Fréttablaðið - 07.01.2005, Blaðsíða 2

SPURNING DAGSINS
„Mér finnst mínar skoðanir svo góðar
að ég er sannfærð um að ég sé alltaf í
meirihluta.“
Katrín Jakobsdóttir er varaformaður Vinstri-
grænna og friðarsinni, en ný könnun sýnir að 84
prósent landsmanna eru á móti því að Ísland sé í
hópi hinna „staðföstu þjóða“ sem réðust inn í Írak.
Katrín, er það skrítin tilfinning
að hafa meirihlutaskoðun?
2 7. janúar 2005 FÖSTUDAGUR
Manndrápsákæra á hendur Hákoni Eydal þingfest:
Játar að hafa slegið og kyrkt Sri
DÓMSMÁL Hákon Eydal sagðist
hafa svipt Sri Rahmawati lífi
þegar manndrápsákæra á hendur
honum var þingfest í Héraðs-
dómi Reykjavíkur í gær. Sri var
fyrrverandi sambýliskona Há-
konar.
Í ákærunni segir að Hákon
hafi að morgni sunnudagsins
fjórða júlí veist að Sri, slegið
hana fjögur högg í höfuðið með
kúbeini þannig að hún hlaut lífs-
hættulega höfuðáverka. Þá er
hann sagður hafa vafið taubelti
þrívegis um háls Sri og þrengt að
þannig að hún lést af völdum
kyrkingar. Hákon tók afstöðu til
ákærunnar og sagðist hafa svipt
Sri lífi en hann sagðist hvorki
muna hvort hann sló hana fjórum
sinnum eða sjaldnar í höfuðið
með kúbeininu né hversu oft
hann þrengdi að hálsi hennar
með beltinu.
Hákon mótmælti ekki nærri
22 milljóna króna skaðabóta-
kröfu sem börn Sri krefja hann
um. Hákon er hins vegar ósáttur
við niðurstöðu geðrannsóknar
sem gerð hefur verið. Hann vill
að dómkvaddir matsmenn fram-
kvæmi aðra geðrannsókn þar
sem sú niðurstaða geti spilað
veigamikinn þátt í málinu. Hákon
er talinn sakhæfur. Milliþinghald
verður haldið 20. janúar. - hrs
Sýkta svæðið ennþá
ógirt og opið öllum
Enn hefur ekki verið hægt að girða af miltisbrandssýkta svæðið á jörðinni
Sjónarhóli á Vatnsleysuströnd vegna andstöðu landeigenda. Þeir fá nú viku-
frest en eftir það verður girt, enda um stjórnvaldsskipun að ræða.
MILTISBRANDUR Eigendur eyðibýlis-
ins Sjónarhóls á Vatnsleysuströnd
hafa lagst gegn því að miltis-
brandssýkta svæðið á jörð þeirra
verði girt af, að sögn Gunnars Arn-
ar Guðmundssonar héraðsdýra-
læknis. Unnið hefur verið að því að
ná samkomulagi í málinu, enda
talið brýnt að loka svæðinu þannig
að skepnur komist ekki inn á það.
Það var í byrjun desember sem
þrjú hross drápust af miltisbrandi
á Sjónarhóli. Hinu fjórða var lógað
skömmu síðar. Óánægja er meðal
skepnueigenda á svæðinu, sem
átelja seinagang í girðingarmál-
inu. Þeir lýsa því svo að hlið að
sýkta túninu sé galopið, girðingar
liggi niðri að einhverju leyti og
gulir lögregluborðar flögri fyrir
vindinum. „Forkastanlegt,“ sagði
Hafsteinn Snæland, íbúi í Vogum,
um stöðuna.
„Við höfum verið í viðræðum
við landeigendur um þessar girð-
ingar og það hefur ekki enn orðið
samkomulag um þær,“ sagði Gunn-
ar Örn. „Við viljum girða af þetta
svæði sem hestarnir voru sannar-
lega á. Þeir voru innan rafmagns-
girðingar. Hún gekk að hluta til
yfir tjörn sem þarna er. Við viljum
girða þessa rafmagnsgirðingu af,
svo og tjörnina alla. Eins og maður
hefur vissan skilning á, eru land-
eigendur ekki ánægðir með að fá
girðingu þarna inn á mitt svæðið.
