Fréttablaðið - 31.03.2005, Qupperneq 46

26 31. mars 2005 FIMMTUDAGUR
Suðrænt ævintýri
VEITINGASTAÐURINN TAPASBARINN
Eydís Guðmundsdóttir, leikfim-
idrottning og kokkur á Grænum
kosti, tók ástfóstri við grænmetis-
rétti tvítug að aldri þegar hún
hætti að borða rautt kjöt. Þá fór
hún að prófa sig áfram við elda-
mennskuna og sökkti sér ofan í
bækur og blöð um matargerð. Síð-
astliðin átta ár hefur hún starfað á
Grænum kosti ásamt því að sinna
starfi einkaþjálfara. Eydís segir að
það sé lykilatriði að sér líði vel
þegar hún matbýr því hún eldi
ekki góðan mat ef hún er í vondu
skapi eða líður illa. Þessa stundina
eru indverskir grænmetisréttir í
mestu uppáhaldi hjá henni. „Það er
mikið kóríander, cumin, kardi-
mommur, negulnaglar og hvítlauk-
ur í þessum indversku grænmetis-
réttum. Til að búa til góðan rétt
þarf maður að eiga eitthvert græn-
meti eins og sætar kartöflur, gul-
rætur og blómkál. Kókósmjólk er
líka alveg nauðsynleg ásamt
kryddi. Með þetta að vopni er hægt
að galdra fram hinar mestu kræs-
ingar,“ segir Eydís. Þegar hún
byrjaði að hafa áhuga á matargerð
fór hún eftir uppskriftum en í
seinni tíð hefur hún verið meira í
því að þróa réttina áfram og prófa
eitthvað nýtt. Eydís ákvað að gefa
lesendum uppskrift af karabískum
pottrétti en hann hefur verið mjög
vinsæll á matseðlinum á Grænum
kosti í mörg ár. „Ég valdi þennan
rétt því að hann er einfaldur og
hráefnið er ekki frumstætt heldur
eitthvað sem allir eiga að þekkja.“
Þess má geta að rétturinn nægir
fyrir fjóra.
KARABÍSKUR
GRÆNMETISPOTTRÉTTUR
Olía til steikingar
1 laukur (saxaður)
1 1/2 tsk cumin-fræ
1/2 tsk turmerik
Cayenne-pipar af hnífsoddi eða eftir smekk
3 tsk af minced kóríander frá Blue
Dragon en má líka nota 3-4 matskeiðar
af ferskum kóríander.
400 gr tómatar í dós
3-400 gr kókósmjólk
1/2 grænmetisteningur úr Yggdrasil eða
Heilsuhúsinu.
20 stykki þurrkaðar apríkósur (fínt saxaðar)
1 bolli af gulrótum í bitum
1 bolli sætar kartöflur í sneiðum
1 bolli kúrbítur í sneiðum
1 bolli blómkál í bitum
1/2 dós af smjörbaunum eða kjúklinga-
baunum
1/2 rauð paprika í strimlum
salt
sakaður kóríander til skrauts, má sleppa.
Athugið að nota má hvaða græn-
meti sem er svo framarlega sem
skammtastærðin er svipuð.
Byrjið á því að steikja laukinn á
pönnu þangað til hann er orðinn
mjúkur og síðan er öllum
þurrkryddum bætt út í og steikt í
tvær mínútur til viðbótar. Næst er
tómötunum, kókósmjólkinni, græn-
metiskraftinum, kóríandernum og
apríkósunum bætt út í. Næst er
grænmetinu bætt út í eftir suðu-
tíma. Best að byrja á að setja gul-
rætur út í, síðan sætar kartöflur,
skömmu síðar er blómkálið sett,
kúrbíturinn og lokst paprikan.
Baununum er bætt út í síðast. Rétt-
urinn er látinn malla í pottinum
þangað til grænmetið er orðið soðið
en þá er ferskur kóríander klipptur
yfir. Ef sósan er ekki alveg nógu
mikil má bæta örlitlu vatni út í.
