Fréttablaðið - 26.01.2005, Blaðsíða 16

16 26. janúar 2005 MIÐVIKUDAGUR
Í fréttum er þetta helst
Starf fréttastjóra Útvarps hefur verið auglýst laust til umsóknar en útvarpsstjóri ræður í starfið. Aðeins
fjórir fréttastjórar hafa starfað hjá Útvarpinu í 75 ára sögu þess. Sigríður Árnadóttir, fyrrum fréttastjóri
Stöðvar 2, er sögð líkleg til að hreppa hnossið. Framsóknarflokkurinn er sagður „eiga“ stöðuna.
S amkvæmt óskráðri helm-ingaskiptareglu Framsókn-arflokks og Sjálfstæðis-
flokks er starf fréttastjóra Út-
varps í „eigu“ Framsóknarflokks-
ins og hans að ákvarða hver gegn-
ir því. Á móti ráðstafar Sjálfstæð-
isflokkurinn starfi fréttastjóra
Sjónvarps. Þetta er vitaskuld
nokkuð sem aðeins er rætt um í
bakherbergjum og á göngum en
hvorki formlega né opinberlega.
Það skyggir raunar á kenninguna
að útvarpsstjóri ræður í starfið og
er algjörlega óbundinn af vilja
meirihluta útvarpsráðs en engu
að síður greiða ráðsmenn atkvæði
um umsækjendur. Útvarpsstjóri
hefur í gegnum árin bæði farið að
og gegn vilja ráðsins.
Sigríður líkleg
Skammt er síðan starfið var aug-
lýst laust til umsóknar og erfitt að
geta sér til um hverjir sækja um.
Nokkrir fréttamenn Útvarpsins
eru nefndir og þá helst Arnar Páll
Hauksson, Björg Eva Erlends-
dóttir, Friðrik Páll Jónsson, Jó-
hann Hauksson og Óðinn Jónsson.
Friðrik Páll er starfandi frétta-
stjóri, en hann settist í stólinn
þegar Kári Jónasson lét af störf-
um í haust og varð ritstjóri Frétta-
blaðsins. Þá er Sigríður Árnadótt-
ir nefnd en hún var fréttamaður
hjá Útvarpinu um árabil, áður en
hún varð fréttastjóri Stöðvar 2
fyrir um ári. Sem
kunnugt er var
henni sagt upp
fyrir fáum vik-
um. Sigríður þyk-
ir líkleg til að
hreppa hnossið.
Að auki eru
tveir fréttamenn
Sjónvarps nefnd-
ir oftar en aðrir
sem líklegir um-
sækjendur, þau
G. Pétur Matthí-
asson og Valgerð-
ur Jóhannsdóttir.
Fjórir fréttastjór-
ar
Kári Jónasson
hafði gegnt starfi
fréttastjóra Út-
varps í 17 ár þeg-
ar hann hætti í
haust. Bogi Ágústsson, forstöðu-
maður fréttasviðs RÚV, stakk upp
á því í kjölfarið að ekki yrðinn
ráðinn sérstakur fréttastjóri Út-
varps heldur yrði einn fréttastjóri
beggja fréttastofa. Er skemmst
frá því að segja að útvarpsráð
hafnaði hugmyndum hans.
Kári tók á sínum tíma við af
Margréti Indriðadóttur, sem var
fréttastjóri frá 1968 til 1987, í 19
ár. Hún tók við af Jóni Magnús-
syni, sem gegndi starfinu í heil 27
ár, frá 1941 til 1968. Jón var faðir
Friðriks Páls sem
nú stýrir frétta-
stofunni.
Sigurður Ein-
arsson var fyrsti
fréttastjóri Út-
varpsins, frá 1937
til 1941, en fyrstu
sjö ár í sögu Út-
varpsins var eng-
inn eiginlegur
fréttastjóri. Ás-
geir Magnússon
hafði hins vegar
umsjón með
f r é t t a s t o f u n n i
fyrstu árin og bar
titla á borð við
fréttaritari og
fréttastjóri inn-
lendra frétta.
