Fréttablaðið - 23.04.2005, Qupperneq 52

ROBERT PLANT skemmti rokk-
þyrstum í Laugardalshöll.
Sumarið er jú komið samkvæmt
dagatali og fyrstu tónleikar sum-
arsins 2005 voru í gær. Robert
Plant og hljómsveit hans, The
Strange Sensation, eru í tónleika-
ferð í tilefni af útkomu Mighty
Rearranger, nýjustu plötu Plants.
Eftir talsverða umhugsun ákváðu
Plant og umboðsmaður hans að
velja íslensku hljómsveitina Ske
sem upphitunarsveit. Led Zeppel-
in hélt eftirminnilega tónleika í
Laugardalshöllinni árið 1970 og
eftirvænting aðdáenda þeirra hef-
ur eflaust verið mikil.
SHADOWS fá unnendur eldri tón-
listar til að dilla sér við ljúfa tóna
5. maí í Kaplakrika.
Miðar á tónleikaferð þessarar
bresku gítarhljómsveitar hafa
rokið út undanfarið og orðið er
uppselt á öllum þeim stöðum sem
þeir spila á úti í heimi í vor. Lítið
er eftir af miðum hérlendis og fer
því hver að verða síðastur að
tryggja sér aðgöngurétt. Þetta
verður í annað sinn sem sveitin
skemmtir íslenskum tónleikagest-
um en þeir félagar héldu tónleika
á Broadway árið 1986. Miðar eru
seldir í verslunum BT, Skífunni og
á netinu.
Nördalegu ofurtöffararnir í
FRANZ FERDINAND fá stelpurn-
ar til að skríkja af ánægju þann
27. maí í Kaplakrika.
Það er ekki nema rúmur mánuður
þar til skosku listnemarnir sem
brilleruðu óvænt á síðasta ári með
frábæru pönkrokki, leggja leið
sína til landsins. Ekki hefur enn
verið ákveðið hverjir munu hita
lýðinn upp fyrir Franzarana.
Þessir skosku fyrrverandi list-
nemar, sem sneru sér að ný-
bylgjurokki og sigruðu heiminn
með fyrstu plötu sinni, munu
trylla íslenska unnendur tónlistar
þeirra í lok maí. Lítið er eftir af
miðum á tónleikana og ættu sem
flestir að tryggja sér aðgöngu því
kapparnir eru víst með betri tón-
leikasveitum.
IRON MAIDEN trylla lýðinn
7. júní í Egilshöll.
Búast má við miklu sjónarspili
þetta kvöld í Egilshöll því sveitin
mun koma með gífurlega mikið af
sviðsbúnaði fyrir tónleikana.
Þessi tónleikaferð byggist mikið á
þeirra eldri og þekktari lögum og
mega því sannir aðdáendur sveit-
arinnar búast við rosalegum tón-
leikum. Miðar á tónleika sveitar-
innar á Norðurlöndum seldust
fljótt upp og eflaust munu ein-
hverjir frændur okkar þaðan
skella sér hingað til þess að berja
goðin augum. Miðasalan er hafin
en ekki er orðið ljóst hvaða ís-
lensku rokkhundar munu sjá um
upphitun fyrir herlegheitin.
VELVET REVOLVER rokka í
Egilshöll 7. júlí.
Ofurgrúppan Velvet Revolver er
einnig á leiðinni á landið. Hljóm-
sveitina skipa Slash, Duff McKag-
an og Matt Sorum úr Guns n’
Roses, söngvarinn Scott Weiland
úr Stone Temple Pilots og David
Kushner úr Wasted Youth. Sveitin
fékk nýlega Grammy-verðlaunin
fyrir að vera besta rokkhljóm-
sveitin. Íslensku rokkhundarnir í
hinni trylltu og stórgóðu hljóm-
sveit Mínus hita upp og munu ef-
laust gefa hinum heimsfrægu
rokkurum lítið eftir. Efnið sem
flutt verður á tónleikunum er
mest Guns n’ Roses-efni en einnig
þeirra eigið auk Stone Temple
Pilots-efni.
ALICE COOPER mætir gamall og
krumpaður en alltaf jafn trylltur í
Kaplakrika 15. ágúst.
Forsala á tónleikana hefst
fimmtudaginn 7. apríl. Kallinn er
af flestum talinn brauðryðjandi í
sjokkrokki og er þekktur fyrir
frábæra sviðsframkomu. Hann er
ennþá með maskara niður á kinn-
ar og ennþá í glam-rokkbúningn-
um sínum. Áhrif Coopers má
finna hjá fjölmörgum rokksveit-
um eins og til dæmis Kiss, Mis-
fits, King Diamond, Slipknot og
Marilyn Manson. Miðasala á tón-
leikana fer fram á concert.is og í
verslunum Skífunnar og BT.
Auk allra þessara listamanna sem
munu skemmta okkur í sumar
eiga eflaust fleiri eftir að bætast í
hópinn. Sögur þess eðlis að hljóm-
sveitin Queen of the Stone Age og
Foo Fighters muni láta sjá sig eru
háværar. Einnig á Snoop Dogg að
drekka gin og djús á Klakanum í
sumar. Hæst ber þó sagan um
Duran Duran, svo hátt að þeir
staðfesta sögusagnirnar á vefsíðu
sinni þar sem tilkynnt er um tón-
leikana á Íslandi. Tónleikafárinu
linnir ekki um haustið því nú þeg-
ar hafa þau Joe Cocker, Sissel
Kirkebö og Kiri Te Kanawa boðað
komu sína og tónleikadagskrá árs-
ins því bæði fjölbreytt og
skemmtileg. Eflaust eiga svo
fleiri listamenn eftir að bætast í
hópinn því að sjálfsögðu eru fleiri
æstir í að bætast í hóp allra hinna
Íslandsvinanna.
hilda@frettabladid.is
36 23. apríl 2005 LAUGARDAGUR
ALÞJÓÐLEG
HUNDASÝNING ÍSHUNDA
Núna um helgina eru íshundar með sína árlega vorsýningu 23 og 24
Apríl í reiðhöll Gusts Kópavogi. Sýningin hefst klukkan 11:00 báða
dagana og verður langt fram eftir degi. Á þriðja tug hundategunda
verða sýndir og þá einnig hundar af nýjum tegundum sem ekki hafa
verið sýndir á Íslandi áður. Miðaverð 500 kr.
FRANZ FERDINAND Þeir eru í hópi nördalegu en þó töffaralegu hljómsveitanna og
spila frábært, melódískt pönkrokk. Þeir halda tónleika hér á landi 27. maí.
Tryllt tónleikasumar í augsýn
Töffararnir í Franz
Ferdinand, ljúfmennin í
Shadows, hinir trylltu
meðlimir Iron Maiden,
gamli maskaraaðdáand-
inn Alice Cooper og
enn fleiri munu leggja
leið sína til Íslands í
sumar. Tónleikasumarið
í fyrra var mikið lofað og
sumarið í ár ætlar ekki
að gefa neitt eftir með
fjölbreyttum og
fjölmörgum tónleikum.
IRON MAIDEN Þeir munu hrista upp í mörgum rokkáhuga-
mönnum á landinu og halda tónleika 7. júní í Egilshöll.