KARTÖFLUBAKSTUR
6-8 meðalstórar kartöflur
Smá cayenne-pipar
Örlítið af fersku engiferi
1/2 tsk. karrí
3 msk kóríander
1 dl af grænum baunum
Salt
Kartöflurnar eru soðnar, afhýdd-
ar og stappaðar og engiferinu er
bætt út í ásamt cayenne-piparn-
um, karríi og kóríander. Síðan er
baununum bætt út í ásamt salt-
inu. Þetta er allt hrært vel sam-
an og sett í eldfast mót með bök-
unarpappír í botninn.
Kartöflurnar eiga að vera
cirka 2 cm þykkar. Þetta er bakað
í ofni við 200 gráður í 15-20 mínút-
ur þangað til kartöflurnar eru
farnar að brúnast örlítið.
Kartöflubaksturinn er látinn
kólna áður en hann er borinn
fram.
Einnig er gott að bera cous
cous fram með karabíska pottrétt-
inum og kartöflubakstrinum. ■
Hvaða matar gætir þú síst verið
án? Ég gæti ekki lifað án grænmetis
og ávaxta.
Er einhver matur sem þér finnst
vondur? Mér finnst þorramatur alveg
ógeðslegur. Ég hef reynt að gefa
honum tækifæri en nú er ég búin að
komast að því að mér finnst hann al-
gerlega óætur.
Fyrsta minningin um mat? Þegar ég
var lítil dvöldum við fjölskyldan mikið
á Spáni. Mér er mjög minnisstætt
hvað mér fannst gott að fá melónur í
morgunmat.
Við borðuðum morgunmatinn alltaf
úti og það var mjög huggulegt. Ætli
ég hafi ekki verið þriggja eða fjögurra
ára þegar ég fór að muna eftir þessu.
Enn þann dag í dag finnst mér
melónur mjög góðar, sérstaklega
vatns- og hunangsmelónur. Besta máltíð sem þú hefur fengið?
Þær eru nokkrar. Á laugardaginn
vígði ég nýja grillið okkar og grillaði
nautalundir með miklum pipar. Með
þeim höfðum við salat með hörpu-
skel. Þetta var alveg frábær máltíð.
Leyndarmál úr eldhússkápnum? Ég
er voðalega gamaldags og finnst gott
að setja smá smjörklípu í matinn og
örlítið salt, það getur gert gæfumun-
inn. Annars er ég voðalega mikið í
því að nota bara það sem til er í
skápunum.
Hvað borðar þú þegar þú þarft að
láta þér líða betur? Mér finnst ótrú-
lega gott að elda mér eitthvert
gúmmulaði og dúlla mér í eldhúsinu
þegar ég vil láta mér líða betur. Þá
elda ég eitthvað sérlega gott eins og
humar. Ég baka líka til að láta mér
líða betur. Svo finnst mér ís með
mikilli súkkulaðisósu alltaf jafn góður
en ég fæ mér hann allt of sjaldan.
Uppáhaldsísinn minn fæst í ísbúðinni
við Hagamel.
Hvað áttu alltaf í ísskápnum? Það
eina sem er alltaf til er Coca Cola. En
það stafar líklega af því hvað ég er
lítið heima. Oftast eru líka til nokkrir
ávextir til að taka með sér í vinnuna
og eitthvert grænmeti.
Ef þú yrðir föst á eyðieyju, hvaða
rétt myndir þú taka með þér? Ég
myndi taka með mér hvítlaukskrydd
og svo myndi ég veiða humar við
strendur eyjarinnar og reyna að
grilla hann.
Hvað er það
skrítnasta
sem þú
hefur borð-
að? Ég
smakkaði einu sinni snák á Spáni.
Hann var borinn fram með tapas-
réttum og smakkaðist ekki ósvipað
og kjúklingur.
Með hvítlaukskrydd að vopni
MATGÆÐINGURINN STEINUNN CAMILLA SIGURÐARDÓTTIR SÖNGKONA Í NYLON
Hver og hvar: Tapasbarinn, Vestur-
götu 3b, 101 Reykjavík.
