Fréttablaðið - 05.12.2004, Blaðsíða 6
6 5. desember 2004 SUNNUDAGUR
Tugir hafa látist í árásum í Bagdad og sjö í norðanverðu Írak:
Blóðugir dagar
í Bagdad
ÍRAK, AFP/AP Sjö íraskir lögreglu-
menn létust og að minnsta kosti 59
manns særðust, flestir lögreglu-
menn, þegar tvær bílasprengjur
voru sprengdar við hlið lögreglu-
stöðvar í Bagdad í gær. Talið er að
í öðru tilvikinu hafi ökumaður
bílsins gert sjálfsmorðsárás.
Árásin var gerð um hálf tíu að
morgni, nærri varðstöð inn á
svonefnt „grænt svæði“ þar sem
öryggisgæsla er meiri.
Þetta var önnur stórárásin sem
gerð er í Bagdad með skömmu
millibili því á föstudag myrtu
hryðjuverkamenn nær þrjátíu
manns í tveimur árásum. Abu
Musab al-Zarqawi, sem Banda-
ríkjamenn og Írakar freistuðu að
ná með árásunum á Falluja, lýsti
fyrri árásunum á hendur sér.
Fjórtán létust og nítján særðust í
sprengjuárásum nærri mosku
sjíamúslima í al-Adhamiya hverf-
inu og 60 menn réðust á lögreglu-
stöð annars staðar í Bagdad
og skutu á hana með hríðskota-
rifflum og sprengjuvörpum.
Bandarísk hernaðaryfirvöld
létu hafa eftir sér að fjórir her-
menn Bandaríkjahers hafi fallið í
árásum á föstudag og laugardag,
en þó ekki í bílsprengjuárásunum
í gær.
Árásirnar í gær og á föstudag
voru fyrstu stórfelldu árásirnar í
Bagdad frá því að 40 létust í
sprengjuárásum 30. september,
fórnarlömbin þá voru mestmegn-
is börn. ■
Ræðum við þá sem
setja verðmiðana
Karlar í Starfsmannafélagi ríkisstofnana hafa allt að 29,5 prósentum
hærri tekjur en konurnar. Leiðrétting á launamun kynjanna er inni í
kröfugerð félagsins.
KJARAMÁL Karlar í heilbrigðishópi
Starfsmannafélags ríkisstofnana
hafa 29,5 prósentum hærri heild-
artekjur á mánuði en konur miðað
við greiðslur í júní í fyrra. Karl-
arnir höfðu þá 494.874 krónur á
mánuði en konurnar 348.851. Í
dagvinnulaun höfðu karlarnir
hinsvegar 142.810 meðan kon-
urnar voru með 146.229 krónur.
Það er því greinilegt að þarna
skiptir yfirvinnan öllu máli. Í
skrifstofuhópi er munurinn 19
prósent og í tæknihópi er hann
minnstur eða aðeins 9,1 prósent.
Ef litið er á alla félaga í Starfs-
mannafélagi ríkisstofnana þá
hafa karlarnir 20 prósentum
hærri tekjur en konurnar miðað
við sama tíma. Heildartekjur
karlanna eru tæpar 244 þúsund
krónur meðan konurnar hafa
rúmar 195 þúsund. Dagvinnulaun-
in eru hinsvegar rúmar 165 þús-
und hjá körlunum og 153 þúsund
hjá konunum. Þetta kemur fram í fréttariti kjararannsóknarnefnd-
ar opinberra starfsmanna.
Jens Andrésson, formaður
Starfsmannafélags ríkisstofnana,
segir að launamunurinn komi ekki
á óvart. Í nýlegri könnun Félags-
vísindastofnunar hafi komið fram
að almennur launamunur sé hjá
hinu opinbera upp á 12-15 prósent.
„Við höfum hlustað á yfirlýsingar
félagsmálaráðherra í átta til tíu ár
um að þessu þyrfti að útrýma. Nú
finnst okkur kominn tími til að
ræða þetta á vettvangi þar sem
verðmætamat starfsins liggur. Ef
þetta er ekki leyfilegt samkvæmt
lögum þá er eitthvert viðhorf í
gangi í þjóðfélaginu sem ekki
hefur tekist að útrýma. Við þurf-
um að ræða þetta við þá sem setja
verðmiða á störfin,“ segir hann.
