Fréttablaðið - 02.04.2005, Blaðsíða 21

Þroski mikilvægari þekkingu
ÁHRIFAVALDUR GUÐMUNDUR RAFN GEIRDAL, HEILSUFÉLAGSFRÆÐINGUR OG SJÚKRANUDDARI
LAUGARDAGUR 2. apríl 2005 21
Sá sem hefur haft mest áhrif á mig
um ævina er Gurudev Dr. Yogi Amrit
Desai sem er stofnandi að Kripalu
Yoga Fellowship í Bandaríkjunum.
Ég hafði hætt í háskólanámi í félags-
fræði árið 1982 þar sem mér fannst
ég innbyrða þekkingu en ekki þann
þroska sem stöðugt var talað um í
hátíðaræðum. Mér fannst ég allt að
því svikinn og vildi leita leiðarinnar til
þroska gegnum hugleiðslu. Ákvað að
læra jóga og jógakennslu 1988 þegar
ég gerðist innvígður lærisveinn hjá
Gurudev., sem á sama tíma olli
straumhvörfum í lífi mínu því ég tók
æfingarnar alvarlega og fannst ég
þroskast hratt og mikið.
Ég kynntist Gurudev persónulega því
hann er ekki úr þeim hópi gúrúa sem
eru trúarleiðtogar. Kjarninn í kennslu
Gurudevs er að gera fólk meðvitað.
Mér fannst hann koma því mjög vel
til skila, því bæði ég og aðrir nem-
endur hans urðum meðvitaðri og
heilbrigðari einstaklingar. Það var eins
og þetta hefði vakið mig og ég skynj-
aði betur lífið í kringum mig, vissi
hver ég var, til hvers ég er, hvernig
aðrir eru og hver tilgangur lífsins er.
Sem sagt hrein vitundarvakning.
Námið gjörbreytti mér og mér fannst
ég ná því marki sem ég sóttist eftir.
Ég vildi frekar þroska en þekkingu, en
háskólasamfélagið hér kann ekki að
miðla leiðinni til þroska, þótt Háskóli
Íslands sé framúrskarandi í að veita
þekkingu af alþjóðlegum styrk. Eftir
að hafa fengið þessa næringu fór ég
aftur í háskólann og kláraði BA-próf í
félagsfræði 1998, meðfram því að
starfa sem skólastjóri nuddskóla. Að
því loknu lauk ég meistaranámi í
heilsufélagsfræði við Vermont-háskóla
árið 2000 og hef þar með fengið það
tvennt sem mér finnst mikilvægast í
lífinu, þroska og þekkingu.
GUÐMUNDUR RAFN GEIRDAL
GURUDEV DR. YOGI AMRID DESAI .
Sundkapparnir Jakob Jóhann
Sveinsson og Ragnheiður Ragnars-
dóttir völdu þrjá ómissandi hluti.
Jakob Jóhann
Sveinsson er
sundkappi
með meiru og
er þessa dag-
ana að undir-
búa sig fyrir
heimsmeist-
aramótið í
sumar en það
fer fram í júlí í Kanada. Jakob þjálfar
með sunddeild Ægis.
Matur. Ég get alls ekki
verið án matar og ég
er sífellt nartandi í
eitthvað. Ég verð
gífurlega pirraður
ef ég fæ ekki mat
þegar ég er svangur. Uppáhaldsmat-
urinn minn er Lasagna.
Sundlaugin. Ég get
sko ekki verið án
hennar. Ég er eins
og fiskur á þurru
landi ef ég er lengi í
burtu frá sundlaug-
inni. Ég æfi sundíþróttina tíu sinnum
í viku og hef stundað hana síðan ég
var níu ára svo sundlaugin er aldrei
langt undan.
Koddinn. Ég er
alltaf með koddann
minn þegar ég fer
til útlanda. Mér
finnst hálfóþægilegt
að sofa ekki með hann og það er
alltaf ljúft að leggja hausinn á kodd-
ann þegar ég kem heim af æfingum.
Ragnheiður
Ragnarsdóttir
sundkona út-
skrifast frá
fatahönnunar-
braut Fjöl-
brautarskólans
í Garðabæ í
vor. Það er
mikið að gera
í þeim málum hjá henni og auk þess
er hún að sjálfsögðu að synda á fullu
og að undirbúa sig fyrir smáþjóða-
leikana í lok maí.
Vatn. Ég verð
að hafa vatn
nálægt mér.
Það er mér al-
gerlega nauð-
synlegt að hafa
eitthvað til þess að hoppa ofan í
hvort sem það er sundlaug eða sjór.
Ég fótbrotnaði um jólin og komst
ekkert ofan í vatn og mér fannst það
alveg hrikalega erfitt.
Hraðskreiðar flugvélar. Ég þoli ekki
flugvélar og flugvelli. Ég er búin að
ferðast svo mikið að ég er komin
með algjöra klígju. Svo þess vegna er
gott ef vélarnar eru hraðskreiðar. Mér
þykir samt hrikalega gaman að ferð-
ast en ég vil helst vera fljót að
komast á
staðinn.
Hávaxnir strákar. Það er nauðsyn-
legt að hafa eitthvað
til þess að beina at-
hyglinni frá laug-
inni og gaman
að sjá sæta
stráka. Ég vil
helst hafa stráka
hávaxna því ég er sjálf
svo hávaxin. Þess
vegna finnst mér svo
þægilegt ef strákar eru
stærri en ég.
ÓMISSANDI
Sundlaug og
hraðskreiðar
flugvélar