Fréttablaðið - 02.04.2005, Blaðsíða 8

RÍKISÚTVARPIÐ Þingmenn stjórnar-
andstöðunnar voru ósáttir í gær-
morgun við að forsætisráðherra
hafnaði því að ræða ráðningu nýs
fréttastjóra Ríkisútvarpsins á
Alþingi í gær í fjarveru mennta-
málaráðherra.
Kolbrún Halldórsdóttir, þing-
maður Vinstri-grænna, óskaði
eftir því á Alþingi í gærmorgun
að ákall fréttamanna Ríkis-
útvarpsins til Alþingis yrði tekið
til umfjöllunar á Alþingi. Frétta-
menn hétu á alþingismenn að
standa vörð um Ríkisútvarpið.
„Hér er um mjög svo alvarlegt
ákall að ræða sem ég tel að verði
tekið til umfjöllunar á Alþingi.
Ég tek undir það að neyðar-
ástand sé að skapast í Ríkis-
útvarpinu,“ sagði Kolbrún.
„Ég tel verulega alvarlega
hluti hér á ferðum, sérstaklega í
ljósi þess sem við fengum að
heyra í fréttum Ríkisútvarpsins í
hádeginu, þar sem nýráðinn
fréttastjóri leynir þjóð og frétta-
manni því að hann hafi átt fund
með formanni útvarpsráðs í gær.
Fréttastjóri segir þjóðinni bein-
línis ósatt og er síðan afturreka
með það,“ segir Kolbrún. Hún
bætti því við að hún teldi ljóst að
ríkisstjórnin væri að beita áhrif-
um sínum á fréttastofunni.
„Það er ófremdarástand á
Ríkisútvarpinu,“ sagði Stein-
grímur J. Sigfússon, formaður
Vinstri-grænna, og kvað óhjá-
kvæmilegt að fá umræðu um
málið á Alþingi án tafar. „Við trú-
um því ekki að óreyndu að það sé
ætlunin að hafa Ríkisútvarpið
óstarfhæft og logandi stafnanna
á milli. Eins og ég segi þá liggur
það þegar fyrir að starfsemi út-
varpsins getur ekki farið fram
með eðlilegum hætti eins og í
pottinn er búið. Fréttastjórinn
kann ekki til verka, hann ratar
varla um húsið, sölumaðurinn, og
þess vegna hefur verið ákveðið
að yfirmaður fréttasviðs gegni
starfinu tímabundið,“ sagði
Steingrímur.
Margrét Frímannsdóttir
gagnrýndi að allir ráðherrar rík-
isstjórnarinnar væru fjarstaddir
þegar umræðan fór fram. „Þetta
er ákall til okkar og ósk eftir við-
brögðum, og því hljótum við að
óska eftir svörum með hvaða
hætti þingið bregst við,“ sagði
Margrét.
Tæpum sjö klukkutímum eftir
umræðuna tilkynnti Auðun
Georg að hann tæki ekki starfi
fréttastjóra. sda@frettabladid.is
1Hversu gömul var Terri Schiavo þegarhún lést?
2Hvað heitir markvörður kvennaliðsVals sem fór á kostum gegn FH í
fyrsta leik úrslitakeppninnar í handbolta?
3Hver býður sig fram gegn sitjandistjórnarmönnum í Frjálsa lífeyris-
sjóðnum?
SVÖRIN ERU Á BLS. 42
VEISTU SVARIÐ?
8 2. apríl 2005 LAUGARDAGUR
Fulltrúar menntamálanefndar um fréttastjóramálið:
Markús Örn og útvarpsráð á fund nefndarinnar
Gunnar I. Birgisson formaður,
Sjálfstæðisflokki:
Málið lýðskrum
„Við vorum með
fund í mennta-
málanefnd í dag
þar sem fram
kom ósk frá
Samfylkingunni
að ráðning hins
nýja frétta-
stjóra Ríkisút-
varpsins yrði
rædd. Mér
finnst málið
lýðskrum eitt saman. Það er
ekkert nýtt í þessu máli,“ sagði
Gunnar áður en Auðun Georg
ákvað að taka ekki starfinu. „Ég
er hins vegar ljúfur maður og
mun halda fund í nefndinni en
geri það með fyrirvara svo hægt
sé að boða fólk á fund nefndar-
innar.
Ráðning fréttastjóra Ríkisút-
varpsins er ekki á færi mennta-
málanefndar heldur á ábyrgð út-
varpsstjóra, sem ræður til út-
varpsins.
Hins vegar finnst mér að
starfsmenn og yfirmenn stofn-
unarinnar verði að setjast niður
saman og ræða málin eins og
gert er á öllum vinnustöðum þar
sem upp kemur ágreiningur.“
Mörður Árnason, Samfylkingu:
Útvarpsstjóri
víki
„Þetta mál
verður alltaf
verra og verra.
Útvarpsstjóri
og formaður út-
varpsráðs virð-
ast ætla að
keyra þetta í
gegn á fullri
hörku í staðinn
fyrir að skoða
sinn hug og beita skynseminni.
