Fréttablaðið - 07.01.2005, Blaðsíða 14

14
HVAÐ KOSTAR ÞAÐ?
„Við frestuðum nú áramótabrennunni og
höldum hana í kvöld [gærkvöldi],“ sagði-
Tryggvi Harðarson, bæjarstjóri á Seyðis-
firði, í spjalli í gær og hlakkaði nokkuð til
kvöldsins enda flugeldum skotið á loft og
sitt hvað fleira á dagskránni. Ekki viðraði
til útiveru á gamlárskvöld og þrettándinn
því haldinn enn hátíðlegri nú en ella.
„Það hefur verið mikil gróska í fiskvinnslu
og löndun hjá okkur að undanförnu og
eins eru menn að skoða hér virkjunar-
möguleika,“ segir Tryggvi en ein fyrsta
virkjun landsins var reist á Seyðisfirði á
sínum tíma og saga bæjarins því samofin
sögu rafmagnsframleiðslu landsins. Enn er
málið á skipulags- og undirbúningsstigi en
tíðinda af framvindu að vænta síðar á ár-
inu. „Rafmagnið færi bara inn á lands-
netið og hver sem er gæti keypt það,“
segir bæjarstjórinn. Engin stóriðja er því
áformuð í firðinum fagra þrátt fyrir virkjunina.
Samkvæmt Hagstofunni fækkaði íbúum Seyðis-
fjarðar um þrjátíu á síðasta ári og Tryggvi tekur
undir að það sé heldur of mikið. „Reyndar er inni
í þessum tölum fólk sem þegar var flutt í burtu
en hafði ekki skráð sig þannig að þeim sem búa
á staðnum hefur ekki fækkað jafn mikið.“
Tryggvi hefur nú búið á Seyðisfirði í tvö og hálft
ár og líður vel. „Það fer vel um mig hér undir
fjölllunum, þetta er lítill og sætur alþjóðlegur
bær. Náttúrufegurðin heillar mig hvað mest og
vitaskuld þetta góða mannlíf og skemmtilega
fólk.“
Sem kunnugt er liggur olíuskipið El Grillo enn á
botni Seyðisfjarðar en fallbyssa úr skipinu var
hífð á land síðasta sumar. Bæjarstjórinn segir
unnið að því að koma henni í skothæft ástand
og býst við að hún verði til sýnis næsta sumar.
„Það þarf að styrkja heimavarnirnar,“ segir hann
og hlær. ■
Það þarf að styrkja heimavarnirnar
HVAÐ ER AÐ FRÉTTA? TRYGGVI HARÐARSON, BÆJARSTJÓRI Á SEYÐISFIRÐI
7. janúar 2005 FÖSTUDAGUR
BÍLASALA Toyota er langvinsælasti
fólksbíllinn á Íslandi. Um það er
engum blöðum að fletta. 3.199 nýjar
Toyota bifreiðar af öllum stærðum
og gerðum voru skráðar á götuna
árið 2004 og er það um þrefalt fleiri
bílar en Volkswagen sem nýtur
næstmestra vinsælda.
Ford er í þriðja sæti á listanum
yfir mest seldu bifreiðategundirnar
á síðasta ári, Hyundai í fjórða og
Honda í fimmta sæti.
Alls seldust 11.968 fólksbílar
árið 2004 og fór salan yfir tíu þús-
und bíla í fyrsta sinn síðan árið
2000. Rúmlega sjö þúsund bílar
seldust árið 2001, tæplega sjö þús-
und 2002 og rétt innan við tíu
þúsund árið 2003. Lægð þessara
þriggja ára kom í kjölfar ágætrar
bílasölu á árunum 1997 til 2000
þegar hún nam frá rúmlega tíu
þúsund bílum upp í næstum 15.500
á ári. Fróðir menn segja bílasölu
góðan mælikvarða á almennt efna-
hagsástand í landinu, af sölutölum
megi merkja hvort efnahagur fólks
sé góður eða slæmur. Allur gangur
var á hvernig greitt var fyrir nýja
bíla á síðasta ári en bílasölum bar
saman um að heldur hefði dregið úr
rekstrar- og einkaleigusamningum
þegar líða tók á árið og vinsældir
hefðbundinna bílalána hafi aukist.
Þá var talsvert um að fólk stað-
greiddi nýja bíla.
En Toyota er ekki aðeins lang-
vinsælasta bíltegundin á Íslandi. Á
lista yfir tíu mest seldu bílana eru
hinar ýmsu gerðir Toyota í fimm af
sex efstu sætunum. Efstur er
Toyota Yaris, Toyota Corolla er í
öðru sæti og Skoda Octavia í því
þriðja.
