Fréttablaðið - 31.03.2005, Síða 2

2 31. mars 2005 FIMMTUDAGUR
Forsætisráðherra um sveiflur krónunnar:
Evran verður til skoðunar
EFNAHAGSMÁL Halldór Ásgrímsson
forsætisráðherra segir aðstæður
einstakar í efnahagslífinu nú meðan
stóriðjuframkvæmdir standa yfir.
Þær eigi sér ekki fordæmi og ekki
séu til töfraformúlur til að leysa
þau vandamál sem upp kunni að
koma, hvort sem litið sé til almennr-
ar hagstjórnar eða þrengri þátta
eins og vinnumarkaðar. Þetta kom
fram í ræðu forsætisráðherra á árs-
fundi Seðlabankans.
Halldór gerði einnig gjaldmiðil-
inn að viðfangsefni sínu. Hann
sagði okkur gjalda þess að fjár-
magnsmarkaðurinn væri lítill. „Til-
tölulega litlar fjármagnshreyfingar
inn og út úr landinu geta skapað
miklar sveiflur í gengi okkar litlu
íslensku krónu. Ég held að þetta sé
staða sem við verðum að búa við á
meðan við höfum okkar eigin gjald-
miðil,“ sagði Halldór og bætti því
við að með þessu væri hann ekki að
segja að upptaka evru myndi leysa
öll vandamál. „En þetta er eitt
þeirra atriða sem hljóta að koma til
skoðunar þegar sveiflur gengisins
eru brotnar til mergjar.“
Halldór lagði áherslu á að um-
ræða um vandamál í hagstjórn væri
nú af öðrum toga en hefði verið fyrr
á tímum þegar glíman var við verð-
bólgu og kaupmáttarrýrnun
almennings. Hann sagðist kunna
betur við umræðu um þau vanda-
mál hagstjórnar sem nú þyrfti að
glíma við. - hh
Samkeppnisstofnun segir reglurnar settar ólíkum fyrirtækjum:
Kvartanir Og Fjarskipta hafa ekki borist
SAMKEPPNI Samkeppnisstofnun
hefur ekki fengið formlegar at-
hugasemdir frá Og Fjarskiptum
eða beiðni um endurupptöku
nýrra reglna sem hún setti fjar-
skipta- og fjölmiðlasamsteypun-
um Og Vodafone og 365 ljósvaka-
miðlum, og samsteypu Símans og
Skjás eins.
Guðmundur Sigurðsson, for-
stöðumaður samkeppnissviðs
Samkeppnisstofnunar, segir ekki
hægt að svara ásökunum Og Fjar-
skipta fyrr en formlegt erindi
berist. Ekki sé hægt að taka af-
stöðu til þess hvort breyta þurfi
reglunum fyrr en þeir sjái rök-
stuðning fyrir því. Reglurnar
endurspegli ólíka stöðu fyrirtækj-
anna:
„Landssíminn er markaðsráð-
andi fyrirtæki á fjarskiptamark-
aði en 365 ljósvakamiðlar er með
sterka stöðu á sjónvarpsmark-
aði,“ segir Guðmundur: „Það væri
í sjálfu sér fráleitt að sams konar
skilyrði væru fyrir báðum sam-
rununum út af mismunandi vægi
fyrirtækjanna.“
Og fjarskipti segja stofnunina
mismuna fyrirtækjasamsteypun-
um með ólíkum skilyrðum um
dreifingu sjónvarpsefnis. Skjár
einn geti krafist að myndlyklar
fyrirtækisins séu einungis notaðir
til að taka á móti sjónvarpsefni
þess fram til júlí 2007. Það geti
365 ljósvakamiðlar ekki frá og
með næstu áramótum. - gag
Auðun Georg
tekur starfið
Auðun Georg Ólafsson kveðst munu taka að sér starf fréttastjóra á fréttastofu
Útvarps. Hann vonast til að málið leysist farsællega. Fréttamenn ræða vinnu-
stöðvun ef hann sest í stólinn. Starfsmannasamtök RÚV funda í dag.