En það hefur verið tekin ákvörðun
um að láta ekki líða lengra heldur
en viku héðan í frá. Þá verður
gengið í þetta.“
Gunnar Örn sagði, að búið væri
að ráða verðtaka í girðingavinn-
una, sem hefði átt að hefjast rétt
fyrir jólin. En það hefði þá strand-
að á landeigendum. Landbúnaðar-
ráðuneytið myndi kosta girðing-
una og uppsetningu hennar.
„Það er í rauninni stjórnvalds-
skipun að þetta verði gert. Við ætl-
uðum að reyna, ef hægt væri, að
gera þetta í sátt við landeigendur,“
sagði Gunnar Örn sem kvaðst hafa
trú á að það tækist.
„Við teljum ekki að þarna sé
hætta fyrir fólk,“ sagði hann enn
fremur og bætti við að svæðið
gæti fyrst og fremst reynst hættu-
legt fyrir grasbíta.
jss@frettabladid.is
Norðurland:
Vægir
eftirskjálftar
JARÐSKJÁLFTAR Nokkrir vægir jarð-
skjálftar urðu aust-suðaustan af
Grímsey í gærdag. Stærsti skjálft-
inn mældist um 3,2 á Richter-
kvarða en flestir voru skjálftarnir á
bilinu 1,5 til 2,5 á Richter.
Íbúar í Grímsey munu ekki hafa
fundið fyrir skjálftanum en sam-
kvæmt upplýsingum frá Veðurstofu
Íslands þurfi skjálftinn að vera um
fimm stig á Richter á hafi ef hans á
að verða vart á landi. Á miðvikudag
mældist einn skjálfti 5,5 á Richter
og urðu íbúar víða á Norðurlandi
hans varir. Samkvæmt Veðurstofu
myndaðist ekki flóðbylgja vegna
jarðskjálftans. - bs
Stjórnendur SÍF:
Fara fram
á lögbann
VIÐSKIPTI Stjórnendur SÍF ætla að
fara fram á að lögbann verði sett
á starfsemi nýstofnaðs félags sem
stefnir á samkeppni við SÍF í sölu
á saltfiski. Að nýja félaginu stend-
ur hópur fyrrverandi starfs-
manna SÍF.
SÍF segir að í ljósi skuldbind-
inga starfsmannanna við félagið
hafi verið farið fram á lögbann á
starfsemi hins nýja félags þar
sem starfsmennirnir brjóti gegn
ráðningarsamningum sínum.
Í frétt frá SÍF kemur einnig
fram að stjórnendur telji að fyrr-
verandi starfsmenn félagsins hafi
notað eigur og trúnaðarupplýsing-
ar hjá SÍF til þess að undirbúa
stofnun hins nýja félags. SÍF hef-
ur því farið fram á lögreglurann-
sókn vegna þessara þátta. - hh
■ LÖGREGLUFRÉTTIR
KONA FLUTT Á SJÚKRAHÚS
Klippa þurfti farþega úr bíl á Ak-
ureyri á hádegi í gær. Hann var
fluttur á slysadeild. Samkvæmt
vakthafandi lækni var hann lagð-
ur inn en er ekki alvarlega slas-
aður. Ökumaður fólksbíls sem
hann sat í beygði í veg fyrir ann-
an þegar hann ók af Þórunnar-
stræti að innkeyrslu sjúkrahúss-
ins. Ökumenn sluppu ómeiddir.
UPP ÚR RÁSUM GÖTUNNAR Ekki
urðu slys á fólki þegar tveir
fólksbílar lentu í árekstri á Foss-
heiði á Selfossi. Bílarnir eru
stórskemmdir. Annar þeirra
rann upp úr klakaförum á Foss-
heiði og lenti framan á hinum
sem kom úr gagnstæðri átt. At-
vikið varð klukkan tuttugu mín-
útur í tólf í gær.