Fréttastjórinn sjálfur hagar sér
með eindæmum klaufalega,“
sagði Mörður. Skömmu síðar til-
kynnti Auðun Georg að hann
tæki ekki við starfinu.
„Við kröfðumst fundar í
menntamálanefnd eftir að ljóst
var að forsætisráðherra ætlaði
ekki að svara fyrirspurnum um
þetta mál á þinginu og verður sá
fundur haldinn strax eftir helgi.
Við munum fá meirihluta út-
varpsráðs, útvarpsstjóra og
fréttamenn Ríkisútvarpsins á
fund nefndarinnar og vonandi
gerir það eitthvert gagn. Eina
lausnin á málinu er sú að þessi
ákvörðun verði endurskoðuð
eða útvarpsstjóri víki eða hvort
tveggja.“ - sda
Hart deilt á
ráðninguna
Þingmenn stjórnarandstöðu deildu hart á
ráðningu fréttastjóra Útvarps. Kolbrún Halldórs-
dóttir sagði hann hafa sagt þjóðinni ósatt.
G
O
T
T
F
Ó
LK
M
cC
A
N
N
JÓN GUNNAR GRJETARSSON AFHENDIR HALLDÓRI BLÖNDAL ÁKALL FRÉTTAMANNA
Í ákallinu kemur fram að Auðun Georg hafi skýrt frá því á fyrsta fundi sínum með frétta-
mönnum Ríkisútvarpsins í gær að hann ætlaði að „gera vel við þá sem vildu starfa með
honum en sagðist skilja og virða ákvörðun þeirra sem vildu það ekki og hættu störfum“.
NEYÐARÁSTAND Á RÍKISÚTVARPINU
Fréttamenn Ríkisútvarpsins afhentu forseta Alþingis ákall til Alþingis í gærmorgun
þar sem heitið var á þingmenn að standa vörð um Ríkisútvarpið, áður en Auðun
Georg Ólafsson ákvað að taka ekki við starfi fréttastjóra.
Jón Gunnar Grétarsson, formaður Félags fréttamanna, sagði við það tilefni að á
fyrsta fundi Auðuns Georgs Ólafssonar með fréttamönnum hafi blasað við ófögur
mynd af þeim stjórnunarháttum sem hann vildi viðhafa. „Af þeim sökum hefur Fé-
lag fréttamanna sett saman ákall til Alþingis,“ sagði Jón Gunnar.
Í ákallinu kemur fram að Auðun Georg hafi skýrt frá því á fundinum að hann ætl-
aði að „gera vel við þá sem vildu starfa með honum en sagðist skilja og virða
ákvörðun þeirra sem vildu það ekki og hættu störfum. Jafnframt greindi hann frá
því að hann hefði haft samband við nokkra menn og beðið þá að vera til taks ef
núverandi fréttamenn legðu niður störf.“
Þá segir: „Þetta eru beinar hótanir af hálfu hins nýja fréttastjóra. Hans stefna er
augljóslega að deila og drottna. Það á greinilega að kaupa menn til samstarfs við
sig en losa sig við þá sem ekki fylgja nýjum siðum.“
Í ákallinu segir ennfremur að neyðarástand sé að skapast á Ríkisútvarpinu.
Halldór Blöndal sagðist skyldi koma ákallinu á framfæri við þingmenn en sagði að
ekki væri hægt að taka málið til umræðu á Alþingi í fjarveru menntamálaráðherra
sem er í útlöndum.
HALDIÐ Á ÞINGPALLA
Fréttamenn fjölmenntu á þingpalla og voru viðstaddir upphaf þingfundar þar sem rætt var
um stöðuna sem komin var upp á Ríkisútvarpinu í gærmorgun. Hér ganga Sigrún
Sigurðardóttir og Finnur Beck inn í þinghúsið.
NÝKOMIN TIL LANDSINS
Spurð um þær sögusagnir að Markús Örn
Antonsson útvarpsstjóri hverfi til annarra
starfa svaraði Þorgerður: „Ekki svo ég viti,“
og bætti við: „Það kemur í ljós.“
Menntamálaráðherra:
RÚV leysi
sjálft úr sínu
RÍKISÚTVARIÐ Þorgerður Katrín
Gunnarsdóttir menntamálaráð-
herra sagði áður en Auðun Georg
Ólafsson hætti við að taka við
starfi fréttastjóra hjá Ríkisút-
varpinu að hún ætlaði ekki að
skipta sér ekki að starfsmanna-
ráðningum Ríkisútvarpsins. Hún
sagði það alveg á hreinu.
„Ráðherra á ekki að vera að
skipta sér að starfsmannamálum í
hverri einustu stofnun fyrir sig.
Þá fyrst yrði allt vitlaust,“ sagði
Þorgerður. - gag
FR
ÉT
TA
B
LA
Ð
IÐ
/P
JE
TU
R