RÍKISÚTVARPIÐ „Ég vona að þetta
mál leysist farsællega og þá innan
húss en ekki í gegnum fjölmiðla,“
sagði Auðun Georg Ólafsson,
nýráðinn fréttastjóri Útvarps, við
Fréttablaðið í gær. Hann kvaðst að
sjálfsögðu myndu taka við frétta-
stjórastarfinu, en kvaðst ekki vilja
tjá sig frekar um málið. „Þetta er
innanhússmál,“ sagði hann, „sem
ég vil að verði leyst á þeim vett-
vangi og með þeim hætti að menn
ræði saman.“
Fréttamenn fréttastofa Útvarps
og Sjónvarps
settust á fund í
hádeginu í gær
til að ræða hugs-
anlegar aðgerðir
ef og þegar Auð-
un Georg tæki
við fréttastjórn.
Þeir ræddu með-
al annars vinnu-
stöðvun eða
hægagang við
fréttaöflun. Jafn-
vel yrði gripið til
„faglegra funda-
halda“ í vinnu-
tíma. Fréttamenn Ríkisútvarpsins
hafa tvívegis lýst yfir vantrausti á
Markús Örn Antonsson útvarps-
stjóra vegna ráðningarinnar. Al-
mennur fundur starfsmanna Ríkis-
útvarpsins hefur hvatt hann til að
draga ákvörðun sína til baka með
93 prósentum atkvæða.
„Það var ekki tekin nein ákvörð-
un um hvað menn ætla endanlega
að gera,“ sagði Arnar Páll Hauks-
son, sem ekki vildi tjá sig um um-
ræddar aðgerðir. „En einróma nið-
urstaða fundarins var sú að menn
ætla ekki að vinna með þessum
fréttastjóra.“
Aðrir fréttamenn sem blaðið
ræddi við tóku í sama streng og
Arnar Páll. G. Pétur Matthíasson
kvaðst óttast að margir myndu
hugsa sér til hreyfings frá RÚV ef
svo færi sem horfði að Auðun Ge-
org tæki við stjórnartaumunum á
fréttastofunni.
Fundur verður haldinn í starfs-
mannafélagi Ríkisútvarpsins í há-
deginu í dag. Þar verða hugmyndir
um viðbrögð starfsfólks ræddar. Á
fundinum í gær völdu fréttamenn
fjóra úr sínum hópi til að undirbúa
starfsmannafundinn í dag.
Fjórir af fimm fréttamönnum
sem Bogi Ágústsson, forstöðumað-
ur fréttasviðs, taldi hæfasta til að
gegna starfi fréttastjóra, en var
hafnað, hafa óskað eftir rökstuðn-
ingi frá Markúsi Erni Antonssyni
fyrir höfnuninni. Sá fimmti sagði
upp. jss@frettabladid.is
SKÁLMÖLD
Bíll tilræðismannanna í Mosul var í ljósum
logum eftir árásina.
Óöld í Írak:
Skotárásir
um allt land
BAGDAD, AP Á annan tug manna
týndi lífi í tilræðum víðs vegar um
Írak í gær. Mannskæðasta árásin
var gerð í Mosul þar sem fjórir upp-
reisnarmenn skutu sex vegfarendur
til bana áður en þeir féllu fyrir
byssukúlum hermanna.
Hvorki gengur né rekur í stjórn-
armyndunarviðræðum í landinu og
er ekki útlit fyrir að menn nái sam-
an í bráð. ■
Wolfowitz:
Rétti fram
sáttahönd
BRUSSEL, AP Fátt virðist geta komið
í veg fyrir að Paul Wolfowitz verði
bankastjóri Alþjóðabankans. Hann
ræddi við fjár-
mála- og þróun-
armálaráðherra
E v r ó p u s a m -
bandsríkjanna í
Brussel í gær og
þótti komast vel
frá þeim fundi.
Margir evrópsk-
ir stjórnmála-
menn höfðu
gagnrýnt skipun
hans mjög.
Þrátt fyrir
herskáa fortíð
sína lofaði
Wolfowitz virkri
samvinnu í bar-
áttunni gegn fá-
tækt. Ráðherr-
arnir voru á einu
máli um að
Wolfowitz hefði góðan skilning á
ástandi þróunarlandanna og leist
þeim vel á framhaldið. ■
SPURNING DAGSINS
Alfreð, eru stjórnmálin ekki
óttalegur sandkassaleikur?
