Fréttablaðið - 31.03.2005, Blaðsíða 6

6 31. mars 2005 FIMMTUDAGUR
Ný skýrsla um ástand jarðarinnar:
Móðir jörð á undir
högg að sækja
UMHVERFISMÁL Ný rannsókn sýnir
að stór hluti náttúrunnar hefur orð-
ið fyrir verulegum ágangi af völd-
um mannfólksins. Grípa þurfi strax
inn í ef ekki eigi að fara illa.
Rannsóknin er sú umfangsmesta
sem gerð hefur verið á ástandi jarð-
arinnar. 1.360 vísindamenn frá 95
löndum unnu að henni í fjögur ár og
var afraksturinn kynntur í gær.
Niðurstöður hennar eru að fólks-
fjölgun og efnahagsumsvif síðustu
áratuga hafi verið á kostnað náttúr-
unnar. Þetta getur haft þær afleið-
ingar að barátta gegn fátækt og far-
sóttum verði fyrir bí. Skýrslu-
höfundar segja að sextíu prósent
graslendis, skóga, fljóta og stöðu-
vatna hafi skaðast verulega og
verði ekkert að gert geti vatnsból,
fiskimið og skógar eyðilagst með
öllu á næstu áratugum.
Kofi Annan, aðalritari Samein-
uðu þjóðanna, sagði að skýrslan
væri áminning um hvernig við
gætum breytt um stefnu en samtök-
in hafa stutt við gerð hennar.
Á meðal úrræða sem bent er á í
rannsókninni er afnám viðskipta-
hindrana og niðurgreiðslna á land-
búnaðarvörum, aukin verndun
skóglendis og strandsvæða og enn
frekari takmarkanir á losun gróður-
húsalofttegunda. ■
Vilja vita um ferðir
Fischers úr landi
Bandaríkjamenn vilja vera látnir vita ef Bobby Fischer ferðast frá Íslandi.
Engar líkur eru á að orðið verði við því. Fischer verður heldur ekki
framseldur. Utanríkisráðherra segir að Bandaríkjamenn viti það vel.
FISCHER-MÁLIÐ Bandaríkjamenn
hafa farið fram á það að vera látnir
vita ef Bobby Fischer fer úr landi.
Þessu var komið á framfæri í gegn-
um alþjóðalögregluna Interpol,
sem sendi ríkislögreglustjóra bréf.
Auk þess var óskað eftir staðfest-
ingu á veru Fischers hér á landi og
það hefur verið gert.
Íslensk yfirvöld hafa ekki svar-
að beiðninni um að láta bandarísk
yfirvöld vita af ferðum Fischers.
Samkvæmt heimildum Fréttablaðs-
ins eru engar líkur á því að þau
muni samþykkja að verða við henni
því ekki er vaninn að fylgjast með
ferðum íslenskra ríkisborgara.
Davíð Oddsson utanríkisráð-
herra sagði í gær að beiðni Banda-
ríkjamanna væri ekki einungis
formsatriði. „Þetta er meira en það,
vegna þess að farið er fram á að
upplýst verði ef Fischer ferðast úr
landi. Þar með gætu Bandaríkja-
menn óskað eftir því að hann yrði
handtekinn í öðrum löndum. Hann
ætti þá erfitt með að komast
héðan,“ sagði Davíð.
„Fischer verður ekki framseld-
ur til Bandaríkjanna og Banda-
ríkjamönnum var gert grein fyrir
því strax í upphafi. Þeir vita það
vel,“ segir Davíð. Samkvæmt ís-
lenskum lögum er ekki heimilt að
framselja íslenska ríkisborgara til
annarra landa.
James Irvin Gadsden, sendi-
herra Bandaríkjanna á Íslandi,
sagði í gær að mál Fischers væri til
meðferðar í bandaríska dómsmála-
ráðuneytinu og hann gæti ekki tjáð
sig nánar um hvort ætlunin væri að
krefjast framsals Fischers. Gads-
den sagði aðspurður að vonbrigði
Bandaríkjamanna yfir því að Ís-
lendingar hefðu veitt Fischer ríkis-
borgararétt myndu ekki hafa áhrif
á samband ríkjanna tveggja. „Við
lítum á Ísland sem náinn banda-
mann Bandaríkjanna og það hefur
ekki breyst,“ sagði hann.
Davíð sagðist ekki telja að málið
myndi hafa áhrif á samskipti ríkj-
anna. „Við höfum alltaf gert grein
fyrir því að þetta sé gert af mann-
úðarástæðum og við erum ekki að
taka afstöðu með þeim margvíslegu
yfirlýsingum sem Fischer hefur
gefið í gegnum tíðina og okkur
þykja á marga lund ósmekklegar og
ósanngjarnar mjög.“
Talsmaður bandaríska dóms-
málaráðuneytisins sagðist í samtali
við Fréttablaðið ekki geta tjáð sig
um málefni Fischers. „Hvenær
sem um er að ræða ákæru á hend-
ur einstaklingi vegna lögbrots von-
umst við alltaf til þess að hann
verði framseldur. Hvort af því
verður fer hins vegar eftir ýmsu,
svo sem hvar hinn ákærði er niður-
kominn,“ sagði hann.
