Fréttablaðið - 29.01.2005, Page 4

KAUP
Gengisvísitala krónunnar
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
61,99 62,29
117,02 117,58
80,88 81,34
10,88 10,93
9,81 9,86
8,90 8,95
0,60 0,60
94,30 94,86
GENGI GJALDMIÐLA 28.1.2005
GENGIÐ
Heimild: Seðlabanki Íslands
SALA
111,25-0,22%
4 29. janúar 2005 LAUGARDAGUR
Þingsályktunartillaga:
Efling vegagerðar með veggjöldum
SAMGÖNGUR Gerð verður úttekt á
kostum til að auka fjárfestingar í
vegagerð með veggjöldum ef
þingsályktunartillaga Einars K.
Guðfinnssonar og Halldórs
Blöndal, þingmanna Sjálfstæðis-
flokksins, verður samþykkt.
Í greinargerð með tillögunni
segir að Íslendingar verji líklega
hlutfallslega meira fé í vegagerð
en flestar aðrar þjóðir. Sam-
kvæmt samgönguáætlun 2003 til
2014 eigi að verja tæpum 72 millj-
örðum króna til málaflokksins. Þó
sé ljóst að þörf sé á frekari upp-
byggingu og að tugi milljarða
króna vanti til að uppfylla allar
óskir.
Þingmennirnir nefna að það
tíðkist víða erlendis að nota veg-
gjald við gerð stórra og dýrra
samgöngumannvirkja. Hér hafi
slíkum kostum hins vegar lítið
verið beitt. Því þurfi að hyggja að
því hvar megi koma við frekari
veggjöldum til að stuðla að auk-
inni vegagerð í landinu. Verði til-
lagan samþykkt verður sam-
gönguráðherra falið að gera út-
tekt á möguleikum í þeim efnum.
– ghg
Skeytti ekki um
líf ungrar stúlku
Maður hefur verið dæmdur í eins og hálfs árs fangelsi fyrir að hafa ekki kom-
ið ungri stúlku í bráðri lífshættu til hjálpar. Alvarlegt brot sem ber vott um
skeytingarleysi gagnvart lífi stúlkunnar, segir í dómnum.
DÓMSMÁL Ríflega 32 ára Reykvík-
ingur hefur verið dæmdur í 18
mánaða óskilorðsbundið fangelsi
fyrir að hafa ekki komið stúlku
sem var í bráðri lífshættu vegna
fíkniefnaneyslu til hjálpar. Stúlk-
an lést mánudagskvöldið 25.
ágúst í íbúð við Lindargötu 12.
Áður en stúlkan lést höfðu
maðurinn og stúlkan bæði verið
við fíkniefnaneyslu í íbúðinni frá
því snemma að morgni mánudags
og fram eftir degi. Maðurinn bar
því við fyrir dómi að eftir klukk-
an fjögur síðdeg-
is hefði hann far-
ið í annað hús að
sækja hass. Þeg-
ar hann hefði
komið til baka
fimmtán mínút-
um síðar hefði
stúlkan verið í
krampakasti eftir
að hafa sprautað
sig með fíkniefn-
um. Maðurinn
sagðist hafa sett
hendur sínar und-
ir handarkrika
stúlkunnar og
gengið með hana
um gólf. Síðan hefði hann tvisvar
sett hana í kalda sturtu og lagt
hana í rúm inni í svefnherbergi.
Þar hefði hún skolfið í krampa og
verið með froðu í báðum munn-
vikum. Maðurinn sagðist hafa
beitt blástursaðferð og hjarta-
hnoði áður en hann hringdi í
Neyðarlínuna um klukkan 20.30.
Þegar lögreglan kom á vett-
vang lá stúlkan nakin í rúminu
með breitt upp að vanga. Lög-
reglan segir að húð stúlkunnar
hafi verið orðin gul að lit, köld
viðkomu og enginn púls fundist.
Í krufningarskýrslu kemur
fram að stúlkan hafi látist vegna
banvænnar kókaíns- og e-töflu
eitrunar. Í skýrslunni kemur
einnig fram að hugsanlegt hafi
verið að stúlkan hefði lifað eitr-
unina af, hefði henni verið strax
komið undir læknishendur. Fyrir
dómi sagðist maðurinn ekki vera
ábyrgur gerða sinna umræddan
dag því hann hefði verið í losti
vegna þess sem komið hefði fyrir
stúlkuna og undir áhrifum bæði
áfengis og fíkniefna. Í niðurstöðu
dómsins segir að framferði
mannsins þennan umrædda dag
beri vott um skeytingarleysi
hans gagnvart lífi ungrar stúlku
sem í ástandi sínu hafi verið hon-
um að öllu leyti háð um líf sitt.
„Er hér um alvarlegt brot að
ræða,“ segir í dómnum.