“Fyrir barnafjölskyldur getur sand-
kassaleikur stundum verið lífsins
alvara.“
Borgaryfirvöld kynntu á dögunum hugmyndir sín-
ar um gjaldfrjálsan leikskóla. Sjálfstæðismenn
hafa fundið þeim ýmislegt til foráttu og hefur
meðal annars komið til orðaskaks á milli fjár-
málaráðherra og Alfreðs Þorsteinssonar, for-
manns borgarráðs.
■ LÖGREGLUFRÉTTIR
Danska morðið:
Tveir menn
eftirlýstir
DANMÖRK Danska lögreglan hefur
lýst eftir tveimur mönnum í
tengslum við morðið á leigubíl-
stjóranum Torben Vagn Knudsen.
Líkið af honum fannst í pörtum
um páskahelgina.
Sjónarvottar segjast hafa séð
Knudsen að morgni föstudagsins
langa í fylgd með dönskumælandi
manni af asísku bergi brotnu og
öðrum sem talinn er vera Banda-
ríkjamaður.
Þá kveðst lögreglan hafa fund-
ið íbúð þar sem ummerki um
voðaverkið voru sjáanleg. Íbúðin
er í götunni þar sem höfuð og búk-
ur Knudsen fundust á páskadag. ■
LÍTILL GJALDMIÐILL
Halldór Ásgrímsson segir sveiflur fylgja því
að við erum með eigin gjaldmiðil. Þegar
sveiflur gengis séu brotnar til mergjar
hljóti evran að vera eitt af því sem koma
hljóti til skoðunar.
VINNUSTÖÐVUN
Fréttamenn Ríkisútvarpsins sátu á fundi í gær, þegar myndin var tekin, og ræddu ýmsar
hugsanlegar aðgerðir, þar á meðal vinnustöðvunAUÐUN GEORG
ÓLAFSSON
Vonar að málið
leysist farsællega.
SAMKEPPNISSTOFNUN
Forstöðumaður samkeppnissviðs segir markmið nýrra reglna að reyna að auka sam-
keppni á fjarskipta- og fjölmiðlamörkuðum.
DÚFUKURR Í
HAUKNUM
Paul Wolfowitz komst
vel frá fundinum í
Brussel en fá dæmi
eru um að ráðherra-
ráðið kalli menn á
sinn fund með þess-
um hætti.
Halldór um evruna:
Össuri þykir
lítið til koma
EFNAHAGSMÁL Össur Skarphéðins-
son, formaður Samfylkingarinnar,
gefur lítið fyrir ummæli Halldórs
um evruna. „Þetta er svona dæmi-
gerð framsóknarmennska. Auðvit-
að hljóta Íslendingar að skoða alla
möguleika og margsinnis hefur
verið sýnt fram á að ákveðnir kostir
fylgja evrusamstarfinu.“ Hann
bendir máli sínu til stuðnings á loðn-
ar Evrópuyfirlýsingar framsóknar-
manna á flokksþingi á dögunum.
Össur aftekur að flokkarnir tveir
hafi færst nær í þessum málum.
„Það er ekkert daður á milli Fram-
sóknarflokksins og Samfylkingar-
innar.“ - shg
VINNUSLYS Á GRUNDARTANGA
Krani rakst í höfuð manns þar
sem hann var við vinnu í Grund-
artangahöfn í gær. Nokkuð
blæddi úr höfðinu en maðurinn
missti þó ekki meðvitund. Hann
var fluttur með sjúkrabíl til
Akraness.
UMFERÐARSLYS Í EYJAFIRÐI
Maður slasaðist alvarlega í bíl-
veltu á Eyjafjarðarbraut vestri
við bæinn Hólshús um kaffileytið
í gær. Maðurinn var einn í bíln-
um og var hann fluttur á Fjórð-
ungssjúkrahúsið á Akureyri og
síðan til Reykjavíkur með sjúkra-
flugi.
ÁREKSTUR Í AUSTURBORGINNI
Tveir bílar skullu harkalega sam-
an í gærkvöld við Hólsveg. Tveir
voru fluttir á slysadeild en
meiðsli þeirra voru minniháttar.
Bílana varð hins vegar að draga í
burtu.