Um 4.000 eru í Starfsmanna-
félagi ríkisstofnana, karlarnir eru
um 1.200 talsins og konurnar
2.700. Leiðrétting á launamuni
kynjanna er í kröfugerð félagsins.
Launamunurinn er einna mest-
ur hjá Starfsmannafélagi ríkis-
stofnana af þeim sem kjarakönn-
un KOS nær til en hann er líka
yfir 20 prósent hjá BSRB, RÚV,
lögreglumönnum, tollvörðum,
flugumferðarstjórum og háskóla-
mönnum hjá Reykjavíkurborg.
Áður hefur verið greint frá því að
launamunur sé um 30 prósent hjá
starfsmönnum Stjórnarráðsins.
ghs@frettabladid.is
NAPÓLEONS MINNST Frönsk blöð
fjölluðu mikið um krýningu Napó-
leons Bónaparte sem keisara
Frakklands í vikulokin, en þá voru
200 ár liðin frá krýningunni. Engar
opinberar athafnir voru haldnar en
nokkur frjáls félagasamtök minnt-
ust atburðarins, meðal annars með
skrúðgöngu manna í einkennisbún-
ingum lífvarða Napóleons.
SAMFÉLAGSÞJÓNUSTA FYRIR MORÐ-
HÓTUN Maður sem hótaði að myrða
hollenskan stjórnmálamann hefur
verið dæmdur til að inna af hendi
120 klukkustundir í samfélagsþjón-
ustu. Hann skrifaði á vefsíðu að
réttast væri að refsa með lífláti
þingmanni sem hefur verið gagn-
rýninn á Islam og innflytjendur.
VÆNDISKAUP ERU MISNOTKUN
Kaup friðargæsluliða á vændi í
löndum þar sem þeir eru við störf
eru ekkert annað en kynferðisleg
misnotkun, sagði Louise Arbor,
mannréttindafulltrúi Sameinuðu
þjóðanna. Arbor sagði finnskum
fjölmiðlum að taka yrði á þeim
málum sem kæmu upp.
LIFÐI AF TILRÆÐI Boris Tadic, for-
seti Serbíu, slapp heill heilsu frá
því sem virtist vera banatilræði við
hann á götu í Belgrad. Þá var reynt
að keyra á bíl hans á miklum hraða
en einum lífverði forsetans tókst
að keyra í veg fyrir bíl tilræðis-
mannsins, sem náði að flýja.
■ BANDARÍKIN
■ EVRÓPA
VEISTU SVARIÐ?
1Hvað fór Karl Sigurbjörnsson biskupfram á í bréfi til Alþingismanna?
2Hvað heitir nýr umboðsmaður barna?
3Hvað hefur Reykjavíkurlistinn sam-þykkt að hækka sorphirðugjald
mikið?
Svörin eru á bls. 50
Rosalega spennandi
í Goðheimum
„Bókin er rosalega
spennandi og svolítið
hættuleg á köflum ...
Þetta er þægileg bók til
að loka sig af með inni
í herbergi ... “
- Elísabet Brekkan, DV
Vopnafjörður:
Maður gekk
berserksgang
LÖGREGLA Lögreglan á Vopnafirði
hafði ítrekað afskipti af skip-
verjum báts sem liggur við fest-
ar í bæjarins á aðfararnótt laug-
ardags. Um hálf tvö leytið féll
einn skipvera niður stiga um
borð í bátnum og var í framhaldi
af því fluttur á heilsugæslustöð
og síðan með sjúkraflugi til Ak-
ureyrar. Á fjórða tímanum var
annar skipverji handtekinn og
fluttur í fangageymslu eftir að
hafa gengið berserksgang um
borð Mennirnir höfðu báðir
verið að skemmta sér í landi
áður en atvikin áttu sér stað.
Báturinn skemmdist töluvert,
meðal annars brotnaði skjár á
sjótölvu í brúnni sem þýðir að
báturinn kemst ekki til veiða að
sinni.
- bb
Félag íslenskra bifreiðaeigenda:
Hörð mótmæli vegna bifreiðagjalda
NEYTENDUR Stjórn Félags íslenskra
bifreiðaeigenda, FÍB, hefur sent
frá sér hörð mótmæli vegna fyrir-
hugaðrar hækkunar bifreiða-
gjalda.