Fyrrverandi formaður
Leigjendasamtakanna:
Kærður til
lögreglu
KÆRA Stjórn Leigjendasamtak-
anna hefur ákveðið að kæra
Guðmund St. Ragnarsson, fyrr-
verandi formann samtakanna,
til ríkislögreglustjóra.
Í fréttatilkynningu frá Þórði
Karli Jónssyni, formanni sam-
takanna, segir að Guðmundur
St. sé kærður vegna gruns um
fölsun á ársreikningi samtak-
anna, þjófnað á eigum og fjár-
dráttar. Einnig er hann sakaður
um að hafa villt á sér heimildir
gagnvart félagsmálaráðuneyt-
inu varðandi styrki sem og að
hafa í heimildarleysi keypt af
fyrirtækjum á kostnað samtak-
anna.
Guðmundur segist vísa þess-
um ásökunum algjörlega á bug,
öllum atriðum kærunnar.
„Ég áskil mér allan rétt til að
höfða meiðyrðamál gagnvart
þeim sem bera þessar ásakanir,“
segir Guðmundur. - th
GREIÐ LEIÐ
Menn og skepnur eiga greiða leið heim að
Sjónarhóli, eins og sést á myndinni. Hliðið
í heimreiðinni er opið og girðingar sem
eru afar lélegar liggja sums staðar niðri.
FRÉTTAB
LAÐ
IÐ
/VILH
ELM
HÁKON EYDAL
Segist ósáttur við niðurstöðu geðrann-
sóknar. Hann er talinn sakhæfur.
Atkvæði um kjarasamning sjómanna og LÍÚ talin:
Sjómenn samþykkja
umdeildan samning
KJARAMÁL Sjómenn hafa sam-
þykkt kjarasamning við Lands-
samband Íslenskra útvegs-
manna. Alls 57,6 prósent sjó-
manna samþykktu samninginn
en 42,4 prósent þeirra höfnuðu
honum.
„Þetta er niðurstaða,“ segir
Sævar Gunnarsson, formaður
Sjómannasambands Íslands.
„Það fer ekkert milli mála að
þessi samningur er umdeildur.
Ég skil alveg menn sem hafa
efasemdir um einhverja þætti
enda eru miklar breytingar í
þessum samningi. Það þætti
samt eitthvað í kosningum ef
það væri fimmtán prósenta
munur milli lista.“
Atkvæði voru talin sameigin-
lega hjá Sjómannasambandi Ís-
lands, Alþýðusambandi Vest-
fjarða og Farmanna- og fiski-
mannasambandi Íslands í gær. Á
kjörskrá voru 3.505 manns og
atkvæði greiddu 1.513 eða 43,2
prósent. Auðir og ógildir seðlar
voru 17 eða 1,1 prósent. Sævar
segist þokkalega sáttur við þátt-
tökuna í atkvæðagreiðsluna
samanborið við þátttöku hjá öðr-
um stéttarfélögum.
- th
Farþegafjöldi Leifsstöðvar:
Spá mikilli
aukningu
SAMGÖNGUR Ný spá gerir ráð fyrir
að fjöldi farþega sem fer um Leifs-
stöð muni tvöfaldast á næstu tíu
árum.
Breska fyrirtækið BAA Plc.,
sem rekur stærstu flugvelli í Bret-
landi og víðar, gerði spána. Sam-
kvæmt henni eykst fjöldi farþega
úr 1,6 milljónum á árinu 2004 í 3,1
milljón á árinu 2015. Við gerð spár-
innar er meðal annars horft til hag-
vaxtar á Íslandi, fargjalda, mark-
aðssóknar og vinsælda Íslands sem
áningarstaðar ferðafólks.
Umfangsmiklar framkvæmdir
hafa verið við Leifsstöð undanfar-
in ár. Á þessu ári verður fram-
kvæmt fyrir 1,5 milljarða króna.
Meðal þess sem gert verður er að
norðurbyggingin verður stækkuð
til suðurs til að auka rými fríhafn-
arverslunar og auka athafnasvæði
farþega. - th
SÆVAR GUNNARSSON Formaður Sjó-
mannasambands Íslands segist fagna því
að samningur við Landssamband íslenskra
útvegsmanna skuli hafa verið samþykktur.