Fréttablaðið - 05.12.2004, Blaðsíða 48

36 5. desember 2004 SUNNUDAGUR
FÓTBOLTI Skagamenn sögðu í yfir-
lýsingu á heimasíðu sinni í vik-
unni að þeir hefðu leyft Julian að
hætta hjá félaginu þar sem hann
hefði komist inn í sjúkraflutn-
ingaskóla í Danmörku. Sökum ald-
urs átti þetta að vera síðasta tæki-
færi Julians til þess að komast í
skólann samkvæmt frétt Skaga-
manna. Nokkrum dögum síðar
berast þær fréttir frá Færeyjum
að Julian hafi samþykkt að spila
og þjálfa færeyska 2. deildarfé-
lagið B68. Skagamenn segja
þær fréttir hafa komið
sér í opna skjöldu og
vilja meina að Juli-
an hafi blekkt þá til
þess að komast til
Færeyja.
„Það lítur út fyrir
það að hann hafi verið
að spila með okkur,“
sagði Ólafur Þórðarson,
þjálfari Skagamanna.
„Hann sagðist vera á leið
til Danmerkur og að það
væri ekkert inni í myndinni
að fara til Færeyja. Þetta er
bara óheiðarleg framkoma
og ekkert annað. Þessi
framkoma kemur mér
mjög á óvart og leiðinlegt
að við þurfum að skilja
svona því samstarfið
við hann hefur verið
mjög gott.“
Óánægja Skaga-
manna kemur Julian verulega á
óvart en hann segist hafa komið
hreint fram við félag-
ið. Hann hafi
aldrei sagt að
hann ætlaði
ekki til Fær-
eyja.
„ Þ e i r
spurðu mig
hvað ég
væri að fara
að gera og ég sagði þeim að ég
væri annað hvort á leið til Dan-
merkur eða Færeyja. Ég sagðist
ætla að halda áfram að spila en
væri ekki á leið til neins stórliðs.
Ég skil ekki öll þessi læti því ég
kom hreint fram,“ sagði Julian en
fleira kom honum á
óvart.
„Þeir sögðu á
netinu að ég
væri að fara í
s júkraf lu tn -
ingaskóla. Það
er algjört rugl
því ég ætlaði
alltaf að læra að
verða kennari og vildi
helst sameina námið og fót-
boltann. Danmörk eða Fær-
eyjar var alltaf málið og ég
lofaði þeim því að fara ekki
í annað lið á Íslandi. Það er
ekki satt sem þeir segja að
ég hafi aldrei talað um að
fara til Færeyja. Ég skil
ekki þessi læti.“
Ólafur sagðist halda að
ekki væri búið að ganga frá
málum Julians og ÍA og því væri
öruggt að þeir myndu fara fram á
einhverjar bætur fyrir Julian ætli
hann að halda því til streitu að
fara til B68. Julian vildi lítið tjá
sig um peningamálin en sagði að
það væri ekki alveg rétt að Skaga-
menn myndu ekki fá neitt fyrir
hann. henry@frettabladid.is
Óheiðarleg framkoma
Skagamenn eru hundfúlir út í Færeyinginn Julian Johnsson sem þeir
telja að hafi fengið sig lausan undan samningi á fölskum forsendum.
Johnsson neitar ásökununum og segist ekki skilja þessi læti.
JULIAN JOHNSSON
Neitar því að hann hafi
blekkt Skagamenn.
Glaðir Skagamenn:
Í samstarf
við Reading
FÓTBOLTI Þjálfarateymi Skaga-
manna með Ólaf Þórðarson
fremstan í flokki fór til Englands
á dögunum þar sem þeir fylgdust
með æfingum hjá Reading sem
Ívar Ingimarsson leikur með.
Ólafur notaði tækifærið í ferðinni
og ræddi við Steve Coppell, stjóra
Reading, um möguleikann á sam-
starfi milli ÍA og Reading.
„Coppell tók mjög vel í þessa
hugmynd og við ætlum að fara í
samstarf,“ sagði Ólafur Þórðar-
son. „Ég á von á því að það komi
einhverjir strákar frá félaginu í
vor og vonandi getum við notað
þá. Það hefur reynst liðum eins og
ÍBV og Víkingi vel að fá unga
Englendinga hingað og vonandi
verðum við líka heppnir. Þetta
samstarf hentar okkur líka vel að
því leyti að við getum sent stráka
frá okkur út þar sem þeir geta æft
við toppaðstæður. Mér líst mjög
vel á þetta samstarf,“ sagði
Ólafur. - hbg
ÓLAFUR ÞÓRÐARSON Skoðaði
aðstæður hjá Reading um daginn.