Stjórnin bendir á að frumvarp
fjármálaráðherra um hækkun
skattsins sem nú liggur fyrir al-
þingi geri ráð fyrir að gjaldið
hækki í 6,83 krónur á hvert kíló
og í 9,21 á hvert kíló umfram
það. Ef bifreiðagjaldið miðaðist
við þróun verðlags frá 1988, væri
það nú um 4,76 krónur fyrir
hvert kíló af eigin þyngd bifreið-
ar.
„Sú breyting sem lögð er til í
frumvarpinu nú er yfir 43%
hækkun umfram verðlagsþróun
frá því að þessi ósanngjarni skatt-
ur var fyrst álagður,“ segir í sam-
þykkt stjórnarinnar. „Öfugt við
það sem stendur í frumvarpinu þá
hefur bifreiðagjaldið hækkað
langt umfram almenna verðlags-
þróun á síðustu árum. Hér ekki
verið að leggja til „leiðréttingu“ í
samræmi við þróun verðlags
heldur er verið að leggja þyngri
byrðar á fólkið í bílnum, fjöl-
skyldurnar í landinu, með hertri
skattheimtu á það heimilistæki
sem þær eiga hvað erfiðast með
að vera án.“ ■
BANNAÐ AÐ AUGLÝSA Tvær
stærstu sjónvarpsstöðvar Banda-
ríkjanna hafa neitað að birta aug-
lýsingar frá Sameinaðri kirkju
Krists í Cleveland af ótta við að
þær yllu deilum. Í auglýsingunum
voru hommar og lesbíur boðin vel-
komin í söfnuðinn og ýjað að for-
dómum annarra kirkjudeilda
gagnvart samkynhneigðum.
SÆRÐUM MANNI HJÁLPAÐ
Sjúkraliðar hjálpa særðum manni á sjúkrahúsinu Yarmouk í Bagdad í gær, eftir bíl-
sprengjuárás við hlið íraskrar lögreglustöðvar rétt utan við „græna svæðið“ í borginni.
Sprengingin varð sex íröskum lögreglumönnum að bana og tíu manns særðust.
AP
M
YN
D
/H
AD
I M
IZ
B
AN
JENS ANDRÉSSON
„Við höfum hlustað á yfirlýsingar félagsmálaráðherra um að þessu þyrfti að útrýma í átta
til tíu ár,“ segir Jens Andrésson, formaður Starfsmannafélags ríkisstofnana, um launamun
kynjanna hjá félaginu.
HEILBRIGÐISHÓPUR STARFS-
MANNAFÉLAGS RÍKISSTOFNANA
Karlar heildartekjur 494.874
Konur heildartekjur 348.851
Munur: 29,5%
Tæknihópur
Karlar heildartekjur 263.118
Konur heildartekjur 239.324
Munur: 9,1%
Skrifstofuhópur
Karlar heildartekjur 229.851
Konur heildartekjur 186.569
Munur: 19%
Allir
Karlar heildartekjur 243.393
Konur heildartekjur 195.083
Munur: 20%
FR
ÉT
TA
B
LA
Ð
IÐ
/H
AR
I
BIFREIÐAEIGENDUR
Hækkun bifreiðagjalda yfirvofandi.
Skemmdarverk á Akureyri:
Grjótkast og
gröfu-
skemmdir
LÖGREGLA Skemmdarverk voru
unnin á Akureyri aðfaranótt
laugardags. Grjóti var kastað í
gegnum rúðu í húsnæði verslun-
arinnar Raflampa sem staðsett
er á Óseyri. Rúðan mölbrotnaði
en mildi þykir að einungis einn
lampi brotnaði inni í búðinni.
Einnig var vegavinnutæki,
grafa sem hafði verið skilin eft-
ir á gatnamótum Glerárgötu og
Hvannavalla, stórskemmd, vél-
arhlífin brotin og snjó troðið inn
á vélina og í hráolíutankinn.
Ekkert bendir til þess að sömu
aðilar hafi verið að verki og
lögreglan veit ekki hver eða
hverjir eru sekir um skemmdar-
verkin.
- bb