Sameiningarvá
Fréttastofa Út-
varps hefur um árabil notið mikils
trausts meðal landsmanna. Þegar
stofnað var til fréttasviðs RÚV
fyrir nokkrum árum og Bogi
Ágústsson gerður að forstöðu-
manni þess báru margir frétta-
menn Útvarps ugg í brjósti og
töldu vá fyrir dyrum. Óttuðust
þeir að samvinna við sjónvarps-
fréttamenn hnekkti trúverðug-
leika fréttastofunnar, að starf
hennar yrði útþynnt og að stofnun
fréttasviðs væri fyrsta skrefið í
átt til sameiningar fréttastofanna
tveggja. Hafi það síðastnefnda
reynst rétt voru áform Boga um
einn fréttastjóra beggja frétta-
stofa annað skrefið. Útvarpsráð
hafði hins vegar ekki áhuga á
þeim göngutúr og létti mörgum
útvarpsfréttamanninum.
Væntumþykja
Fréttastjóri Útvarps hefur ekki
einasta á sinni könnu að annast
daglega stjórn fréttastofunnar og
móta stefnu hennar til framtíðar í
samvinnu við yfirmenn. Hann
þarf líka að gæta hagsmuna
fréttastofunnar innan Ríkis-
útvarpsins, sækja henni peninga
og verja ágangi.
Það þarf því sterk bein til að
gegna starfinu, og eins og einn
viðmælenda orðaði það, talsverða
væntumþykju um RÚV og þá sér-
staklega um fréttastofuna. Ekki
er kveðið sérstaklega á um slíka
kosti í auglýsingunni, þar segir að
háskólamenntun er nýtist í starfi
og/eða umtalsverð starfsreynsla
við fjölmiðla sé nauðsynleg. Um-
sækjendur verða að hafa góða
skipulags- og samstarfshæfileika,
sýna frumkvæði og æskilegt væri
að þeir hefðu reynslu af stjórnun-
arstörfum og þekkingu á fjármál-
um og rekstri.
Umsóknarfrestur rennur út 7.
febrúar og er viðbúið að nýr
fréttastjóri verði ráðinn fljótlega
upp úr því. bjorn@frettabladid.is
Írösku kosningarnar fara fram um
næstu helgi við einna erfiðustu kring-
umstæður sem hægt er að hugsa sér.
Stríð geisar enn í landinu, og ef eitthvað
er, þá er það illvígara en nokkru sinni
frá því að innrás Bandaríkjamanna og
bandamanna þeirra í landið hófst fyrir
tæpum tveimur árum. Það er því ekki
skrítið að menn beri ugg í brjósti og
velti fyrir sér hvernig tekst til.
Þrátt fyrir að Bandaríkjaher hafi fjölgað í
herliði sínu í aðdraganda kosninganna
(hermennirnir verða 150 þúsund talsins
þegar kosningarnar fara fram og hafa
ekki verið fjölmennari), mörg þúsund
aðrir erlendir hermenn séu til staðar og
að mikil áhersla hafi verið lögð á að
þjálfa íraskar öryggissveitir virðast víga-
menn geta gert árásir næstum að vild.
Þetta, og sú staðreynd að fjöldi máls-
metandi súnnímúslima hvetur fólk til að
sitja heima á kjördag, skapar þá hættu
að stjórnlagaþingið sem kosið verður
endurspegli ekki samsetningu þjóðar-
innar og þar með að það skorti rétt-
mæti í huga hluta landsmanna.
Írakar kjósa sér stjórnlagaþing á sunnu-
dag. Það á annars vegar að semja Írök-
um stjórnarskrá, hins vegar að kjósa
forsætisnefnd úr sínum röðum sem
síðan skipar bráðabirgðastjórn fram yfir
þingkosningar sem fram fara eftir að
landsmenn hafa samþykkt stjórnar-
skrárfrumvarpið í þjóðaratkvæða-
greiðslu. Þarna liggur vandinn að
nokkru leyti.
Búist er við því að Kúrdar greiði at-
kvæði í stórum stíl, sjíamúslimar (sem
eru 60 prósent landsmanna) einnig.
