Fréttablaðið - 02.04.2005, Blaðsíða 16
Formlegar viðræður um
kaup KB banka á öllu
hlutafé í Singer & Fried-
lander eru hafnar. Við
tíðindin hækkuðu hluta-
bréf í báðum félögum og
bréf Singer um 15 pró-
sent. Líklegt verð er á
milli 60 og 65 milljarðar.
Verð á hlutabréfum í bæði KB
banka og breska bankanum Singer
& Friedlander hækkaði snögglega
í kauphöllum í Reykjavík og Lund-
únum í gærmorgun. Í lok dags
hafði KB banki hækkað um 2,3
prósent en Singer um 14,8 prósent.
Í kjölfarið barst tilkynning til
bresku kauphallarinnar um að við-
ræður um kaup KB banka á breska
bankanum væru komnar af stað og
lokað var fyrir viðskipti á báðum
stöðum.
Áhugi KB banka á því að eign-
ast Singer & Friedlander er ekki
nýr af nálinni. Tilkynningin í gær
markar því ekki óvænt tímamót
heldur er hún staðfesting á því að
formlegar viðræður hafi átt sér
stað. KB banki á þegar um tuttugu
prósent hlutafjár í bankanum. Til-
kynningin í gær var send út þar
sem snörp hækkun varð á hluta-
bréfaverði bankans í gærmorgun
sem bent gæti til þess að upplýs-
ingar um samningaviðræður
stjórna bankanna hefðu verið
farnar að kvisast út.
Hvorki Hreiðar Már Sigurðs-
son, forstjóri KB banka, né Tony
Shearer, forstjóri Singer & Fried-
lander, vildu tjá sig nánar við
Fréttablaðið um stöðu samninga-
viðræðnanna. „Viðræðurnar eru á
því stigi að það er ekki tímabært
að við tjáum okkur,“ segir Hreiðar
Már. „Ég get því miður ekki sagt
neitt til viðbótar því sem fram
kemur í tilkynningunni,“ segir
Shearer.
Markaðsgengi Singer & Fried-
lander í gær var um 560 milljónir
punda sem samsvarar ríflega 63
milljörðum íslenskra króna. KB
banki er talinn líklegur til þess að
vera tilbúinn að greiða í kringum
550 milljónir punda fyrir bankann.
Gengi pundsins gagnvart krónunni
kemur ekki til með að skipta máli í
ákvörðun KB banka þótt það hafi
áhrif á upphæðina í krónum talið.
Í samanburði við verð á íslensk-
um bönkum er Singer & Friedland-
er talinn ódýr. KB banki mun
einnig telja að kaup á bankanum
skapi færi til að auka mjög starf-
semi sína í Bretlandi. Singer &
Friedlander hefur beint kröftum
sínum mjög að eignastýringu og
einkabankaþjónustu en ekki lagt
áherslu á fyrirtækjaráðgjöf og
verðbréfamiðlun. Á þessum svið-
um er líklegt að KB banki sjá tæki-
færi til að styrkja bankann ef af
sameiningu verður.
Burðarás á tæplega tíu pró-
senta hlut í Singer & Friedlander
og fullyrt er að fjöldi íslenskra
fjárfesta hafi keypt bréf í félaginu
á síðustu misserum.
thkjart@frettabladid.is
Allt á floti
Klukkan 13.32 að breskum tíma barst orðsending
frá stjórn Singer & Friedlander til bresku kauphall-
arinnar um viðræður stjórna bankans og KB banka
um yfirtöku á félaginu. Það var ekki fyrr en klukkan
eitt á íslenskum tíma (tvö á breskum) sem lokað
var fyrir viðskipti með hlutabréf í KB banka í ís-
lensku kauphöllinni. Á þessum 28 mínútum áttu
sér stað viðskipti með bréf KB banka fyrir rúmar
140 milljónir króna og fór verðið úr 538 í 541.
Þetta þýðir að árvökulir fjárfestar sem sáu
fréttina í bresku kauphöllinni gátu á þess-
um tíma keypt bréf í KB banka út frá
mikilvægum fjárhagslegum upp-
lýsingum sem aðrir fjárfestar
höfðu ekki. Mikil viðskipti
höfðu átt sér stað með bréf
KB banka áður en fréttatil-
kynningin birtist í bresku
kauphöllinni. Verðið
hækkaði úr 530
krónum á hlut í byrjun dags upp í 540 um hádeg-
isbil í tæplega eins milljarða viðskiptum. Rann þá
upp fyrir mörgum að sú skrítna gengishækkun
sem hafði orðið á bréfum KB banka árla dags var
ekkert aprílgabb.