HANDBOLTI Íslandsmeistarar Hauka
töpuðu fyrri leik sínum gegn
króatíska liðinu Medvescak Infos-
istem Zagreb í Evrópukeppni bik-
arhafa í gær, 29-28, en leikið var í
Króatíu. Staðan í hálfleik var 17-
13 fyrir króatíska liðið. Seinni
leikur liðanna fer fram í dag en
hann fer einnig fram í Króatíu
enda seldu Haukarnir heimaleik
sinn í keppninni.
Að sögn Páls Ólafssonar,
þjálfara liðsins, voru Haukarnir
fjarri sínu besta í þessum leik.
Fengu litla markvörslu, spiluðu
slaka vörn og klúðruðu fjölda
dauðafæra. Hann er nokkuð
bjartsýnn á að strákarnir hans
geti snúið dæminu við í dag og
þar með komist í átta liða úrslit
keppninnar.
„Það var margt fínt en við eig-
um mikið meira inni og getum
gert betur. Ég hef fulla trú á því
að við snúum dæminu við í seinni
leiknum og er eiginlega ekki í
vafa um það. Fyrri hálfleikur var
mjög slakur hjá okkur en bless-
unarlega rifum við okkur upp í
þeim síðari. Þetta króatíska lið er
í svipuðum klassa og við. Þeir
komu okkur ekkert á óvart og
spiluðu bara eins og flest króat-
ísk lið gera,“ sagði Páll.
Það var mun minni stemning á
leiknum en Haukarnir bjuggust
við en oftar en ekki hafa íþrótta-
húsin í gömlu austantjaldslönd-
unum verið pakkfull og lætin eft-
ir því sem hafa oft haft mikil
áhrif á dómgæslu slíkra leikja.
„Það voru ekki nema 200-300
manns á þessum leik og lítil
stemning. Það var fínt og ég get
ekkert kvartað yfir dómgæsl-
unni. Það er greinilega minni
áhugi á handbolta hérna en við
héldum,“ sagði Páll Ólafsson,
þjálfari Hauka.
Mörk Hauka: Andri Stefan 7,
Þórir Ólafsson 7, Jón Karl
Björnsson 6, Halldór Ingólfsson
2, Vignir Svavarsson 2, Sigurður
Karlsson 1, Pétur Magnússon 1,
Gísli Jón Þórisson 1. Varin skot:
Jónas Stefánsson 12, Birkir Ívar
Guðmundsson 1.
henry@frettabladid.is
Haukar töpuðu fyrri leiknum í Evrópukeppninni:
Munum snúa dæminu við
FYRIRLIÐINN STERKUR Fyrirliði Hauka, Vignir Svavarsson, var sterkur í vörninni í
Króatíu í gær og skoraði tvö mörk. Fréttablaðið/Vilhelm
Evrópuhandboltinn:
Ólafur skor-
aði sjö mörk
HANDBOLTI Íslenskir handboltamenn
voru í eldlínunni í Evrópukeppn-
um í gær. Ólafur Stefánsson skor-
aði sjö mörk fyrir Ciudad Real
sem gerði góða ferð til Danmerk-
ur þar sem þeir lögðu GOG, 45-29,
í Meistaradeildinni. Í sömu
keppni sigruðu Logi Geirsson og
félagar í Lemgo rússneska liðið
Chekhov Medvedi, 45-32. Logi
skoraði fimm mörk.
Þrjú Íslendingalið voru síðan á
ferðinni í EHF-keppninni. Dagur
Sigurðsson og lærisveinar hans í
Bregenz sigruðu ítalska liðið
Pallamo Secchia á Ítalíu, 30-24.
Guðjón Valur Sigurðsson og félag-
ar í Essen töpuðu á útivelli, 24-23,
fyrir serbneska liðinu Radnicki
Subotica. Guðjón Valur skoraði
eitt mark í leiknum. Magdeburg
vann síðan stórsigur á heimavelli
gegn slóvenska liðinu Rokometno,
32-21. Sigfús Sigurðsson skoraði
fjögur mörk fyrir Magdeburg.
- hbg
ÓLAFUR STEFÁNSSON Sjóðheitur með
Ciudad Real í Danmörku í gær.