Frá því árið 1993 hefur maður-
inn nokkrum sinnum verið
dæmdur fyrir auðgunar- og fíkni-
efnabrot. Síðast gekkst hann
undir dómssátt vegna fíkniefna-
brots í apríl árið 2003.
trausti@frettabladid.is
CONDOLEEZZA RICE
Rice heimsækir átta Evrópulönd í næstu viku.
Bandaríkin:
Rice til
Palestínu
BANDARÍKIN, AP Fyrsta opinbera
heimsókn Condoleezza Rice sem
utanríkisráðherra Bandaríkjanna
verður til Mið-Austurlanda. Hátt-
settir menn innan ráðuneytisins
segja að vegna batnandi sam-
skipta Ísraela og Palestínumanna
vilji Rice leggja áherslu á að
koma friðarviðræðum á skrið.
Ariel Sharon, forsætisráðherra
Ísraels, hefur hrósað Mahmoud
Abbas, forseta Palestínu, fyrir að
ná að semja um vopnahlé við öfga-
menn og banna almenningi að
bera vopn. ■
,, Lögregl-
an segir að
húð
stúlkunnar
hafi verið
orðin gul
að lit, köld
viðkomu og
enginn púls
fundist.
Í HÆSTARÉTTI
Aðgangur nýbúa að lögfræðingum hér á
landi verður greiðari hér eftir.
Nýbúar:
Listi á níu
tungumálum
LÖGMENNSKA Aðgengi nýbúa á Ís-
landi að lögmönnum hefur batnað
mikið eftir að Lögmannafélag Ís-
lands þýddi lögmannalista á
heimasíðu sinni á sex ný tungu-
mál. Áður var listinn einungis á ís-
lensku, ensku og dönsku en hefur
nú verið þýddur á þýsku, frönsku,
spænsku, serbnesku, taílensku og
pólsku.
Með listanum gefst almenningi
kostur á að leita að lögmönnum
eftir ákveðnum málaflokkum sem
þeir sérhæfa sig í. Vefslóðin á
heimasíðu Lögmannafélagsins er
www.lmfi.is. ■
Höfðabakka 1 - sími 587 50 70
Stór humar
og risarækjur
opið laugardaga frá 10-14.30
Súr hvalur
Harðfiskur að vestan
og hákarl frá Bjarnarhöfn
Evrópa:
Kúariða í geit
BRETLAND Evrópskir vísindamenn
hafa staðfest að í fyrsta skiptið
hafi Creutzfeldt-Jakob sjúkdóm-
urinn (kúariða) greinst í geit. BBC
greinir frá þessu.
Þetta mun vera í fyrsta skiptið
sem veikin finnst í öðrum dýrum í
kúm. Sjúkdómurinn var greindur
í geit sem slátrað var í Frakklandi
árið 2002. Vísindamenn segja
mjög slæmt að sjúkdómurinn hafi
nú greinst í annarri dýrategund
sem maðurinn leggur sér til
munns.
Meira en hundrað manns hafa
látist af Creutzfeldt-Jakob sjúk-
dómnum. ■
Hæstiréttur:
Höggvið á
launahnút
DÓMSMÁL Hæstiréttur sneri dómi
héraðsdóms á fimmtudag og gerir
fyrirtækinu Umhverfisrannsókn-
um að greiða VSÓ ráðgjöf um 130
þúsund krónur.
Umhverfisrannsóknir unnu við
skýrslugerð um Norðlingaöldu-
veitu og kröfðust um 2,6 milljóna
í greiðslu fyrir. VSÓ ráðgjöf hafði
greitt rúma 1,5 milljón og átti
samkvæmt dómi héraðsdóms að
greiða upp skuld sína.
Í dómi Hæstaréttar segir að í
óundirrituðum samningi milli
fyrirtækjanna hafi ekki verið
samið um alla þá vinnu sem reidd
var af hendi. - gag
Samtök iðnaðarins:
Vilja stöðva
„Iceland“
VIÐSKIPTI Samtök iðnaðarins hafa
ákveðið að senda inn athugasemdir
til bresku einkaleyfastofunnar og
Evrópusambandsins vegna áforma
verslunarkeðjunnar Iceland Foods í
Bretlandi um að skrá vörumerkið
Iceland í fjölmörgum vöruflokkum
í Bretlandi og innan ESB.
Telja samtökin að áformin stang-
ist á við viðskiptahagsmuni ís-
lenskra fyrirtækja. Utanríkisráðu-
neytið hefur mótmælt umsóknun-
um og telur þær trufla markaðs-
starf íslenskra fyrirtækja og kynn-
ingarstarf á vegum ríkisstjórnar-
innar. Fleiri hagsmunasamtök
hyggjast gera athugasemdir. ■
VIÐ LINDARGÖTU
Ljóst þykir að stúlkan hafi verið í losti í
þrjá til fjóra klukkutíma áður en hringt var
í Neyðarlínuna.
VIÐ HVALFJARÐARGÖNG
Eina umferðarmannvirkið á landinu þar sem krafist er veggjalds.