Markaðshlutdeild Toyota árið
2004 var því sem næst svipuð því
sem hún var árið á undan eða um 27
prósent. Volkswagen bætti svolitlu
við sig og Ford talsverðu. Athyglis-
verður er mikill samdráttur í sölu
Opel og Nissan á síðasta ári og
einnig sú staðreynd að Daihatsu
hefur ekki selst á Íslandi undanfar-
in tvö ár. bjorn@frettabladid.is
„Ef ég vissi svarið og gæti endur-
tekið leikinn annars staðar væri ég
mjög verðmætur,“ segir Emil
Grímsson, forstjóri Toyota á Ís-
landi, og hlær þegar hann er
spurður hvað skýri þessar miklu
vinsældir Toyota hér. Hann er vita-
skuld ánægður með árangurinn og
þakkar hann nokkrum þáttum.
„Góðir bílar og frábært starfsfólk
skipta mestu máli,“ segir hann og
bætir við:„við leggjum líka gríðar-
lega áherslu á að veita góða
þjónustu og höfum undanfarin
sextán ár mælt hvernig við stönd-
um í þeim efnum í samanburði við
aðra. Markmiðið er að vera alltaf
númer eitt á því sviði,“ segir Emil.
Íslendingar eru hrifnari af
Toyota bifreiðum en nokkur önnur
Evrópuþjóð; hvergi í álfunni er
markaðshlutdeild Toyota jafn
mikil. Í framleiðslulandinu Japan
er staðan hins vegar firna sterk og
fjórir af hverjum tíu bílum á göt-
unum af Toyotagerð. Sömu sögu er
að segja í Afríku og víða í Mið-
Austurlöndum þar sem jeppar eru
algengir farskjótar; Land Cruiser
og Hilux njóta þar mikilla vin-
sælda.
Emil segir einfaldlega: „jú,“ og
hlær dátt, þegar hann er spurður
hvort fyrirtækið hafi ekki grætt
óheyrilega á síðasta ári vegna
þessarar góðu bílasölu. „Síðasta ár
var einfaldlega það albesta í sögu
fyrirtækisins,“ segir forstjórinn
sem sjálfur ekur um á Land
Cruiser árgerð 2004 sem er á 38
tommu dekkjum. ■
Valgerður Sverrisdóttir viðskiptaráðherra ■ Áramótahefðir
Göturnar í lífi Guðjóns Rúnarssonar ■ Kampavín ■ Helgin fram undan
F28. TBL. 1. ÁRG. 30. 12. 2004
Sigurður Einarsson
Í fararbroddi innanlands og utan
Annáll
Eitt viðburðaríkasta ár íslenskrar
viðskiptasögu er að baki
Þungavigtin gerir upp árið
og rýnir í framtíðina
Viðskipta-
maður ársins
Sérhefti um viðskiptalífið 2004
Fylgir
Fréttablaðinu
á fimmtudögum
Tíska,
stjórnmál
og allt þar
á milli...
Emil Grímsson, forstjóri Toyota er ánægður með árið:
Besta árið í sögu fyrirtækisins
EMIL GRÍMSSON, FORSTJÓRI TOYOTA
„Síðasta ár var einfaldlega það albesta í sögu fyrirtækisins.“
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
Toyota bílar seldust
langmest árið 2004
Fólksbílasalan var með ágætum á árinu 2004. 11.968 nýir fólksbílar voru skráðir, talsvert fleiri en síðustu
ár. Metið frá 1987 stendur þó óhaggað en þá seldist 18.081 nýr bíll. Toyota ber höfuð og herðar yfir aðrar
tegundir; 3.199 slíkir seldust á árinu. Bílgreinasambandið spáir að 13.500 nýir bílar seljist á þessu ári.
MEST SELDI BÍLLINN 2004
792 Toyota Yaris bílar seldust á síðasta ári
SÁ FJÓRÐI SÖLUHÆSTI
557 Toyota Land Cruiser ´90 seldust á síðasta ári. Stykkið kostar frá tæpum fjórum
og hálfri milljón króna.
Bíllyklar:
Ekkert grín
að týna
ÓHAPP Bíllykillinn er sá hluti
bílsins sem er hvað mest
ómissandi en hann er jafnframt
einn sá dýrasti, a.m.k. miðað við
þyngd. Kona nokkur sagði farir
sínar ekki sléttar eftir að hafa
orðið fyrir því óhappi að týna lykli
af bifreið sinni í höfuðborginni.
Bílnum var ólöglega lagt og þurfti
að draga hann af vettvangi. Kost-
aði drátturinn 5.300 krónur. Því
næst kom að því að fá nýjan lykil
smíðaðan. Fyrst varð að kaupa
ósniðinn lykil sem kostaði litlar
níu þúsund krónur sem svo varð
að sníða til. Var konan rukkuð um
2.500 krónur fyrir skurðinn. Að
honum lokum þurfti að kóða lykil-
inn til samræmis við tölvu bílsins.
Tók verkið rétt tæpa mínútu og
kostaði sex þúsund krónur. Þegar
upp var staðið hafði lykilstapið
því kostað 22.800 krónur. - shg
DAGSKORT Í BLÁFJÖLLUM
KOSTAR 1.300
Miðað við fullorðna á virkum dögum.
Börn greiða 500.