Fréttablaðið - 19.12.2004, Blaðsíða 68

56 19. desember 2004 SUNNUDAGUR
Hin tvítuga Anna Hlín Stefáns-
dóttir, eða Anna eins og hún kallar
sig, er á meðal fjölmargra tónlist-
armanna sem koma fram á
Shockwave-kvöldi FM957 á
Broadway sem verður haldið
þann áttunda janúar.
Anna, sem er nýflutt til Spánar
þar sem hún starfar sem bar-
þjónn, vakti fyrst athygli á
Motown-sýningu sem gekk fyrir
fullu húsi á Broadway á síðasta
ári. Um svipað leyti söng hún tvö
lög á síðustu sólóplötu Eyjólfs
Kristjánssonar, Stjörnur.
Anna segist vera önnum kafin
við að semja lög úti á Spáni og
gengur mjög vel. Blandar hún þar
saman tónlistarstefnunum hip hop,
R&B og djassi. Íslenski lagahöf-
undurinn Maximum, sem áður var
í rappsveitinni Subterranean,
hefur einnig starfað með Önnu.
Þau fóru á dögunum til Bandaríkj-
anna þar sem Anna hitti fulltrúa
óháða útgáfufyrirtækisins Shi-
buya. Fengu þeir hana til að syngja
fyrir sig fimm lög í hljóðveri og
voru hæstánægðir með útkomuna.
Vinnsla á upptökunum stendur
yfir um þessar mundir. Ekki er vit-
að hvert framhaldið verður en lík-
legt má telja að Anna geri útgáfu-
samning við fyrirtækið. ■
ANNA Anna Hlín Stefánsdóttir er ung og upprennandi söngkona.
■ TÓNLIST
Tvítug söngkona á uppleið
Á ÞRIÐJUDÖGUM
Smáauglýsingasíminn er 550 5000
auglysingar@frettabladid.is