Fréttablaðið - 19.12.2004, Blaðsíða 8

8
SVONA ERUM VIÐ
Kristján Vilhelmsson, framkvæmda-
stjóri útgerðasviðs Samherja, segir
hluta veiðanna í ár hafa gengið
mjög vel. Þó hafi loðnuvertíðin í
ársbyrjun verið skrítin vegna inn-
gripa stjórnvalda. Óvissa um
magnið sem mátti veiða segir
hann hafa sett sitt mark á veiðarn-
ar í upphafi.
Skip Samherja munu tínast í land
eitt af öðru 22. og 23 desember.
Kristján segir ísfiskskipin fara út á
sjó á milli jóla og nýárs en komi
aftur í land áður en gamla árið
verður kvatt og því nýja fagnað.
„Allur flotinn fer af stað aftur á
nýju ári þegar samningar og lög
leyfa,“ segir Kristján. Á árinu hefur
þurft að hagræða hjá fyrirtækinu
og kemur til með að þurfa áram
vegna styrkleika krónunnar
gagnvart öðrum gjaldmiðlum
að sögn Kristjáns.
Í jólamatinn ætlar Kristján að
borða nýtt svínakjöt eins og
hann er vanur. Jólagjafakaup-
in eru hins vegar að mestu í
höndum eiginkonunnar en
hann sér þó sjálfur um að
kaupa gjöf handa henni. „Ég
vonast eftir snjóþungum vetri
til fjalla svo ég og aðrir
komumst á skíði,“segir Krist-
ján. Hann viðurkennir að
vera töluverður sprengjukall
og sé vinur Landsbjargar sem
hann styrkir þokkalega með
flugeldakaupum en gæti
þess þó að gæta einhvers
hófs. ■
Skipin í landi um jól og áramót
HVAÐ ER AÐ FRÉTTA? KRISTJÁN VILHELMSSON, ÚTGERÐARSTJÓRI SAMHERJA
19. desember 2004 SUNNUDAGUR
Austurbyggð vaknar
Bjartsýni einkennir íbúa hins nýja sveitarfélags Austurbyggðar, sem varð til með sameiningu Fáskrúðs-
fjarðar og Stöðvarfjarðar fyrir rúmu ári. Sveitarstjórinn segir byggðarlagið best varðveitta leyndarmál Aust-
urlands. Væntanleg göng milli Fáskrúðsfjarðar og Reyðarfjarðar munu bæta búsetuskilyrðin til muna.
Það er til marks um uppganginn í
Austurbyggð að framkvæmdir
við nýja götu, Gilsholt, á Fá-
skrúðsfirði eru vel á veg komnar.
Tólf íbúðir munu rísa við götuna,
átta einbýli og tvö parhús. Grunn-
ur fyrsta hússins hefur þegar ver-
ið tekinn og viðbúið er að önnur
hús rísi skjótt, enda talsverð eftir-
spurn eftir lóðum í sveitarfélag-
inu. Nýbyggingar hafa verið fátíð-
ar á Fáskrúðsfirði, eitt hús var
byggt í fyrra en þá var áratugur
liðinn frá því síðast var byggt.
Steinþór Pétursson sveitar-
stjóri horfir björtum augum til
framtíðar enda góðir tímar í
vændum. „Það lítur allt vel út,“
segir hann og þakkar stöðuna
væntanlegu álveri á Reyðarfirði
og göngunum milli Fáskrúðsfjarð-
ar og Reyðarfjarðar. „Hér ríkir
mikill spenningur vegna gang-
anna enda stytta þau vegalengd-
ina milli fjarða umtalsvert.“ Verk-
lok eru ráðgerð í september á
næsta ári en þar sem fram-
kvæmdir hafa gengið vel og eru á
undan áætlun gæla menn við að
hægt verði að hleypa um þau um-
ferð í sumarbyrjun. „Það er tölu-
vert um að menn fari á milli staða
til að sækja vinnu og þetta mun
vitaskuld nýtast þeim vel.“
Í dag eru liðlega 50 kílómetrar
á milli Fáskrúðsfjarðar og Reyð-
arfjarðar en með göngunum stytt-
ist leiðin í átján kílómetra. Hins vegar eru 26 kílómetrar á milli
þéttbýliskjarnanna tveggja í
Austurbyggð, Fáskrúðsfjarðar og
Stöðvarfjarðar, og ekki á dagskrá
að tengja þá með göngum. Sam-
tals búa um 860 í sveitarfélaginu,
600 á Fáskrúðsfirði og 260 á
Stöðvarfirði.