Dómsmálaráðuneytið hefur nú
beiðni Bandaríkjamanna til athug-
unar en Björn Bjarnason dóms-
málaráðherra vildi ekki tjá sig um
efnisatriði bréfsins frá Interpol.
sda@frettabladid.is
– hefur þú séð DV í dag?
Ísafjarðar-Begga
vill afplána við
hlið mannsins
síns á Litla-
Hrauni
VAR FLUTT
NAUÐUG
Í KARLA-
FANGELSI
Opinn fyrirlestur á Bifröst
Ríki og alþjóðastofnanir á borð við Sameinuðu þjóðirnar, OECD og WTO, hafa reynt
að setja niður alþjóðareglur um fjárfestingar en það hefur reynst vandasamt. Á opnum
fyrirlestri á Bifröst föstudaginn 1.apríl kl.15.00 mun Peter T. Muchlinski, gestaprófessor
lagadeildar Viðskiptaháskólans á Bifröst halda fyrirlestur á sviði alþjóðlegs viðskipta-
réttar og um vöxt fjölþjóðafyrirtækja. Rædd verða mismunandi sjónarmið sem takast
á í þessum efnum og athyglisverðir þættir umræðunnar um hnattvæðingu, svo sem
mikilvægi þess að ná jafnvægi á milli réttinda ríkja eru sem mislangt komin í þróun,
hagsmuni fjárfesta gagnvart ríkjum og virðingu fyrir réttindum einstaklinga.
Fyrirlesturinn er einkar áhugaverður fyrir sérfræðinga og stjórnendur fyrirtækja sem
starfa á alþjóðavettvangi og ekki síður þá sem leggja stund á nám og rannsóknir á
þessu sviði.
Peter T. Muchlinski er prófessor í lögum og alþjóðaviðskiptum við lagadeild háskólans
í Kent og kenndi um árabil við London School of Economics og University of London.
Sérsvið hans lýtur að alþjóðlegum og evrópskum viðskiptarétti, stöðu fjölþjóðafyrir-
tækja og rétti Alþjóðaviðskiptastofnunarinnar. Hann hefur ritað fjölda bóka og greina
á sínu sviði og verið ráðgjafi opinberra aðila varðandi beinar erlendar fjárfestingar.
Nýleg skrif hans hafa m.a. fjallað um mannréttindi og félagslega hlið alþjóðaviðskipta.
Hann er ráðgjafi ráðstefnu Sameinuðu þjóðanna um viðskipti og þróun.
Fyrirlesturinn verður haldinn á
Bifröst föstudaginn 1. apríl kl.15
Aðgangur er ókeypis og öllum opinn.
Alþjóðlegur viðskipta réttur
og vöxtur fjölþjóðafyrirtækja
Nánari upplýsingar á www.bifrost.is
Þarft þú að fara í átak eftir
páskaeggjaát?
SPURNING DAGSINS Í DAG:
Ertu búin(n) að skila skatt-
skýrslunni?
Niðurstöður gærdagsins á visir.is
67%
33%
Nei
Já
Farðu inn á fréttahluta visir.is
og segðu þína skoðun
KJÖRKASSINN
ENN MÁ BÆTA ÚR
Kofi Annan mælti fyrir skýrslunni í gegnum fjarfundabúnað þegar hún var kynnt í Tókýó í
Japan. Hann hvatti þjóðir heims til að hugsa sinn gang.
FRAMKVÆMDIR Töluverðar fram-
kvæmdir standa nú yfir á mót-
um Hringbrautar og Njarðar-
götu. Njarðargata hefur verið
lokuð fyrir umferð sunnan
Hringbrautar og verður það
áfram næstu þrjár vikur að sögn
Höskuldar Tryggvasonar hjá
Gatnamálastofu Reykjavíkur.
Verið er að reisa göngubrú
yfir Hringbraut auk þess sem
verið er að aðlaga Njarðargötu
að mótum gömlu og nýju Hring-
brautar. Þá er unnið að jarðvegs-
skiptum fyrir stöpla göngubrúar
yfir Njarðargötuna.
Höskuldur segir fram-
kvæmdir við færslu Hringbraut-
ar standa ágætlega. Tæplega ár
sé liðið frá því að þær hófust og
búast megi við að þeim ljúki í
október. Inni í verkefninu er
færsla götunnar og aðlögun
þeirra gatna sem liggja að henni.
Búast má við fleiri lokunum
við Hringbraut í sumar. Til
dæmis verði Snorragata lokuð á
móts við Landspítala vegna gerð
undirganga. Eftir 1. maí verður
Miklabraut þrengd niður í tvær
akreinar við Eskihlíð þegar ný
Hringbraut verður tengd við
austurenda götunnar. - sgi
HRINGBRAUT
Unnið er að gerð göngubrúar yfir Hringbraut.
BOBBY FISCHER OG SÆMUNDUR PÁLSSON Í VERSLUNARLEIÐANGRI Í GÆR
Davíð Oddsson segir að Bobby Fischer sé óhætt hér á landi. Hann verði ekki framseldur.
Þá er afar ólíklegt að Íslendingar verði við beiðni bandarískra yfirvalda um að láta þau vita
ef Fischer ferðist úr landi.
FR
ÉT
TA
B
LA
Ð
IÐ
/H
AR
AL
D
U
R
H
AR
AL
D
SS
O
N
Færsla Hringbrautar:
Njarðargata lokuð í þrjár vikur