í ljósi
dóms hæstaréttar landsins á
föstudag, sem ógilti fyrri forseta-
kosningarnar. ■
Eldri borgarar:
Ekki næg hækkun
SKATTBREYTINGIN Kaupmáttur ráð-
stöfunartekna eldri borgara hækk-
ar aðeins um 9,3 prósent þegar
skattafrumvarp ríkisstjórnarinnar
er að fullu komið til framkvæmda.
Þetta gildir um þriðjung eldri borg-
ara, eða um 10 þúsund manns. Þessi
hópur er aðeins með um 110 þúsund
krónur á mánuði. Þó að kaupmáttur
hópsins hækki um 12,2 prósent til
2007 þá mun kaupmáttur ráðstöfun-
artekna aðeins hækka um 9,3 pró-
sent. Þetta er vegna þess að skatt-
leysismörkin hafa lækkað að raun-
gildi sem leiðir til hærri skattbyrði
hinna tekjulægri þrátt fyrir fyrir-
hugaða lækkun skattprósentu.
Skattleysismörkin ættu að vera
um 100 þúsund krónur í dag í stað
þess að vera rúmlega 70 þúsund
krónur eins og nú er og um 110.700
krónur árið 2007 ef þau hefðu fylgt
verðlagi en ekki fest við rúmlega 86
þúsund krónur eins og boðað er í
skattafrumvarpinu. Þetta er mat
forystumanna eldri borgara. Eins
og sjá má á þessum tölum munar
þarna tæpum 25 þúsund krónum á
mánuði sem þýðir um 9.000 krónum
hærri tekjuskatta á mánuði en ella.
- ghs
Önundarfjörður:
Árekstur á
einbreiðri brú
LÖGREGLA Fólksbíll og jeppabifreið
rákust saman á einbreiðri brú í
Önundarfirði á föstudagskvöld.
Óhappið átti sér stað um
sjöleytið og telur lögreglan á Ísa-
firði að ökumenn hafi ekki metið
aðstæður rétt. Mikil hálka var á
þessum slóðum auk þess sem eng-
in lýsing er á veginum hjá brúnni.
Báðir ökumennirnir reyndu að
hemla en vegna hálkunnar hafði
það ekkert að segja. Slys urðu
ekki á fólki, en að sögn lögreglu
voru allir í bílbeltum. Fólksbíllinn
er alveg óökufær og talinn ónýtur
eftir slysið. - bb
UPPREISN Í FANGELSI Sjö fangar
létust og fjórir lögreglumenn
særðust í átökum í fjölmennasta
fangelsi Haiti. Átökin blossuðu
upp þegar flytja átti fanga til inn-
an fangelsisins. Fangar kveiktu í
hluta fangelsisins áður en lög-
regla, sem naut stuðnings friðar-
gæsluliða, kom á lögum og reglu
í fangelsinu á ný.
BENEDIKT DAVÍÐSSON
Benedikt Davíðsson er formaður Lands-
sambands eldri borgara.
Kynbundið ofbeldi:
Bríet kynnir
nýja dúkku
OFBELDI Klukkan fjögur í dag
kynna fulltrúar frá Bríeti, félagi
ungra femínista, dúkku sem hefur
hlotið nafnið KONAN og vonast er
til að geti komið í stað alvöru
kvenna þegar kemur að kyn-
bundnu ofbeldi.
Bríet kynnir dúkkuna sem
„jólagjöfina í ár“ í Iðu í Lækjar-
götu, en dúkkan er í fullri stærð
með fylgihlutum á borð við eld-
húshnífa, sýru og skyndihjálpar-
kassa með farða til að fela mar-
bletti og skrámur. Kynningunni er
að sögn Bríetar einkum beint til
heimilisofbeldismanna. - bb
FÖNGUM MISÞYRMT
Blaðamaður AP fann vefsíðu með mynd-
um sem sýna bandaríska hermenn mis-
þyrma föngum.
Bandaríkjaher:
Föngum
misþyrmt
ÍRAK, AP Blaðamaður alþjóðlegu
fréttastofunnar AP fann ljós-
myndir sem sýna bandaríska her-
menn misþyrma föngum í Írak á
vefsíðu þar sem ljósmyndir gagna
kaupum og sölum. Konan sem
rekur síðuna segir að eiginmaður
hennar hafi komið með myndirn-
ar frá Írak eftir herþjónustu.
Sérsveitir bandaríska sjóhers-
ins hafa hafið rannsókn á myndum
þar sem hermenn eru sýndir níðast
á handjárnuðum föngum, sumum
blinduðum með hettum. Þá sýna
myndir blóðuga fanga þar sem
byssu er beint að höfði eins þeirra.
Á sumum myndanna er dag-
setning sem bendir til að þær hafi
verið teknar í maí í fyrra og þar
með meðal fyrstu dæma um illa
meðferð fanga í Írak. ■
M
YN
D
/A
P
HALLDÓR ÁSGRÍMSSON
FORSÆTISRÁÐHERRA
Á Alþingi var bent á að
Halldór hefði áður lagt
fram tillögu í ríkisstjórn
samhljóða annarri sem var
hafnað í gær.
FR
ÉT
TA
B
LA
Ð
IÐ
/P
JE
TU
R
INNGANGUR ÍBÚÐARINNAR
Árásarmennirnir voru horfnir á braut þegar lögreglu bar að garði. Húsráðandi gat borið
kennsl á þá og voru nokkrir þeirra boðaðir í skýrslutökur í gær.