Fréttablaðið - 31.03.2005, Qupperneq 8

1Hver er að fara í frí frá Stuðmönnum?
2Hvað heitir sonur Kofi Annan?
3Hver er forstjóri Tæknivals?
SVÖRIN ERU Á BLS. 30
VEISTU SVARIÐ?
8 31. mars 2005 FIMMTUDAGUR
SLYSAGILDRA Mikið grjóthrun hefur
verið í Hvalnes- og Þvottárskriðum
austan Hafnar í Hornafirði í vetur.
Reynir Gunnarsson, rekstrarstjóri
Vegagerðarinnar á Höfn, segir
brýnt að ráðast í framkvæmdir til
að verja veginn en grjóthrunið
hefur skapað stórhættu fyrir öku-
menn og starfsmenn Vegagerðar-
innar.
„Þetta er langversti og hættu-
legasti vegarkaflinn á hringvegin-
um og mesta mildi að ekki hefur
hlotist stórslys af. Við hreinsum
veginn reglulega og þurfum að
kalla út starfsmenn á kvöldin og á
nóttunni en oft lokast vegurinn
vegna grjóthruns. Í vor munum við
koma fyrir myndavél í Hval-
nesskriðum, til að geta fylgst með
ástandi vegarins, en ekki liggur
fyrir hvenær ráðist verður í úrbæt-
ur þar sem fjárveitingar frá Al-
þingi ráða því,“ segir Reynir.
Dæmi eru um að grjóthrun í
skriðunum hafi skemmt ökutæki
og segir Reynir að bifreið frá Vega-
gerðinni hafi orðið fyrir tjóni upp á
250 þúsund krónur.
- kk
LISTMUNIR Klyfjahesturinn, lista-
verk Sigurjóns Ólafssonar, verð-
ur fluttur niður á Hlemm þegar
breytingum á gatnakerfinu þar
lýkur. Hesturinn hefur staðið í
Sogamýrinni í 39 ár en folaldið
sem honum fylgir öllu styttra.
Eiríkur Þorláksson, forstöðu-
maður Listasafns Reykjavíkur,
segir verkið verða sett upp á
Hlemmi um miðjan júní: „Þegar
til stóð að endurskipuleggja
Hlemm vegna breytinga á al-
menningssamgöngum kom upp
sú hugmynd að flytja verkið á
þann stað sem því var upphaf-
lega ætlaður staður og af því
verður.“
Hann segir að Reykjavíkur-
borg hafi óskað eftir verkinu
árið 1958 og þá ætlað að stilla því
upp við Hlemm. Eftir breytingu
á skipulagi hafi verkið hins
vegar verið sett upp í Sogamýr-
inni, sem var síðasti áfangastað-
urinn áður en keyrt var inn í
Reykjavík.
Eiríkur segir verkið sjálft í
góðu ástandi og ánægja ríki með
að flytja það á Hlemm. „Það
hefur alltaf verið haft í huga og
vitað að verkið var upphaflega
ætlað á Hlemm. Það gat bara
ekki orðið á þeim tíma.“ - gag
Manni var bjargað úr
húsarústum í Gunung
Sitoli á Nias-eyju í gær,
36 klukkustundum eftir
að jarðskjálftinn reið
þar yfir. Vafi leikur á
fjölda látinna en færri
virðast þó hafa farist en
óttast var í fyrstu.
INDÓNESÍA, AP Mun færri virðast
hafa farist í jarðskjálftanum í
Bengalflóa á sunnudaginn en í
upphafi var óttast. Slökkviliðs-
menn björguðu í gær manni úr
húsarústum, einum og hálfum
sólarhring eftir að skjálftinn reið
yfir. Hjálpargögn eru farin að
berast en þó er erfitt um að-
drætti.
Hjálparstarf er hafið af krafti
á Nias-eyju, sem verst varð úti í
jarðskjálftanum á sunnudaginn.
Fyrstu erlendu hjálparsamtökin
komu á svæðið í gær með vistir og
lyf. Aðstæður eru erfiðar því veð-
ur hefur verið slæmt og eini flug-
völlur eyjarinnar skemmdist mik-
ið í jarðhræringunum. Sameinuðu
þjóðirnar og önnur samtök hyggj-
ast flytja birgðir sem komið var
til hamfarasvæða á Súmötru til
Nias-eyju.