Í dag liggur þjóðvegur eitt
eftir sunnanverðum Austfjörðum,
upp Breiðdalsheiði og þaðan inn á
Hérað. Sveitar-
stjórn Austur-
byggðar vill að
fjarðaleiðin, í
gegnum göngin
og upp Fagra-
dalinn, verði
þjóðvegur eitt
og óskaði eftir
því formlega
við samgöngu-
r á ð u n e y t i ð .
Steinþór segir
að erindinu hafi
verið tekið
kurteisislega.
„Það var þakkað fyrir erindið og
sagt að málið yrði skoðað svo við
bíðum bara og sjáum.“ Eins og
gengur hefur þessi málaleitan
hlotið misjafnar undirtektir
eystra enda margir sem vilja
halda í núverandi skipulag.
Í haust bárust fréttir af því að
kaupmaðurinn á Stöðvarfirði
hefði brugðið búi og illa horfði
með aðdrætti heimamanna. Hægt
er að fá helstu nauðsynjar í
sjoppu í bænum en íbúar þurfa að
leita lengra eftir öðru. Á Fá-
skrúðsfirði er ágæt verslun, að
sögn sveitarstjórans.
Atvinnulíf í Austurbyggð er að
mestu bundið við sjávarútveg.
Loðnuvinnslan er stærsti vinnu-
veitandinn á Fáskrúðsfirði og
Samherji á Stöðvarfirði. Steinþór
sér ekki fram á að það muni
breytast á næstunni en bendir þó
á að rekstur lítilla fyrirtækja og
iðnfyrirtækja í minni kantinum
kunni að vera hagstæður. „Hér er
mjög góð hafnaraðstaða og kjör-
land fyrir hafnsækna iðnstarf-
semi,“ segir Steinþór Pétursson,
sveitarstjóri Austurbyggðar, sem
hefur búið a Fáskrúðsfirði í tíu ár
en er Eskfirðingur að upplagi.
bjorn@frettabladid.is
HVER LANDSMAÐUR KEYPTI SÉR
1,7 KÍLÓ AF HROSSAKJÖTI Á SÍÐASTA
ÁRI Heimild: Bændasamtök Íslands
Hópheilun:
Óhemjuorka í Fríkirkjunni
GUÐSÞJÓNUSTA Það verður mikið
um dýrðir í Fríkirkjunni í Reykja-
vík í dag en þá gengst Sálarrann-
sóknarfélag Íslands fyrir svo-
nefndri heilunarguðsþjónustu. Að
sögn Friðbjargar Óskarsdóttur,
eins forsvarsmanna hennar, verð-
ur yfirbragð samkomunnar með
nokkuð hefðbundnu sniði þar sem
á skiptast bænir og gospeltónlist
en sr. Hjörtur Magni Jóhannsson
þjónar fyrir altari.
Vinarþelið mun að venju svífa
yfir vötnum þótt ekki verði boðið
upp á handayfirlagningar. „Sálin
okkar allra er í rauninni eitt í
kærleikanum og ef við setjumst
saman í hóp og sameinumst í kær-
leika þá byggjum við upp svo
óhemju mikla orku að það verður
um heilunarorku að ræða í um-
hverfinu. Þetta er hópheilun,“
segir Friðbjörg.
Að auki verður sr. Jóns Auðuns,
dómprófasts og fyrrverandi for-
seta Sálarrannsóknarfélagsins
minnst, en hann hefði orðið hundr-
að ára í febrúar næstkomandi.
Heilunarguðsþjónustan hefst
klukkan fimm en á síðasta ári var
mætingin svo góð að fólk þurfti
frá að hverfa. Því er gott að mæta
tímanlega. - shg
FRIÐBJÖRG ÓSKARSDÓTTIR
STEINÞÓR
PÉTURSSON
SVEITARSTJÓRI
Vill fá þjóðveg eitt
um Fáskrúðsfjörð.
FRÁ FÁSKRÚÐSFIRÐI
Áætlanir gerðu ráð fyrir að Fáskrúðsfjarðargöngin yrðu tekin í notkun í september á
næsta ári. Nú hillir undir að hægt verði að hleypa um þau umferð í sumarbyrjun.