Fréttablaðið - 02.04.2005, Blaðsíða 23

Smáauglýsingar
byrja í dag á bls. 6
Flokkar
Bílar & farartæki
Keypt & selt
Þjónusta
Heilsa
Skólar & námskeið
Heimilið
Tómstundir & ferðir
Húsnæði
Atvinna
Tilkynningar
Góðan dag!
Í dag er laugardagurinn 2. apríl,
92. dagur ársins 2005.
REYKJAVÍK 6.42 13.31 20.23
AKUREYRI 6.23 13.16 20.11
Heimild: Almanak Háskólans
Sólarupprás Hádegi Sólarlag
Alma Guðmundsdóttir, ein af fjór-
menningunum í stelpnabandinu
Nylon, er ansi smágerð og því afskap-
lega hrifin af smágerðum bílum. Hana
dreymir samt um að eignast stærri bíl
í framtíðinni.
„Ég á svartan Kia Picanto sem ég keypti
mér í október á síðasta ári. Þetta er nýi
smábíllinn frá Kia og voðalega sætur,“
segir Alma en það voru margir þættir sem
spiluðu inn í val hennar á bílnum. „Hann
var búinn að fá mjög gott úr alls kyns er-
lendum prófunum og könnunum og hann
var valinn smábíll ársins hér á Íslandi á síð-
asta ári. Þannig að þetta er mjög öruggur
bíll og það spilaði tvímælalaust stórt hlut-
verk í þessum kaupum mínum. Hann er líka
lítill og penn og eiginlega algjör stelpubíll
og auðvitað skipti það líka máli að hann er
voðalega flottur. Hann er sjálfskiptur
þannig að það er einnig afskaplega gott að
keyra hann.“
Ölmu þykir vissulega vænt um smábíl-
inn sinn en hún gæti samt alveg komist af
án hans ef hún ætti annan. „Ég veit alveg að
ég er ekki á flottasta bílnum í bænum og
mér er alveg sama. Ég legg ekki mikið upp
úr því að vera á flottum bíl enda er bíllinn
bara til að koma mér á milli staða.“
„Áður en ég eignaðist þennan smábíl átti
ég hvíta Nissan Micru,“ segir Alma og hlær
dátt þegar blaðamaður spyr hana út í ást
hennar á smábílum. „Já, ég er voðalega
mikið fyrir smábíla enda er ég ekki mjög
stór. En ég hef alls ekki mikið vit á bílum og
er ekki týpan sem er með alla bílahlutina á
hreinu eins og álfelgur og eitthvað í þeim
dúr.“
En á Nylon-dísin sér draumabíl? „Já, það
er svartur Lexus. Alltaf þegar ég sé þannig
bíl á götunni þá finnst mér hann gjörsam-
lega geðveikur. Það er eitthvað heillandi við
hann. En hann er örugglega fokdýr þannig
að það er ekkert á dagskránni hjá mér að
festa kaup á honum. Kannski þegar ég verð
stærri,“ segir Alma og hlær, enda Lexus
bílar engin smásmíði miðað við smábílana.
lilja@frettabladid.is
Lítil stelpa á litlum bíl
Síðan árið 2002 hefur Mercedes
Benz sýnt frumgerð stórs fjöl-
notabíls á alþjóðlegum bílasýn-
ingum. Bíllinn hefur verið kallað-
ur Grand Sports Tourer eða R-lín-
an. Nú er þessi bíll orðinn að
veruleika og verð-
ur hann smíðað-
ur í Bandaríkj-
unum. Fyrstu
fjöldaframleiddu
eintökin eru nú
til sýnis á bílasýningunni í
New York. Bíllinn er 516 senti-
metra langur og með sæti fyrir
sex manns en hann er fyrst og
fremst hugsaður sem lúxus-
ferðabíll.
Tveggja dyra Chevrolet Blazer
er sá bíll sem hefur komið við
sögu flestra dauðaslysa í umferð-
inni í Bandaríkjunum eins og
greint er frá á heimasíðu FÍB,
fib.is. Þetta kom í ljós þegar
bornar voru saman dauðaslysa-
tölur við einstakar bílategundir
og -gerðir. Fæstir deyja hins
vegar í Mercedes Benz E. Meðal
öruggustu bíla í Bandaríkjunum
eru jepplingarnir Toyota
4Runner og RAV-4.
General Motors
Corporation
hefur skipt um for-
stjóra í í Kína. Kevin E. Wale,
varaforseti General Motors í Evr-
ópu, hefur tekið við af Philip
Murtaugh. Wale sem er fimmtug-
ur og fæddur í Ástralíu hefur
komið víða við í General Motors
fyrirtækinu um allan heim. Þessi
skipting kemur í kjölfarið á minni
sölu í Kína en talsmaður fyrir-
tækisins segir fráhvarf Murtaugh
ekki koma því við.
Alma er mjög hrifin af smábílum enda smávaxin, eins og hún segir sjálf. Hún er ánægð með Kiuna sína.
Smáauglýsingar
á 995 kr.
visir.is
LIGGUR Í LOFTINU
í bílum
FASTEIGNIR HEIMILI HEILSA HÚS NÁM FERÐIR MATUR BÍLAR ATVINNA TÍSKA BRÚÐKAUP TILBOÐ o.fl.
Þú getur pantað
smáauglýsingar á
www.visir.is
KRÍLIN
Húsið okkar
er eins og hjá
forsetanum.
Hann er heldur
ekki með
nafnið sitt
hjá bjöllunni.
Citroën C4 Saloon reynsluekinn
BLS. 2
][
SMÁAUGLÝSINGASÍMINN ER 550 5000
bilar@frettabladid.is