Í gær björguðu franskir
slökkviliðsmenn manni á þrítugs-
aldri úr húsarústum en þar hafði
hann dúsað í hálfan annan sólar-
hring. Sjónvarpsviðgerðamaður-
inn Jansen Silalahi var með með-
vitund þegar braki var lyft ofan af
honum með bíltjakki. Hann brosti
og veifaði Frökkunum en þeir
höfðu áður verið við störf í Aceh-
héraði á Súmötru á vegum sam-
takanna Slökkviliðsmenn án
landamæra.
Háttsettur erindreki hjá Sam-
einuðu þjóðunum sagði gögn
benda til að 518 manns hefðu týnt
lífi, þar af 500 á Nias-eyju.
Indónesísk stjórnvöld telja hins
vegar að í það minnsta þúsund
manns hafi farist.
Óttast hafði verið um íbúa
Banyak-eyjar, sem er skammt frá
Nias-eyju, en engar fréttir bárust
þaðan lengi vel. Indónesískur
embættismaður sagðist hins veg-
ar hafa heimsótt eyjuna í gær og
þar hefði enginn beðið bana. Á
hinn bóginn þyrfti að koma mat-
vælum til eyjarskeggja hið fyrsta
því talsvert tjón hefði orðið í um-
brotunum.
Nokkuð hefur verið um grip-
deildir í Gunung Sitoli, höfuðstað
Nias-eyju, síðustu daga. Svo virð-
ist sem neyðin reki fólkið til slíkra
verka því matur hefur verið af
skornum skammti. Rafmagns- og
vatnsskortur hefur hamlað starf-
semi sjúkrahúsa og er óttast að
farsóttir geti breiðst út af þeim
sökum. ■
G
O
T
T
F
Ó
LK
M
cC
A
N
N
GRJÓTHRUN Í ÞVOTTÁRSKRIÐUM
Kostnaður Vegagerðarinnar vegna grjóthruns á veginn um skriðurnar er um fjórar milljónir
króna á ári.
Eftir tæp 40 ár í Sogamýrinni:
Klyfjahesturinn
fluttur á Hlemm
KLYFJAHESTURINN EFTIR
SIGURJÓN ÓLAFSSON
Reykjavíkurborg óskaði eftir verkinu 1958.
Þá átti að setja það upp á Hlemmi. Af því
varð ekki þá.
FR
ÉT
TA
B
LA
Ð
IÐ
/G
VA
Á lífi eftir hálfan annan sólarhring
ÞREKAÐUR EN GLAÐUR
Jansen Silalahi var að vonum glaður yfir að hafa losnað úr prísund sinni og lyfti hann þumlinum þegar brakið var fært ofan af honum.
Rúmenum rænt í Írak:
Stjórn í vanda
ÍRAK, AP Þremur fréttamönnum
frá Rúmeníu var rænt í Írak á
mánudaginn. Atvikið gæti dregið
pólitískan dilk á eftir sér fyrir
rúmenska forsætisráðherrann
Traian Basescu og ríkisstjórn
hans, en hún sendi nýlega liðs-
auka í raðir rúmenska herliðsins
í Írak.
Blaðamennirnir hurfu
skömmu eftir að þeir höfðu tekið
viðtal við Iyad Allawi, forsætis-
ráðherra bráðabirgðastjórnar-
innar, í Bagdad. „Hjálp, þetta er
ekki brandari, okkur hefur verið
rænt,“ skrifaði einn þeirra í
SMS-skeyti. ■
Suðurlandsvegur:
Öryggi
ábótavant
SAMGÖNGUR Öryggi farþega um
Suðurlandsveg á milli Reykja-
víkur og Selfoss verður ekki við-
unandi fyrr en stjórnvöld breyta
honum í tveir plús einn veg, þar
sem vegrið aðskilur veghelm-
inga. Þetta segir í ályktun sem
Umferðarráð hefur sent sam-
gönguráðuneytinu, vegamála-
stjóra og samgöngunefnd Al-
þingis. Samgönguráðherra hef-
ur sett málið í sérstaka skoðun,
að sögn Óla H. Þórðarsonar, for-
manns Umferðarráðs. - gag
Grjóthrun í Hvalnes- og Þvottárskriðum:
Hættulegasti kaflinn
á hringveginum