Burðarás græðir
Burðarás græðir ríkulega ef KB banki kaupir Singer
& Friedlander á því verði sem hafði myndast við
lokun markaða í gær. Bókfærður eignarhlutur
Burðaráss í breska bankanum var 5,1 milljarðs
virði um síðustu áramótin en miðað við síð-
asta lokagengi Singer & Friedlander, 322 pens
á hlut, er verðmæti hlutarins nú um sex millj-
arðar króna. Væntanlega ganga stjórnendur
Burðaráss þokkalega sáttir frá borði, fjárfest-
ingin skilaði góðum arði á skömmum tíma,
en vitað var að KB banki var allt ann-
að en kátur með það að keppi-
nauturinn skyldi elta hann
svona í fjárfestingum.
MESTA HÆKKUN
ICEX-15 3.957
KAUPHÖLL ÍSLANDS [ HLUTABRÉF ]
Fjöldi viðskipta: 368
Velta: 3.914 milljónir
+1,04%
MESTA LÆKKUN
MARKAÐSFRÉTTIR...
Líf skilaði 1.249 milljóna króna
hagnaði í fyrra en árið 2003 var
hangaður félagsins 29 milljónir
króna. LÍF seldi á árinu fjögur
dótturfyrirtæki til Atorku.
Sparisjóður Vestmannaeyja
hagnaðist um 121 milljón króna í
fyrra samanborið við 123 milljónir
árið áður.
Björn Víglundsson, Ágúst H.
Leósson og Pétur Pétursson
hafa verið ráðnir til starfa hjá
Tryggingamiðstöðinni.
Laxeldisfyrirtækið AquaChile
hefur fengið lánað 1,5 milljarða
króna lán til endurfjármögnunar
og lánar Íslandsbanki meirihluta
fjárins. AquaChile er annað
stærsta laxeldisfyrirtæki í heimi.
16 2. apríl 2005 LAUGARDAGUR
vidskipti@frettabladid.is
Peningaskápurinn…
Actavis 40,70 -0,49% ... Atorka 6,10 –
... Bakkavör 31,70 -0,31% ... Burðarás 14,35 +1,41% ... FL Group 13,80
+0,73% ... Flaga 5,35 -0,56% ... Íslandsbanki 12,60 +1,20% ... KB banki
540,00 +2,27% ... Kögun 60,30 – ... Landsbankinn 15,00 +0,33% ...
Marel 56,70 -0,70% ... Og fjarskipti 4,20 +2,69% ... Samherji 12,25 – ...
Straumur 10,40 +0,97% ... Össur 84,00 +0,60%
Samningaviðræður
um kaup á Singer
Og fjarskipti 2,69%
KB banki 2,27%
Burðarás 1,41%
Fiskeldi Eyjafjarðar -30,77%
Fiskimarkaður Ísl. -1,79%
Líftæknisjóðurinn -1,25%
HLUTABRÉF Í ÚRVALSVÍSITÖLU:
nánar á visir.is
Fæst í apótekum
Fyrir fólk með liðkvilla
vegna slitgigtar eða
yfirálags
»
FA
S
T
U
R
» PUNKTUR
Úrvalsvísitalan aldrei hærri
Nýtt met var slegið í
Kauphöllinni í gær þegar
Úrvalsvísitalan fór í
3.957 stig.
Úrvalsvísitalan náði hæstu hæð-
um í gær þegar hún endaði í 3.957
stigum. Fyrra metið var sett 8.
október 2004 þegar hún endaði í
3.947 stigum.
Mestu munaði um að hlutabréf
í KB banka og Burðarási, tveggja
stærstu hluthafanna í breska
bankanum Singer & Friedlander,
hækkuðu skarpt. Tilkynnt var um
að stjórnir Singer & Friedlander
og KB banka hefðu hafið viðræð-
ur um mögulega yfirtöku KB
banka á breska bankanum.
„Markaðurinn hefur verið á
stöðugri siglingu frá því fyrir ára-
mót þannig að þetta var spurning
um hvenær en ekki hvort að þess-
um áfanga yrði náð,“ segir Atli B.
Guðmundsson sérfræðingur í
greiningardeild Íslandsbanka.
Hækkun Úrvalsvísitölunnar
frá áramótum er nú átján prósent
en það er miklu meiri hækkun en
flestir sérfræðingar gerðu ráð
fyrir að yrði á öllu árinu. Sjö félög
í Úrvalsvísitölunni hafa hækkað
um meira en tuttugu prósent.
- eþa/- þk
FRÁ STARFSSTÖÐ VERÐBRÉFAMIÐLARA Hækkanir á hlutabréfaverði hafa verið
hraustlegar eftir áramót og mikið um að vera hjá þeim sem höndla með verðbréf..
KOMNIR AF STAÐ Í NÝJAN LEIÐANGUR Sigurður Einarsson stjórnarformaður og
Hreiðar Már Sigurðsson, forstjóri KB banka, hafa ekki setið auðum höndum við stækkun
bankans. Nú standa yfir viðræður um kaup á breska bankanum Singer & Friedlander.