Hvernig er stemmningin? Það vek-
ur ávallt jafn mikla kátínu að koma á
veitingastaðinn Tapasbarinn. Staður-
inn er innréttaður í spænskum stíl
með litríkum flísum á gólfinu og
gamaldags tréinnréttingum. Það er
hægt að heimsækja staðinn við nán-
ast öll tækifæri og skiptir ekki máli
hvort tveir fara saman eða tíu. Það
er meira að segja hægt að fara einn
á Tapasbarinn ef þannig liggur á
manni. Um helgar getur oft myndast
heljarinnar djammstemmning á
Tapasbarnum þegar líður á kvöldið
og fólk er búið að innbyrða aðeins
of mikið af spænskum kokkteilum.
Þetta gerir það að verkum að fólk
vill frekar halda á næsta bar en að
fara heim til sín.
Matseðillinn: Eins og nafnið á
staðnum gefur til kynna eru aðallega
spænskir smáréttir á matseðlinum.
Þetta fyrirkomulag er sérlega sniðugt
því hver og einn getur borðað eins
og hann vill. Fyrir þá matgrönnu er
einn réttur hæfilegur og mælt er
með þremur réttum fyrir meðalfólk.
Þegar búið er að borða er auðvelt
að bæta við réttum eftir lyst. Að geta
raðað réttunum saman sjálfur gerir
máltíðina enn meira sjarmerandi og
fær fólk til að dvelja lengi á staðn-
um.
Vinsælast: Tapasréttirnir eru vinsæl-
astir á matseðlinum og þá sérstak-
lega saltfiskurinn og humarrétturinn.
Einnig eru kjúklingur, lamb og
nautakjöt á spjóti alltaf jafn vinsælt.
Réttur dagsins: Ekki er boðið upp á
sérstaka rétti dagsins en ein óvissu-
ferð Tapasbarsins stendur alltaf fyrir
sínu. Um er að ræða 9 tapasrétti
ásamt fordrykk. Óvissuferðin kostar
3.400 krónur og er óhætt að fullyrða
að enginn komi svangur út eftir að
hafa prófað hana.
Forritari landfræðilegra veflausna
Loftmyndir ehf er leiðandi fyrirtæki í öflun og
vinnslu landfræðilegra gagna hér á landi og er
í þann veginn að ljúka við að kortleggja Ísland
eftir loftmyndum. Á grundvelli þessa land-
upplýsingagrunns er að hefjast nýr kafli í sögu
fyrirtækisins.
Vegna nýrra verkefna og aukinna umsvifa leitum
við að forritara með staðgóða menntun í
almennri hugbúnaðargerð og reynslu af .Net
og Java forritun. Sjálfstæð vinnubrögð og góð
samskiptahæfni er nauðsynleg. Viðkomandi
kemur til með að byggja upp hugbúnaðardeild
fyrirtækisins en starfið felst að mestu í útfærslu
veflausna byggðum á landupplýsingagrunni
okkar.
Umsækjendur sendi starfs- og námsferils-
upplýsingar á orn@loftmyndir.is fyrir 11. apríl.
Nánari upplýsingar á www.loftmyndir.is
HANSA: Ódýrasti 5% bjórinn
Hansa Export bjórinn þýski er ódýrasti 5% bjórinn
sem fáanlegur er hérlendis, kostar 167 kr. í 500 ml
dósum og fæst í Vínbúðunum í Kringlunni og
Heiðrúnu. Hann er hefðbundinn gæðabjór, léttur
Dortmunder-bjór sem er framleiddur af DAB í Dort-
mund í Þýskalandi. Dortmunder-bjór er ljósgullinn
lagerbjór sem hefur meira fyllingu og er nokkuð
dekkri en Pilsener-bjórar, notar minna af humlum og
er þar af leiðandi mildari og minna bitur. Hansa
Dortmunder hefur frekar léttan ávaxtakeim og
freyðir í hófi. Þar sem Hansa er lagerbjór er hann
framleiddur við lágt hitastig og gerjun á sér stað á
lengri tíma í botni tankanna en ekki á yfirborði, og
fer eftir hinum frægu lögum frá 1516, Reinheitsge-
bot. ■
EYDÍS FÓR AÐ HAFA ÁHUGA Á ELDAMENNSKU EFTIR AÐ HÚN HÆTTI AÐ
BORÐA RAUTT KJÖT ÞEGAR HÚN VAR TVÍTUG.
Karabískur draumur
Eydís Guðmundsdóttir er alger listakokkur.