Meiri óvissa ríkir hins vegar um kjör-
sókn súnnímúslima og þrátt fyrir að
framboðslistar séu ekki alltaf eftir trúar-
bragða- og þjóðflokkalínum getur þetta
skipt miklu. Þar sem landið allt er eitt
kjördæmi verður skipting fulltrúa á
stjórnlagaþinginu í samræmi við þann
vilja almennings sem kosningarnar
endurspegla. Ef súnnímúslimar sitja
heima kunna áhrif þeirra í framtíðinni
að verða minni en ella. Fólk sem hættir
sér ekki á kjörstað vegna hættu á of-
beldisverkum kann að líta svo á að áhrif
þeirra á mótun landsins séu of lítil og
hagur þeirra jafnvel fyrir borð borin.
Í dag er engan veginn hægt að fullyrða
að kosningarnar á laugardag verði lausn
á vandanum sem Írakar standa frammi
fyrir. Því er jafnvel haldið fram að þær
kunni að auka á vandann. Sennilega
tekur einhver ár að fá úr því skorið.
Óvissa um lögmæti í augum almennings
FBL GREINING: KOSNINGARNAR Í ÍRAK
Mikil lægð hefur verið á Austfjörðum
undanfarin ár en nú er það gjörbreytt,
sérstaklega í Fjarðabyggð, þökk sé
framkvæmdunum við Kárahnjúka. Ás-
mundur Ásmundsson er sölumaður
Fasteignasölunnar Hóls á Reyðarfirði
og segir hann að fasteignaverð hafi
rokið upp á svæðinu.
Hvernig er ástandið?
Það er eftirspurn eftir húsnæði, bæði
íbúðarhúsnæði og iðnaðarhúsnæði.
Hér er mikið um að vera, bæði efnis-
flutningar vegna framkvæmdanna við
fyrirhugað álver og skipaumferð sem
tengist Kárahnjúkum. Enn meiri fram-
kvæmdir eru fram undan. Það var
mikið umrót á fasteignamarkaði í
Fjarðabyggð í fyrra, búið í nánast hverri
holu og erfitt að fá húsnæði til leigu.
Hvað hefur fasteignaverð hækkað
mikið?
Leigan er um og yfir 1.000 krónur á
fermetrann sem er veruleg hækkun og
það er fyrst og fremst tilkomið vegna
Bechtel. Fyrirtækið hefur hleypt upp
verðinu og nú sjá margir Reyðfirðingar
sér hag í því að kaupa frekar en að
leigja. Fyrir tveimur árum þótti gott að
geta leigt húsið sitt og þá fengust
kannski 40 þúsund krónur í leigu fyrir
gott einbýlishús. Það hefur gjörbreyst.
Núna leigja menn hús fyrir 100-200
þúsund krónur á mánuði.
Hverjir eru að kaupa húsnæði?
Fólk sem hefur leigt og vill nú kaupa.
Líka utanaðkomandi, fólk frá Hólmavík,
Árskógssandi og höfuðborgarsvæðinu.
Það kemur víða að. Þetta eru iðnaðar-
menn, verkamenn og verslunarmenn.
ÁSMUNDUR ÁSMUNDSSON
Bechtel hleypir
upp verðinu
FASTEIGNAVERÐ Á REYÐARFIRÐI
SPURT & SVARAÐ
KOSNINGARÁRÓÐUR SKOÐAÐUR
Fyrstu lýðræðislegu kosningarnar frá
stofnun Íraks, 1932, fara fram á sunnudag.
ÞAÐ MÆLTI MÍN MÓÐIR
Calvin litli Hunter, tveggja ára, er reffilegur
með víkingahjálminn sinn. Hann tekur þátt
í Up-Helly-Aa hátíðinni sem fram fer í Leir-
vík á Hjaltlandi um þessar mundir en þar
er tengsla Hjaltlendinga við Norðurlöndin
minnst.
KVÖLDFRÉTTIR UNDIRBÚNAR
Starf fréttastjóra Útvarps hefur verið auglýst laust til umsóknar. Umsækjendur verða meðal annars að hafa góða skipulags- og samstarfshæfileika.
SIGRÍÐUR ÁRNADÓTTIR
Margir telja líklegt að hún verði næsti
fréttastjóri Útvarps.